رواية تزوجتها غصب الفصل السابع 7 - بقلم كنزي محمد

وقفنا الحلقة اللي فاتت لما أدهم ضرب جميلة. جميلة: أنت بتضربني يا أدهم؟ أدهم: وأموتك كمان. مين يا هانم اللي كنتي بتقولي ليه تعالي بعد لما أدهم يمشي عايزه تخونيني في بيتي؟ في الوقت ده سارة جت. سارة: أنت فين يا إبراهيم؟ أنا جيت يا أهل البيت. أدهم: إبراهيم مين؟ سارة: دي ألقاب أنا وجميلة مطلعينها على بعض. أنا فوزي وهي إبراهيم. فينها بقا عشان عايزة أقولها حاجة مهمة.

أدهم اتصدم وندم ندم شديد. دخل عشان يعتذر لجميلة لقي جميلة بتلم هدومها. أدهم: أنتِ بتلمي الهدوم ليه؟ جميلة: أنا رايحة بيت أهلي وورقة طلاقي توصل ليا هناك. أدهم: جميلة أنا آسف مش عارف عملت كده إزاي. جميلة: ضحكت ضحكة سخرية وقالت: آسف أعمل بيها إيه دي؟ آسف هرد ليا كرامتي اللي أنت هنتها ولا عدم ثقتك فيا ولا إنك ضربتني ضرب عمر ما في حد يتحمله. أدهم: الدموع

اتملت في عينيه وقال: سامحيني يا جميلة عشان خاطر زين مش عشان خاطري. زين هيبقى يتيم لثاني مرة وهو لسه عنده شهر. فكري يا جميلة. جميلة: عيطت جامد وقالت: زين يقدر ييجي وقت لما يحب. أنا هستقبله كويس يا ابن عمي. وأغمي عليها. أدهم: أول لما شاف جميلة أغمي عليها قال: جميلة اصحي. اصحي يا حبيبتي. اصحي يا جميلة عشان خاطري. في حاجات كتير عايز أقولها ليكي. أدهم نادي على سارة. أدهم: سارة رني على الدكتورة بسرعة.

سارة: جميلة اصحي يا حبيبتي. أدهم: اخلصي يا سارة رني على الدكتورة. بعد عشر دقايق الدكتورة وصلت. كشفت على جميلة. أدهم: مالها جميلة يا دكتورة؟ هي كويسة صح؟ الدكتورة: اهدي يا أستاذ أدهم. المدام جميلة عندها انهيار عصبي وأنا اديتها حقنة مهدئ وهتبقى أحسن إن شاء الله. أدهم: إن شاء الله. ودخل لجميلة جوا.

أدهم: اصحي يا روحي. اصحي يا جميلة. قلبي أنا بعشقك يا جميلة. أنا اللي كنت ببعت ليكي الرسايل. أيوه أنا يا جميلة. أنا اللي كنت ببعت ليكي ورد على الفلة عشان عارف إنك بتحبي الورد. وأنا اللي كنت ببعت جوابات. عارفة ليه؟ عشان بحبك يا عمري. بحبك يا جميلة قلبي. نروح عند عاصم (اللي هو المجهول) عاصم: عايزك تراقب ليا سهى وتعرف كل التحركات بتاعتها. ولو مش نفذت اللي قولتلك عليه هقتلك. الراجل: حاضر يا عاصم بيه. عاصم: امشي.

مع السلامة. الراجل مشي وعاصم رن على رقم. عاصم: عاملة إيه يا روحي؟ البنت: كويسة يا حبيبي. أنت فين؟ عاصم: في الشغل يا حياتي. البنت: هتتأخر يا حبيبي؟ عاصم: لا يا حبيبتي أنا هطلع دلوقتي من الشركة. البنت: مستنياك يا روحي. مع السلامة. عاصم: مع السلامة يا روحي. نتعرف على عاصم والبنت.

عاصم: راجل في 33 من عمره. ابن خالة أدهم وصاحب عمرو. عينه بني غامق. بشرته برونزية. طويل. عنده عضلات. عنده شركات للحديد ويعتبر أصغر رجل أعمال في الشرق الأوسط. متجوز من عشق وعنده بنت اسمها حياة. البنت: عشق المنشاوي. زوجة عاصم. بنت جميلة جدا شعرها بني طويل. وعينها عسلي. قصيرة بعكس عاصم. جسمها نحيل. عندها بنت اسمها حياة وحامل في الشهر التاني. نرجع تاني عند أبطالنا. جميلة صحيت ولاقت أدهم نايم وهو ماسك إيديها.

جميلة: ليه شكيت فيا؟ ليه خليتني معنديش كرامة؟ وأنا بحبك والله. أدهم: وأنا بعشقك. أنا عديت مراحل الحب من زمان يا جميلة. أرجوكي سامحيني وخلينا نبدأ من جديد. جميلة: بتحبني أنا؟ أدهم: توتو أنا بعشقك. مش بحبك. جميلة: موافقة أديك فرصة بس بشرط. أدهم: اشرطي وأنا أنفذ. جميلة: ................... أدهم: إيه؟

نروح عند عاصم. رجع البيت لقي الجو ضلمة. قعد ينادي على عشق مش حد بيرد. دخل الأوضة لقي عشق مزينة الأوضة بورود بيضاء وبالونات بيضاء وزينة مكتوب عليها أهلاً بابا. عاصم: أنتي حامل؟ عشق: اممممممم. عاصم: راح حاضنها وقال: ربنا يديمك ليا يا روح قلبي. عشق: ويديمك ليا يا روحي. عشق: عاصم. عاصم: إيه يا روح وعقل عاصم. عشق: ممكن ترقصي معايا على الأغنية دي؟ عاصم: وماله يا روح قلبي.