رواية ياليتك تغفري الفصل الثالث 3 - بقلم هاجر العفيفي

نيره بخبث: مش عايزاك تاخد فكرة عني بعد اللي عرفته عنها. أنس باستغراب: أنا معرفتش حاجة، قصدك إيه؟ نيره بصدمة مصطنعة: إنت ملمستهاش لحد دلوقتي ولا إيه؟ أنس بتوتر: لأ. نيره بخبث: عشان كده متعرفش إنها مش بنت. أنس بصدمة: مش بنت! إزاي إنتي اتجننتي؟ نيره بطيبة مصطنعة: يلهوي أنا عكيت الدنيا ولا إيه. أنس قام وقف بغضب وقال: إزاي يعني واحدة زي دي تستغفلني أنا.

في الوقت ده دخلت يارا من الباب وأنس جرى مسكها من شعرها والخمار اتفك من عليها. يارا بوجع: آآآه، إنت بتعمل إيه، إنت مجنون. أنس زقها وقعها في الأرض: بقا بتستغفليني ومش عايزاني ألمسك الفترة دي عشان تضحكي عليا يا... يارا بدموع: إنت مجنون، إنت قصدك إيه. أنس قرب منها وقال بغضب جحيمي: مين اللي ضحك عليكي وجاية تلبسيني مصيبتك. يارا قامت من مكانها بصعوبة وضربته بالقلم ونيره شهقت بصدمة.

يارا بعصبية: أنا أشرف منكم كلكم، عارف يا أنس إنت أكتر واحد أنا بكرهه في حياتي كلها، بكرهك، بكرهك. خرجت تجري من البيت وهو حاول يلحقها معرفش، كانت اختفت. طلع تاني مكانه واتصدم من اللي هي عملته. نيره بغيظ: شوفت عملت إيه عشان تداري على فضيحتها دي. قاطعها أنس بعصبية: نييييره مش عايز أسمع منك صوت، خلصنا. سابها ودخل الأوضة وهي نفخت بعصبية. نيره بغل: ماشي يا يارا، هو إنتي فاكرة إنك هربتي مني.

يارا كانت ماشية مش عارفة تروح فين وفجأة قابلها ست كبيرة قاعدة على الرصيف وباين عليها إنها بتعيط، راحت عندها. يارا بقلق: م مالك ياحجة. الست الكبيرة بدموع: ابني رماني يابنتي هو ومراته، قالي إن بقيت حمل عليهم وخلاص تعبوا من المسؤولية. يارا بصدمة: هو فعلاً في ناس كده. الست الكبيرة: للأسف يابنتي، اومال انتي مالك زعلانه ليه ياحبيبتي. يارا قصت عليها ما حدث.

الست الكبيرة بحزن: يا خبر يعيني يابنتي، ده كله حصلك ياحبيبتي، ربنا ينتقم منهم، طب وأهلك فينك. يارا بسخرية: أهلي هما السبب في اللي أنا فيه ده كله. الست الكبيرة: طب وهتعملي إيه ياحبيبتي. يارا بتفكير: أنا دلوقتي هستلم شغل بكرة إن شاء الله، وممكن أحاول أدور على مكان هنقعد فيه للصبح، وبعدين ربنا معانا. الست الكبيرة بإحراج: لأ ياحبيبتي إنتي ملكيش ذنب.

يارا: ياريت ترضي أقولك ياماما، أنا فعلاً أمي موجودة بس عمرها ما حسستني بالحنية أبداً، بتمني إنك توافقي إنك تعيشي معايا. الست الكبيرة بحب: ماشي يابنتي، اللي تشوفيه. أخدتها وسألوا ناس وبالفعل شافوا شقة صغيرة قعدوا فيها مع بعض. دعاء: يلهوي الحقني، الناس ماشية تشاور عليا وبيقولوا ال بنتها هربت بعد جوزاها بأسبوع، أهي البت هربت ياصالح من جوزها. صالح قام وقف بصدمة: ومين اللي قال كده.

دعاء: معرفش مين اللي شهر الكلام ده، إحنا اتفضحنا. صالح بخبث: لأ طبعاً، إحنا هنسافر ندور عليها ونشوف ليها بيعة تانية. دعاء: إيه ياراجل ال بتقوله ده، هتجوزها لأتنين في نفس الوقت! صالح: وماله.