رواية تزوجتك لأجل أبنتي ولكن أحببتك الفصل السادس والعشرون 26 - بقلم بسنت أشرف

ورجعتلكم ي حلوين عشان نروح عند نصار. في أوضة نصار قاعد مهموم وحزين 😔 وبيفكر في اللي عمله، ما هو خرب الدنيا. إزاي قدر يعمل كده في بناته؟ ده حتى مشافش العيل اللي في بطنها، ومكنش يعرف إذا كان ولد أو بنت. اتخلى عن مسؤوليته بسبب كلام فاضي زمان. زمان كان فيه حد كل شوية يقولوا إن مراته بتخونه، ما هما في الأول كانت حياتهم حلوة جداً. بس المشكلة في اللي حصل إنهم أثبتوا له إنها بتخونه. بس هي مكنتش بتخونه، بس هو للأسف صدق.

(مكنش فيه ثقة والعلاقة أهم حاجة تكون مبنية على الثقة) . ف أكبر غلطة بينهم عدم الثقة. لكن هو في الأول كان متجوز رجاء عشان كان بيحبها. Flash back ~~~~~~~ *********** 23 years ago في يوم من الأيام، جه تليفون لنصار وهو في الشغل. نصار: الو مين معايا؟ المتصل: فاعل خير حبيت أقولك إن مراتك بتخونك مش أكتر. نصار: أنت مين يا و*خ؟ وإيه الكلام اللي بتقوله ده؟ المتصل: جرى إيه بس؟

هدي أعصابك، أنا بس بحب الخير. لو مش مصدق روح على عنوان ********. نصار: ماشي يا حيوا*نانا، هروح العنوان عشان أثبت لك إنها مش بتخوني. وفعلاً راح نصار المكان واتصدم لما لقى رجاء بجد قاعدة مع واحد أكبر منها بشوية، بس كان شاب وسيم وكان حاطط إيديه على إيديها. طبعاً هو قرب منهم. نصار: آخرة كل ده بتخونيني يا فاج*ه؟ رجاء: نصار اسمعني لو سمحت. نصار: أسمع إيه أكتر من اللي شوفته؟ قومي معايا يلا. الشب: إيه؟

هدي أعصابك عليها شوية، مالك؟ آه أنا وهي بنحب بعض، بس حضرتك دخلت بينا وخربت علاقتنا وبهدلت كل حاجة. أنت لاكر إن هي بتحبك؟ لا تبقى غبي ومليون عبي كمان، هي بتحبني أنا. رجاء: لا والله يا نصار ده بيكدب عليك، والله العظيم بحبك أنت صدقني يا نصار، أنت جوزي وحبيبي وأبو عيالي، ماتصدقوش. رجاء وقتها كانت بتترجاه إنه يصدقها، لكن للأسف هو مصدقهاش وصدق سيف (من خلال الموضوع ده نفهم إن اللي عمل كده هو سيف ودي خطته) and flash back

فاق نصار من ذكرياته على دمعة فرت من عيونه. مسحها بسرعة: أيوه هي أكيد خانتني، أنا متأكد. آه أنا شوفتها بعنيه. ******** نروح عند رجاء نلاقيها بتفتكر نفس الذكرى. Flash back رجاء كان دايماً سيف بيهددها إنه هيقول لجوزها إنهم كانوا بيحبوا بعض. وفي اليوم ده اتصل عليها سيف على أساس إنه هيعتذر منها، وهي صدقته لأن هو أقنعها إنه مسافر. ف هي وافقت وراحتله، ومكنتش تعرف إن نواياه وس*ة من ناحيتها. هو ليه عمل كده وقتها؟

وكان السبب في إن بناتها يتربوا بعاد عن أبوهم ليه؟ رجاء: ليه يا نصار؟ ليه موثقتش فيا وقتها؟ مكنش ده يبقى حالنا. ليه كده؟ حرام عليك. (نسيب طنط رجاء في ذكرياتها ونروح نشوف حد تاني) *********** عند ياامن ورنا. ياامن: يا رنا اعدي بقى، عايزة إيه؟ تعبنيني. رنا: أنت أصلاً مبقتش طايقني، أنا عارفة. ياامن: يا رنا يا حبيبتي كفاية نكد بقى، مبقتيش تعملي حاجة غير تنكدي عليا ليه؟ رنا: أنا؟ ده أنا حتى طيبة.

(شوفي البنت بتمثل البراءة، بس على مين؟ إحنا كلنا عارفينها) ياامن: أنت هتقوليلي؟ رنا: قوم هاتلي نوتيلا يلا. ياامن: أنا لسه جايب. رنا: أكلتها يا ياامن، مستخسر فيا؟ اخص عليك. ياامن: ليه يا حبيبتي؟ هتبقى ديناصور؟ رنا: بس أنا مش باكل لوحدي، أنا باكل أنا وابنك. لولا هو أنا مكنتش هاكل أصلاً. ياامن: ليه بس يا حبيبتي؟ أنا رايح أجيب لك نوتيلا، عايزة حاجة تاني؟ رنا: يا ريت تجيبلي شيبس بليز. ياامن: تمام من عيوني.

رنا: يسلموا عيونك يا قلبي. (مش عارفة ياامن جايب كمية البرود دي كلها منين، بس إزاي قادر يستحمل رنا؟ أنا لو منه أقتلها وارتاح) *********** في بيت سامي أبو أسر ورينااد. نجاة: يا سامي أنت لغاية دلوقتي زعلان مني؟ سامي: لا يا نوجا، مش زعلان. إيه بس اللي هيزعل؟ قاطعتهم ريناد. رينااد: أنا عايزة أعرف الحقيقة. سامي: حقيقة إيه؟ رينااد بجمود: إزاي أسر مش ابنك ويبقى ابن ماما الغير شرعي؟ نجاة بشهقة: يلاااهوي!

أنت مين قالك الكلام ده؟ رينااد: سمعته من حضراتكم. سامي: اقفلي على الموضوع ده يا ريناد وقومي روحي أوضتك يلا. رينااد: لا ماهو أنا لازم أعرف، لاما أقسم بالله هروح أقول لأسر كل حاجة وهتضطروا تحكوله كل حاجة برضه. سامي: أنت بتهدديني يابنت؟ اسمعي الكلام وغوري من وشي يلا. رينااد: لا يا بابا، أنا لازم أعرف يعني أعرف، وأنتم هتحكولي. سامي: اعقلي يا ريناد واقعدي. رينااد: ما أنا في كامل قواي العقلية أهو، شايفني مجنونة؟

نجاة: بعد الشر عليكي يا قلب أمك. رينااد: يبقى هتحكولي. نجاة بجمود: تمام، مش أنت حابة تعرفي؟ يبقى تسمعي بقى. رينااد: قولي. سامي: نجا... نجاة: اللي حصل ****