رواية تزوجتك لأجل أبنتي ولكن أحببتك الفصل الثالث والعشرون 23 - بقلم بسنت أشرف

عند ريم دخلت هي وعربية ف بعض بس محدش اتأذى غير العربيات. عربية ريم اتكسرت جامد من قدام، والإزاز بتاعها اتكسر وعوّر ريم في إيدها وراسها. ولين اتعورت في جبهتها ورجلها ودراعها. أما العربية التانية محصلهاش حاجة. نزل الشخص اللي كان في العربية هو ومراته. وريم نزلت بسرعة تشوف لين. ريم: لين حبيبتي انت كويسة؟ واتلافتها من العربية وشالتها في حضنها ولين بتبكي طبعًا. ريم بدموع: بس ي قلبي متبكيش. خلاااااص.

لين ببكاء: بتوجع أوي ي ماما بس. ريم ببكاء هي الأخرى: معلش ي حبيبة قلب ماما متبكيش بس. لين: مش هبكي وأنت كمان مش هتبكي. ريم: ماشي ي قلبي. الشخص: آسف جدًا يا مدام. أنتوا كويسين؟ ريم: هاستفيد إيه من أسفك ده لما بنتي يجرالها حاجة؟ الشخص: معلش يا مدام مجراش حاجة. طبعًا كانوا على طريق عام وكان فيه شرطة وناس. والشرطة خدتهم على القسم عشان يعملوا محضر. الظابط: إيه اللي حصل بالظبط؟

ريم: كنت ماشية بالعربية فطلعت عربيتوا في وشي مرة واحدة. فدخلت فينا وأنا مقدرتش أتحكم في السواقة. والنتيجة زي ما أنت شايف كده. الضابط: هاتوا بطايقكم كده. طلعت ريم بطاقتها، وهكذا ريم التانية. الضابط: ما هو يبقى أبوكي يا مدام. حابة تقدمي فيه محضر ولا أنتوا بتستعبطوا إنكم متعرفوش بعض؟ ريم بصدمة: أبوياااا؟ أنت بتقول إيه. الضابط: مش أنتِ اسمك ريم نصار عامر شافع؟ ريم: أيوه. الضابط: وحضرتك نصار عامر شافع؟ نصار: أيوه.

الضابط: يبقى أبوها لا؟ هو أنتوا مفكريني غبي ولا إيه؟ ريم بدموع وهي بتبص على نصار: لااا ده مش بابي. أنا بابي مات. الراجل ده معرفهوش. وأنا متنازلة عن المحضر. وقامت جريت لبره هي ولين. الضابط: إيه ده استني ي مدام خدي بطاقتك. نصار: هات أنا هديها له. الضابط: اتفضل. نصار: يلا ي نريمان. نريمان: يلااااا. وطلع نصار ونريمان يجروا عشان يلحقوا ريم.

وريم كانت بتجري وهي شايلة لين وبتفكر إنها قد إيه غبية. كانت مفكرة إن أبوها أكيد حاصله معاه حاجة وحشة عشان كده سابهم ومشي، لإن مفيش أب بيسيب ولاده. بس اللي باين العكس، إنه حتى مشي من غير ما يشوف ريم. بس باين عليه عايش حياة سعيدة مع مراته، ما هي أكيد اللي كانت معاه دي مراته. قطعت أفكارها زمير العربية اللي جاية عليها. راحت عدت وقعدت على المقعد وهي بتعيط، بس حاولت تهدي نفسها وطلعت فونها ورنت على أسر. أسر: إزيك ي قلبي؟

اتأخرتوا ليه؟ ريم بعياط: أسر تعالِ بسرعة والنبي أنا محتاجالك جدًا. أسر بخضة: مالك ي ريم؟ أنتِ فين وبتعيطي ليه؟ ريم: أنا عند مكان *** تعالِ بسرعة متتأخرش. أسر: مسافة السكة. وقفل وقام بسرعة أخد مفاتيحه ونزل يجري عشان يلحق ريم ويرحلها. أما عند نصار، فكان بيدور عليها لغاية ما لقاها وراح لها. عند ريناد وسيف راحوا الملاهي واتبسطوا جدًا. وبعد كده سيف خدها وراحوا اتغدوا في مطعم كلاس، وبعد كده راحوا يتمشوا شوية على النيل.

ريناد: سيف عايزة آيس كريم بلييييييييييز. سيف: براحة يا ابنتي شوية. ريناد: لاااااا ما أنت كنت هترفض. سيف: مين قالك إني مش هوافق؟ ريناد: أصل أنت بخيل عشان كده هترفض، أنا عارفة. سيف: والله أنا بخيل؟ أومال مين عمال يسرف من بدري ووداك الملاهي وخدك مطعم Luxury؟ ريناد: أنت طبعًا. بس برضه أنا حاسة إنك بخيل ومش راضي تجيبلي آيس كريم. سيف: لا والله كنت هجبلك آيس كريم بس أنتِ اللي بتغلطي فيا. ريناد: متزعلش.

سيف: خلاص ي ستي ماشي. ممكن أسألك سؤال؟ ريناد: اتفضل. سيف: بتحبي مراد؟ ريناد: كنت في الأول بحس تجاهه بمشاعر، لكن مش حب. سيف: أومال؟ ريناد: مشاعر إعجاب مش أكتر. اللي هو أمر مفروض إننا هنتجوز، فكنت بحاول أتاقلم مع الوضع. سيف: تمام. يلا عشان أجيبلك آيس كريم. ريناد: يلا.