رواية تزوجت طفله الفصل الثامن عشر 18 - بقلم دعاء تهامي

خلي بالك من كارما بنتي وارجعي لزين ي قمر. صدقيني بيحبك ومحبنيش نص الحب ده. أنا عارفه إن قلبك كبير وهتسامحيه. قمر: 🙂 كارما بنتك في عنيا، إنما زينا. إيناس: انتي بتحبيه ي قمر؟ قمر: مش عارفه. بس يمكن بعد السنين دي كلها مقدرتش أنساه. يمكن فكرتوه حب مراهقة، بس طلعت بحبه بجد. يمكن. ويمكن. بس مقدرش أقولك متأكده إني بحبه. إيناس: بتحبيه ي قمر؟ والدليل على كده إنك لحد دلوقتي لسه منستيهوش. ارجعيله ي قمر، ارجعيله.

فجأة حالة إيناس ابتدت تسوء. قمر ندهت الدكاترة بسرعة وطلعوها بره. كانت واقفة هي وزين، وكمان كانت كارما. زين جابها عشان تشوف مامتها، كانت معاهم. كارما: بابا أنا. عايزة أشوف ماما. زين: حاضر ي حبيبتي. شوية والدكتور يطلع واحنا ندخل عندها. كارما: هو انتي اسمك إيه؟ قمر: اسمي قمر. كارما: الله، اسمك حلو أوي. قمر: انتي أحلى وعندك خدود حلوين أوي. مسكتها من خدها. كارما: تيبي خدي. انتي بتغيري مني عشان مفيش عندك خدود.

قمر: ههه، أنا عندي خدود أهو، شوفي. كارما: بت، خدودي أنا أحلى. طلع الدكتور من عند إيناس وراح عند زين. زين: خير ي دكتور. إيناس كويسة؟ الدكتور: البقاء لله وحده. دموع قمر نزلت، وزين قعد على جنب وحضن وشه بكفوف إيديه. قمر خدت كارما في حضنها ودموعها بتنزل. كارما: تعالي عشان تشوفي ماما. هتحبيها أوي. مسكت إيد قمر ودخلت عند مامتها. لقتهم مغطيين وشها. شالت من عليه الغطاء وبتهز فيها. كارما: ماما قومي شوفي حبيبتي الجديدة.

قمر بتحاول تبعدها وهي بتهز في مامتها. كارما: هي ماما مش راضية تفتح عينيها ليه؟ هي زعلانه مني؟ أنا بتبع التلام. قمر: ماما ي حبيبتي، دلوقتي راحت عند الأحسن مني ومنك. كارما: يعني إيه؟ ومين الأحسن مني ومنك؟ قمر: ربنا أحسن مننا كلنا، وكلنا هنروح عنده في يوم من الأيام. كارما: يعني أنا كده مش هشوف ماما تاني؟ قمر: ربنا يرحمها ي حبيبتي.

خلصوا كل إجراءات الدفنة. زين اتكفل بكل حاجة. دفنوها. وزين رجع البيت. كانت قمر قاعدة مع كارما في بيت زين. زين: كارما عاملة إيه دلوقتي؟ قمر: لسه نايمة. دلوقتي بكت كتير أوي. زين: بكرة تبقا كويسة. قمر: إن شاء الله. زين: اتأخرتي، تعالي أوصلك. قمر: متتعبش نفسك. أنا هروح لوحدي. خليك مع كارما. زين: الوقت اتأخر، تعالي أوصلك. والدادة هتبقا مع كارما.

مشت قمر معاه من غير أي كلام تاني. طول الطريق ساكتين، محدش بيكلم التاني، وكل واحد بيفكر في التاني. وصل قمر البيت ورجع البيت. من كتر تعب اليوم نام. صحي تاني يوم على خبط الباب وووووووو.