تحميل رواية «تزوجتني رغما عني فأحببتك» PDF
بقلم فاطمة سيد
جارٍ تجهيز التحميل... برجاء الانتظار
سيظهر زر التحميل خلال 10 ثانية
جارٍ توليد الملف...
التحويل يتم بالكامل داخل متصفحك — لا يُرفع أي شيء للسيرفر.
اختر مجموعة الفصول للتحميل (كل ملف حتى 10 فصول)
عن الرواية
في بيت بسيط جداً في محافظة الإسكندرية، تعيش بطلتنا حياء، ذات 23 سنة. توفيت والدتها إثر حادث مؤلم، وعاشت مع والدها وزوجته تدعى صفاء. "صفاء": كل دا ولسه مخلصتيش تنضيف البيت؟ "حياء": والله تعبانة ومش قادرة أنضف كل دا. "صفاء": مليش فيه يا حبيبتي، وبعدين إنتي زي الفل أهو، بلا دلع بنات بقى. أنا هروح مشوار، أرجع ألاقي البيت نضيف، لأما والله مش هيحصلك. طيب، إنتي فاهمة يا بت، يلا سلام. ظلت تبكي حياء على حالها الأليم، لأن زوجة والدها تكرهها بشدة. لم تحس حياء في يوم من الأيام بحنان الأم الذي افتقدته، ولكن...
رواية تزوجتني رغما عني فأحببتك الفصل الأول 1 - بقلم فاطمة سيد
في بيت بسيط جداً في محافظة الإسكندرية، تعيش بطلتنا حياء، ذات 23 سنة. توفيت والدتها إثر حادث مؤلم، وعاشت مع والدها وزوجته تدعى صفاء.
"صفاء": كل دا ولسه مخلصتيش تنضيف البيت؟
"حياء": والله تعبانة ومش قادرة أنضف كل دا.
"صفاء": مليش فيه يا حبيبتي، وبعدين إنتي زي الفل أهو، بلا دلع بنات بقى. أنا هروح مشوار، أرجع ألاقي البيت نضيف، لأما والله مش هيحصلك. طيب، إنتي فاهمة يا بت، يلا سلام.
ظلت تبكي حياء على حالها الأليم، لأن زوجة والدها تكرهها بشدة. لم تحس حياء في يوم من الأيام بحنان الأم الذي افتقدته، ولكن عوضها الله بصديقة تدعى حنين، فهي تحب حياء بشدة.
ظلت حياء تنظف البيت إلى أن انتهت من أعمالها وأخذت قسطاً من الراحة، ثم سمعت أذان المغرب، فقامت وتوضأت وصّلت بخشوع لربها وحمدته على حالها، ثم سمعت الباب يخبط.
"حياء": غريبة، أبلة صفاء معاها المفتاح، ما فتحتش ليه؟ مين اللي على الباب؟
"حنين": هيكون مين يعني غيري يا ستي حياء!
"حياء": حنين! اتفضلي يا حبيبتي.
"حنين": السلام عليكم ورحمة الله وبركاته الأول.
"حياء": وعليكم السلام ورحمة الله وبركاته، تعالي اقعدي.
"حنين": وحشتيني يا مقصوفة الرقبة، هترجعي الشغل امتى؟ والله الشغل وحش من غيرك.
"حياء": إن شاء الله هرجع الشغل في أسرع وقت، أنا أصلاً تعبت من القعدة في البيت، كنت بحسب لما آخد إجازة من الشغل هرتاح، طلع العكس.
"حنين": أكيد مرات أبوكي الحيزبونة دي مش سايباكي في حالك.
"حياء": عيب يا حنين، تتكلمي عليها كده، هي بمثابة والدتي، وكمان دي من النميمة وهنتحاسب عليها.
"حنين": آسفة يا حياء، بس بجد متغاظة منها، هي ليه بتعمل معاكي كده؟
"حياء": ربنا يهديها يا حبيبتي، بس خدي بالك النميمة دي بتضيع أجرك. تخيلي تفضلي تعبدي الله طول اليوم، وبسبب غيبة متتعداش الخمس دقائق، أجرك كله يروح للشخص اللي اغتبتيه، يعني كأنك بتقوليله خد حسناتي، أهي هدية ليك.
"حنين": حاضر يا حياء، أوعدك مش هتكلم على حد تاني، بس أنا بستغربك أوي يا حياء.
"حياء": ليه بستغربيني يا ستي؟
"حنين": يعني مرات أبوكي بتعمل فيكي كل ده ومع ذلك مبتسمحيش لحد يقول عليها كلمة وحشة، أمرك عجيب أوي.
"حياء": عشان خاطر الله، وعشان أنا مش عايزة أجري ينقص بسببها، وكمان يوم القيامة لو هي مسامحتنيش هتاخد من حسناتي. يبقى إيه العمل بقى؟
"حنين": عندك حق، أنا همشي بقى، بكرة هفوت عليكي نروح الشغل سوا.
"حياء": ماشي يا روحي، مع السلامة، أول ما توصلي كلميني.
"حنين": حاضر.
***
"زين": والاستاذة حياء هترجع الشغل امتى مش فاهم؟
"ماجد" (والد زين): في إيه يا ابني؟ هو إنت معندكش قلب؟ البنت تعبانة وأخدت إجازة أسبوع، حصل إيه يعني؟
"زين": طيبتك دي اللي خلتها تحس إن الشركة دي شركة أبوها، تيجي براحتها وتاخد إجازة براحتها. وأعمل حسابك لو مجتش بكرة، هفصلها من الشغل خالص.
"ماجد": حرام عليك يا ابني، دي بنت غلبانة وما شاء الله عليها شاطرة في شغلها وسمعتها كويسة والكل بيحبها. أنا بس مش عارف إنت مش قابلها ليه.
"زين": غلبانة والله يا بابا، إنت طيب، محدش غلبان الأيام دي يا بابا. وبعد إذنك، أنا واخد قراري، والله لو مجتش الشغل لهفصلها خالص وتشوف لها شركة تانية تشتغل فيها.
***
"صفاء": نضفتي البيت يا بت؟
"حياء": أيوه يا أبلة صفاء.
"صفاء": دا منظر تنضيف دا! المهم، روحي حضري الغدا عشان أبوكي جاي من الشغل.
"حياء": حاضر.
قامت حياء بتحضير الغداء لوالدها، ثم وضعت الطعام على السفرة.
"حياء": أهلًا وسهلًا يا أبي.
"محمد" (والد حياء): أهلًا بحبيبة أبوها.
"صفاء" (بغيرة): وبعدين يا حج، هو مفيش غير حياء بس اللي تدلعها؟ دا حتى أنا اللي محضرة لك الغدا.
اتصدمت حياء من كلامتها، ولكنها متعودة على ذلك. كل شيء تفعله حياء تنسبه الأخرى لها.
"محمد": تسلم إيدك يا حبيبتي.
"صفاء" (تحاول تغيظ حياء): طب تعالي يا حبيبي عشان تاكل. يا بت يا حياء، جيبي المعالق يلا.
"حياء" (بصبر وهدوء): حاضر.
جاءت حياء بالمعالق، وأثناء ما هم يتناولون الطعام.
"حياء" (باستئذان): بابا، بعد إذنك أنا هنزل الشغل بكرة.
"محمد" (برفض): لا يا بنتي، مفيش نزول، إنتي لسه تعبانة، إنتي مش شايفة وشك إزاي خاسس؟
"صفاء" (تتدخل): لا سيبها تنزل، حياء بقت كويسة، خليها تشوف مصلحتها.
"حياء": أيوه يا بابا، أنا بقيت كويسة، وكمان أنا مش متعودة على القعدة في البيت، فبعد إذنك أنا هنزل بكرة.
"محمد" (بحب): خلاص يا بنتي، انزلي، بس خلي بالك من نفسك يا حبيبتي.
"حياء": ماشي يا حبيبي، أنا الحمد لله شبعت، هدخل أصلي وأنام، تصبحوا على خير.
"صفاء" (بحب مزيف): وإنتي من أهله يا حبيبتي.
لم تستغرب حياء من معاملتها الحسنة، فهي تعاملها بلطف في وجود والدها، وعندما يذهب تعاملها معاملة شديدة. لم تر حياء منها غير الأذى والغيرة، لأن حياء فتاة جميلة جداً والكل يحبها ووالدها، مما يجعلها تغار بشدة وتريد التخلص منها بالزواج.
دخلت حياء غرفتها، وتوضأت، وصلّت قيام الليل، وظلت تدعي لربها ليغفر لها ذنوبها ويثبت قلبها على دينها ويسهل أحوالها، ثم قرأت وردها القرآني وسورة الملك، ودخلت في نوم عميق.
***
"أحمد": بقولك إيه يا أما، أنا هتجوز حياء، يعني هتجوزها، أنا بقولك أهو.
"مني" (بمكر): متخافش يا أهبل، أنا هجوزهالك. خالتك صفاء نفسها تخلص منها النهاردة قبل بكرة، بس مستنية الوقت المناسب. إنت اصبر بس وهتشوف بنفسك.
"أحمد" (بخبث): ماشي يا أما، هصبر، بس تبقي ليا، عشان لو هي مش هتبقى ليا مش هسيبها في حالها.
***
"ماجد": إنت شارب يا زين؟
"زين" (بسكر): وفيها إيه يعني لما أشرب؟
"ماجد" (بعصبية): يعني مش عارف فيها إيه؟ فيها إن شرب الخمر حرام ومن أشد الكبائر. أنا مش قولتلك ابعد عن صاحبك اللي اسمه مروان ده؟ مش قولتلك هيضيعك؟ إنت مش بتسمع الكلام ليه؟
"زين" (بسكر): أنا مش فايق دلوقتي، بكرة نبقى نتكلم. وظل زين يضحك بصوت عالٍ ولا يدري ما يفعل.
"سلمى" (والدة زين) (بحزن): هنعمل إيه معاه؟
"ماجد": أنا تعبت منه، أنا لو جرالي حاجة هيبقى بسببه. فضلت أقوله ابعد عن مروان، اتفضل دلوقتي بقى بيشرب وبقى بتاع بنات وبيسهر لآخر الليل، وبقى بيزعق في الكل في الشغل، وبقى مش همه حد، حتى أنا مبقاش ليا اعتبار.
"سلمى": إن شاء الله هيرجع زي ما كان وأحسن، أنا بكرة هتكلم معاه قبل ما ينزل شغله، سيب الموضوع عليا، إن شاء الله هقدر عليه.
"ماجد" (باستخفاف): يبقى إنتي لسه متعرفيش ابنك كويس، ابنك مبياخدش بكلام حد، وبكرة تشوفي إن كلامي هيطلع صح.
***
صباح يوم جديد مليء بذكر الله.
"أفاقت بطلتنا حياء بنشاط، وقامت توضأت، وصلت ركعتين الله لتبدأ يومها براحة في قلبها، وقامت قرأت ورد قرآنها لتستعيد روحها.
"صفاء": يختي، بدل ما إنتي عمالة تقرئي قرآن، قومي البسي وامشي يلا.
"حياء": لسه بدري على معاد شغلي يا أبلة صفاء.
"صفاء" (بقرف): طب يختي، اعملي حسابك مفيش فطار في البيت، روحي افطري برا بقى.
"حياء": حاضر.
انتهت حياء من قراءة قرآنها، ثم بدلت ثيابها، ولبست ثوباً فضفاضاً للغاية معه خمار ونقاب وبيشة، فهي لا تظهر أي شيء منها منذ 6 سنوات، فالله شرح صدرها لحب الستر والقرب من الله. سمعت حياء صوت حنين تنادي عليها، فنزلت لها.
"حياء": السلام عليكم ورحمة الله وبركاته يا حبيبتي، صباح الخير.
"حنين": وعليكم السلام ورحمة الله وبركاته، صباح الفل يا نور عيني، إيه الجمال ده؟ ادعيلي ربنا يهديني وألبس زيك.
"حياء": بدعيلك في كل صلاة ربنا يشرح قلبك يا صديقتي. يلا بينا عشان منتأخرش على الشغل، هرجع لزعق أستاذ زين تاني.
"حنين" (بضحك): بس يابت، دا زي القمر، بس متكبر وشايف نفسه، ومش عارفة بيعاملك وحش ليه.
"حياء": بس يابت، غطي بصرك عنه عشان حرام، وبعدين أنا مش قولتلك ممنوع تتكلمي على حد عشان حرام، عشان خاطري متنسيش بقى.
"حنين": بحاول والله، وإنتي هتساعديني على كدا صح؟
"حياء": طبعاً يا حنين، أنا معاكي طول العمر وهساعدك لحد ما تبقي أحسن مني كمان. تعالي يلا نستغفر لحد ما نوصل للشغل، عايزين نستفاد في الوقت دا بدل ما نتكلم ومنستفدش بحاجة.
"حنين": تمام، يلا بينا.
***
"رنا" (بعصبية): يا أستاذ مروان، عيب كدا والله.
"مروان" (بقلة أدب): هو أنا عملت حاجة؟
"رنا" (بعصبية): حضرتك عمال تغمز لي وأسلوبك مش كويس، فلو سمحت احترم نفسك.
"مروان" (بخبث): طب يلا يا شاطرة، روحي على شغلك.
فأثناء ما كان مروان بيتكلم مع رنا، لحظ وجود حياء وحنين، فذهب نحيتهما.
"مروان" (بخبث): الست حياء شرفت، إزيك يا حياء؟
"حياء" (بتجاهل): الحمد لله، بعد إذنك، يلا يا حنين.
"مروان" (بخبث): اتقلي عليا براحتك يا جميل، مش هفلق برضه.
فمروان يتعمد إيذاء حياء لرفضها له، فهو شخص سيء عديم الأخلاق، يعمل أي شيء ليوصل لغرضه مهما كان.
"ماجد" (بفرحة): حياء، إنتي جيتي يا بنتي.
"حياء": بابا ماجد.
رواية تزوجتني رغما عني فأحببتك الفصل الثاني 2 - بقلم فاطمة سيد
حياء: أخبار حضرتك إيه يا بابا ماجد؟
ماجد: أنا الحمد لله ياحياء، المهم أنتي يابنتي عاملة إيه؟ خفيتي الحمد لله.
حياء: الحمد لله على كل حال، والله أنا بقيت كويسة.
ماجد: دايماً يارب يابنتي، أسيبك أنا بقى تشتغلي.
ثم قال لعم حسين: قول لمروان إني عايزه.
حسين: حاضر ياباشا، أي أوامر تانية؟
ماجد: لا يا عم حسين، شكراً.
ثم غادروا المكان.
حنين: مش عارفة أستاذ زين مش زي باباه ليه، طيب كده.
حياء: ربنا يهديه ياحنين، ربنا أعلم بأحواله، المهم تعالي نصلي ركعتين الضحى قبل ما الضهر يأذن.
حنين: بس أنا مش متوضية، وبعدين مش هعرف أصلي بـ لبسي ده.
حياء: متخفيش، عاملة حسابي وجايبة معايا عباية عشان مثلاً لو لبسي حصل له حاجة أعرف أتصرف، وإحنا هننزل نصلي تحت في المسجد، هتتوضي هناك.
حنين: مابلاش، أنا خايفة، أنتي مش فاكرة لما زين باشا عرف إننا مش موجودين في الشركة عمل إيه؟
حياء: متخفيش من زين باشا، إحنا مش بنعمل حاجة غلط، والصلاة مش هتاخد مننا وقت، وهو لسه مجاش، قومي يلا بينا.
حنين: ماشي، يلا بينا.
مروان: عم حسين قالي إن حضرتك عايزيني.
ماجد: أنت إزاي تشرب ابني خمرة؟ أنت اتجننت؟
مروان: والله هو اللي شرب، أنا مليش دعوة.
ماجد: أنت هتستعبط؟ يلا، أنا ابني مايشربش الحاجات دي، أنت السبب أكيد، بسببك بقى بيسهر ومش منتبه لشغله، أنا بعد كده مش هراعي إنك ابن أخويا وهاخد منك موقف، وأنا مش عايز كده، مفهوم؟ وده آخر تنبيه ليك يامروان.
مروان: مفهوم يا أستاذ ماجد، بعد إذنك.
زين: أنتو إزاي تسبوني نايم لحد دلوقتي؟ أنتو متخلفين.
أشرف: والله يبني فضلت أصحيك بس أنت زي ما تكون تعبان مفوقتش.
زين: برضه كنت تحاول ألف مرة لحد ما أفوق.
أشرف: أنا آسف يبني، إن شاء الله مش هكرر غلطتي تاني.
زين: طيب روح جبلي قهوة عشان أفوق.
أشرف: حاضر.
ثم غادر غرفة زين.
زين: دا إيه اليوم اللي باين من أوله ده.
ثم وهو منشغل في تحضير ملابسه.
سلمى: زين، عايزة أتكلم معاك شوية.
زين: مش وقته ياماما، زي ما أنتي شايفة متأخر، ويدوبك ألحق أجهز وأمشي.
سلمى: متخفيش، مش هاخد من وقتك كتير.
زين: اتفضلي، عايزة إيه؟
سلمى: عايزة أقولك إن أسلوبك بقى زي الزفت مع الكل، وبقيت بتستقوي على الضعيف، ذنب إيه عم أشرف إنك تهزقه كده؟ حضرتك المستهتر وشايب، طبيعي لما تنام متفوقش، وبقيت مش منتبه لنفسك ولا لشغلك، هتفضل كده لحد إمتى؟
زين: مش عارف والله، وبعد إذنك اخرجي عشان ألبس.
سلمى: أنت مفيش فايدة فيك، حقيقي، ربنا يهديك يابني يارب.
حنين: قوليلي ياحياء، أنتِ إزاي قلبك اتعلق بالصلاة كده؟ يعني ماشاء الله بشوفك مش بتقصري على الفرض بس، لأ، بتزودي دايماً بالنوافل.
حياء: عشان ملقيتش ملجأ غير ربنا، هو الوحيد اللي بيسمعني ومتقبلني بكل أحوالي، لما كانت أبلة صفاء تضربني كتير وأنا صغيرة، مكنتش عارفة أحكي لمين وأشكي همي، مكنش عندي غير ربنا، من هنا بدأت أتعلق بالصلاة، اليوم اللي أضرب فيه أروح أشكي له منها، واليوم اللي تعاملني حلو عشان بابا موجود، أروح أشكر ربنا، بقيت في الحزن والفرح أروحه، أفضي بكل حاجة، هو أماني الوحيد، ولما بطلب من ربنا حاجة، الحمد لله ربنا بيجبرني، بقى عندي صبر وتحمل على الحياة، ومهما يجرالي بقيت متفائلة ومتوكلة على الله في كل حاجة، عشان كده ربنا مسهل لي كل صعب.
حنين: نفسي أبقى زيك، قلبي متعلق بالصلاة كده، أنا يوم أصلي ويوم لأ، مش عارفة انتظم خالص، ساعات بحس ربنا إنه مش عايزني وغضبان عليا، وساعات بحس إني مليش نفس أصلي من الأساس، أستغفر الله العظيم.
حياء: بصي ياحنين، ربنا بيستنى إن عبده حبيبه يرجع له ويصلي. أنتي لو فكرتي فيها هتلاقي إن صلاتك دي أنتي اللي محتاجاها، هو ربنا هيحتاج صلاتك في إيه؟ أنتي محتاجة الصلاة عشان تكلمي ربنا، تشكيله همك، محدش فينا معندوش هموم، وعشان تغذي روحك بالقرب من الله، إزاي ربنا فرض عليكي خمس صلوات وتقولي حاسة إن ربنا مش عايزني؟ أمال طلب يشوفك في اليوم خمس مرات ليه؟ الأفكار دي من الشيطان عشان يبعدك خالص عن ربنا، محدش حنين عليكي زي ربنا، هو اللي خلقك وكونك وجعلك في أحسن تقويم، لازم تجاهدي نفسك ياحنين، وقربي من ربنا، مش زعلانة من نفسك لما الكل كده بيسابقك لطريق ربنا، وأنتي مكانك كده مش بتتحركي.
حنين: أكيد زعلانة ياحياء، أمال أنا بحكيلك ليه؟
حياء: حزنك ده دليل إن ربنا بيحبك، ومدام لسه باب التوبة مفتوح يبقى لسه فيه وقت تصلحي علاقتك مع ربنا قبل فوات الأوان، ونقول يا ليتني قدمت لحياتي، جهدي نفسك وقولي اللهم ثبتني على دينك، والصلاة أسهل ما يكون، متخليهاش تقيلة على قلبك، أنتي المستفادة من الصلاة، بتخرجي كل اللي في قلبك، في ناس من كتر ما قلبهم متعلق بالصلاة بيتوضوا قبل ما الأذان يأذن، يارب نبقى منهم.
حنين: يارب، أنا هجاهد زي ما قولتيلي، بس اسأليني كل يوم على الصلاة لأنك بتشجعيني أصلي.
حياء: بس كده، من عنيا، يلا بينا نروح الشغل عشان شكل الكلام خدّنا واتأخرنا.
حنين: الظاهر مش هنسلم من أستاذ زين.
حياء: ولكن مش بإيدينا، عندك حق، ربنا يستر، يلا بينا.
ثم غادروا المسجد.
صفاء: ماقولتلك يامني، هجوزها لأحمد، بس مستنية الوقت المناسب.
مني: بقولك إيه ياصفاء، حياء مش صغيرة يا حبيبتي على الجواز، مش فاهمة وقت المناسب إيه اللي مستنياه ده.
صفاء: أبوها مش موافق يجوزها دلوقتي، عمالة أتحايل عليه مش موافق، زي ما يكون عايز يفرسني ويطلع عيني، أنا لو عليا، ما أنتِ عارفة، عايزة أجوزها النهارده قبل بكرة.
مني: وأبوها مش موافق ليه بقى؟
صفاء: أنا عارفة، بيتحجج بحاجات تافهة، زي مثلاً مقدرش أستغنى عنها، وكلام أهبل كده.
مني: والعمل بقى ياصفاء، الواد اتجنن بيها، وكل شوية يقولي هتجوزها لي إمتى.
صفاء: متخفيش، هجوزها لأحمد، بس استني عليا أقنع أبوها.
مني: طيب، لما نشوف آخرتها إيه.
حنين: الحمد لله، أستاذ زين شكله لسه مجاش، يبقى مش هييجي.
حياء: مش عارفة، حاسة إنه جاي.
ولم تكمل حياء كلامها إلا ووجدت زين أمامها.
زين: كنتي فين ياحياء وسايبة شغلك كده؟
حياء: كنت بصلي في المسجد يا أستاذ زين.
زين: أنتِ مش مسموح لكِ تخرجي غير لما وقت عملك يخلص، صح ولا لأ؟
حياء: أيوه صح، بس أنا...
زين: أنا آخر مرة أنبهك، والله لو عايزة تكملي معانا هنا في الشركة دي، يبقى تسمعي الكلام.
حياء: حاضر، بس أنا مش فاهمة، هما العشر دقائق اللي بنزل أصلي فيهم الشغل هيتأخر في إيه؟
زين: أنتِ تنفذي كلامي بدون استفسار، يلا على شغلك.
ذهبت حياء وحنين إلى مكتبهم، وظلت حياء شاردة الذهن تفكر لماذا يعاملها هكذا وهي لم تفعل له شيئاً.
حنين: متزعليش ياحياء، أنا مش عارفة هو مركز معاكي ليه، منا أهو صليت معاكي وخرجت، موجهليش كلمة حتى.
حياء: من ساعة ما اشتغلت هنا وهو بيعاملني كده، فمش مستغربة اللي عمله النهارده، أنا متعودة على كده.
زين: عايز إيه يامروان؟ مش فاضيلك، عندي شغل.
مروان: أنا بس عايز أقولك إن البت سالي سألتني عليك.
زين: سالي مين دي؟
مروان: سالي اللي كانت معانا امبارح في الحفلة.
زين: أه، ابقى اديها رقمي يامروان عشان تبقى تطمن عليا براحتها.
مروان: وماله، هديهالها.
حياء: بقولك ياحنين، أنا هودي الأوراق دي لأستاذ ماجد عشان يوقع لي عليهم.
حنين: تمام، ماشي، أكون خلصت اللي في إيدي ونمشي سوا.
حياء: تمام يا حبيبتي.
ثم غادرت حياء مكتبها، وأثناء ما هي ذاهبة لم تنتبه لزين.
حياء: أسفة، معلش، خبطت فيك بالغلط.
زين: ماهو أنتي لو شايلة البتاع اللي على عينك دي هتشوفي زي البني آدمين.
حياء: والله أنا شايفة كويس أوي، بعد إذنك.
زين: واضح إنك شايفة.
ثم غادر زين.
فضلت حياء تكلم نفسها وتقول: مش عارفة شايف نفسه على إيه دا، أستغفر الله العظيم.
مروان: أنا اديته رقمك، لما أشوف شطارتك بقى.
سالي: متخافيش، ثقي فيا، اعتبري زين دا في جيبي من النهارده.
مروان: وأنا واثق فيكي ياجميل.
بعد أن انتهت حياء وحنين من عملهما غادروا الشركة.
حنين: أنا وصلت البيت، متيجي عندي شوية؟
حياء: الوقت اتأخر أوي، إن شاء الله هجيلك في يوم تاني.
حنين: خلاص، ماشي، بس لو مجتيش هزعل، سلام.
حياء: سلام عليكم ورحمة الله وبركاته.
وأثناء ما حياء ذاهبة إلى منزلها لوحدها وجدت أحمد.
أحمد: الجميل رايح فين؟ تعالي لما أوصلك.
لم ترد عليه حياء مما أغضب أحمد بشدة، فجذبها من ذراعيها.
أحمد: أنا مش بكلمك يابت أنتِ...
رواية تزوجتني رغما عني فأحببتك الفصل الثالث 3 - بقلم فاطمة سيد
"حفيده"ּ؏ــٰٱ̍ئــڜــۃ" 😌✨:
روايه: تزوجتني رغما عني فأحببتك 💛
البارت الثالت 💚
____
_«حياء بعصبيه» انت ازاي تتجرء وتشدني كدا
_«احمد» منتي اللي شايفه نفسك عليا بكلمك ومش بتردي
_«حياء بعصبيه» انا مبشوفش نفسي علي حد ولو سمحت الزم حدودك انا مسمحلكش بكدا ابدا ولو اتعرضلي تاني انا هقول لوالدي ثم ذهبت حياء من امامه
_«احمد بمكر» ماشي ياحياء والله لوريكي بس الصبر
____________
_«صفاء بشده» كنتي فين كل دا ياحياء
_«حياء» كنت في الشغل ولسه خارجه زي كل يوم
_«صفاء بشده» لا اتأخرتي النهارده كنتي فين بقي
_«حياء بتعب» ياابله صفاء قولت لحضرتك كنت في الشغل وجيت مرحتش في حته وبعدين انا متأخرجش اصلا دا معادي كل يوم انتي بس اللي نسيتي
_«صفاء بحزن مزيف» قصدك ايه يعني اني كبرت وخرفت شوف بنتك ياخيري بتقولي ايه
_«خيري» ياستي البنت مقلتش حاجه هي فعلا متأخرتش وبعدين هي جايه تعبانه بدل ماتحققي معاه سبيها ترتاح شويه
_«صفاء بحزن مزيف» حق عليا خايفه عليها هو انا لو مخوفتش علي بنتي اخاف علي مين يعني
_«خيري» ياستي انا مقولتش حاجه بس مينفعش كدا اهدي عليها شويه هي مش صغيره هي كبيره ياصفاء
_«صفاء بغيظ غير واضح خلاص» ماشي اللي تشوفو ياخيري
____
_توضئت حياء لتصلي ركعتين الحاجه لتيسير امورها تطلب من الله يغفرلها ذنوبها ثم انتهت حياء من صلاتها وابدلت ملابسها الفضفاضه الواسعه الي لبس البيت ثم سرحت شعرها الطويل ووضعت بعض من مساحيق التجميل فهي تهتم بنفسها كثيرا وتهتم ببشرتها مهما يجعلها جميله
دخلت عليها «صفاء» غرفتها قائله: عمتك وبنتها جم قومي يلا عشان تسلمي عليهم
_«حياء بسعاده» بجد جم انا طالعه حالا بقالي كتير مشوفتهمش
_«صفاء بخنقه»من جمال حياء» طيب يختي مستنينك متتأخريش وشيلي القرف اللي علي وشك دا مش حلو خالص
_«حياء بزعل» حاضر ياابله صفاء
"ف صفاء تعتمد اذاء حياء نفسيه وجسديه وتحاول تقلل من جمالها ومن كل شئ لانها تغير منها بشده"
_«حياء بفرحه» عمتو وحشتيني اوي انتي وريم
_«فاديه بحب» يابت يابكاشه لو كنت وحشتك بصحيح كنتي تيجي تزريني
_«حياء» والله ياعمتو مشغوله جدا الشغل واخد كل وقتي
_«ريم» وحشتيني اوي ياحياء
_«حياء» وانتي اوي ياريم والله تشربو ايه
_«فاديه بحب» متتعبيش نفسك ياحبيبتي
_«ريم» بس ايه يابت الحلاوه دي ماشاء الله
_«حياء» انتي احلي ياريم تسلمي
_«ريم» طب بقولك تعالي ندردش شويه ف غرفتك عايزاكي في موضوع كدا
_«حياء بحب» ماشي ياحبيبتي
________________
_«سلمي بحب» صليت يابني
_«زين» تعبان والله مش قادر هبقي اصلي ان شاء الله
_«سلمي» لا مينفعش نترك الصلاه احنا هنتحاسب عليها
_«زين ببرود» عارف والله لما انام شويه وارتاح هبقي اصلي
_«سلمي بحزن» كدا يابني تخلي الشيطان يتمكن منك الشيطان مش عايزك تقوم ولا تتحرك دايما بيوهمك انك تعبان عشان متقومش ويحسسك بالكسل بس لو عايزك تعمل معصيه لو هتموت من التعب مش هيخليك تنام غير لما يخليك تعمل الذنب الاول قوم يازين يابني خلي ربنا يغفرلك ويتجاوز عن سيئاتك
_«زين» حاضر ياماما هتوضي واصلي
_«سلمي بحب» الحمدلله ربنا يغفرلك يابني ويرحمنا اللهم امين
"سمع زين كلام والدته ثم قام وتوضئ ولكن قبل مايصلي وسوس ليه الشيطان"
_«الشيطان» انت واحد منافق
_«زين» ليه انا عملت ايه
_«الشيطان» يعني مش عارف عملت ايه مش انت سهرت انبارح وشربت خمرا واتعرفت علي بنات وجاي النهارده تصلي انت مفكر كدا ان ربنا هيتقبل صلاتك
_«زين» عندك حق انا فعلا منافق ربنا مش هيتقبل صلاتي ابدا
_«الشيطان» شوفت بقي فهتصلي ليه ادخل نام احسن
"قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ" 💔
___
_«حياء بحب» قولي ياستي موضوع ايه بقي
_«ريم بتوتر» انا بحب واحد وهو كمان بيحبني وبقالنا سنتين مرتبطين
_«حياء بهدوء» ايوه ياحبيبتي وبعدين
_«ريم بحزن» بحبه اوي ياحياء بس الفتره الي فاتت اتغير معايه اوي مبقاش زي الاول بقي بيعلق رسايلي ومبيردش عليا بقيت بشحت الكلام منه وكل ماقوله تعالي اتقدم يفضل يقولي ظروفي ومش ظروفي وبحس ساعات انه بطل يحبني ومش عارفه اعمل ايه
_«حياء بحب» بصي ياريم مدام انتي حكتيلي موضوعك ف انا هقولك الخلاصة اللي انتي فيه دا حرام مفيش حاجه اسمها ارتباط احنا في دين الاسلام اسمها خطوبه قدام الناس كلها وفي العلن عيزاكي تفهمي ان مش اي حد يقولك بحبك تصدقيه اللي داخلك من المنور دا مش بيحبك لو بيحبك بجد هيحافظ عليكي لحد مايخدك بالحلال هل اللي بتحبيه دا يقبل علي نفسه اخته تكلم واحد عشان بتحبه؟؟ اكيد لاء مفيش راجل غيور علي اهل بيته يرضي ان اخته تكلم واحد ابدا فهو رضا عليكي حاجه ميرضهاش علي اخته وانتي سهلتيله دا
_«ريم بعدم فهم» مش فاهمه سهلتله ايه ياحياء
"حفيده"ּ؏ــٰٱ̍ئــڜــۃ" 😌✨:
_«حياء بحب» سهلتيلو انه يوصل ليكي بدون خطوبه بقي بيكلمك سنتين بدون رابط رسمي مابنكم ياريم ودا غلط المفروض اي شب يحاول يقرب منك تصديه بس انتي عملتي العكس انا عارفه ان قلوبنا مش هنقدر نتحكم فيها بس بردو لازم نختار صح ونشوف مين يستحقنا مش اي حد كدا وخلاص الاسلام ياريم كرم المرأه ورفع من شأنها خلاكي انتي في بيتك زي الجوهره وهو يتعب ويطلع عينه عشان يجي لحد عنك ويتقدملك الراجل بيحب يعافر كدا لحد مايوصل كدا هيقدرك ويحترمك امال لما تخليه يوصلك وهو متعبش ف دا هيذلك فيما بعد لو بيحبك ياريم كان اتقدملك من زمان مش هيستني سنتين مرتبط بيكي وهو حتي محاولش ياخد خطوه
_«ريم » بس هو قالي خليني اكلم مامتك عشان يثبتلي انه بيحبني بس انا رفضت دا
_«حياء» اوعي تعملي كدا ويخليه يكلم مامتك هو عايز يثبتك عشان متفضليش تزني وتقوليلو هتتقدم امتي لو حس ان مامتك عادي واللي هو خلاص ياحبيبي شوف انت هتيجي امتي واحنا مستنينك مش هيجي هيحس ان ماما فريه اللي عايزك ياريم مش هيكلم والدتك هيدخل علي طول من الباب غير كدا يبقي انتي بضحكي علي نفسك كفايه انك بتغضبي ربنا سنتين بحلهم كلامك معاه حرام تماما ولا يجوز
_«ريم» بس احنا كلمنا محترم جدا ياحياء كدا مش حرام
_«حياء» ياريم مين قالك كدا لا طبعا حرام عارفه لو بيحفظك القرآن الكريم حرام مدام مفيش حاجه رسميه زي ماقولتلك الاسلام عززك مرضاش ليكي الاهانه ولا الذل ابدا ولا اكنك ترتبطي بحد في الخفي ولو انتي مبتعمليش حاجه غلط ليه مش معرفانا كلنا انك بتكلمي شخص وبتحبيه؟؟ اي حاجه في الخفي والدري مش بيدوم ياريم
_«ريم بحزن» يعني انتي شايفه انه كان بيلعب بيا
_«حياء» دا الظاهر ياريم لما ربنا ينهانا عن شئ بيبقي عالم ان دا شر لينا فبينهانا عنه ولما بنخالف كلام ربنا دي بتكون النتيجه انتي مش نفسك تتخطبي وتفرحي وتقولي للناس كلها انا اتخطبت ولا تفضلي مع شخص يلعب بيكي سنه وسنتين وتبقي خايفه لو حد مسك تلفونك وتفضلي تفكري هيتقدملك ولا لاء وتفضلي تزني انت هتتقدملي امتي اكنك بتشحتي منه؟ مترخصيش نفسك ياريم بمسمي الحب انتي غاليه والاسلام مغليكي بلاش من الموضوع دا انهي معاه ياريم وربنا يعوضك بشخص في الحلال
_«ريم بحزن» حاضر هبعد عنه خالص
_«حياء» متزعليش ومتستعجليش علي الحب نصيبك جاي جاي وهتحبي وهتتحبي بس في الحلال كفايه ان ربنا يكون راضي بعلاقتك مع الشخص اللي هتتجوزيه لما ربنا بيكون راضي علي اتنين خادو بعض ف الحلال بيخلي فيها بركه وموده ورحمه بعكس لو ربنا غضبان علي اتنين خادو بعض ف الحرام هتلاقي مفيش بركه والخلافات بتزيد ولقدر الله بتتحول للطلاق اكيد سمعتي عن اتنين خادو بعض عن حب وانفصله الشئ الي بدايته لا ترضي الله نهايته لا ترضيك انت خدي الجمله دي قاعده ف حياتك ياريم انتي حلوه وجميله والف واحد يتمناكي ف اوعي حد يضحك عليكي ويوهمك امشي زي ماربنا امرك هتلاقي ربنا رزقك بشخص حنين وطيب وبيحبك طول منتي بتحمي قلبك ونفسك من الحرام ربنا هيراضيكي بشخص مكنتيش تحلمي ان ربنا يرزقك بيه
_«ريم بحب» قد ايه ارتحت لكلامك ياحياء عندك حق في كل كلمه قولتيها انا رخصت نفسي كتير اوي بس من بعد النهارده اللي عايزيني بيتي مفتوح غير كدا لاء
_«حياء بحب» برافو عليكي ايوه هي دي بنت عمتي الشطوره تعالي هاتي حضن وانتي قمر كدا ثم حضنتها حياء قائله ربنا يراضي قلبك ياحبيبتي
__
_«حنين بتذكر» ياربي نسيت اصلي العشا لما اقوم اصلي بقي
_«الشيطان» مالسه بدري علي الصلاه مستعجله ليه
_«حنين بعزم» متخليش الشيطان يضحك عليكي ياحنين قومي صلي يلا ثم قامت حنين توضئت وصلت بخشوع لربها ثم انتهت من صلاتها ثم قالت لنفسها شاطره ياحنين شوفتي بقي كنتي هتكسلى علي الفاضي الحمدلله صليت النهارده كل الصلوات يارب عقبال كل يوم يارب انا بجاهد اعني يارب
"وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا ۚ وَإِنَّ اللَّهَ لَمَعَ الْمُحْسِنِينَ" 💛
___
"اثناء ما كان نائم زين افاق علي صوت تلفونه"
_«زين بعصبيه» مين الغبي اللي بيتصل دا ثم رد علي تلفونه قائل مين معايا
_«سالي بمكبر» انا سالي يازين اذيك
_«زين» انا الحمدلله اخبارك انتي ياجميل
_«سالي» انا الحمدلله المهم عايزه اشوفك عندك مانع
_«زين» لا خالص معنديش مانع تحبي نتقابل فين
_«سالي بمكر» عند كافيه ****انت اكيد عارفه
_«زين» خلاص ماشي هلبس واجيلك
_«سالي بمكر» تمام مستنياك ثم قفلت معاه سالي
_«مروان» ماشاء الله مفيش حد يقدر يقاومك ياسالي
_«سالي بتكبر» امال انت فاكر ايه يامروان
_«مروان» بس زين زكي جدا ومش بيأمن لاي بنت من ساعه ماخطبيته الاولي خانته مبقاش بيثق في حد ف انا عايزك تخليه يثق فيكي مش مجرد بنت يحب يقابلها وخلاص مفهوم
_«سالي» متخفيش انا عارفه انا هعمل ايه كويس
____
_«حياء» كان يوم جميل جدا ابقي قول لعمتو وريم يجو علي طول يابابا
"حفيده"ּ؏ــٰٱ̍ئــڜــۃ" 😌✨:
_«خيري» حاضر ياحبيبتي ادخلي انتي نامي يلا عشان الوقت اتأخر
_«حياء بخوف» مالك يابابا انت تعبان حساك مش كويس
_«خيري»....... يتبع
__ياريت تنول اعجابكم 🫣❤
رواية تزوجتني رغما عني فأحببتك الفصل الرابع 4 - بقلم فاطمة سيد
خيري بتعب: لا ياحبيبتي متخفيش هو شويه تعب وهيروح لحاله.
حياء بخوف: طب لو تعبت تاني ان شاء الله نروح سوا نكشف ونطمن عليك.
خيري: ماشي ياحبيبي تصبحي علي خير.
حياء بحب: وانت من اهله ياحبيبي.
زين: اتأخرت عليكي ياجميل.
سالي: لا خالص بالعكس جيت علي طول اخبارك ايه.
زين: انا الحمدلله وانتي.
سالي بمكر: الحمدلله انا كنت عايزاك ف موضوع كدا.
زين: موضوع ايه قولي.
سالي بمكر: انا كنت عيزاك تشوفلي شغل عندك في شركه والدك.
زين: بس كدا اعتبريه حصل بس انتي مؤهلك ايه عشان تشتغلي.
سالي بخبث: في ايه يازين انا عايزة اشتغل معاك يعني خليني السكرتيره بتاعتك اظبطلك مواعيدك وكدا وعلي الاقل هنشوف بعض علي طول.
زين بابتسامة: فكره حلوه جدا اعتبريه نفسك اتعينتي خلاص في الشركه.
زين كان يعلم ان هناك شئ غير طبيعي فهو ذكي جدا ويعلم مافي نوايا الاشخاص الذين امامه فهو يلاعبها بطريقته.
صباح يوم جديد مليئ بالاحداث.
صفاء بقرف: قومي يختي هتتأخري علي شغلك.
حياء بفزع: ليه الساعه كام.
صفاء بقرف: الساعه ياحبيبتي 7الصبح هتقومي امتي.
حياء بهدوء: بس انا شغلي الساعه 9لسه بدري عليه.
صفاء ببرود: بجد والله لحسن مخدش بالي بحسبك هتتأخري فقولت اصحيكي.
حياء ببراءة: ولا يهمك انا فوقت خلاص.
صفاء بمكر: طيب مدام فوقتي بقي روحي اغسلي مكان العشا بتاع انبارح ونضفي المطبخ قبل ماتنزلي انا هدخل انام بقي.
حياء بهدوء: حاضر ياابله صفاء نوم الهنا.
صفاء بقرف: الله يهنيكي ياحبيبتي.
قامت حياء من سريرها ثم غسلت وجهها الجميل وذهبت الي المطبخ.
حياء وهي تكلم نفسها: انا مبعرفش اشتغل غير لما اسمع حاجه. تسمعي ايه يابت ياحياء مفيش احلي من القران. شغلت حياء سوره يوسف بصوت القارئ اسلام صبحي فهي تحب صوته كثيرا ثم قامت حياء بتنظيف المطبخ كاملا فهي لا تطيع وقت في حياتها غير الاستفاده منه بالذكر وسماع القران والصلاه. انتهت حياء من اعمالها فأخذت شور لتستعيد نشاطها من جديد فهي تهتم بنظافه جسدها.
زين بنعاس: في ايه ياماما بتصحيني ليه.
سلمي بحب: عشان تفوق برحتك وتفطر وتنزل شغلك علي مهلك بدل مابتروح متأخر كدا.
زين بنعاس: مش قادر والله اقوم سبيني انام انا سهرت انبارح.
سلمي بتنهيده: مش قولتلك كفايه سهر يازين حالك مبقاش عجبني يبني من ساعه ماتلميت علي مروان وانت مش مظبوط.
زين بنعاس: والله انتو ظالمينو مروان محترم ومعملش فيا حاجه بالعكس دا خلاني احب الحياه اكتر.
سلمي بتنهيده: ايوه صح حتي خلاك بتاع بنات وبتشرب وبتسهر وخلاك مش منتبهه لشغلك وخلاك بعيد كل البعد عن ربنا ربنا الي نسيته يازين عموما الفطار موجود في السفره لما تفوق افطر وانزل.
زين: ماشي ياماما.
فضل زين يفكر ف حياته كانت مليئ بالراحه والسكينه فهو كان لا يضيع فرض ولكن انتكس في حياته ولم يقف من بعدها فحياته لم تعد فيها سكينه بل بالعكس صارت مشوهه بسبب بعده عن ربنا.
بعد ان توضئت حياء كعادتها ثم صلت لربها ودعت من قلبها يحفظ لها اباها ودعت بإن صفاء تحنن قلبها عليها ثم لبست ادناء فضفاض زرقاء اللون وعليه نقابها والبيشه لتخفي جمال عينيها فحياء تعشق الستر وتحب ملابسها وتحمد ربنا كل يوم علي هدايه قلبها فهي تخفي زينتها مثل ماامرها ربها. فهي تشعر بالسعاده في داخليها من لبسها الفضفاض فهي تحمي نفسها من نظرات الشباب لها وتتقي الله في كل شئ فهي تعرف حدودها ولا تتخطاها.
سمعت صوت حنين تنادي عليها قائله: مايلا ياست حياء الشمس ضربت في وشي.
حياء بابتسامة: نازله ياحبيبتي اهو. ثم عدلت حياء نقابها ولبست الجواندي لتخفي يديها.
حنين بحب: ايه الادناء القمر دا ياولاد.
حياء بحب: ايه رئيك دا اول ادناء اللبسه ومكنش عندي غيره.
حنين بعدم فهم: مش فاهمه معندكيش غيره ايه.
حياء بحب: لما بدأت اللبس واسع وكدا كان الحال مع بابا مش قد كدا فجبت الادناء دا وفضلت بيه 6شهور معنديش غيره وبعدها سبحان الله ربنا بقي بيروقني بلبس كتير وبعد مااشتغلت طبعا بقيت بصرف علي نفسي الحمدلله.
حنين بصدمه: ياه ياحياء انا لو منك هستني لما اجيب لبس كتير وبعدها البس واسع استحاله افضل اللبس نفس اللبس 6شهور.
حياء بحب: وافرضي استنيتي لحد ماتجيبي لبس كتير هل انتي ضامنه تعيشي لحد ماتلبسيهم وافرضي ياستي ربنا مرزقكيش بلبس كتير تأخري اللبس الواسع المفروض ياصديقتي متأخريش اي حاجه فرض لاننا بنتحاسب عليها اول مايكون عندك طقم واحد حتي البسيه وربك هو الرزاق بس المهم يكون لبسك يرضي ربنا محدش ضامن عمره ولقدر الله ممكن نموت ف اي وقت لازم نفكر في الاخره لازم كل وقت من حياتنا نستغله الله صح ولا ايه.
حنين بابتسامة: صح طبعا دايما بستفاد منك ياحياء ادعيلي اغير لبسي للبس يرضي ربنا.
حياء بحب: حاضر يانور عيني تعالي يلا نركب في الباص دا عشان منتأخرش.
حنين: يلا ياحبيبتي.
مروان بخبث: يعني هو وافق يشغلك عنده.
سالي بغرور: ايوه زين مقدرش يقاوم جمالي.
مروان بمكر: برافو عليكي ياسوسو.
سالي باستفسار: بس انا عايزه افهم حاجه.
مروان: عايزه تفهمي ايه ياحبيبتي.
سالي: انت عايز تأذي زين ليه هو مش مفروض انتو قرايب.
مروان بحقد: ايوه قرايب بس زين الكل في الكل في الشركه ودايما في كل صفقه بتنجح بينسبوها لزين وانا ولا اكني موجود ف انا عايز اخليه مينتبهش لشغله ويكون خايب فيه وكمان عايز اضرب سمعته خالص عشان محدش يتعامل معاه ف بقيت اخليه يتعرف علي بنات ويشرب ويسهر وانتي هتسعديني علي دا مش عايز اسم زين يلمع تاني عايز ابوظ حياته ونجحاته دي من الاخر.
سالي: ومالو نعمل كدا.
اثناء ماكانت حياء وحنين في الباص فضلت بنت تبص لحياء بنظره قرف وتكبر.
حياء بهدوء: هو انتي بتبصيلي كدا ليه في حاجه.
البنت بتكبر: لا مفيش بس مستغرباكي شويه.
حياء بحب: ومستغرباني ليه ياقمر.
البنت بقرف: يعني لبسه هلاهيل ومفيش حاجه منك ظاهره وتخوفي الصراحه والجو حر انتي مستحمله كل دا ليه متعيشي سنك.
حياء بحب: وبلطف بصي هي مش اسمها هلاهيل اسمها لبس يرضي الله ورسوله يعني لو انا مت هكون مرتاحه ان لبسي الحمدلله كويس ومش هتحاسب عليه بالعكس هاخد اجر عليه وكل مابتزيدي في الستر ربنا بيضاعف اجرك عندك حق الجو حر بس انا مستحمله وصابره عشان خاطر الله وعشان انا همي في دنيا رضا ربنا احنا هنا عشان اختبار مش اكتر كلنا عابرون وعلي فكره فيكي تعيشي سنك وتعملي كل حاجه اللبس الواسع مش عائق خالص انا بجري وبلعب وبعمل اللي نفسي فيه ربنا عز وجل قال (ولا يبدين زينتهن) ربنا امرنا بأننا نخفي زينتنا خالص ايه فايده الحجاب لو رقبتك باينه؟ ايه فايده النقاب لو راسمه عنيكي او لبسه ضيق؟ اي واحده فينا تعرف تبين زينتها حتي لو منقبه تعرف تبينها عادي ف لازم نتقي الله في لبسنا عشان الله ثم تابعت حديثها بابتسامة ثم انا قمر مش صح ياحنين.
حنين: طبعا ياحبيبتي قمر ونص.
البنت: شكلك عسوله كان فيكي مترديش عليا وتتجهليني خالص بس انتي عملتي العكس ربنا يثبتك ياحبيبتي ويهدينا اسفه لو كلامتك ف الاول بأسلوب وحش.
حياء برفق: ولا يهمك ياقمر ربنا يهديكي ويهدينا. ثم قالت لحنين: يلا ياحنين احنا وصلنا.
حنين بحب: يلا ننزل.
حياء نظرت للبنت وقالت لها: مع السلامه ياعسل اتمني اقابلك تاني ف الباص.
البنت: ياريت ياحياء.
زين: ايه رئيك في مكتبك ياسالي حلو.
سالي بمكر: جميل جدا ميرسي يازين.
زين: اسيبك انا بقي في مكتبك. ثم قال لعم حسين: لما حياء تيجي قولها ان زين عايزك.
عم حسين: حاضر ياباشا. ثم قال زين محدث لنفسه: بقالي كتير مضحكتش عليكي ياحياء.
وصلت حياء هي وحنين الشركه ثم اخبرها عم حسين بإن زين يريد رؤيتها.
حياء بخوف: ياتري عايز مني ايه ياحنين.
حنين: متخفيش ياحياء روحي شوفي هو عايز ايه وتعالي بسرعه.
حياء: ماشي ياحبيبتي. ثم ذهبت حياء لمكتب زين.
استاذ زين ممكن ادخل.
زين بغرور: ادخلي ياحياء.
حياء وهي باصه في الارض: اتفضل حضرتك عايزني في ايه.
زين بقرف: هو انتي باصه في الارض ليه متبصيلي زي منا باصصلك.
حياء: اسفه بس انا بغض بصري ومش ببص لحد بس فيك حضرتك تقولي عايز ايه وانا سمعاك.
زين بضحك هستيري: بتغضي ايه؟؟ انتي عايشه في القرن الجاهلي ولا ايه بس واضح من لبسك انك عايشه فعلا ف القرن دا.
حياء بحزن: هو حضرتك جايبني عشان تتريق عليا.
زين بضحك: الصراحه اه لحسن انتي ماده للسخريه.
حياء بدموع: انا مسمحلكش تتريق عليا انا مش مجبره استحمل تريقتك وتعاملك معايا لو كنت بستحمل فعشان خاطر عمو ماجد بس خلاص انا مستقيله من هنا.
زين ببرود: بجد مستقيله طب يلا امشي ومش عايز اشوف وشك في الشركه تاني تمام.
لم ترد حياء عليه ثم غادرت وهي تبكي. لماذا كل هذه الكراهيه.
حنين بصدمه: يابنتي اقفي وكلميني انتي ماشيه ليه.
حياء ببكاء شديد: انا مش هشتغل في الشركه دي تاني خلاص ياحنين مش مستحمله انا بني ادمه وليا مشاعر بحس سعات ان محدش بيحبني.
حنين: متقوليش كدا ياحياء انا بحبك ومش انا بس الكل بيحبك اقعدي بس واستهدي بالله.
حياء ببكاء: لا انا همشي وربنا يعوض عليا بشغل تاني ربك مبينساش حد انا كنت متحمله عشان عمو ماجد وعشان ابله صفاء كانت تفضل تشتكي من مصاريفي فعشان كدا نزلت اشتغل ان شاء الله هلاقي شغل في مكان تاني استودعك الله. ثم غادرت حياء الشركه بأكملها. ذهبت الي المسجد تشكي لربها.
حنين بعزم: وربنا لازم اقول لاستاذ ماجد علي اللي حصل اكيد هو مش هيسكت علي المهزله دي.
فضلت حياء في المسجد لتستعيد طاقتها فهي لم تعد تتحمل معاملت الناس لها ولكن هي تعلم ان بعد العسر يسرا.
طفله رنيم: انتي بتعيطي ليه ياعثل.
حياء بضحكه: لا خلاص مش هعيط انتي اسمك ايه.
طفله رنيم: انا اسمي رنيم وانتي.
حياء بحب: وانا اسمي حياء.
لاحظت حياء انها ترمي القمامه في الارض: لا لا كدا غلط يارنيم قال رسول الله صلى الله عليه وسلم (النظافه من الايمان) لازم لما يكون في ايدينا حاجه نرميها في الباسكت عشان نحافظ علي نظافه المسجد واي مكان تعملي كدا لما يكون معاكي قمامه وانتي ف الشارع ومش لقيه الباسكت خليها معاكي لحد ماترميها ف الباسكت اتفقنا.
طفله رنيم: اتفقنا ياحياء.
حنين بقوه: استاذ ماجد بعد اذنك استاذ زين هزق حياء وتعرضلها وبسببه استقالت.
ماجد بعصبيه: انتي بتقولي ايه.
رواية تزوجتني رغما عني فأحببتك الفصل الخامس 5 - بقلم فاطمة سيد
«ماجد بعصبيه» انتي بتقولي ايه ازاي زين يعمل كدا
«حنين بحزن» هو دا اللي حصل حتي حياء مستحملتش واستقالت ولو صحبتي مرجعتش انا كمان هستقيل يااستاذ ماجد
«ماجد بهدوء» طب امشي انتي ياحنين وانا هتصرف حق حياء راجع انا مرضاش بكدا ابدا
«حنين بحب» شكرا يااستاذ ماجد بعد اذنك
«ماجد بعصبيه» والله لوريك يازين ازاي تعمل كدا في بنات الناس
«حياء» السلام عليكم ورحمة الله وبركاته
«صفاء بصدمه» وعليكم السلام يختي جايه بدري عن معادك ليه كدا
«حياء بحزن» انا استقالت من الشغل ياابله صفاء
«صفاء بعصبيه» نعم يختي استقالتي يعني ايه مش فاهمه
«حياء بهدوء» اهدي ان شاء الله هشوف شغل تاني في مكان تاني
«صفاء بعصبيه» وهتلاقي فين شغل بمرتب حلو زي دا انتي تعتذري لصاحب الشغل وترجعي انتي اكيد السبب
«حياء بدفاع» لا والله معملتش حاجه ابن صاحب الشغل مستقصدني علي طول يفضل يتريق عليا ويفضل يزعقلي بدون سبب
«صفاء بعدم فهم» يتريق عليكي ازاي يعني مش فاهمه
«حياء بحزن» النهارده فضل يتريق علي لبسي واني بغض البصر ومش ببصله وقالي انتي مادة للسخريه
«صفاء بقرف» ماهو عنده حق فعلا دا منظر لبس دا الناس كلها قالتلك كدا وانتي مبتقتنعيش يابنتي اقلعي النقاب دا والبسي زي البنات انا عايزه مصلحتك
«حياء برفض» علي جثتي اقلع النقاب او اقلع لبسي وبعدين انا موظفه عنده ليه عندي شغله مش اكتر ملوش دخل يقولي لبسه كدا ليه صح ياابله صفاء
«صفاء بقرف» صح يختي بس اسمعي من بكرا تدوري علي شغل اه قاعدتك كدا مش هتعجبني انتي فاهمه
«حياء ببراءه» حاضر بس بابا فين
«صفاء بقرف» نايم يختي جوا شكله تعبان فدخل يرتاح شويه وانا هروح عند خالتك مني شويه
«حياء بحب» توصلي بالسلامه ان شاء الله
«صفاء» يارب يختي
«ماجد بهدوء» زين انت فعلا طردت حياء من الشركه
«زين ببرود» انا مطردتهاش هي اللي مشيت
«ماجد بهدوء» وياتري مشت من نفسها ولا انت السبب في مشيها
«زين ببرود» والله روح اسألها
«ماجد بعصبيه» انت هتستعبط فيها انت السبب انها تمشي هي البنت في حالها والكل بيحلف بأدبها انت مش سيبها تستغل بهدوء ليه
«زين ببرود» بابا هي مشت والموضوع خلص ولو سمحت سيبني اشتغل
«ماجد بعصبيه» ومين قالك ان الموضوع خلص انا وانت بعد مانخلص شغلنا هنروح بيتها نعتذرلها عشان ترجع
«زين بعصبيه» لا طبعا مش رايح ومش هعتذر انا مش عايز اشوفها تاني في الشركه
«ماجد بعصبيه» الشركه دي بتاعتي انا وهتبقي ليك من بعد مااموت والموظفين هنا انا اللي اقول مين يقعد ومين يمشي ولما اقولك علي حاجه تنفذها انت فاهم
«زين بنفاذ صبر» ماشي يابابا اللي تشوفه
«ماجد» وحاجه كمان اذا كان الكل بيعملك حساب وبيخاف منك ففتكر اني انا ابوك يعني صوتك ميعلاش عليا يااستاذ زين
«زين بإحراج» اسف يابابا انا مش قصدي اعلي صوتي علي حضرتك
«ماجد بصبر» ربنا يهديك يبني
«حياء بحب» مالك يابابا ابله صفاء بتقولي انك تعبان
«خيري بتعب» انا كويس والله يابنتي بس صعبان عليا نفسي
«حياء» ليه ياحبيبي احكيلي في ايه
«خيري بحزن» من ساعة ماتولدي وانتي نورتي حياتي كلها كنت بشتغل ليل ونهار عشانك بس كنتي محتاجه ام تراعييكي وتاخد بالها منك عشان كدا اتجوزت صفاء تكون زوجه وام ليكي بس دلوقتي مبقتش قادر علي الشغل وبشتغل علي قدي وانتي نزلتي وبقيتي تشتغلي عشان تخففي من مصاريفك ودي حاجه مزعلاني اني مش قادر اصرف عليكي
«حياء بحب» يابابا وجودك عندي بالدنيا وانت ياما فرحتني وعملتلي الحلو كله وكنت بشوفك وانت جاي من الشغل مهدود عشاني عشان توفري حياه كريمه وانا جه دوري عشان اشيل عنك شويه اهم حاجه عندي تبقي كويس واطمن عليك ان شاء الله هجبلك الدكتور هنا عشان نطمن بس يابابا بالله عليك متخبيش عليا تعبك تاني وتقولي انا كويس انا معايا فلوس الحمدلله ياحبيبي اهم حاجه ترضي عني
«خيري بتعب» راضي عنك ياحياء راضي عنك يانور عيني
«حياء بتحاول تفرفش والدها» هعملك بقي اكله اللي انت بتحبها اي خدمه يابوب
«خيري بإبتسامه» انتي اي اكله بتعمليها بتحرقيها ياحياء
«حياء بغيظ طفولي» خلاص ياولدي اللي فات مات حياء بنتك هتبقي شيف محترف
«خيري بحب» لما نشوف يختي اوعي بسببك يجيلي تسمم منك
«حياء بغيظ طفولي» وبعدين معاك ياولدي قولتلك ثق فيا
«حياء بحب» الغدا جهز ياحبيبي يلا عشان تاكل
«خيري بحب» لما ندوق كدا ونشوف
«حياء بإبتسامه» هاااا حلو نجحت المرادي
«خيري بحب» ماشاء الله تسلم ايدك جميل يابنتي
«حياء» طب كل يلا عيزاك تخلص الاكل دا كله
«خيري» طب وانتي مش هتاكلي يابنتي
«حياء بحب» هاكل بس انا شبعانه دلوقتي متشغلش بالك بيا
«صفاء بخبث» الراجل دا شكله هيموت قريب باين
«مني بصدمه» بتهزري يعني خيري خلاص بيودع
«احمد بفرحه» اللهم صلي علي النبي
«صفاء» بس ياواد متفرحش اوي كدا انا شاكه لسه
«مني» بس انتي شاكه انو هيموت اوي كدا ليه
«صفاء ببرود» بقي نايم علي طول وبيشتغل بالعافيه وساعات بيشتكي انو مش عارف ياخد نفسه وحاجات كدا كتير
«احمد بمكر» واكيد هو حاسس انو هيودع قريب
«صفاء» ايوه حاسس بس قالي مقولش لحياء عشان متتعبش
«احمد بغباء» حلو اووي يعني يدوبك اتقدملها واكيد هو هيوافق عليا عشان يطمن عليها
«صفاء بقرف» غبي يااحمد ابوها استحاله يوافق عليك انا كلمته كام مره بس بطريقه مش مباشره ورافضك تماما
«مني بعصبيه» وليه بقي ان شاء الله هو ابني يتعايب دا سيد. الرجاله
«صفاء» بقولك ايه يختي ابنك بيشرب وماشيه مش كويس وخيري عارف دا كويس واستحاله يأمن علي حياء معاه
«احمد بعصبيه» وبعدين ياخالتي انا كدا مش هعرف اتجوزها
«صفاء بضحك» ياواد افهم بقولك بيودع يعني العقبه اللي واقفالك خلاص هيروح
«احمد بخبث» وافرضي عاش ايه الحل بقي
«صفاء بخبث» معتقدش خيري خس وبقي مفهوش صحه حتي مبيقدرش يقوم من السرير وبكرا تقول خالتي قالت
«احمد بمكر» ماشي ياخالتي ان شاء الله يموت وخلص
«زين بصبر» انا خلصت يابابا
«ماجد بحب» وانا كمان يلا بينا نروح لحياء ثم قال لحنين اوعي ياحنين تتوهينا يابنتي
«حنين» لا ياعمو انا بروح لحياء كتير وعارفه بيتها كويس
«ماجد» ماشي ياحبيبتي يلا بينا
«حنين بحب» ياحياء نا جيت ومعايا ضيوف
«حياء بصدمه»........
رواية تزوجتني رغما عني فأحببتك الفصل السادس 6 - بقلم فاطمة سيد
«حياء»: عمو ماجد واستاذ زين.
«ماجد»: ممكن أدخل يابنتي أنا وزين؟
«حياء»: طبعًا اتفضل ياعمو، البيت بيتك.
دخل ماجد وزين غرفة الصالون.
«حياء»: بعد إذنكم ثواني بس وجاية.
«ماجد»: براحتك يابنتي.
«حنين»: أنا جاية معاكي ياحياء أساعدك.
دخلت حياء وحنين المطبخ.
«حياء»: هو عمو ماجد عرف إن زين طردني إزاي؟
«حنين»: أنا اللي قولته.
«حياء»: ليه بس ياحنين، منا قولتلك هشوف شغل تاني.
«حنين»: مقدرش أشوفك بتتطردي من غير سبب وأسكت وأتفرج، دا ظلم وربنا ميرضاش بكده أبدًا ياحياء.
«حياء»: مش عارفة أقولك إيه والله ياحنين، أنا فعلًا محتاجة الشغل ده أوي وبابا تعبان خالص وكنت تايهة والله، بس كنت متوكلة على الله، ربك مبينساش أي حد أبدًا.
«حنين»: يا حبيبتي ياحياء، ربنا يشفي والدك ياحبيبتي، إنتي جميلة وتستاهلي كل خير، تعالي بقى نضيف لهم حاجة كده.
«حياء»: يلا بينا ياقمر، بس تفتكري ياحنين أستاذ زين هيقول عليا إيه، معنديش كرامة؟
«حنين»: لا طبعًا، ويقول كده ليه؟ صحيح إنتي اتطردتي بس هو جايلك بنفسه عشان يعتذرلك، يبقى كده حقك جه، وكرامتك رجعتلك.
«حياء»: عندك حق ياحنين، أنا كده فعلًا كرامتي رجعتلي، ألف حمد وشكر ليك يارب.
جهزت حياء وحنين كوبين شاي ومعهم حلويات، ثم وضعته حياء أمامهم قائلة:
«حياء»: اتفضلوا، يارب يعجبكم.
«ماجد»: أكيد هيعجبنا يابنتي، صح يا زين؟
«زين»: أكيد يابابا.
«ماجد»: بصي بقى ياحياء، أنا جبتلك زين بنفسه عشان يعتذرلك.
«حياء»: والله دا كتير عليا ياعمو ماجد.
«ماجد»: ولا كتير ولا حاجة يابنتي، اعتذر لها يلا يا زين.
«زين»: حاضر يابابا، أنا آسف ياحياء، أتمنى تسمحيني وترجعي الشغل تاني.
«حياء»: بشرط واحد وهقبل أرجع الشغل.
«زين»: اتفضلي ياحياء، شرطك إيه؟
«حياء»: إن حضرتك متدخلش في لبسي، أنا عجبني شكلي كده، وكمان الكلمة الطيبة صدقة، يعني حضرتك لو هتقدر تقول كلمة حلوة لحد يبقى كتر خيرك، ولو لأ فبلاش، حضرتك متعرفش أثر الكلمة على الإنسان ده إيه.
«زين»: مش قاصد والله يا حياء، أنا بس بحب أهزر معاكي مش أكتر.
«حياء»: أنا آسفة يا أستاذ زين، بس أنا مش بحب أهزر مع حد، أنا ملتزمة حدودي مع الكل، أنا جاية اشتغل وبس مش عشان أهزر، وأنا قولت لحضرتك كده بس مكنتش بتسمعني.
«زين»: تمام ياحياء، موافق على شرطك.
«حياء»: تمام يا أستاذ زين، كده اتفقنا، الحمدلله.
«زين»: وربنا لوريكي، بس اصبري بقى، أنا زين ماجد بنت زيك تتشرط عليا، ومالو، إنتي اللي جبتيه لنفسك.
«حياء»: وحضرتك مسافر ليه يا أستاذ ماجد؟
«ماجد»: بكرة بإذن الله تنزلي الشغل، أنا معتمد عليكي إنتي وزين وحنين في الشغل، أنا هسافر بإذن الله النهاردة بليل بطيارة خاصة، مش هعرف أتواصل معاكم، بس أنا سايب ورايا رجالة.
«ماجد»: عندي شغل هناك يابنتي وضروري يخلص، لازم أسافر.
«حياء»: ربنا معاك يارب وترجع بألف سلامة.
«ماجد»: يارب، بابنتي. نستأذن إحنا بقى.
«حياء»: مع السلامة.
ثم غادر ماجد وزين ليذهبا إلى البيت.
«حنين»: مالك ياحياء من ساعة ما مشيوا وإنتي ساكتة مبتتكلميش.
«حياء»: خايفة ربنا يزعل مني.
«حنين»: يزعل منك ليه ياحبيبتي، إنتي معملتيش حاجة.
«حياء»: أنا دخلت رجلين البيت وقعدت معاهم من غير محرم، بس والله أنا قولت لبابا إن عمو ماجد وأستاذ زين جم، هو استغرب أوي ومتكلمش، وكان عارف إنك معايا، وخلت الباب القوضة بتاعته مفتوحة عشان يشوفني قدامه.
«حنين»: يبقى خلاص، يبقى إنتي طبقتي الشرط وفعلاً باباك كان شايفك، يعني يعتبر المحرم معاكي في نفس القوضة، متخفيش بقى.
«حياء»: أنا مقدرش على زعل ربنا مني أبدًا ياحنين، ولما بعمل غلطة قلبي بيوجعني أوي وبعيط، هو أماني وسندي، وبحاول على قد ما أقدر أمشي على الطريق المستقيم وأمنع نفسي من أي حاجة تزعزع علاقتي بربنا.
«حنين»: يااه، نفسي أبقى زيك أوي ياحياء، بخاف كده من ربنا، أنا ساعات بعمل الذنب ومبقاش خايفة من ربنا، أستغفر الله العظيم ومش عارفة أعمل إيه.
«حياء»: بصي ياستي، هل إنتي تجرئي تعملي الذنب ده قدام والدتك؟
«حنين»: أكيد لأ.
«حياء»: طب ليه؟
«حنين»: عشان ماما ممكن تقطعني كده من الضرب ده، غير الشتايم اللي هسمعها.
«حياء»: يعني خايفة من بشر ومش خايفة من مالك الملك؟ بصي ياحنين، لو عايزة مثلاً تعملي ذنب، افتكري إن ربنا شايفك، وإنتي بتداري ذنبك عن الناس ومش خايفة منه هو، مع إن ربنا هو الحق إنك تخافي منه، متجعليش الله أهون الناظرين إليكِ، ربنا رحيم وغفور، بس تخيلي معايا، أنا مثلاً رايحة أكلم شاب وبحاول أخفي ده من أهلي، وإنتي بتكلميه، ربنا شايفك؟ موقفك إيه وهو شايفك وإنتي بتعصيه؟ تخيلي ربنا اللي بيحب عبده بيشوفه بيعصيه، تخيلي نظرته ليكي كده؟ والعقاب اللي هتاخديه إيه؟ وكمان إحنا بنعمل الذنوب وبننسى، بس ربك مبينساش، وكل حاجة مكتوبة، لقوله تعالى: (وما يلفظ من قول إلا لديه رقيب عتيد). قبل ما تعملي ذنب، اعرفي إن مالك الملك شايفك، صدقيني هتستحقري نفسك تعملي حاجة. أنا من ساعة ما عملت كده بقيت بخاف من ربنا وبعمل حساب إنه شايفني. وبعدين أي حاجة حرام ده لمصلحتك إنتي، يعني لو الخمر ده حلال البشرية هتتدمر، هتلاقي الكل بيقتل في بعضه وممكن حد يز*ني بواحدة وهو مش داري، صح؟ ف أي حاجة حرام اتحرمت لأجلك إنتي.
«حنين»: قد إيه بستفاد منك ياحياء.
«حياء»: وأنا كمان ياعسل. هو ممكن أطلب طلب لو مش هتقل عليكي؟
«حنين»: طبعًا ياحياء، اطلبي، ده أنا أديكي عيوني.
«حياء»: منحرمش منك يا قلبي. أنا بس كنت مكلمة الدكتور يشوف بابا، وهو زمانه جاي في الطريق، بس قبل صفاء شكلها هتتأخر عند أختها، وأنا مكسوفة أكون لوحدي مع دكتور، ممكن تستني وتقعدي معايا ومتمشيش؟
«حنين»: بس كده، ما إنتي عارفة ماما بتحبك، ولما بقولها هروح عند حياء متقوليش حاجة، وبتسبني أقعد معاكي براحتي.
«حياء»: طب الحمدلله، يحفظك ليا يا نور عيني.
«حنين»: تعالي بقى أحكيلك عن الرواية اللي أنا بقراها.
«ماجد»: مالك يازين، حاسك مدايق؟
«زين»: إنت مش شايف يابابا، الأستاذة بتحطلي شروط، قال إيه عشان ترجع، وكمان متعمدة تحرجني بذوق، قال إيه أنا مبهزرش مع حد، أنا جاية اشتغل وبس. لا بجد والله.
«ماجد»: والله يا زين، حياء بنت محترمة جدًا ومش متعمدة تحرجك ولا حاجة، البنت تعبت من كتر تريقتك عليها، عشان كده شرطت عليك متضايقهاش، ودي مفهاش حاجة تزعل يابني، خلي بالك من حياء واعتبرها أختك يا زين.
«زين»: تمام يابابا. ثم قال لنفسه: كويس أوي إنك هتسافر، والله لزلها، وأعرفها مين زين ماجد بحق وحقيقي.
«ريم»: قولتلك موضوعنا انتهى يازياد.
«زياد»: بس أنا بحبك، وأنا عارف إني غلطت، أنا آسف، تعالي نرجع ياريم.
«ريم»: لأ، عشان خاطر ربنا، أنا مش هغضبه تاني عشانك.
«زياد»: كده ياريم؟ وحبنا ده؟ إحنا بنحب بعض بقالنا كتير.
«ريم»: لو بتحبني، اتقدملي.
«زياد»: ما إنتي عارفة إني لسه بكون نفسي، وكمان محدش بيساعدني في مصاريف الجواز.
«ريم»: مليش فيه، اتصرف، ولحد ما تتصرف، ملكش كلام معايا، مع السلامة.
قفلت ريم مع زياد وكانت حاسة برضا شديد لأنها بعدت عن الحرام، وفي نفس الوقت تبكي على حبها، فهي تحب زياد لدرجة الجنون، فهي متعلقة به بشدة.
«ريم»: ليه يارب خلتني أحبه وأتعلق بيه. ثم أرسلت لحياء رسالة وقالت فيها: محتاجاكي أوي ياحياء.
«حنين»: وبعدين بقى ياستي، البطل مراد حضن حبيبته مرام وقالها بحبك، وعملها عشا رومانسي، وفضلوا يرقصوا سلو، والبطل ده بقى بنات كلها بتموت فيه، والبطلة بتغير عليه جدًا، وبيحصل ما بينهم مواقف حب كتير بتخليني أسرح كده.
«حياء»: الروايات دي غلط يا حبيبتي، دي بتثير الغرائز.
«حنين»: يعني إيه بتثير الغرائز؟
«حياء»: الروايات دي روايات باطلة ومفيهاش استفادة، كون إن الكاتب يكتب مشاهد حب ما بين البطلة والبطل، دي بتثير شهوتك، وأكيد بتتخيلي تصوري المشهد ده في مخيلتك، زي مثلًا البطل حضن البطلة، إنتي هتتصوري المشهد ده في دماغك وهتتمني لو إنتي مكان البطلة، مش ده بيحصل معاكي؟
«حنين»: آه جدًا، وبفضل أسرح مع نفسي كتير، وساعات والله بحس بقرف من نفسي كده.
«حياء»: شفتي بقى، والكاتب ده بياخد سيئات كتير لأنه كتب حاجات متنفعش تنكتب، تلاقي الكاتب ممكن يكون كاتب حاجات بتحصل بين راجل وزوجته ومفيش حياء ولا خشية، كل ده حرام طبعًا، وبيخليكي للأسف تتصوري كل حاجة بعقلك، وبتلاقي إن رواية مفهاش أحداث ولا حاجة قايمة على المنظوم ده بس، اقرئي روايات تقربك من الله أو تعلمك دينك صح، عندك روايات كتير تقرئيها، زي مثلًا رواية "رفيق" للكاتبة زيزي محمد، ورواية "استقيمي أيتها النفس" لنفس الكاتبة، ورواية "تزوجتني رغماً عني فأحببتك" ليها برضه، بجد هتفيدك جدًا، وابعدي عن الروايات الهابطة يا حنين.
«حنين»: حاضر يا حبيبتي، أنا والله مكنتش مرتاحة برضه وأنا بقرأهم، كنت بحس بحاجة غلط، بس الحمدلله إن حكيتلك ونبهتيني.
«حياء»: الحمدلله، ربنا يهديكي ويهدينا يا قمر. ثم استمعت حياء أن الباب بيخبط.
«حنين»: ده أكيد الدكتور، هقوم أفتح له.
جاء الدكتور ثم أدخلته حياء عند والدها، ولم يكن وجه الدكتور مريحًا.
«حياء»: هو والدي كويس؟
«الدكتور»: بصراحة، أنا مكنش ينفع أتكلم أمام الوالد، بس هو محتاج عملية في القلب ضروري جدًا، لأنه لو معملهاش، ده فيه خطر على حياته جدًا.
«حياء»: ......
رواية تزوجتني رغما عني فأحببتك الفصل السابع 7 - بقلم فاطمة سيد
«حياء بصدمة» ليه أنا والدي ماله يا دكتور؟ بالله عليك فهمني.
«الدكتور بهدوء» اهدي يا آنسة. من الأشعة اللي قدامي، والدك عنده مشكلة في القلب. التلات شرايين اللي في القلب مسدودين تماماً، ووالدك مش قادر ياخد نفسه، وده أدى لنقص الأكسجين في القلب. فلازم يعمل العملية بسرعة جداً.
«حياء بخوف» ماشي. نعملها بس تكلفة العملية إيه يا دكتور؟
«الدكتور بهدوء» والله يا بنتي هي غالية. العملية تتكلف 200 ألف جنيه. هنعملها في المستشفى... بس بكره أو بعده بالكتير. نعمل العملية قبل لا قدر الله ما نلحقش نساعده. بعد إذنك.
نزل الخبر على حياء مثل الصاعقة. فهي من الممكن أن تفقد أباها، فهو سندها وأمانها الوحيد من بعد الله. فضلت حياء تبكي بحرقة، فهي لا تدري ماذا تفعل بالفلوس، فهي لا تملك كل هذا المبلغ. ومع ذلك، حياء كانت من قلبها صوت خافت يقول لها: "لا تحزني، إن الله معنا".
«حنين بحزن» لا حول ولا قوة إلا بالله. أنتي معاكي المبلغ ده يا حياء؟
«حياء بصبر» لا. مش معايا كل المبلغ ده. أنا اللي حلتي 500 جنيه بس. ربنا هيفرجها.
«حنين بخوف» هيفرجها إزاي بس يا حياء؟ مفروض والدك يعمل العملية بكرة أو بعده بالكتير. لأما... ثم سكتت حنين.
«حياء بابتسامة صبر» لأما هيموت. مكملتيش كلامك ليه؟ ربنا ما بينساش حد نهائي يا حنين. خلي عندك دايماً يقين في الله إن مشكلتك هتتحل. الظاهر قدامنا إن مفيش حل، بس ربنا ممكن يفتح قدامي مليون باب مش باب واحد. ومتنسيش إن الصبر مفتاح الفرج. قال الله تعالى: (إِنَّا خَلَقْنَا الْإِنْسَانَ مِنْ نُطْفَةٍ أَمْشَاجٍ نَبْتَلِيهِ فَجَعَلْنَاهُ سَمِيعًا بَصِيرًا * إِنَّا هَدَيْنَاهُ السَّبِيلَ إِمَّا شَاكِرًا وَإِمَّا كَفُورًا). صدق الله العظيم. وقال رسولنا الكريم صلى الله عليه وسلم: (ما يصيب المسلم من نصب ولا وصب ولا هم ولا حزن ولا أذى ولا غم حتى الشوكة يشاكها إلا كفَّر الله بها من خطاياه). دايماً البلاء فيه رحمة من الله. الحمد لله.
«حنين بحب» كل مرة بتعملي مني درس جديد. ربنا يكتر من أمثالك يا حياء. وإن شاء الله أنا كمان هحاول أتصرفلك في فلوس. فلوس الدنيا متغلاش عليكي يا نور عيني.
«حياء بحب» شكراً يا حبيبتي. أنا هكلم أبلة صفاء، ممكن ترضى تبيع الدهب اللي بابا جيبهولها. وهكلم عمو ماجد أطلب منه. إن شاء الله تتحل. أنا متفائلة. المهم روحي أنتِ دلوقتي. اتأخر أوي. وبكرة نتقابل في الشركة.
«حنين بصدمة» أنتي هتيجي الشغل وهتسيبي باباكِ يا حياء؟
«حياء برفض» لا طبعاً. أنا هشوف حد يسلفني من زميلاتنا في الشركة. يمكن حد يقدر يساعدني. أنا هعمل كل حاجة عشان أنقذ أبويا. وإن شاء الله ربنا ميرجعنيش البيت مكسورة أبداً.
«حنين بزعل» مع إني عارفة ومتأكدة إنك مبتحبيش تاخدي حاجة من حد. بالعكس بتحبي أنتِ اللي تدي دايماً. ربنا يفك كربك ويحفظلك والدك يا رب. أنا همشي. السلام عليكم.
«حياء بابتسامة صبر» مع السلامة.
فضلت حياء تصبر نفسها وتقول: "ربنا مش هيخذلني أبداً. ربنا حبيبي. دا ابتلاء خفيف وهيروح في حاله. أيوه يا حياء خليكي قوية قدام والدك وقدام نفسك. والدك هيبقى بخير. متخفيش يا حياء. ربنا معاكي. يا مغيث أغثني". فضلت حياء تردد هذا الدعاء وتقول: "لا حول ولا قوة إلا بالله". دخلت حياء غرفة والدها وتحاول تتظاهر أمامه بالثبات والقوة حتى تخفف عنه.
«حياء بحب» كده يا خيري تخطني عليك؟ الدكتور ضمني وقالي إن شاء الله هتبقى بخير.
«خيري بحزن» متضحكيش عليا يا حياء. أنا سمعت كلام الدكتور. هاتيجي كل الفلوس دي منين يا بنتي؟
«حياء بحب» بابا. ومن امتى ربنا بينسى عبده؟ متقولش هجيب الفلوس منين. كل حاجة هتتدبر. بس عايزك تقوى عشاني. هي مرحلة وهنعديها سوا. وهتعمل العملية وهتكون زي الفل.
«خيري بحب» تفتكري هعيش يا حياء؟
«حياء دمعت عينيها ولكن أخفتها بسرعة» قائلة: وبعدين معاك يا بابا؟ هتعيش إن شاء الله. وتعيش وتشوفني في بيت زوجي وتشوف أحفادك كمان.
«خيري بدموع» يا ريت يا بنتي. ربنا ما يحرمني من شوفتك أنتِ وأولادك يا رب.
«حياء بتمالك نفسها أمام دموع والدها» بابا لو بتحبني متعيطش أبداً. عشان خاطري. كل حاجة هتتظبط وأمورنا هتبقى كويسة. متخافش يا حبيبي. مدام إحنا متوكلين على ربنا يبقى متقلقش أبداً. تصبح على خير يا حبيبي.
«خيري بحب» وأنتِ من أهل الخير يا حجابي من النار.
غادرت غرفة والدها، ثم بدأت حياء بالاستغفار كثيراً حتى الله يفك قربها. فالاستغفار هداية من الله فيها تغفير للذنوب وفك كرب المهموم. فسيد الاستغفار: "اللهم أنت ربي لا إله إلا أنت، خلقتني وأنا عبدك، وعلى عهدك ووعدك ما استطعت، أعوذ بك من شر ما صنعت، أبوء لك بنعمتك علي وأبوء بذنبي، فاغفر لي، فإنه لا يغفر الذنوب إلا أنت".
«صفاء بقرف» السلام عليكم. مالك يا أختي قاعدة مهمومة كده ليه؟
«حياء بحزن» بابا تعبان جداً يا أبلة صفاء ومحتاج عملية في القلب. ف خلال يوم أو يومين بالكتير. العملية غالية وهتحتاج 200 ألف جنيه.
«صفاء بحزن زائف» لا حول ولا قوة إلا بالله. وهتعملي إيه يا حياء؟
«حياء بخوف وتوتر» بقول يعني لو حضرتك تساعديني إنك تبيعي دهبك. وأنا والله هرجعهولك تاني في أقرب وقت.
«صفاء بقلة أدب» قولي بقى إنك غيرانة مني وهتموتي وعايزة تاخدي دهبي يا حياء.
«حياء ببراءة» لا والله مش طمعانة في دهبك. أنا بس عايزة تسعديني.
«صفاء بعصبية» مليش فيه يا حبيبتي. اتصرفي أنتِ. وأوعي تمدي إيدك على دهبي. أوعي.
«حياء ببكاء» أنا مش حرامية يا أبلة صفاء. أنا هتصرف. شكراً ليكي. أنا هنام. تصبحي على خير.
«صفاء» وأنتِ من أهله يا أختي.
«سلمى بحزن» هتتأخر يا ماجد؟
«ماجد بحب» لا مش هتأخر. وبعدين سيبني بقى عايز أمشي.
«زين بابتسامة» عيني عليكم باردة. إيه الحب ده كله؟
«سلمى بكسوف» بس يا زين عيب كده.
«ماجد بحب» كده تكسفي أمك. إن شاء الله مش هتأخر عليكم.
«سلمى» توصل بألف سلامة يا ماجد. تبقي تطمنا لما توصل.
«ماجد بحب» حاضر يا حبيبتي. ثم احتضن ابنه زين وغادر المنزل ليسافر في طائرته الخاصة.
«سلمى بحزن» البيت هيفضى بينا خلاص.
«زين بحب» متزعليش يا ماما. أنتِ محسساني إن بابا أول مرة يسافر.
«سلمى بحزن» بلاش أزعل يعني يا زين؟
«زين بابتسامة» لا مش قصدي يا حبيبتي. ادخلي نامي بقى. الوقت اتأخر. تصبحين على خير.
«سلمى بحب» وأنت من أهل الخير يا حبيبي. صليت النهارده؟
«زين بكذب» آه يا حبيبتي صليت.
«سلمى تعلم كذب ابنها» قائلة: كنت عايزة أقولك حديث جميل أوي. جاء أحد الصحابة لرسول الله صلى الله عليه وسلم قال: يا رسول الله، هل المؤمن بخيل؟ قال: نعم. قال: هل المؤمن يكون سارقاً؟ قال: نعم. قال: هل يكون المؤمن كاذباً؟ قال: لا. النبي قال: المؤمن عمره ما يكذب. عشان الكذب فيه انتشار المفاسد ويمكن يضيع الحقوق للفرد. متستحلش الكذب. له خطورة كبيرة على الإنسان. فمتكذبش يا زين تاني.
«زين بإحراج» حاضر. مش هكذب تاني يا ماما.
«سلمى بحب» ربنا مبيحبش الكذاب. أنت كذبت عليا عشان خايف من عقابي ليك. طب مخوفتش من مالك الملك وعقابه اللي هيكون أشد مني؟ التزم صلاتك يا زين وخلي بالك من نفسك يا حبيبي. تصبحين على خير.
«زين بإحراج» وأنتِ من أهله يا حبيبتي.
«مروان بخبث» مش أستاذ ماجد سافر يا سالي؟
«سالي بعدم فهم» مش فاهمة إيه يعني؟
«مروان بمكر» يابت بقولك سافر يعني زين هو اللي هيمسك كل حاجة تبع الشركة. ودي فرصتنا إننا نسيطر عليه ونخليه ميهتمش لشغله وتبوظ الصفقات اللي داخل فيها. كده هنبوظ سمعة الشركة إنها غير مسؤولة ويخسر زين كل حاجة ويبقى رجل أعمال فاشل.
«سالي بخبث» ده أنت عليك دماغ تودي في داهية.
«مروان» من بكرة تبدأي تساهري زين كل يوم وتبقي معاه لحظة بلحظة. وأنا من جانب آخر هلعب في ورق الشغل. عايز أخلي اسم زين ماجد يلمع تاني. فاهمة؟
«سالي» مفهوم يا بيبي.
«مروان بخبث» تعجبيني.
لم تقدر حياء على النوم. فهي تحمل بداخلها حزن كبير. فهي لم تعد سعيدة ولكن تتظاهر بذلك. تتعامل مع الكل باحترام، ولكن لم يعاملها أحد بحسن ولين. فالكل يتعمد إيذائها وإحراجها. ومع ذلك، فحياء لم تتكلم وتسامح الآخرين وتضع لهم سبعين عذراً. فهي تعلم أن لها أجراً على صمتها، لقوله تعالى: (والكاظمين الغيظ والعافين عن الناس والله يحب المحسنين). فالله عز وجل يحب المحسن دائماً للناس ويكتم ما في قلبه من حزن وكرب ولا يصرح بها. فالله يجزيه أجر ذلك.
«حياء بخنوع وخشوع لربها» قائلة: يا الله، مليش غيرك ومليش حد يساعدني غيرك يا رب. ساعدني ووقف لي ولاد الحلال اللي يساعدوني واعملي العملية لبابا يا رب. أنت قادر تغير حياتي للأحسن يا رب. استجب دعائي يا كريم. أنا ظني بك يا الله لا يخيب. ثم ختمت دعائها: اللهم آمين.
«صفاء دخلت غرفتها» قائلة: خدي تليفونك اللي عمال يزن ده.
«حياء» تمام. شكراً.
«صفاء تكلم نفسها» قائلة: أمتى أخلص منك؟ أمتى؟ ثم غادرت غرفتها.
«حياء بصبر» السلام عليكم. إزيك يا حبيبتي؟ عاملة إيه؟
«ريم بحزن» وعليكم السلام. أنا الحمد لله. كده يا حياء أفضل أرن عليكي مترديش عليا؟
«حياء بحب» حقك عليا. مسمعتش. التليفون كان بره في الصالة.
«ريم بشك» مالك يا حياء؟ صوتك فيه حاجة؟ أنتِ تعبانة؟
«حياء بحب وتخفي ما بداخلها» هااا؟ لا أنا كويسة يا حبيبتي. المهم أنتِ حاسة كده في حاجة؟
«ريم بحزن» أيوه فيه. أنا آسفة طبعاً إني بكلمك في وقت متأخر أوي كده. زمانك عايزة تنامي عشان تصحي لشغلك.
«حياء بخوف» ولا يهمك. المهم احكيلي. في إيه؟
«ريم بحزن» هو ليه ربنا خلاني أتعلق بزياد؟ هو مش قلوبنا دي مش بإيدينا يعني؟ ربنا خلاني أحب زياد وأتعلق بيه ليه؟ ربنا يعلقنا بحاجة ممكن متبقاش ليه؟ ليه ربنا يرضى بعذاب قلوبنا؟
«حياء بحب» نكلم شاب وربنا مقلناش نخرج معاه. وربنا مقلناش نحب حد. أنتِ اللي كلمتيه، وأنتِ اللي خرجتي معاه، وأنتِ اللي رضيتي تكونو في علاقة غلط ولا ترضي الله. أنتِ كأنك روحتي للنار برجليكي وتقولي: يا رب أنت وديتني النار ليه؟ ف أنتِ جاية تلومي ربنا مع إنك أنتِ السبب وأنتِ اللي عملتي كده. فربنا معلقنيش بحد. بالعكس أنتِ اللي علقتي نفسك. استغفري يا ريم ربنا على كلامك ده. حاشاه الله أن يعذب قلب عبده أبداً.
«ريم بإحراج» عندك حق. أنا إزاي فكرت كده في ربنا؟ ربنا يسامحني يا رب. عمالة أخلط في حق ربنا كتير. ثم قامت بالبكاء.
«حياء بحب» عياطك ده دليل على نيتك الصافية وإنك بتحاولي ترضي ربنا. بس بلاش تفكيرك ده يخليكي تفكري إن ربنا مش عادل. أو ليه يارب كده. المالك الملك عادل في كل شيء. وكمان كلمة "ليه يارب" دي غلط كبير. إنك بتقولي أنا مش موافقة على اللي بيحصل. استغفر الله العظيم. استغفري كتير يا ريم. والتزمي الصلاة وقراءة القرآن والدعاء. وإن شاء الله ربنا يغفر ذنبك ويهدي قلبك يا جميلة.
«ريم بحب» بجد يا حياء؟ أنتِ بتديني أمل في بكرة؟ بتخليني أحب الحياة وأتعلق بربنا أكتر؟ حاضر. أنا هصلي وهقرأ قرآن. ربنا يسامحني ويرضيني يا رب. أنا هقفل بقى عشان أنا طولت عليكي. تصبحي على خير يا جميلة القلب.
«حياء بحب» وأنتِ من أهل الخير. مع السلامة.
ف حياء مع شدة كربها وحزنها على والدها لم تقفل بابها لتنصح أحد. فهي في شدة والفرح تحاول تساعد غيرها بكل ما تقدر. نامت حياء فهي متعبة للغاية وتردد بصوت خفيف: "لا تحزني، أنا الله معنا".
صباح يوم جديد. لابد أن يبدأ بركعتين وقراءة القرآن ليكون في اليوم بركة وسعادة.
حياء قامت من السرير خائفة ولكن متوكلة على الله. لبست حياء جلباب بلون الأسود وخمار ونقاب وبيشة بنفس اللون. ثم غادرت المنزل وركبت مواصلاتها هي وحنين. ثم وصلوا لمكان عملهما.
«حنين بخوف» ها. هتعملي إيه يا حياء؟
«حياء بتوتر» هروح أكلم أستاذ زين. يمكن يقدر يساعدني ويديني سلفة. وبعدها يبقى يخصم من مرتبتي.
«حنين بحب» متخفيش. إن شاء الله خير. وهيرضى. روحي يلا.
«حياء بتوتر» حاضر.
ثم ذهبت حياء بكسوف شديد لزين. فهي لا تريد تطلب منه شيئاً ولكن ما باليد حيلة. استأذنت حياء، ثم أذن لها زين بالدخول.
«زين بغيظ» نعم يا حياء؟ عايزة إيه؟
«حياء بتوتر وخوف» كنت عايزة من حضرتك سلفة ضروري.
«زين بغيظ» سلفة؟ وقد إيه السلفة دي؟
حياء بتوتر 200 ألف جنيه.
«زين بعصبية» نعم؟ بتقولي كام؟ آسف والله مش هقدر أديكي السلفة دي.
«حياء بدموع» بالله عليك يا أستاذ زين. أنا فعلاً محتاجة الفلوس جداً. بابا محتاج عملية ولازم يعملها النهارده أو بكرة بالكتير. وبعدين ممكن تخصم من مرتبتي أو تاخد مرتبتي كله. بس بالله عليك ساعدني.
«زين يكلم نفسه» قائلاً: والله وجاتلي مذلولة يا حياء. ودي فرصتي.
«ثم قال لها ببرود» ماشي. موافق هديكي الفلوس عشان تعملي عملية والدك. بس بشرط.
«حياء بفرحة» اشترط زي ما أنت عايز.
«زين بانتصار وقال ببرود» نتجوز.
«حياء بصدمة».......
رواية تزوجتني رغما عني فأحببتك الفصل الثامن 8 - بقلم فاطمة سيد
«كُنْ مُخْتٓلِفًا العٓالٓمْ لآ يٓحْتٓاجْ المٓزِيدْ مِنٓ النُسٓخ»
«حياء بصدمه وعدم تصديق»
نتجوز؟
«زين ببرود»
مالك اتصدمتي كده ليه؟ أكيد مش مصدقة نفسك إنك هتتجوزي رجل أعمال مشهور وغني، مش كده؟
«حياء بصدمه»
حضرتك، بس انت مش بتطقني حتى. عايز تتجوزني ليه؟
«زين ببرود»
مزاجي كده يا حياء. واديكي عرفتي الشرط. لو موافقة هنتجوز وهديكي فلوس تعملي العملية لوالدك. ولو مش موافقة، مالكيش حاجة عندي. تمام؟ هسيبك نص ساعة تفكري، مش أكتر من كده.
«حياء بدموع»
انت بتعمل معايا كده ليه؟ أنا مش طالبة منك غير سلفة وهردها لك والله. ليه بتحاول تستغلني يا أستاذ زين؟ اعتبرني أختك وبستنجد بيك. ليه بتعمل معايا كده؟
«زين ببرود»
والله ده اللي عندي، وقولتهولك يا حياء. موافقة يبقى انتي عاقلة وبتفكري كويس. ولو لأ، يبقى انتي بتضيعي أهم فرصة في حياتك وهتخسري والدك. محدش هيسلفك المبلغ ده كله. فوافقي أحسن لك. ثم تابع حديثه بصوت جحودي:
واتفضلي اطلعي بره عشان عندي شغل.
«حياء بدموع»
حاضر.
ثم غادرت حياء إلى مكتبها.
«زين يكلم نفسه»
وفري دموعك دي يا حياء. والله لأوريكي أيام هخليكي تتمني الموت.
«حنين بخوف»
هااا، أستاذ زين رضي يسلفك المبلغ؟
«حياء بصدمه»
آه وافق.
«حنين بفرحه»
بجد؟ الحمد لله. بس مالك كده مش فرحانة؟
«حياء بصدمه وعدم تصديق»
بشرط إنه يتجوزني.
«حنين بصدمه»
بتقولي إيه يا حياء؟ يتجوزك؟
«حياء»
آه. هو قالي لو مش هتوافقي مش هتاخدي الفلوس. وأنا مش عارفة أستلف من مين ولا أكلم مين. وحتى لو كلمت حد، أبويا مفروض يعمل العملية النهاردة أو بكرة بالكتير. ثم أكملت كلامها بحيرة:
مش عارفة أعمل إيه.
«حنين بيأس»
معندكيش غير إنك توافقي على جوازتك من زين يا حياء.
«حياء برفض»
استحالة أتزوجه. ده مش الراجل اللي بحلم أكون معاه. أنا عايزة أتجوز واحد صالح، طيب، وحنين عليا، وأكون واثقة من قراري. مش زين، مش ده طموحي أبداً.
«حنين بيأس»
وهتعملي إيه بس يا حياء؟
«حياء بتعب ودموع»
مش عارفة والله. استني، شكل تليفوني بيرن.
«صفاء بحزن زائف»
الحقيني يا حياء، أبوكي شكله بيموت.
«حياء ببكاء»
بابا ماله؟ حصل إيه؟
«صفاء بحزن زائف»
مش قادر ياخد نفسه وعمال يستشهد. شكلنا هنكون من غير راجل يا حبيبتي.
«حياء بدموع ورفض»
متقوليش كده. بابا هيعمل العملية وهيكون كويس.
«صفاء بعدم تصديق»
وإنتي عرفتي تجيبي الفلوس إزاي؟!
«حياء بدموع»
متشغليش بالك بحاجة. أنا جايه حالا ومعايا الفلوس وهيعمل العملية بإذن الله. مع السلامة.
«حنين بيأس»
خلاص يا حياء، هتوافقي على الجوازة؟
«حياء بدموع»
معنديش غير الحل ده للأسف. مكنتش متخيلة إن هيحصل فيا كل ده. بس راضية يارب على كل حاجة. إن شاء الله بلاء ويروح.
«حنين بقوة»
إنتي قوية يا حياء، والأمور كلها هتمشي يا حبيبتي. ربنا مش هيسيبك أبداً. قال الله تعالى: (لا يكلف الله نفسا إلا وسعها). ربنا مش هيبتليكي بكل ده إلا وإنتي قدّه.
«حياء بصبر»
عندك حق. المهم، الحق بابا قبل ما يضيع مني.
«مروان بعصبيه»
هو اللي أنا سمعته ده صح؟
«زين بهدوء»
سمعت إيه؟ مش فاهم.
«مروان بعصبيه»
إنك عايز تتجوز حياء.
«زين ببرود»
أيوه عايز أتوزها. مالك متعصب ليه؟
«مروان بعصبيه»
بس حياء مش شبهك يا زين. وقال بكذب: دي واحدة مشدودة ومعقدة. وبعدين هي من طبقة متوسطة وأنت أغنى الأغنياء في إسكندرية. تتجوزها ليه؟
«زين ببرود وحزم»
حياتي متدخلش فيها. أتوز اللي أنا عايزه. أنت مش هتقولي أتوز مين ومتجوزش مين، أنت فاهم؟ وآخر مرة صوتك يعلى عليا. اتفضل على مكتبك.
«مروان بغل»
تمام، ماشي يا زين. أنا ماشي.
زين أخبر والدته ووالده أنه هيتجوز حياء. فرح الوالد بشدة، فهو يعرف أخلاق حياء جيداً. ولكن الوالدة معترضة على ذلك.
«سلمى بعصبيه»
يعني إيه تتجوز في خلال يوم؟ أنت أهبل يا زين؟ وبعدين أنت عرفتها امتى دي؟
«زين بهدوء»
أيوه، أنا عارفها كويس. دي حياء بتشتغل معايا في الشركة، مؤدبة جداً. وبابا يشهد على حسن أخلاقها. وبعدين ملتزمة، مش إنتي نفسك اتجوز واحدة ملتزمة يا ماما؟
«سلمى»
أيوه يا ابني، نفسي. بس أنا مشوفتش جوازة كده قبل كده. وأهلها إزاي راضيين يجوزوك بنتهم في خلال يوم دول؟
«زين بهدوء»
خلاص يا ماما، مش لازم تعرفي التفاصيل.
«سلمى برفض»
بس أنا مش موافقة على الجوازة دي.
«زين بهدوء»
خلاص، أنا قررت اتجوزها. ويا ريت مديقهاش لما تشوفيها. مع السلامة.
زين يعلم أن حياء ستوافق عليه رغماً عنها لأنها تحتاج المال لعملية والدها. لذلك أخبر والده ووالدته على جوازه منها.
«حياء تدعي لربها»
يارب، أنا مش عارفة أتصرف ولا أعمل إيه. أبويا خلاص بيموت مني. يارب، أنا راضية بقضائك. يارب، أنا مش عارفة الأيام الجاية مخبيالي إيه. زين، أنا متأكدة إنه مش بيحبني، ده بيعاملني معاملة وحشة أوي. يا ترى غرضه مني إيه؟ يارب، مليش غيرك والله. توكلت عليك يا الله.
ثم ذهبت حياء لتقول لزين ردها.
«حياء بإنكسار»
أنا موافقة.
«زين ببرود»
على إيه يا حياء؟
«حياء بإنكسار»
إني أتوز حضرتك.
«زين بانتصار»
برافو عليكي يا حياء. طلعتي ذكية وبتفكري.
«حياء بقوة»
بس تخليني أعمل العملية لوالدي الأول، وبعدها نتجوز.
«زين بعصبيه»
ليه؟ شيفاني أهبل قدامك عشان أعمل العملية لأبوكي وبعدها تخلعي من الاتفاق؟
«حياء بدموع»
والله ما هخلف بالاتفاق. بس انقذ والدي الأول، هو محتاج العملية دلوقتي.
«زين بعصبيه»
بطلي تعنديني. لو عايزة تنقذي أبوكي، يبقى تسمعي كلامي. أنا هتصل بالمأذون يجي هنا وهنمضي على قسيمة الجواز وهنروح لوالدك. أول ما يمضي على القسيمة، هوديه المستشفى الخاصة وهيعمل العملية هناك. قولتي إيه؟
«حياء بدموع»
موافقة.
كلم زين المأذون على الفور. جاء بعد بضع دقائق، ثم مضت حياء وزين على القسيمة.
«المأذون بحب»
فين شهودك يا بنتي؟
«حياء بإنكسار»
أنا معنديش غير والدي يا عم الشيخ.
«المأذون بحب»
كده يبقى إحنا عايزين شاهد كمان.
«زين بهدوء»
هجيب شاهد حالا.
ذهب زين إلى أحد أصدقائه في الشركة، ثم شهد على كتب الكتاب.
«المأذون بحب»
كده لسه إمضة الوالد.
«زين بهدوء»
تمام، اتفضل معانا. هنروح لوالدها عشان هو تعبان ومش هيقدر يجي هنا.
«المأذون بحب»
تمام يا ابني.
ذهبت حياء وزين والمأذون إلى بيتها. فهي لم تتكلم مع صفاء. فدخلت غرفة والدها.
«حياء بدموع»
بابا حبيبي، أنا جيت.
«خيري بتعب»
وبياخد نفسه بالعافية. أهلاً بحبيبت بابا.
«حياء بدموع»
انت عارف إنك أغلى حاجة عندي، وهعمل أي حاجة إلا إني أخسرك. مدام مش حاجة غلط، بابا، أنا ربنا بيختبر صبري وإيماني بيك. أنا مش معايا يا بابا تمن العملية، بس أستاذ زين ابن صاحب الشركة وافق إنه يسلفني المبلغ ده، بس بشرط واحد.
«خيري بتعب»
شرط إيه ده يا بنتي؟
«حياء بدموع»
إنه يتجوزني. وأنا وافقت.
«خيري بتعب»
وإزاي توافقي على حاجة زي دي؟
«حياء بدموع»
معنديش غير الحل ده عشان أنقذك يا حبيبي. وأستاذ زين شخص كويس وهيخاف عليا من بعدك، وهبقى مطمئنة وأنا معاه.
«خيري بتعب»
أنا عايز أشوف زين ده حالا.
«حياء تمسح دموعها»
حاضر.
فذهبت حياء لإحضار زين لوالدها. توتر زين قليلاً، ثم دخل غرفة خيري.
«خيري بتعب»
اطلعي بره يا حياء.
«حياء»
حاضر يا بابا.
ثم غادرت حياء غرفة والدها.
«زين بكذب»
أنا بحب حياء وعايز أتوزها يا عمي. وهي مكنتش هتوافق عليا غير بالطريقة دي.
«خيري بتعب وبتصديق»
شكلك ابن ناس محترم. بص يا ابني، حياء دي ياما شافت الذل في حياتها. من ساعة موت والدتها وهي فعلاً مبتفرحش. لما ماتت والدتها اتجوزت صفاء، بس للأسف صفاء كانت شديدة عليها ومعتبرتهاش بنتها. بس أنا مكنتش بتكلم، كنت بكذب نفسي وأقول أكيد شديدة عليها عشان تربيها. اتريها مبتحبش. حياء شافت كتير في حياتها. أوعدني أمام الله إنك هتحافظ على بنتي لحد آخر يوم في عمرك، وإنك هتعاملها معاملة حسنة.
زين بتوتر، فهو خائف من هذا العهد. فهو سيوعد الله عز وجل. فكيف سيأذيها بعد ذلك؟
«زين بقوة»
موافق. متخافش عليها. هتبقي في عيني الاتنين.
«خيري بفرحه، ثم مضى على عقد الزواج»
كده أموت وأنا مرتاح.
استشهد خيري، ثم لفظ خيري أنفاسه الأخيرة ومات على الفور.
«زين بصدمه»
............
رواية تزوجتني رغما عني فأحببتك الفصل التاسع 9 - بقلم فاطمة سيد
«زين بصدمه»
استاذ خيري حضرتك مش بترد عليا ليه
بعد ثواني من صدمه زين غادر الغرفه قائلًا:
البقاء لله ياحياء، والدك توفي دلوقتي
«حياء بصبر لقضاء الله»
إنا لله وإنا إليه راجعون
دخلت حياء غرفة والدها قائله:
كدا يابابا تسبني وتمشي؟ وانت عارف اني مليش غيرك بعد ربنا. سبتني لمين يابابا؟ انا كنت مستحمله كل دا عشانك عشان انت معايا يابابا. بس فرحانه انك خلاص رايح لربنا اللي بيحبك. سبقتني ليه؟ ان شاء الله أحصلك ياحبيبي. انا متأكده ان ربنا هيثبتك عن السؤال وهتشوف مكانك في الجنه وهتبقي منعم بإذن الله لحد يوم القيامه. بقيت مطمنه عليك. روحت للي خلقك اللي بيحبك. امال انا هروح لمين؟
ثم انهارت حياء في البكاء، فهي لم تعد ترى والدها مرة أخرى. فضلت حياء تردد الدعاء:
يامغيث أغثني.
وربطت على قلبها، فهي مع كل الذي تمر به لم تقل: لماذا يارب أخذته مني؟ ولم تقل: لماذا كل هذا الابتلاء؟ فهي تحمد ربها في البأساء والضراء وتعلم جيدا أن الله كريم ومعين.
«زين بحزن»
ربنا يرحمه ياحياء.
«حياء ببكاء شديد»
يارب يارب.
«صفاء بحزن زائف»
لا حول ولا قوة إلا بالله. مات وهو في عز شبابه.
«زين بحزن»
كل واحد وليه عمره. هو عمره انتهى خلاص. ربنا يرحمه ويصبرك يا حياء. أنا هكلم التربي عشان يجهز التربة. بس مين اللي هيغسله؟
«حياء تتظاهر بالقوه»
أنا هغسل أبويا. محدش غيري.
«صفاء بحزن زائف»
طيب يابنتي.
زين بهدوء وأخذ المأذون على جنب أعطاه قسيمة الزواج بعد إمضاء والدها، فكان والدها يعلم أن أجله اقترب وكان يريد الاطمئنان على حياء.
«صفاء بعدم فهم»
إحنا هندفنه بكرا إن شاء الله.
حياء برفض:
إكرام الميت دفنه.
ثم دخلت حياء لوحدها وغسلت والدها، وكان متظاهرة بالقوة، ثم كفنته ودفن بجانب والدتها.
«زين بهدوء»
يلا نروح ياحياء.
«حياء بعدم فهم»
نروح فين؟
«زين بهدوء»
هيكون فين يعني؟ على بيتي.
«حياء بعدم فهم»
بس أنا متجوزتكش. وبعدين أنا وافقت على الجواز عشان أعمل العملية لوالدي وهو توفي خلاص. يعني أنسي حكاية الزواج دي.
«زين بهدوء»
والدك قبل مايموت وصاني عليكي ومضى خلاص على قسيمة الزواج والمأذون وثق القسيمة. وانتي بقيتي مراتي خلاص. ولو مش مصدقاني القسيمة أهي.
«حياء بصدمه وببكاء»
طب طلقني لو سمحت يا أستاذ زين.
«زين برفض»
لأ مش هطلق.
«صفاء بصدمه»
إنتي اتجوزتي إمتى ياحياء؟
«حياء بتوتر»
أنا...
«صفاء بغل وعصبيه»
أيوه ماهو أكيد إنتي مدوراها وعملتي حاجة غلط عشان كدا اتجوزك وستر عليكي.
«حياء ببكاء»
إنتي فاهمة الموضوع غلط. أنا اتجوزته عشان...
«صفاء بعصبيه»
وفري كلامك ياحبيبتي ومع السلامة إنتي وزوجك دا. مع أنه شكله ابن ناس. أكيد إنتي جريتي عليه ووقعتيه ف دباديبك.
«زين بعصبيه»
أنا سكتلك كتير. حياء أشرف من الشرف ومشوفتش في أخلاقها. وأنا اللي عرضت عليها الجواز مقابل أديها فلوس عملية والدها. يلا ياحياء.
«حياء ببكاء»
أنا مش عارفه الكره اللي في قلبك نحيتي دا سببه إيه. مع إني بحبك وكنت بعتبرك أمي. ويعلم الله إني مبرضاش حد يتكلم عليكي كلمة. حتى ف موت أبويا وفي حالتي دي بتتهميني بالباطل. أنا مش مسامحاكي يا أبلة صفاء.
ثم ذهبت حياء مع زين إلى منزلهما.
«صفاء بغل»
دي اتجوزت زين أكبر راجل أعمال في إسكندرية.
«مني»
وإنتي عرفتي منين إنه أكبر راجل أعمال في إسكندرية؟
«صفاء بعصبيه»
إنتي مش عايشة في الدنيا يامني. دا مشهور جدا بأنه غني غناء فاحش. وقعت وقعه حلوه.
«مني بخوف»
أنا مش عارفة أقول لأحمد إيه.
«صفاء بغل وحقد»
أنا مش هسيبها تتهني بحياتها الجديدة كدا. وهجوزها أحمد بردو.
«مني بعدم فهم»
وإزاي هتعملي كدا؟
«صفاء بغل»
مش مهم تعرفي إزاي. المهم إنه أحمد هيتجوزها.
«زين بهدوء»
هتفضلي تعيطي كتير؟
«حياء بدموع»
مش قادرة أتكلم يا أستاذ زين. معلش.
«زين بهدوء»
طب اتفضلي ادخلي البيت.
حياء كانت مشوشة للغاية، لم تفهم لماذا معاملة زين لها تغيرت. هل لبكائها أم سيعود زين كما كان مرة أخرى؟
«حياء بإحراج»
السلام عليكم ورحمة الله وبركاته.
«سلمي بحب»
وعليكم السلام ورحمة الله وبركاته. دي مراتك يازين؟
«زين بهدوء»
أيوه ياماما. هي.
«سلمي بحب»
ما شاء الله. شكلك بنت ناس أوي. اللهم بارك.
«حياء بإحراج»
شكرا لحضرتك ياطنط.
«سلمي بحب»
لأ طنط إيه بقى؟ اعتبريني ماما وقوليلي ماما ياحياء. اتفقنا.
«حياء بإحترام»
حاضر ياماما.
«سلمي»
اتفضلي ياحبيبتي. دي غرفة زين اللي هتبقي غرفتك انتي كمان. تعالي يازين عايزك.
«زين بهدوء»
حاضر ياماما. حياء ادخلي يلا وجايلك تاني.
«حياء»
حاضر.
دخلت حياء الغرفة. حست ببعض الراحة من كلام والدة زين، فهي اعتبرتها مثل ابنتها. حست حياء بفرحة في داخلها، فهي تتمنى تنطق كلمة ماما، فهي لم تر حنان في حياتها. دخلت حياء الحمام الخاص بالغرفة. توضأت ثم صلت ركعتين لله ليرتاح قلبها، قائلة:
أنا عارفة إن أكيد إنت قدرت لي كل دا عشان خير ليا. أكيد زين خير ليا عشان كدا قدرت لي أتزوجه. أنا عمري ماأشك في قضائك يارب. أنا بحبك أوي ومليش غيرك يارب. اجعل حياتي الجاية فيها راحة وسكينة. وصبر قلبي على فراق أبويا يارب. ارحمه برحمتك الواسعة وأدخله فسيح جناتك.
ودخلت حياء في نوبة بكاء شديدة، فهي تتزلزل لمالك الملك ليرضي عنها ويغفر لها ويجعل حياتها فيها سكينة واطمئنان.
«زين بهدوء»
نعم ياماما.
«سلمي بحب»
أنا حبيتها أوي يازين.
«زين ببرود»
لأ بجد؟ إنتي عمرك ما اتعاملتي معاها ولا حتى شوفتي وشها.
«سلمي بحب»
دخلتها البيت حسيت إن في خير جاي لينا. وكلامها معايا ولبسها كمان يدل إنها من بيت متربي على حب الله وحب الرسول الكريم. أول مرة أعرف إنك بتختار صح يازين.
«زين بهدوء»
تمام ياماما. بعد إذنك أنا طالع عندها.
«سلمي بحب»
اطلع ياحبيبي.
ثم تحدثت إلى نفسها قائلة:
هي دي يازين اللي هتصلح حالك. أنا متأكده.
زين دخل غرفته قائلًا:
حياء انتي فين؟
خرجت حياء بدون نقاب، فكان لأول مرة زين يرى حياء.
«زين بصدمه»
إنتي مين؟
«حياء باحراج»
أنا حياء يا أستاذ زين.
«زين بصدمه»
إنتي حياء؟ إزاي؟ إنتي جميلة أوي.
«حياء بإحراج»
شكرا لحضرتك. إنت أجمل.
«زين بصدمه»
وأنا اللي بحسبك مشوهة. أول مرة أعرف إن المنتقبات حلوين كدا.
«حياء بهدوء»
ليه بتحسبني مشوهة؟ ربنا عز وجل بيخلقنا في أحسن صورة. قال الله تعالى: (إنا خلقنا الإِنسان في أحسن تقويم). يعني ربنا مبيخلقش حاجة وحشة. وربنا عشان أراد ستر هذا الجمال، فرض الحجاب واللبس الواسع والنقاب على المرأة عشان محدش يطمع فيها وإنها تكون عفيفة. بلبسها الفضفاض عمر ماكان الستر والعفة حاجة وحشة. بالعكس، قال الله تعالى: (وجاءته إحداهما تمشي على استحياء). فكانت النتيجة تزوجت نبي موسى عليه السلام. فمش عشان أنا حلوة فظهر جمالي واتبرج، النتيجة مش هتكون حلوة خالص.
«زين بهدوء»
تمام. كنت عايز أقولك إن جوازنا هيكون على الاسم بس. يعني مش هتبقي مراتي. إنتي في حالك وأنا في حالي. باباكِ وصاني عليكي، ف أنا مقدرش أأذيكي في حاجة. بس ملكيش دعوة بحياتي نهائي واوعي تدخلي فيها.
«حياء»
حاضر يا أستاذ زين.
«زين بعصبيه»
وبلاش أستاذ زين دي. متقرفنيش بقى.
«حياء بقوة زائفة»
حاضر.
«زين»
واعتبري إن دي غرفتك لوحدك. أنا أكني مش موجود. وأسف لو اتعصبت عليكي. أنا ماشى.
ثم غادر زين.
ظلت حياء تفكر في حياتها الجديدة وتوكلت على الله. ثم أمسكت مصحفها وبصوت عذب قرأت حياء آيات من سورة ق:
(وَجَاءَتْ سَكْرَةُ الْمَوْتِ بِالْحَقِّ ذَلِكَ مَا كُنْتَ مِنْهُ تَحِيدُ (١٩) وَنُفِخَ فِي الصُّورِ ذَلِكَ يَوْمُ الْوَعِيدِ (٢٠) وَجَاءَتْ كُلُّ نَفْسٍ مَعَهَا سَائِقٌ وَشَهِيدٌ).
بعد أن قرأت حياء هذه الآيات، ظلت تبكي، فهي خائفة أن تكون على معصية. فهي دائما تدعو الله في كل ليلة يحسن خاتمتها.
«سلمي بحب»
ممكن أدخل ياحياء؟
«حياء بتمسح دموعها»
آه طبعًا. اتفضلي.
«سلمي بحب»
أنا كنت عايزة أتكلم معاكي شوية.
«حياء بحب»
اتفضلي. سمعاكي.
«سلمي بحزن»
بصي يابنتي أنا زين ابني كان شاب بيصلي وبيصوم وكان في طريق الله. وبعد كدا اتلم على شباب مش كويسة. ومن بعد كدا زين بقى عصبي وبيزعق في الكبير والصغير وحاله اتقلب ل180 درجة. أملي في الله ثم فيكي إنك تسعديه.
«حياء»
أتمنى ربنا يهديه. وأنا هساعده في كدا. وإن شاء الله خير.
«سلمي بحب»
إن شاء الله هتقدري. تصبحي على خير.
«حياء بحب»
وإنتي من أهله.
«مني بخوف»
إهدي يابني. خالتك وعدتني إنها هتطلقها منه بمعربتها وهتتجوزها والله.
«أحمد بعصبيه»
إزاي يعني هتتجوز؟ أنا بحبها.
«أحمد بعصبيه»
وربنا لو متجوزتهاش لخلي عيشتك ياما سواد.
«مني بخوف»
وأنا مالي بس؟ ابن يعمل في أمه كدا؟ مش كفاية الشتيمة وإنك واخد كل فلوسي؟ عايز تعمل فيا إيه تاني؟
«أحمد بعصبيه»
آه فيه. وهخلي عيشتك سواد لو متجوزتهاش.
ثم غادر أحمد المنزل ليذهب إلى أحد أصدقائه السوء.
«أيمن»
ياعم فكك منها. إنت مش شايف المزز دي ماشية دي؟ ركز كدا يبني. دا أنا بحس إن إني مش عايز أتزوج والله.
ثم مشت بنت أمام أيمن. ثم قال لها:
العمر لحظة بس الحلوفة مش ملاحظة.
اتصدمت البنت من كلامه، ولكن لم تتكلم وغادرت.
«أحمد بعصبيه»
هات الحشيش اللي معاك دا. عايز أحس إني مش على الدنيا خالص.
«أيمن»
اتفضل يابرنس. أحلى حتة حشيش أهي.
«فادية»
مالك يابنتي؟ عمالة تعيطي ليه؟
«ريم»
مفيش ياماما. مفيش. امشي إنتي وسيبني لوحدي.
«فادية»
لأ حول ولا قوة إلا بالله. يابنتي طمنيني. في إيه؟
«ريم»
في واحد قالي: العمر لحظة والحلوفة مش ملاحظة. على قد ما الكلمة صدمتني على قد ما هو صح.
«فادية بعصبيه»
...
رواية تزوجتني رغما عني فأحببتك الفصل العاشر 10 - بقلم فاطمة سيد
«فاديه بعصبيه» صح إزاي يعني صح إنه يبص على بنات الناس ويعاكسهم، طب ما المنتقبة بتتعاكس.
«ريم بدموع» بس الدين عادل، أنا آخد ذنب إني لبست لبس متبرج وهو ياخد ذنب إنه ما غضش البصر وعاكسني، والمنتقبة اللي بتتكلمي عليها دي مبتخدش ذنب لأنها لابسة لبس يرضي ربنا.
«فاديه بهدوء» طيب خلاص اهدي، ما حصلش حاجة.
«ريم بعزم» أنا مش هلبس بناطيل وبلوزات دي تاني خلاص، كل ما أشوف بنت لابسة لبس يرضي ربنا قلبي بيوجعني، أنا عايزة ألبس دريسات.
«فاديه بهدوء» يبنتي ما كل البنات بتلبس كده، مالك في إيه؟ كل ده عشان أتقال لك العمر لحظة والحلوفة مش ملحوظة، ربنا يكملك بعقلك، أنا هدخل المطبخ.
ثم غادرت فادية.
«ريم قائلة بعزم» أنا لازم أتغير، أنا قرفت من حياتي كلها، أنا لو قابلت ربنا كده هقول له إيه؟ أنا ما عملتش حاجة في حياتي تدخلني الجنة، يارب ساعدني أتوب، يارب.
♡ صباح يوم جديد 🐥💚
«زين بهدوء» انتي رايحة فين؟
«حياء بكسوف» هروح معاك الشغل.
«زين برفض» لا، انتي هتفضلي في البيت معززة مكرمة.
«حياء بهدوء» لا بعد إذنك، أنا عايزة آجي معاك، أنا من صغري وأنا بشتغل وواخدة على كده، بالله عليك وافق.
«زين بهدوء» طب ياستي هاخدك معايا.
«حياء بحب» جزاك الله كل خير.
«زين بهدوء» طب اتفضلي البسي وأنا هنزل تحت هستناكي.
«حياء بهدوء» طب مش هتصلي قبل ما ننزل؟
«زين بإستخفاف» مش لما أصلي الفرض الأول أبقى أصلي السنن.
«حياء بحب» وإيه اللي منعك تصلي، ما فيش أحلى من الصلاة، هي اللي بتبعدنا عن المنكر وتقربنا من المعروف، الصلاة دي كان الرسول صلى الله عليه وسلم بيقول: ارحنا بها يا بلال، يعني هي الراحة والسكينة، أنت بتبقى واقف أمام ربنا، ربنا شايف خشوعك وشايف حركاتك ودعائك، أنت لما بتقول آيات من القرآن أنت كده بتكلمه، والصلاة أنت اللي محتاجها في حياتك، هو في أحلى من القرب من ربنا؟
«زين بإحراج» عندك حق، إن شاء الله هصلي.
«حياء بحب» يلا ابدأ من النهارده، اتوضي وأنا مستنياك نصلي سوا.
«زين بإحراج» تمام.
"ثم قال لنفسه" مالك يا زين، مش قادر تقولها لأ ليه؟ هي دي اللي متجوزها عشان توريها أيام سودة بس هي متستحقش ده، وكمان أنا واعد ربنا إني هحافظ عليها، مقدرش أذيها أبداً.
"بعد عدة دقائق"
«حياء بحب» اتوضيت الحمد لله.
«زين بحب» أيوه.
«حياء بحب» طيب يلا نصلي جماعة، أنت إمامي الجديد.
فرح زين من كلامها ولكن كان متوتراً، فهو أول مرة يصلي إمام بأحد، شعر لأول مرة أن قلبه رق لحياء.
«زين بحب» ادينا صلينا، ننزل بقى؟
«حياء بحب» متستعجلش، أول ما تخلص صلاة تقعد مكانك متتحركش.
«زين بعدم فهم» مش فاهم ليه، منا خلصت صلاة.
«حياء بحب» في الوقت ده الملائكة بتدعي لنا بالمغفرة.
«زين بحب» بجد، أول مرة أعرف، طب مفروض نقعد لحد امتى؟
«حياء بحب» لحد ما نقول آية الكرسي، تجعل بينك وبين الجنة الموت فقط، وهنقول سبحان الله والحمد لله والله أكبر 33 مرة، لو قلتهم كل صلاة يغفر لك ما تقدم وما تأخر من ذنبك.
«زين بحب» شكلك هتغيري فيا كتير يا حياء.
«حياء بكسوف» إن شاء الله.
ثم فعل ما قالت حياء بالحرف الواحد.
«زين» أنا هنزل بقى أستناكي لحد ما تجهزي.
ثم غادر زين الغرفة.
«حياء قائلة» ربنا يهديك يا زين.
ثم لبست حياء لبسها ونزلت لزين.
«سلمى بحب» صباح الورد يا حياء.
«حياء بحب» صباح الخير يا ماما.
«سلمى بحب» انتو هتنزلوا كده من غير فطار؟
«زين» هنفطر في الشغل يا ماما.
«سلمى بحب» طب متتأخروش عشان خالتك وبنتها جايين يسلموا على حياء ويشوفوها.
«زين بحب» تمام يا ماما، إحنا هنمشي بقى، مع السلامة.
«سلمى بحب» مع السلامة يا حبايبي.
_______________________♡
«سالي بهدوء» مالك مدايق كده ليه؟ كل ده عشان زين اتجوز حياء.
«مروان بغيظ» حياء بنت ذكية جدا وكويسة في شغلها، خايف تخلي زين يفوق.
«سالي بمكر» لا متخافش، زين ما يقدرش يقاومني، وبعدها معتقدش إنه بيحبها يعني.
«مروان بغيره» يحب مين؟ لأ طبعاً مبيحبهاش، هو بيكرهها وأنا متأكد، بس اللي مش فاهمه اتجوزها ليه.
____________________♡
"في الطريق كان زين ماسك السيجارة وكان هيشربها"
«حياء بصدمة» زين أنت بتشرب سجاير؟
«زين بإستخفاف» من زمان وأنا بشربها.
«حياء بهدوء» بس يازين دي غلط عليك، قال الله تعالى: (أتستبدلون الذي هو أدنى بالذي هو خير)، ما تستبدلش الحاجة الأدنى اللي هي المضرة اللي بتضر صاحبها، الحاجة الخير وهي السواك، وكمان يازين كل الفلوس اللي بتدفعها في السجاير بتتحاسب عليها، تخيل مثلا تفضل تصرف في السجاير دي 30 سنة بحالهم، يوم القيامة هتتسأل على الـ 30 سنة دول، وربك ليس بظلام للعبيد.
«زين بخوف» يعني أنا هفضل أتحاسب على كل الفلوس اللي بدفعها على السجاير؟
«حياء بهدوء» أيوه يازين، وكمان السجاير ذات نفسها حرام، يعني هتتحاسب على الفلوس وعلى السجاير، بطل يازين عشان خاطر الله عز وجل.
«زين بهدوء» حاضر، هبطلها.
«حياء بفرحة» ربنا يتقبل منك يا رب.
ثم وصلوا سوياً إلى الشركة، دخلت حياء وزين الشركة.
«حنين بدموع» حياء أنتِ فين؟ أنا قلقت عليكي.
«حياء بحب ودموع» أنا كويسة الحمد لله والله.
«زين بهدوء» أسيبكم أنا بقى، حياء ادخلي مكتبك أنتِ وحنين يلا.
«حياء بحب» حاضر، تعالي يا حنين.
ذهبت حياء وحنين إلى مكتبهما.
«حنين بدموع» طمنيني عليكي، عمل فيكي زين، قوليلي.
«حياء بحب» متخافيش، زين ما عملش فيا حاجة، بالعكس بقى بيعاملني كويس أوي ومش عارفة السبب إيه.
«حنين بصدمة» بجد؟ يعني بيعاملك كويس؟
«حياء بدموع» أنا مش عارفة أشكر ربنا إزاي، بجد أنا كنت رافضة الجوازة دي، بس كنت لازم أتزوجه عشان بابا عشان يعمل العملية، شوفي بقى لو ما كنتش اتجوزته كان بابا هيموت وهعيش مع أبلة صفاء اللي بتكرهني طول عمري ونفسها تخلص مني وتجوزني أحمد ابن أختها، شوفي ربنا بدل حياتي إزاي من حياة بائسة لحياة جديدة مليانة بالسعادة، أول مرة أحس إني عايشة، دايماً كان عندي ثقة في ربنا كبيرة أوي إنه هيعوضني على كل اللي شفته، وفعلاً عوض ربنا حلو بشكل.
«حنين بحب» يا حبيبتي يا حياء، أنتِ تستاهلي كل خير، أنا مشوفتش في نقاء قلبك وثقتك في الله كده، أنتِ كنتي واثقة إن ربنا لا يضيعك أبداً، وفعلاً ده اللي حصل.
«حياء بحب» سيدنا موسى عليه السلام فضل يدعو قومه بس محدش منهم آمن عشان خايفين من فرعون، قال الله تعالى: (فَمَا آمَنَ لِمُوسَىٰ إِلَّا ذُرِّيَّةٌ مِّن قَوْمِهِ عَلَىٰ خَوْفٍ مِّن فِرْعَوْنَ وَمَلَئِهِمْ أَن يَفْتِنَهُمْ ۚ وَإِنَّ فِرْعَوْنَ لَعَالٍ فِي الْأَرْضِ وَإِنَّهُ لَمِنَ الْمُسْرِفِينَ). في التفسير القرآن كلمة ذرية دي بمعنى القليل، يعني القليل منهم اللي آمنوا بالله عز وجل عشان خايفين من فرعون واللي هيعمله فيهم، ولما كانت ملاء فرعون بيجروا ورا سيدنا موسى عليه السلام وكان قدامهم بحر، اللي آمنوا به ظنوا إن الله هينجيهم، ولكن سيدنا موسى كان واثق في الله جداً، فشق الله البحر ونجا سيدنا موسى ومن معه وغرق فرعون وجنوده، وده يدل إن مدام ظنيتي بالله خير هتلاقي الخير، شوفي ربنا عز وجل جلا جلاله شق البحر عشان خاطر سيدنا موسى.
«حنين بدموع» الله، قد إيه ربنا حنين على عباده.
«حياء بحب» إحنا مالناش غيره، أنا اللي مصبرني على الحياة هي الصلاة والصوم والذكر، دول اللي مخليني أحب الحياة، أهم علاقة لازم تكسبيها هي علاقتك بربنا، بس قوليلي بقى بقيتي منتظمة في الصلاة.
«حنين بحب» جداً جداً يا حياء، مبفوتش فرض واحد والله، وكمان قررت قرار هتفرحي منه أوي.
«حياء بحب» قولي، فرحيني.
__________________♡
«سالي بدلع» إيه يا زين، مش بتشرب السجاير يعني؟
«زين» لا خلاص بطلتها ياسالي، شكراً.
«سالي بهدوء» طب متيجي نخرج شوية النهارده.
«زين» لا مش فاضي، اتفضلي على مكتبك.
«سالي بخبث» مالك يا زين؟ هي خاف الله خاف مسحتلك مخك ولا إيه؟
«زين بعدم فهم» خاف الله خاف دي مين؟
«سالي بقرف» هتكون مين يعني؟ حياء.
«زين بعصبية» أنا مسمحلكيش تغلطي فيها ولو بكلمه، واتفضلي على مكتبك، مش عايز أشوفك.
«سالي بمكر» تمام يازين، بس هتندم على معاملتك دي ليا.
«زين بعصبية» زين مبيندمش ياسالي، اتفضلي.
___________________♡
«حنين بحماس» أنا قررت ألبس واسع وألبس الخمار.
«حياء بحب» بجد؟ اللهم بارك، يا حنين أخيراً فرحتيني أوي.
«حنين بحماس» وبفضل أسمع كلام تنمر كتير بس مش مهتمة خالص، كأن ما يكون ربنا دخل في قلبي الستر وبقيت حباه، الحمد لله.
«حياء بحب» اللهم بارك، فكرتيني بنفسي، كنت مبحبش لبسي خالص وكنت بقول يا رب نفسي ألبس واسع، ولما لبسته كنت طايرة من الفرحة، بس عايزة أديكي شوية نصايح كده.
«حنين» اتفضلي يا حياء، أنا بحب نصايحك أوي.
«حياء بحب» بصي يا ست البنات، أول حاجة لازم تعرفي إنك مبتعمليش حاجة غلط وإنك بترضي الله عز وجل، ف أي كلام بتسمعيه متحطيهوش في دماغك، زي مثلاً "مش عارفة والله أعمل في نفسي كده ليه، والله ما حد هيبصلك" والكلام ده كله، أنتِ بقى افتكري دايماً إنك بترضي الله وعايزة رضاه، ف أوعي تسلمي ودنك ليهم، هيطيعوكي صدقيني، الحاجة التانية، مدام هنلبس واسع يبقى نلبسه صح، يبقى فعلاً فضفاض مش بيبين إنتي تخينة ولا رفيعة ولا محدد وسطك أو سنتي من رجلك باين، لازم تتطبقي شروط اللبس الواسع والخمار يكون طويل ساتر شعرك كله ومنطقة الصدر، دايما ذكري نفسك إنك عفيفة ولازم تكوني مثال للمرأة المسلمة، لازم تفتخري بلبسك المحترم، زي ما فيه انتقادات فيه برضه إيجابيات كتير وهتلاقيها في اللي زيك، الفاسق عايز الكل فاسق زيه، والصالح عايز الكل يبقى زيه، ربنا يوفقك يا حنين على كل ما يرضاه الله.
«حنين بحب» قد إيه بتخليني أحب ديني أكتر وأكتر وتحببيني في اللبس الواسع، ربنا يحفظك ليا يا رب.
«حياء بحب» ويحفظك من كل شر يا رب.
____________________♡
«ريم بدموع» لا بالله عليك متعملش فيا كده.
«زياد بمكر» يبقى تسمعي كلامي وتنفذيه يا ريم، لإما وربنا أفضحك وأنشر صورك كلها.
«ريم بخوف» لا بالله عليك، أنا استأمنتك على نفسي تعمل فيا كده.
«زياد بخبث» انتي اللي غبية وهبلة تثقي فيا بتاع إيه؟ انتي أي حد يضحك عليكي أصلاً، لو مجتيش الشقة يا ريم هفضحك وأنتي حرة بقى، مع السلامة.
«ريم ببكاء شديد» هيفضحني، يارب استرني يا رب، أنا لازم أكلم حياء.
_________________♡
«صفاء بغل» أنا عايزاها تتعب ويجيلها سرطان وجوزها يطلقها.
«الدجال» بس ده لازم تجيبيلي حاجة تخصها عشان العمل يعمل مفعوله.
«صفاء بغل» قول وأنا هنفذ طلباتك على طول.
«الدجال بمكر».........