رواية تزوجتك لأجل أبنتي ولكن أحببتك الفصل الثلاثون 30 - بقلم بسنت أشرف

نروح عند رنا وياامن. بعد ما الإسعاف وصلت، شالها يامن بسرعة وجرى بيها ع عربية الإسعاف. هي كانت بتنزف من راسها ومن تحت، ويامن كان خايف عليها جداً. في عربية الإسعاف: ياامن: رنااا ي حبيبتي ارجووكي فووقي متسبنيش. وفضل يامن الطريق كله وهو يدعي إنها تبقى بخير. وأخيراً، بعد وقت عدى على يامن كأنه دهر كامل، وصلوا المستشفى ونقلوها على طول على أوضة العمليات.

وياامن قاعد برة على أعصابه عمال يدعيلها وحالته صعبة جداً. يعني خايف عليها جداً ومش عارف يعمل إيه. هو مش فارق معاه اللي في بطنها، أهم حاجة هي تكون بخير يا رب. الدكتور اتأخر جامد جوة. يا ترى إيه اللي بيحصل؟ يا رب اشفها يا رب تقوم لي بالسلاااامة. مش بيفكر غير في حبيبته ومراته وعشقه. بعد فترة مش كتيرة، بس عدت على يامن كأنها سنة. خرج الدكتور من أوضة العمليات. ياامن جررى عليه بسرعة.

ياامن: أبووس إيدك ي دكتور طمني عليها، عاملة إيه دلوقتي. الدكتور أشفق على حالته. الدكتور: هتبقى تمااام ي ابني متخافش. بس بصراحة نزفت كتير ومقدرناش ننقذ البيبي وهنضطر إننا نشيل الرحم. بس محتاجين إقرار منك عشان النزيف اللي عندها مش قادرين نوقفه ومحتاجين لمتبرع يتبرعلها بالدم يكون نفس زمرت دمها. بس هنا ملقناش، فالأحسن نشوف حد من عيلتها في أقرب وقت يتبرعلها بس ما يكونش مريض أو بياخد أي برشام.

الكلام نزل زي الصاعقة على يامن. معقول هيفقد ابنوه اللي لسه مجاش؟ وكمان هتشيل الرحم يعني مفيش أمل إنهم يجيبوا أطفال تاني؟ بس ده كله مش مهم، أهم حاجة هي تكون بخير. دي أهم من أي حاجة. ياامن: ماشي ي دكتور هات أي ورق أو أي إقرارات أنا همضي عليها بس أهم حاجة هي تكون بخير. الدكتور: ماشي ي ابني.

ومشى الدكتور. وياامن اتصل على ناس يعرفها من مستشفيات تانية وجمع الدم وجابوا. والدكتور أخد الدم وكملوا العملية. وبعد فترة من الزمن نقلوها أوضة عادية بس نايمة من أثر البنج. وياامن دخل عندها وقعد معاها و.... يا ترى رنا لما تفوق وتعرف إيه هيكون رد فعلها؟ ويا ترى هي ويامن هيرجعوا يكونوا مع بعض ولا يفترقوا؟ ولا للقدر رأي آخر؟ *********************** في بيت سامي السيوفي.

سيف: بعد إذنك ي عمي هاخد ريناد عشان تختار معايا الأوض. طبعاً ده بعد إذن حضرتك. سامي: بس حامد قال إن الشقة مفروشة. سيف: لا ي عمي أنا محبيتش أختار الأوض لوحدي فم جبتهمش. قولت نجيبهم أنا وشريكة حياتي. سامي: فيك الخير والله ي ابني. نجاة: اتفضل ي ابني اشرب القهوة لغاية ما ريناد تلبس. سيف: شكراً ي مرات عمي ربنا يخليكي. وبعد شوية خرجت ريناد وهي لابسة دريس جينز مفتوح من النص وتحته بنطلون أحمر وحجاب أحمر وكوتش أبيض.

وأخدها سيف وخرجوا. في عربية سيف: سيف: إيه الجمال ده كله ي مزة. ريناد بصدمة: في حد يقول لمراته ي مزة. ده أنت بقيت منحرف أوي ي سيف. سيف: ما هو عشان انتي مراتي أقولك مزة براحتي بقى. ولا انتي عايزاني أروح أقول لواحدة من اللي في الشارع؟ ريناد بعصبية وغيظ في آن واحد: آه ي قليل الأدب ي منحرف. بتخوني من قبل ما نتجوز. سيف: هو في حد يبقى معاه القمر كله ويبص للنجوم؟ ريناد: يعني مش بتخوني؟ سيف: هو أنا أقدر ي قمري انت.

ووصلوا مكان بيبيعوا فيه الأثاث. واختاروا مع بعض أوضة نوم جميلة جداً مكونة من سرير وأريكة قدام السرير و 2 كومود ودولاب كبير وتسريحة. وجابوا أوضة أطفال أولاد. مكونة من سريرين أطفال وتسريحة وأريكتين صغيرين ودولاب. ألوان وأشكال تليق بالولاد. وحابوا أوضة أطفال بنات نفس نظام أوضة الأولاد اختلاف الأشكال والألوان. وجابوا قعدة عربي باللون البني مدموج مع اللون التركواز. واختاروا كل حاجة مع بعض على مستوى عالي ودقة.

وبعد ما خلصوا، سيف جاب عربية وحمل عليها الحاجات وناس عمالة توصلها وتطلعها. وأبوه موجود هناك. سيف أخد ريناد وراحوا مطعم عشان ياكلوا. سيف: يااه ي ريري من وقت ما شوفتك وأنا بقيت بصرف كتير. ريناد: ما هو أنت مينفعش تفضل بخيل طول الوقت. سيف: إيه ده بجد أنا بخيل؟ ريناد: فوق ما تتصور كمان. سيف: تشكرات تشكرات. والأكل جه وأكلوا. وبعدين سيف أخدها وروحها البيت.

قبل ما تنزل من العربية، سيف قرب منها ومسك إيدها ولبسها دبلة جميلة أوي محفور عليها اسم سيف. ولبسها كمان توينز وخاتم وباس على إيدها. ريناد: إيه ده كله بس؟ سيف: ي ريري أنا لو أقدر أجيبلك أكتر من كده كنت جبت. انتي تستاهلي كل حاجة حلوة. ريناد: لا والله مكنش في داعي تجيبهم. سيف: محدش أحسن منك ي قمري. لازم تكوني لابسة دبلتك اللي شايلة اسمي عشان الكل يعرف إنك بتاعتي. ريناد قربت منه وباسته على خده.

ريناد: أنت بجد شخص كويس أوي ي سيف. أنا اكتشفت إنك الشخص اللي كنت بتتمناه وبحلم بيه يكون جوزي وقرة عيني. سيف: تسلميلي ي قمري. آه صحيح نسيت دي. وطلع سلسلة عليها حرف الـ R&S. ولبسها لها. ريناد: بجد حلوة أوي ي سيف. دي أكيد غالية أوي. سيف: مفيش حاجة تغلى عليكي ي قمري. ربنا يخليكي ليا. ريناد: ويديمك في حياتي. توقعاتكم. يا ترى ريناد وسيف هيتجوزوا ويعيشوا حياة سعيدة؟ ولا للقدر رأي آخر؟ ******************

عند أسر وريم كانوا في عيادة منتظرين دورهم في الكشف. وكانت معاهم لين. لين بخوف: والله ي ماما أنا كويسة مش تعبانة. بليز يلا نمشي أنا مش عايزة آخد حقن. ريم: متخفيش ي قلبي مش انتي اللي هتكشفي أنا اللي هكشف. لين: هتكشفي وتاخدي حقنة؟ أسر: لا ي لينو مش شرط تاخدي حقن. عادي هتكشف بس مش هتاخد. لين: بجد ي بابي؟ أسر: بجد ي قلبي بابي. الممرضة: ريم نصار اتفضلي ي فندم. ريم: تمام شكراً. وقامت دخلت هي وأسر.

الدكتورة: إيه اللي عندك ي حبيبتي؟ ريم بتوتر: هو بصراحة أنا قربت أكمل سنة متجوزة ومحملتش. الدكتورة: متتوتريش ي حبيبتي إن شاء الله كل حاجة هتكون بخير. وكشفت لها الدكتورة. وبعد الكشف: الدكتورة: معندكيش أي حاجة. عادي تأخير عادي. ممكن بس تعملوا التحاليل دي انت وجوزك وهتطلع معاكم خلال نص ساعة في المستوصف اللي جنبنا. ريم: تمام شكراً ي دكتورة. بس جوزي معندوش أي حاجة لأنه مخلف قبل كده.

الدكتورة: معلش اعملوا التحاليل دي وهنشوف. ريم: بس ي... قاطعها أسر: خلاص ي ريمو مفيهاش حاجة. نعمل التحاليل ونشوف. ريم: تمام ي أسر يلا. وبالفعل أخدها وراحوا المستشفى وأخدوا منهم عينات الدم. وبعد أكتر من ساعة طلعت النتائج. وأخدوها وراحوا للدكتورة وانتظروا لما طلعت الحالة من أوضة الكشف ودخلوا تاني للدكتورة. الدكتورة بعد ما أخدت التحاليل وشافت النتائج: الدكتورة بصدمة: إزاي الأستاذ مش بيخلف؟

ريم بصدمة: انتي بتقولي إيه ي دكتورة؟ الدكتورة: على حسب النتيجة نسبة الخلفة عنده تكاد منعدمة. متأكدة إنه مينفعش يخلف للأسف. طبعاً الكلام نزل زي الصاعقة على الكل. إزاي معقول لين مش بنته؟ معقول مريم (أم لين) كانت بتخونه؟