رواية ياليتك تغفري الفصل الثاني 2 - بقلم هاجر العفيفي

يارا بصدمة: نيرة!!! نيرة بخبث: وحشتيني يايويو. أنس باستغراب: انتوا تعرفوا بعض؟ نيرة بغرور: آه، كانت الخدامة بتاعتنا زمان. يارا وقد طفح بها الكيل قالت بغضب: الخدامة دي تبقى انتي وعائلتك كلها، إنما أنا ستك وست بلدك كلها. أنس قرب منها وضربها بالقلم بشدة، فوقعت على الأرض. أنس بغضب: مبقاش فيه إلا انتي اللي صوتك هيطلع كمان. يارا قامت وقفت بغضب وقالت: آه طبعاً صوتي يعلى، هو أنا خارسة؟

هو عشان أنا الدنيا جت عليا وأبويا باعني لأشكالكم معرفش ادافع عن نفسي؟ انت عارف اللي بتتكلم عني وتقول عليا خدامة دي مين؟ دي بنت عمي اللي مكملتش تعليمها أصلاً وملهاش أي لازمة في المجتمع. طول عمرها بتكرهني وماصدقت أنها تتكبر عليا، بس على مين؟ أنا معايا ربنا أحسن منكم كلكم. دخلت أوضتها ورزعت الباب بقوة، وهما اتصدموا من كلامها وقوتها. نيرة بغضب: انت ساكتلها كده وهي بتهزق مراتك قدامك؟

أنس بضيق: ادخلي يانيرة، مش وقته نكد. النهارده ليلة دخلتنا. نيرة بسخرية: انسى إنك هتقعد معايا في أوضة واحدة الليلة دي. أنس بصدمة: نيرة! نيرة بغضب: بلا نيرة بلا زفت. سابته ودخلت الأوضة هي كمان بغضب ورزعته. أنس اتصدم لما شاف نفسه لوحده في الصالة، راح أوضة الصالون وقعد بغيظ وقال: يعني أبقى متجوز اتنين وأترمى الرمية دي، ماشي. ناموا بغيظ لحد الصبح.

تاني يوم صحيت يارا بيوم جديد وبشخصية أقوى. قامت رتبت الأوضة ودخلت تتوضى وتصلي. وبعدين لبست دريس رقيق وخمار جميل وخرجت. وأنس كان قلبه متضايق وشافها خارجة وقف قدامها. أنس بسخرية: الهانم راحة فين؟ يارا ببرود: راحة أشوف شغلي. أنس: وده ليه إن شاء الله؟ مش لاقية تاكلي ولا تشربي؟ يارا وقفت قدامه بتحدي: والله أنا معايا شهادة وأقدر أشتغل بيها وأبني كياني، وعلى الأقل أسيبك انت وست الحسن والجمال تاخدوا راحتكم.

أنس بجمود: ولو قلتلك مفيش خروج؟ يارا: هخرج برضه. أنس قرب منها ومسكها من إيدها، بس فجأة سرح في عيونها ولسه هيقبلها، يارا بعدت عنه بقرف وقالت: ياريت تنسى إنك مراتي وإنك ليك حقوق عليا، والأفضل إنك تطلقني. أنس بعصبية من كلامها: مش هطلقك يا يارا، وشوفي هتعملي إيه. يارا بصتله بتحدي وقالت: هعمل كتير أوي. سابته ومشيت وهو واقف مصدوم من قوتها دي.

يارا خرجت وراحت شركة كبيرة جداً ودخلت سألت السكرتيرة وقالتلها مكان مكتب المدير ودخلت. يارا بهدوء: سلام عليكم. المدير: وعليكم السلام. اتفضلي، أنا قاسم المنشاوي. يارا: وأنا يارا سعيد. المدير: ممكن توريني الـ CV بتاعك؟ يارا: اتفضل. قاسم بإعجاب: ممتاز جداً. تمام، تقدري تبدأي شغل من بكرة، أكون ظبطتلك مكتبك. يارا: تمام، شكراً لحضرتك. ودعته وقامت خرجت. قاسم بخبث: لأ، هتنفعني كتير أوي. أنس: ليه مقولتليش إن يارا بنت عمك؟

نيرة بخبث: عشان مش عايزة أخلي أخبارها توصلك بطريقة وحشة. أنس باستغراب: أنا معرفتش عنها حاجة. قصدك إيه؟ نيرة بصدمة مصطنعة: انت ملمستهاش لحد دلوقتي ولا إيه؟ أنس بتوتر: لـ لاء. نيرة بخبث: عشان كده متعرفش إنها مش بنت. أنس بصدمة: ...........