تحميل رواية «ياملاذ الحاكم يابكر فارس» PDF

‎-وأظلُّ أَرسِمُ بالخيالِ عوالِمي،

‏ما حيلةُ المضطَرِّ غيرُ خيالِهِ؟

'

جـات ريِف وهي تعـدل فستانها بتوتر ، ما تعودت على المناسبات الضخمه بهالشكل واللي تكون فيها محطّ الأنظار بغير الشغل ~

حنيّـن ؛بنت عمكم الجديدة أخذت مني حِتّه ، بآخذها لـ لؤي !

بردت أطراف ريف وهي تبتسم بخفيف ، عِرفت إنها اُخته وياكبر فرحتها وقت عِرفت ، تعرفت على اُمه بعد وكانت لطيفة وبقد لطافتها ، حنّونة واستقبلتها بالحُضن ليه ما تدري ~

جات لعندهم نادين وهي تتمتم بكلمات كثيره ومبتسمه ؛ بروح أشوف الوضع والأوضاع ، بدكم شيء ؟

حنين بسخريه ؛ ويع مثل أخوها ، الله معاك

نادين بعبط ؛ ياحبيبي جابر ، يقول اليوم بينام عندك وحشتيه !

هتان بطقطقه ؛ إكرهيني مع جابر ، تراي صرت أشبهه !

خزتها حنيّن وابتسمت هتـان وهي تمشي بعيِد ، تحاول تبتسم قد ما تقدر ولا تخرّب على أحد فرحته ، أبوها تمتم لها بكلمات ما فهمتها ، إنه واثق فيها ، يفتخر فيها ، ويحبّها كثير ~

-

دخـل عناد قبل فارس عندها وهو يغنيّ ، ابتسم مباشره من شافها وهو يحضنها وهي بالمثل ~

مـلآذ بهمس ؛ لا تبكيني يا حيوان !

عناد بتمثـيل للحزن ؛ يا آه الزمّن ، حاكم الله يصلحك يا بِكر فارس !

أبـو بتـال ؛ ورع ، إشبه حاكم شيخ وسيّد الرجال بعد

عناد وهو يبتسم لمـلآذ ؛ أنا أشهد ، بس ما يليق على هالنِسمه يافارس !

ضحك أبـو بتال غصب وكل الأحاسيس تراوده ، فُستانها آخـذ منها حِته من حلاوته وحلاوتها ، ماسك لحد الخصر ويوسع من تحت ، عاري الأكتاف وأكمامه نازله وأغلب تفاصيله لـؤلو ، العِقد وأحلى من العِقد لباسّه ، يزِهى بها العُقد في جيِده ، ألماسِةٍ تلبس ألماسة ، ما زانها الجَوهر ، تِزينه ~

إبتسم أبـو بتال وهو يشوفها متوتره ، من نظراته وفرط توترها ضحكت ، وضحكت أكثر وقت حضنها ~

أبـو بتِال بإبتسامه وهو يحسّ بـ قلبه مبسوط ؛ يا سعد عينك يا حـاكم ! وش سوى وفاز بـ قَلب بِنتي !

ابتسمت مـلآذ بتوتر وهي تشوفها عمها أبو جابـر ، وجدها نهّـيان داخلين ، بتّال حاضنها وعناد جنبها وعمها سامي ماسك إيدها ويضحك انه بيتزوج ، يبتسمون وانهارت ضحك وقت شافت أبوها ، وعمها سامي يرقصون ،الرهبّة بقلبها من الأصوات وزادت من دخل عمها مِتعب ، تعرف إن حاكمها وراه وتُوترت حدّ البكي من خوفها ورهبتها وخجلها ~

سلّم عليها عمها متعب وإبتسمت ، بردت أطرافها وملامحها من دخل وهيِ تحس بقلبها ذابّ بداخلها من منظَره بالبِشت ، إنهارت من شكله وإبتسامته لها ، غصب عن خشَمه إبتسم من توترها ونظراتها المتعلقه فيه ، إيدها اللي تضغط على بتّال بدون ما تحس وإرتجافها اللي وِضح له ، غير عن...شكلها اللي يعجّز يوصفه ~

عنـاد وهو يدخل بينهم ؛ عاد شوف ، هي زوجتك صحّ لكن بعيّد عنا طول الله عُمرك ، لا أخذتها بيتكم بكيفك

مـلآذ بهمس ؛ بجي معاك

ضحك عناد غصب وهو يناظرها ؛ خلاص ما عادها تبيك ، توكل

إبتسم وهو يناظرها ، بردت أطرافها من نظراته اللي تتّوجه لـ نحَرها وشفايفها ، نظراته غريبة وكثير ~

عنـاد وهو يشوف اُمه ، وخلفها بِنت آيه بالجمـال ؛يا دين اُم الجمـال الأحمر !

ما كان حـاكم يمّه ابداً ونظراته عليها ، دخِلت ريف مع جدتها فاطمه بعد إصرار كبير ، إن كل اللي موجودين هم عمامها ، وأخوها ~

إبتسمت من استهّل وجه أبوها وهو يفتح ذراعه لها ، نظرات عمامها وابتساماتهم لها تخِجلها كثير ~

ضحكت وهيّ تشوف ملآذ تضرب إيد حاكم اللي على نحرها ، كانوا مشغولين مع فاطمه وصاحبنا مبسوط بـ إنشغالهم و" مايـوفّر " ~

إبتسمت وهي تعدل فستانها بتوتر وتمشي لعنده ، ما تدري كيِف تبارك له ولا تسّلم عليه ابداً ~

إرتجفت بـ ذهول من إبتسم لها ، لحدّ ما وضحت غمازته وحضنها ، حضنها حاكم وهو يقبّل جبينها ، ابتسم لها بهدوء وهي شبه مصدومه ، بعد صراع بينه وبين فزّاع ، إقتنع حاكم انها بنت ، ما يحبها بـ انه يحميها وبس لازم يُوضّح لها القُبول والحُب ~

إبتسمت وهي تشوف ملآذ ترجف ، مسكت ايدها وهي تبتسم لها وملآذ بالمثل ~

جاء نهيِان وإبتسم لها مباشرة ؛ الله يهنّيك ويهنّيه

ابتسمت وهيِ تشوف حاكم يعدل شماغه ؛ حـاكم

نهيِـان بابتسِامه لحاكم ؛ قِل لها سمّي يا عيِون آل سليمان ، سمّي يا بِكر فارس ، وسمّي يا حرمي

ضحك حاكم وهو يشوف ملآذ إختفت من كثر خجلها ، كانت بتنبهه على سماعته اللي بتطيح ما توقعت يفاجئها نهيّان بهالكلام ~

ملآذ وهي ما تدري شلون تتكلم من فرط خجلها ؛ سماعتك

عدلها وهو يضحك من نظرات نهيّـان ؛ تمّ

خِرجوا عمامه ، وعدّل بشته لانه بيلحقهم ، الأمور عكس رغبته تماماً لكنه ما تِكلم بحرفّ ~

وقف قدام مـلآذ بهدوء وهو يلفها لناحيته مع خصرها ، بردت أطرافها من إيده اللي على جبينها وضمه لها ، لناحيه صدره ، طوّل بنفس وضعه وتُوردت ملامحها من نزل إيديه لوجها ، إبتسم بهدوء يطمّنها ؛ إنتِ بخير ، وحَرمي

توها بتتكلم الا إنه باس جبينها ،عدل بِشته وشماغه وهو يخرج ، صاير عاقل رغم نظراته ، إبتسمت بتوتر وشبه خوف إختفى من صراخ البنات وهم يدخلون لعندها ~

-

وقـف حاكم بـ ثبات وهُدوء ، يناظر سُعـود اللي ..واقف بعيـد ويأشـر له إن الوضع ما يخوّف ، لف أنظاره بهدوء للي مدّ إيده يصافحه وهو يمدها بجمود ، إشتدت قبضه فيصّل على إيد حاكم ، وابتسم داخل حـاكم بسُخريه وهو يشّد بقبضته ~

كان بيبارك له ، ما قدر لسانه ينطّق واكتفوا بالنظرات اللي تبادلوها بكِل حدّه ~

فيصـل بسخريه ؛ قِلت مالك بِنت عندنا ، قول وفعل يا حاكم

حـاكم وهو يحاول يفهم الرساله اللي خلف حكيّ فيصل ؛ بَعدك ما شفت شيء ، إنتبه لعلومك

ترك فيصـل إيـد حاكم وهو يمشي بسخريه ، تّوجهت أنظاره لـ هُذام اللي واقف مع أبـو جابر ~

فيصٰل وهو يحاكي رائد ؛ أبـو جابر ، واقف مع نسيبه

رائـد بسخريه ؛ نسيبه يدورني ، ما أدري كيف غفلت عن تسجيلات مواقف المُول ، وقت إني رحت بمحيها قالوا جاء واحد وأخذها

فيصـل ؛ ومن يكون هالواحد ؟ هُذام نفسه ؟

رائـد ؛ لا ، يقولون ماله علاقة بالسلك العسكري ابد ، بس أخذها غصب

فيصٰل بسخريه ؛ يخدعونك ، ماله أوراق ووصف رسمي يهيئه يآخذها وغصب يآخذها ؟ ارجع تأكد

رائـد بسخريه ؛ ماراحت عن وِلد أسامه ،بس مثل ما طاح ساميّ يطيح هذام واللي يشد على ايده !

فيـصل ؛ العب ع الخفيف يارائد ، لا تفضحني

رائد بسخريه ؛ مستور ما عليك !

سكر فيصـل وهو يشوف أبوه يلعب بـ السيف مع أبـو بتال ، يحبون بعض كثير بعكسه ، كان يحّب والحين صار يكره وكثير ~

-

إبتسّمت بتوتر وخوُف ورُعب وهيِ تمشي ، تتّوج ليلة عُمرها بـ زفتّها وظُهورها ، إبتسامتها جمِيله لأبعدّ حد ، تِسحر العيّن من حلاوتها ، إبتسمت بتوتر وهي تشوف دِموع اُمها بمحاجرها وناديِن تبتسم لها ، غير عن فاطمة الليّ لحالها ، كَوكب آخر من الحنيّة اللي من تجاعيد الزَمن فيها تتسَرب ~

كانت فاطمه تحصّنها من كل قلبها ، يزينها الأبيض أكثر من إنها تزينه ، حفيدتها ، وخليِفتها بالوردّ ، صارت لليّ تحبّه حَرم ، اُمنيه فاطمه الوحيده "ليّتها تلِينه مايقسيها " ~

إبتسمت فاطمه بـ حُب وهي تشوف نادين ، وأحوال هتان رغم إبتسامتها ، مو عاجبتها ~

،

صعِدت هتـان للأعلى بعد ما ناداها جابر ، بردت أطرافها من منظره وشكله ؛ جابر !

سِكت وهو يتأملها من هول الصدمة يلي أكلها تُوه ، صارت هتّان حرم لـ هُذام وتوه يدري ~

فِتح ذراعه وهو يضمّها ، توه يدري عن السالفة كلها ، عن اُخته اللي تدمّرت تماماً ولا قالوا لـ أحد هيّن يواسيها ~

بردت أطرافها بخوف من ضمته لها ، وده يدخلها بيِن ضلوعه ؛..جابـر !

جـابر بهمس ؛ آسف ! وربّ البيت آسف

تِجمعت الدِموع بمحاجرها لثوانّي من فهمت مقصده ؛ جابر خـلاص

جـابر وهو يمسك ايدها بهدوء ؛ ما كان لازم توافقين

ناظرته لثوانيّ بشبه سخريه ، كيف تقول له انهم ما استشاروها اصلاً ؟ جاها حاكم وقال " هذام يبيك ، المملك بعد شوي بيجي " ، وبعدها أبوها قال لها "طلبك مني بالحلال وأنا عطيته " ، وقّعت وهي ترجف وما قدرت تنطق بحرف ، حتى امها ونادين ما بعد يدرون انها صارت حَرمه ~

جـابر وهو يجلسها بهدوء ؛ هذام ؟ سوى لك شيء ؟

بردت أطرافها وهي تشيل ايدها من ايده ؛ لا !

جابـر بتردد ؛ طيب ؟

هتـان وهي تشتت أنظارها بعيد ،شبه فهمت قصَد جابر وشكّه بهُذام ؛ ما كان هُذام ، لا تظلمه

زفر جـابر وحسب فهمه ، إن الأوضاع كثير مشبكّه وما فيه حل الا زواجها من هُذام ؛ عارفه انه مُو هذام ، هذام رجّال ونعم الرجل

هـتان بهمس ؛ ما أبيه

رفع عيونه لثوانيّ ؛ ما تبينه ؟

هزت رآسها بالنفّي وتجمعت الِدموع بمحاجرها ، لو كان غير هُذام يمكن أهون عليها ، كيف تِروح للشخص يليّ تحبه بهالشكل ، تحس نفسها ناقصه ومليون شعور غبي يداهمها عن نفسها ~

نزلت رآسها وهّي تشتت أنظارها بعيد ، يحِس بنار بقلبه من حَنيها لرآسها ودموعها اللي تمّردت على رغبتها ومحاجرها وأعلنت الضعَف ~

لفها لناحِيته وهو يحضنها وماهي الا ثوانيّ وأجهشت بكي ~

يا للأسف ،قلب جابِر خـفيفّ ، هيّن مِثله لو على النّمل ، شلون على إخته ؟ يناديِها بِـنته من كُثر الحُب لها ، وش قلب الأبو يلي يقوى على دِموع بنته ~

مسك وجها ووجهه تغيّر تماماً من كُثر القهر يلي يحِس فيه ؛ لا تبكِين ! عهد على هالرأس ما أتركه يرتاح لا تبكين

هزت رآسها برعّب ، خوف يتملكها من رسِاله وصلتها من الشخصّ يلي هي ما تعرف إسمه لكن حنّا نعرفه ، وحَقّ المعرفة - رائد - " واحد من آل سليمان ، او هُذام ، بتدّبس فيه قضية قتل قريب ، إنتظريني "

ابتسِم من فرط حسَرته وهو يشوفها تمسح دموعها وتتكي برآسها على ايديها ؛ ما ينحنيّ لك رآس يا بِنت ساميّ

هتـان بهمسّ ؛ ينحني ، وتنحنّي عشر وراه

جـابر وهو يمسك ايدها ؛ يخسى اللي يحنيه يا بنتي !

هزت رآسها بالنفّي وهي تناظره ، تجمّعت الدموع بمحاجرها وصُوتها من فرط قهر الشِعور بـ القوة يِخرج ؛ أبـوي يـكرهني

_وسّع عيونه وهو يناظرها ، لو شافت دموع أبوه اللي متخبّيه بمحاجره وهو يتكلم عنها " لإنّ داخلها وخارجها طّيب ، ونظيف ، كسروا ظهري فيها يا جابر " ما كان قالتّ عنه كذا ~

قامتِ وهي تمسح دموعها ؛ ببدّل ملابسي

جابـر وهو يتنحنح ؛ شلون ؟

هتِـان بسخريه ؛ خلّص العرس عندي ، كفّيت ووفّيت

جـابر بهدوء وهو يوقف ؛ بنتفاهم ، أنا برا

سكر البابّ خلفه وإتجهت هتَـان تبّدل ملابسها ، وتمسح المِيكب اللي بوجهَا ، رفعت شعرها لفوقّ وهي تآخذ نفس عميق ؛ ما يصير شيءّ ، فتره وتعّدي -

بـ الأسـفل ~

إستغربت وهيِ تناظـر حاكم الليّ يتأملها ، غريبه نظراته والأغربّ هدوئه المُتوتر ، تحسّ فيه خايف لكن من إيش ما تدريّ ~

حـاكم ؛ جاهزه ؟

هـزت رآسها بـ ايِه ، إبتسم وهو يمشي لعندها ، لكونها ما بتكمّل الليلة معاه ، نصيبه يآخذه الحين ولو كان قليل ~

بردت أطرافها من حاوط خصِرها باستغراب ؛ حـاكم ؟

ابتسم بهدوءّ وهو يتأملها ، وده يمدحها لكن تِضيع حَروفه بشكل فَضيع ، إنحنى بهدوء وهو يقّبل شفايفها ، خلل أصابعه بـ ايدها وهو يشوفها ما تناظره أبداً ~

ودعّتهم وهّي تسأل عن هَتـان لكنِها مو موجودة وإستغربت من هالشيءّ ، رِكبت بعد مساعدة حاكم وهي تشوفه رامي بِشته بالخلف ، مسك ايدها بهدوء وإستغربت حركته ، كان يحرك إبهامه بـ بـاطن ايدها لجل يشغلها ~

وصِله صوت سعود وهو كان شاك وكثير بعد وتأكدت شكوكه ~

سعود ؛ بيتك مراقب ، غيّر وجهتك

حاكم ؛ تم ، سـعود

سعـود وهو يتأمل بـ بيت حاكم ؛ سـم

حـاكـم بهدوء ؛ إطلب الرحمة

ضحك سعـود غصب عنه وهو ينزع السماعة من إذنه ، لـ وهلة ، تبّـان كلمته كـ تهديد ووعيـد ، صحّ هي وعيـد لكنّه أحلى وعيـد ممكن يِمر على سعود ، رجعته لـ العسكرية والسِلك كانت بهالكلمة ~

غيّـر حاكم وجهته لـ شُقه يـملكها ، لكنها بعيِده عن أنظار الكِل ~

زمّت شفايفها بـهدوء وهيّ ما تناظره ، تحسّ فيه شيء ومو طبيعي لكن كيف تسأله ~

مـلآذ بتردد ؛ فيه شيء ؟

هز رآسه بـ النفيّ ؛ مسكرين الطرق اللي عند البيت ، بنروح مكان ثانيّ

زمَت شفايفها لثوانيّ وهي ترجع رآسها للخلف ، مُرهقه من التعبَ وكثير بعد ~

نـزل وهو يساعدها بالنّزول ، ابتسم بهدوء ؛ كأنك تتعمدين كُبر الفستان لجل تكون المسافة بيني وبينك كبيرة !

إبتسمت بعبط ؛ تعمّدت !

إبتسم وهو يِفتح البابِ ؛ إعرفي انه ما يمنعني شيءّ

زمت شفايفها وهي تدخل قبله ، رمى شماغه وهو يأشر لها على مكان الغُرفه ؛..

_

_الغُرفه ؛ بدلي ملابسك وتعاليّ

مشِيت وضحك من سِمع صُوت المويا ،سمعها وهيّ تتحلطم وتحاكي اُمها ، إن جمالها الطبيعي إختفى ، ما تدري إنها بكل حالاتها ، بـ نعومتها وفخامتها تجِذبه ~

زفـر بشبه ضِيق لثـوانيّ ، يشوفه بعيِن نفسه عجَز ، لكنه مجبور لجل ما يِكسر قلبها ، يكفيها اللي جاها منّه ~

خِرجت وهّي تزم شفايفها لثواني ، إضطرت تشِتمه بداخلها لإن مالها أي لبس هنا ~

لبسِت الرُوب وهيّ تلفه على جسدها ، فِتحت نصف البّاب ؛ حـاكم

حـاكم وهو يلف لناحيتها بإستغراب ؛ سميّ

مـلآذ : مالي ملابسّ هنا !

ناظرها لثوانيّ وغصب عنه ضحك ،للأسف تفكيره غير عن تفكيرها بكثير ~

تّوردت ملامحها لثوانيّ بذهول ، ابتسم بخفيف وهو يفرك حواجبه ؛ملابسي فالدولاب طال عمرك ، تكفيك

سكرت البابِ وهي تشّك بعقله وعلاقتهم ، خُطبه ع الواقف ومِلكه بالصباح وبلبس عسكري ، والحين بـ يوم عرسهم تلبس ملابسه ~

زمّت شفايفها وهيِ تلبس من تيشيرتاته ، أخذت لون رماديّ لإن الباقي ما يناسبها بنظرها رغم ان التيشيرت كبير عليها ، ولنِصف فخذها الا إنها أخذت شُورت ~

فتح الباب وتراجعت للخلف برعب ؛ بشويش !

حـاكم ؛ تعاليّ

هزت رآسها بالنفي بتردد ؛ بنام

حـاكم ؛ بتنامين ، تعالي

ناظرته لثوانيّ ، شاكه بـ أوضاعه وكثير ؛ حاكـم

ابتسَم بخفوت وهو يمشي لعندها ، رمى الشورت من ايدها وهو يزّم شفايفه ؛ التيشيرت يكفي

مـلآذ بهمس ؛ جالس تخوفني

ناظرها لثواني بهدوء ، كانت فعلاً خايفه من نظراتها اللي حفظها وكثير من كُثر مواقف الخوف اللي مرت فيها معاه ، كل خلاياه تدفعه يقّبلها رغم انه كان يِكره القُبل ، حتى بـ طفولته كان يمتنع عن تقبيل شيء غير رآس جده وإيد أبوه ، باس جبينها بنفس همسها ؛ ما يطول الخوف

رَجعت أنظارها له ؛ فيه شيء صار صّح ؟ لا تكذب وتقول الطرق مقفله !

حـاكم بهدوء ؛ إحتياطات عسكريه بس ، الكذب ما نحبّه ~

حـاكم وهو يناظرها ، يبتسم لجل ما تشِك بـ شيء غير الليّ هو يعرفه ، حافظ جُمل مرسمها من كُثر ما يدخله ؛ دايم تقولين مُختلف ، وذلك الإختلاف يُعجبني

مـلآذ وهي تشتت أنظارها بعيد ؛ صار ما يعجبني الإختلاف ، يخوفّني

ثَـبت إيده على خصَـرها وهم يخرجون للصـاله ، جلس ع الكَنب وهّي بجنبه ، غصباً عنها بجنبه من إيده ~

أخذت كـآس العصير يليّ قدامها ورفِضت العشاء ورِفض معاها ~

تِركته وهيّ تشوفه يتأملها ، تتّورد ملامحها مباشرة من طريقته ونظراته الغريبه ، ايده على خصرها ومقربّها منه كثير ~

لفت وجَها لناحّيته بتردد وهيّ تحس بالنِوم ؛ بدخل أنـام

قربها لعِنده وهو يسندِ رآسه على كتفها بهدوء ؛ بتناميِن

ما قِدرت تتحرك من حركاته وهيّ تحس بحرارة تجِتاحها ، مو قادرة تقَاوم النّوم ابداً وماهيّ الا ثُواني وغِفيت على كتفه ~

زفَر بضِيق وهو يحاوط ظهرها ؛ آسـف

قـام وهو يشيلها بـ حُضنه ، إبتسم بخفيفّ من زمَت شفايفها وهو يتركها على سريره ~

خلل إيده بشعره وهو يسكر الأنوار ويمشي لمكتبه ، تمتم لنفسه بشبه سخريه من حاله وضعفه معاها ؛ قال إيش قال حقّ الحياة ، تحفظ الحياة ايه لكن تعيشها صعبه يا حاكم ! صعبه يا فريق !

دخلّ مكتبه وهو يفتح لابتوبه ، وصلته رسِاله من هُذام " عرفته " ، حـاكم " مكانه ؟ "

هُـذام وهو متوتر من كون هتّان واقفه مع أبوها بجنبه " ما صدته "

قـام حـاكمّ بهدوّء ، ما أحد يفكر بحَاله والعجّز اللي يحس فيه لدرجه إنه مُضطر ، يرجع مكتبه الحيّن يوقع على أوراق ترجّع سعود للسلك ، لجل ما يصيّب سعود الضرر وإنه يشتغل خارج القانون ~

إضطر انه يجرح نفسه ، ويجرحها بـ مُنوم يتركه بـ عصيرها ، يعرف لو كانت صاحيه يمكن تتقبّل شوي لو عرفت انّه لازم يمشي ، بس بتنجرح وما وده بجرحها ابداً ، عجز وضُعف وُجبن وفضاعة شُعور يحسها لأول مره فيه ~

بدلّ ملابسه وهو يخرج ، قفّل باب الشُقه وهو يحاولّ يِهدي نفسه " يضيع يوم ولا كِل العُمر يا حاكم " -

« بـ القــاعه »

كـانت اُم جـابر ، وأبـوه ، وهُـذام وهتّـان الموجودين للأن ~

هُـذام بهدوء وهو وساميّ يتحاورون بهمس ؛ هتـان تقرر يا عمّي ، تآمر بشيء ؟

أبـو جابـر بشِبه حـزن ؛ الله معاكّ يا هُذام

مِشى وهو يشِوف زوجته ،شيماء منهاره وحاضنه هتّـان اللي كأنها مو معاهم ، كل ما شافت وجه هُذام تتذكر الدمّ اللي كان ينزف منه بشكل فضيع بـ العصر وللحين الآثار موجوده ~

قربِ أبـوها بيضمها الا إنها أبعدت بهدوء ، ما قِدرت تزيّف شُعورها للأسف ولا ودها بـ عتب ولا ودها تبكيِ ~

فِهمت من جـابر إنها بتصير كـ إنها بـ بيتهم ، قال لها فترة وبسّ لحد ما يقدرون هُذام وحاكم يتصّرفون بالوضع ، لجل ما يتضرر أحد ~

مِشيت بدون لا تتِكلم وهيّ تركب بالخلف ، ما عارض رغبتها أبداً وإلتزم الصمَت ~

بردت أطرافه من وصِله صُوت حـاكم ؛ حـاكم !

حـاكم وهو يسكّر مكتبه ؛ هُذام ، إنتبه لنفسك

هُـذام ؛ فيه شيء !

حـاكمّ بهدوء ؛ سلاحك لا يبعدّ عنك ، إن شفت إخت صحّار حقها رصاصة الله يحميك ما ودنا نمسكها ولا غيره !

هُـذام باستغّراب ؛...ماهيّ موجوده ! إختفت !

حـاكمّ ؛ ما إختفت طال عمرك ، تِحوم حوالينّا

هُذام وهو يرفع حواجبه ؛ إنت وينك ؟

حـاكمّ ؛ بـ مكتبيّ ، راجع شقتي الحين

عضّ شفته لثوانيّ ، وده يشتمه لكن وش يقوله ؛ خير ان شاء الله

سكّر وهو يبعد سماعته عن إذنه ، لف أنظاره لها بهدوء ؛ هـتّان

ما تِكلمت وفضَلت السِكوت ، نزل وهي معه ، إستقصد يمسك ايدها وشّد عليها من حسَ إنها تحاول تِفك ايدها منه ~

هتَـان بهدوء ؛ إترك

هُـذام ؛ ما وديِ أتركك ، اليّد أهون من تحت الذراع ولا ؟

تغيّرت ملامحها وإلتزمَت الصمَـت ، تخّاف يقرب لها ، حتى لو يدخلها تحَت ذراعه إحتمال تموت من رُعبها ~

دخَل وهو يشِوف ريهـام بالصِاله ، خافت عليه بالعصّر وهي اللي شافت وجهه شِلون ينزفّ ، ساعدته بوقتها وبدأ يميِل شكه لليقّين إتجاهها ~

ريهِـام بهدوءّ ؛ جناحك جاهز

هز رآسه بـ زين وهو يصعدِ ، انتبهت ريهام لـ حركه إيد هتّان اللي ودها تِفلت منه لكنه شادّ عليها ~

دخلّ الغُرفه معاها وهو يسكر البابّ ، تركت إيدها من إيده وهيّ تمشي بعيِد عنه ~

هُـذام ؛ هتـان

مسِكت نفسها لثوانيِ وهيّ ما تناظره ؛ تتركنيّ لحالي ؟

ناظرها بهدوء وهو يجلسِ على الكنبه ؛ لا

نَـزلت عبايتها وهيِ ما تناظره ابداً ، لمح شعرها وما قِدر ما يتكلم ؛ قصيتيه !

ناظرته لثوانيِ ورجعت تشتت أنظارها بعيِد ، قام وهو يمشِي لعندها ~

هُـذام وهو يمسك ايدها ؛ لا تتكلميّن ، بس بحاكيك شويّ

تعبّت من ضعفها ، قدام الكُل ضعفت ميّن باقي ؟ ؛ الله يخليك خلاص

ترك إيدها وهو يناظِرها لجزء من الثانيّه ؛ ناميّ

جِلست بتردد لثوانِيّ وهي تشوفه يمشي لعند البابّ ، صرخت من شيء لامسِ إيدها وهيِ تركضّ لـ ناحيته ~

هُـذام بذهول ؛ شفيك !

ضِحكت إلين وهيّ تنزع البطانيّه عن وجَـها وجسدها ، ناظرتها هتّان لثوانيّ بذهول ومافيه أحد مبسوط أكثر من هُذام بهاللحظه ، كانت هتِان متمسكه بـ ثوبه ، قبال صَدره بالزبطّ ~

هتـان لثوانيّ نسيت شوي من نفسها ، إبتسمت بخفه ؛ مِين انتِ ؟

زمَت شفايفها بعدم إعجابّ من قُرب هتـان لـ هُذام ، دخلت بينهم وهي تمسك ثوبّ هذام من الأسفل لجل يشيلها ~

ضحك وهو يشيلها ؛ غرفتك وين ؟

إليِـن ؛ بنام عندك

هُـذام وهو يزمّ شفايفه : عيب ، يلا غرفتك

خزّت هتـان لثوانيّ وكأنها هي السبب ؛ بعلّم عليك

ضحك وهو يمسكها مع ايدها ، مشى فيها لعندّ غرفتها اللي قِبال جناحه وهو يشوف ريِـهام خارجه من غُرفه إلين ~

ريهِـام بتردد وهيِ تمد له مرهم ؛ وجهك الحين أحسن ؟

هز رآسه بـ ايه بهدوء ؛..الحمدلله ، عندي

ريهام بإستعجال :هذا جابه واحد ، اسمه هجرس أتوقع وقال أعطوه هذام

أخذه منها وهو يستغرب من إهتمام هجرس ، مدت له ورقه وهيّ تبتسم ؛ هذي منه بعد ، ابوك قراها

أخذها وسرعان ما إبتسم " والله إني خفت من وجهك ، تفضل ياخوك حطّه كُود إنها تروح ولا تفجع الحريم "

ابتسم وهو يعطيها ظهره ويدخل لجناحه ، رجعت ريهام مع إلين وهيِ تبتسم بخفوت ~

دخل الجناح وهو يسكّر البابّ ، كانت تناظره من بعيدّ لكنها مثَلت العدم ، ما إرتاحت لـ ريهام وتصرفاتها ولو واحدّ بالمية ، هي كـ بِنت ، تعجبها ريهام وإهتمامها بنفسها ، تبِرز مفاتنها بشكل حلو وكثير وأغلب تصرفاتها ما توّضح انها اُم ، تعيِش شبابها أكثر من هتان بكثير ، السؤال اللي يتبادر لـ ذهن هـتان الحين ، هِي تخرج قدام هُذام بالشكل الحلو اللي هم يشوفونه دايم ؟ ولا تتستر ؟

سَكر الأنوار وهو ينهيّ سرحانها لجل تنام ، لانه بيتفاهم معاها وما بيجلسون بـهالوضع ، إثنينهم يحبّون بعض ، واللي صار عكّر الجو عليهم شوي ، لكنه كان خيّر ولو شوي ، عَزّم هُذام عليها وتجاهل فرق العُمر والحين هيّ حَرمه ~

ناظرته لثوانيِ من إتّجه لـ ناحية الحمام - الله يكرمكم - ، شغل الأنوار اللي قريبه منه وهو ينزع ثُوبه ، غمّضت عيونها وهي صحّ خايفه ، لكن تحّس بـ شيء غريب بداخلها ، انه تاركها على راحتها شّوي مريحها لكن الخوف لازال موجود~

بَدّل ملابسه وهو يناظرها لثوانيّ ، يخاف يتمدد بجنبها وتنهِار ، وينام ع الكنبّة وتتمرد عليه ~

مشِـى لـ الطرفِ الآخر من السـرير بهدوء وهو يجلّس ، ناظرها بطرف عيِنه وهو يشوفها تبعدّ بكثير لحدِ ما وصلت لـ الطرف ؛ لا تطيحين

اخذت المخده يليّ بجنبها وهي تحطها بينهم ، ناظرها لثوانيّ وهو يتمدد بهدوء ، لأول مره تحسّ نفسها مُزعجه ،كثيرة الحركه ، تحس إن صُوت أنفاسها يوصله ، كامل جسدها يرتجّف وتحس إرتجافها يزعجه ، ما قدرت تنِام من كثر الإزعاج اللي بداخلها من فيضانات المشاعر ~

_

« العصـر ، شُـقه حـاكمّ »

فِتحـت عيونها بخمُول وهيِ تحس بـ شيء يحاوطها ، نـزلت أنظارها وتغيّرت كامل ملامحها من لِمحت كتفها العاريّ ، شبه إرتاحت من شافت إنها للحين بلبسها ، ناظرت ذراعه اللي تحاوط خصِرها وهيّ تشيلها بشويش ، أبعد عنها وهو يلف للجهه الأخرى ، تُوردت ملامحها وهي تشوف عضلات كتفه تتحرك ~

حاكم وهو يآخـذ جواله ويأشر لها على الكنب؛ ..ملابسك هناك

مشِيت لعندها وهيّ تناظر ملابسها ، زمّت شفايفها لثوانيّ وهي تآخذ أول لبّس قدامها ~

كان متكّي ويناظرها ، خلل إيده بشعره بتزفيره ، تّوه ما غِفى الا وقامت مـلآذه وماهو بجيح لـ درجه يتركها بالليلّ والحين ~

خرج من الجنَاح وهو يآخذ له شاور ، بدل ملابسه وجلّس ينتظرها لجلّ يتغدون ~

خِرجت وهيِ تعدل شعرها ، إبتسم لها وردت له الإبتسامه مُباشرة ~

زَمـت شفايفها لثوانيّ ، ما تحِب العَصر بـ البيّت ابداً ؛ إفتح الشباك

رفع أنظـاره بـ استغراب ، قام وهو يفتحه وهِي جلست ، جلس قبالها ؛ رآسك مصدع ؟

هزت رآسها بالنفيّ ؛ شوي

إبتسم بهدوء وهو يسمّي ، يسِرق لها النظّرات كل شويّ وهي تمثل انها ما تشوفه رغم إنه يوترها ، ما تِذكر كيفّ نامت ابداً ، ولا أي شيء ~

رفعت عيونها وهي تشوفه يمسك جوالاته ، فِتحها كلها وهو يناظرها بهدوء ~

ناظرته من أصوات الرسايلّ الكثيره وهي ترجع أنظارها لـ الأكلّ ؛ شِبعت ؟

هز رآسـه بـ ايه وهو يتكيِ للخلف ، قامت وهي تآخذه معاها ، رِجعت الغرفه تعدل شكلها ، كل أغراضها بـ بيته ~

ابتسِمت لثوانيِ وهي تشوف عِطرها ، الواضح انه أخذ لها كم لبس وعطرها ، للأسف مافيه ولا لبس جابه مُنسق ، أرتب شيءّ واللي هي لابسته ، فُستان لفوق الركبِه بـشوي بـ اللّون الأبيّض ، أكمامه طويله ونوعاً ما ساتر ~

دخـل وهو يشوفها تدندن بخفيف ، حاوطها من الخلفّ وهو يقبّل عُنقها ويمشي لجهه السرير ~

تُوردت ملامحها لثوانيّ وهي تشوفه ينحنيّ لتحت السرير ~

حـاكم بطقطقه وهو يآخذ سماعته ؛ وش صار بالأمس ووصلت سماعتي هنا ؟

بردت أطرافها لثوانيّ بتردد ؛ ما صار شيء يمكن طاحت منك

ضحك وهو يشوف أحوالها إنقلبت ، قال لها إنه ينتظرها وجلس بالصالة ~

_

« بيــت نهيــان »

جـلس بـ الصالة بهـدوء تـامّ ،وصله إن حاكم بـ شُقته مو بـ بيته ، وانه لحدّ الظهر كان بـ شوارع الرياّض ، من مكتبه لـ بيته لـ بيت سِـعود ثم تِوجـه لـ شقّـته ~

زفر وبيـته فاضي تماماً ، مافيه غيّره وفاطمه فقط ~

فـاطمة ؛ هيا يـا نهيّـان

نهيّـان ؛ خلينا بالبيـت يا فاطمة ، وتعالي بحاكيك

هـزت رآسها بالنفِي ؛ وش ورآك مستعجل على الحُشر ؟ الدنيا واسعة ليه تقابل ٤ جدارن بهالعصِر !سَلـّم أمره لـ ربه وقام معاها ، يجلسون بالخارج يتقهوون لحدّ المغرب ثم يدخلون ~

إبتسمت فاطمة وهيّ تشوف عنـاد داخل ووراه لـؤي ~

جاء عنادّ وهو يسلم على رأس ابوه ؛ حيّ الله أبو متعب

نهيّـان ؛ وش تبي ؟

عناد وهو يناظره لثواني ؛ طال عمرك صدمت واحد

_نهيّـان وهو يمسك عكازه ؛ قم توكل بسرعه

عنّـاد بابتسامه ؛ ياراجل يمكن دخلت بقضية قتل قل لا اله الا الله !

فاطمة وهي تضربه ؛ وش هالفأل ! نهيان شف الولد !

عنّاد بابتسامه ؛ ونفسيتي مره معكّره طال عمرك ، اعتذرت للرجال ورحنا المركز ودفعت التعويض حق سيارته بس طال عمرك انا طفرت

نهيّـان بسخريه : يا حبيبي ، خلاص خذ مفتاح المكتب والخزنه لك اللي تبي

ابتسم لثوانيّ بعدم تصديق ؛ صادق ؟

نهيّـان بحده ؛ عنــاد !

عنـاد بتزفيره ؛سيارتّي انعدمت ، ولا معي فلوس ، أروح عند المسجد وأقول لله يا محسنين يعني ؟

فاطمة بحده ؛ وش لله يا محسنين ! اللي يشوفك يقول منّتف !

قام نهيّـان وهو يستغفر ، ضحك عناد وهو يجري وراء أبوه ؛ يعني مِين لي غيرك طال عمرك ! وش اسوي ؟

نهيّـان ؛ إسترجل ، وش تسوي !

عنـاد بحزن ؛ إهانة كبيرة بحقيّ ، تسلم

لف نهيّـان من شاف عنـاد يمشي لعند لـؤي اللي يكلم جواله ، ضحك من شافه يدخلّ تحت ذراع لؤي ويحاول يسمع ~

لؤي بشبه حده ؛ عنــاد !

عنـاد بنبرة مصدومه ؛ لا هاوشني ! هاوشني ! لا تستحي هاوشني !

ضحك لـؤي وهو ينزل جواله عن إذنه ؛ أخسي

نهيّـان ؛ عنـاد

لف أنظاره لـ ابوه وابتسم غصب ، راح لعنده من لِمح الفلوس بـ ايده ؛ لبيّــه

نهيّـان ؛ ورنيّ سيارتك

عنِـاد وهو ينزل التيشيرت عن عُنقه ؛ إنت قِل الحمدلله طلعت منها سالم ، بعدين أوريك السيارة

بردت ملامح نهّـيان لثواني ؛ بس هنا !

هز رآسه بـالنفيّ وهو يرفع شعره عن جبينه ؛ هنا بعدّ ، بس جات سليمه طال عمرك

نهّـيان بشبه حده وهو يضربه بالفلوس على صدره ؛ تعّلم الجديه ! لا تجيني تستعبطّ !

ضحك عناد غصب ؛ وتخاف فاطمه ! تعرف قلبها رهيّف ليه نخوفها !

زفّـر نهيّـان وتسلل لـ قلبه خوف مو طبيعيّ ، يخاف يِصيب عِناد شيءّ وهو ما يدريّ عنه من كُثر إستهبال عنادّ ؛ الله يحميّك ، تبي شيء ؟

ابتسم عنـاد ؛ أجلس بدون سيارة ؟

نهيّـان بطقطقه ؛ إمشي على رجولك ، زِدت وزن

ضحك عنـاد وهو يمشي مع لؤي يصعدون للمُلحق ، بعدّ ما سلـم لؤي على فاطمة اللي يِكنّ لها حُب كبير بقلبه ،وهيّ تعتبره بمقام عنِاد وكثير ~

-

« بيـت أبـو جابـر »

جـالسين ناديّن وأبوها واُمها بـ الصاله وكل فردّ منهم يتحاشى يحاكيّ الثاني ~

أم جـابر بهدوء ؛سـامّي

أبـو جابر بتزفيرة ؛شيماء ، لا تفِتحين الموضوع يكفيّ

نادين بهدوء ؛ ليهّ سويت فيها كذا !

أبـو جابر وهو يناظرهم لثوانيّ ؛ هيّـن علي ؟ تشوفونه هيّـن عليّ !

أم جابـر وهيّ تشتت أنظارها بعيد ؛..محُطيكم وصخ ! واللي أكلتها بنتي !

ناظرهم أبـو جابر لثوانيّ والحكيّ مع الحريم بـ رأيه ضايع ، قامّ من مكانه ولازم يلقى أخوانه ، لإن السِن بالسِن ، وهتـان بـ أهل رائـد كلهم ~

نـادين بهدوء ؛ عقـالك

ساميّ بسخريه وهمس لنفسه ؛ إلبس العقال وإسترجل يا ساميّ ، لا والله ما ينلبس على رآسي عِقال وهتان تبكي

خـرج من البيّـت وهو يمشي لـ بيت أخـوه مِـتعب ~

قامَت نادينّ وهي تصِعد لـ غُرفتها ، عقلها للحّين مو جاي يستوعب ويشبك الأمور ببعضّ ، هتـان كانت تبكيّ لوحدها وعاشت شيء أكبر من عمرها بكثير لوحدها ! كيّف ما حسّت فيها !

جِلست بهدوء وهيّ تآخذ نفسّ ، تحس عائلتهم وكل آل سليمان مفككين بـ شكل مو معقول ، وراحت من نفسيتهم كثيّر ~

_

« بيـت جــابر »

كـ العادة ، بعيِـد عنها بـ ٢٠ مِـتر وكل شوي تِرمقه بنظرات كُـره ~

قامت من سِمعت صُوت الجرسّ وهي تنتظر اُمها أساساً ~

فِتحت البابّ ورفعت حُواجبها لثوانيّ من اللي رافعه بـاقة ورد على مسُتوى وجَـها ؛ اهلاً ؟

ابتسمَت نايـا وهي تبعدّ الورد ؛ السلام عليكم !

تغيّـرت ملامح حنِـين لثوانيّ وابتسمت باستغرابّ ؛وعليكم السلام !

ابتسمت نايـا وهيّ كان ودها تتكلم عربيِ أكثر ، لكن لسانها ما يساعدها ، سألت حنين عن حالها وحال البيبيّ ، ودخلَتها حنيّن للداخل رغم إنها كارهتها حدّ الموت ليه ما تدري ~

نـايا بابتسِامه وهيّ تشوف جابـر نازل ؛ أوه جابـر !

تغيّرت ملامحه لثواني وهو يمشي لعندهم ؛ نـايا ؟

عضّت حنين شفتها وهي تقلده ؛ نـايا !

ضحك غصَب عنه بـ إستغراب ، عدلت نـايا عبايتها وهيِ تناظره ، ما خِفيت نظراتها عن حنيّن أبداً وهالشيءّ اللي زاد النار حطَب ~

نـايا وهيِ مدت إيدها لعند جابـر ورجعتها ؛ أوه ! لا تُصافح النساء

حنيّـن بسخريه ؛ عادّه نفسك منّا ، صدق صعلوكة !

كِبح ضِـحكته وهو يجلس بـ استغراب ، ما فِهمت من تحاورهم بـ لُغة غير الإنقلشّ وهيِ تخز جـابر ~

حنيِـن ؛شوف انا ما فهمت صحّ ، لكن هالصعلوكه تسبنيّ !

ضحك وهو يناظرها ؛ تِسبك وأترك وجها بحاله ؟

زمت شفايفها بتقليدِ ؛ يعني تدافع ؟

ضحك غصب وهو يغطيّ وجهه لثوانيّ ، إستغرب من زيارة نايا لكن فهَم منها إن عندها مشروع بالرياض ، ولقيت عِنوان بيّته من معلوماته اللي بمشروعهم الكبير وجات لجل يساعدها ~

زفَرت حنيّن وهي فعلياً بِديت تتضايق من وجود نايا وأريحيتها بالحكّي مع جابر ، تفهم حوارهم وكله حول العملَ مع ذلك تحسّ بـ شيء يِدفعها تقِوم وتنِزع شعر نايا من مكانه ~

حنين وهيِ تقوم بغيّض ؛..قِل لها ، حنّا بالسعوديه ، وبيتك مو مكان إجتماعات ، تروح للشركة اللي منسقه معاها وتتفق معاهم ، وانت اذا تبي تساعد احد ساعد ناس عدل مو صعاليك !

ناظرها لثوانيّ بذهول وهو يشوفها تمشي ~

تغيّرت ملامح نايا بإستغراب وابتسمِت بخفيف من عِرفت انها غيّر مُرحب فيها ؛ أنا آسفه ، إتصل بيّ

ابتسم بخفيف وهو يفرك جبِينه ،ما يحبّ كسر الخواطر ابدّ ، ولو تدري حنيّن ان هالنّايا متحمسه لـ طفلها أكثر منها ، وجابت هالوردّ لها يمكن تغيِر نظرتها شويّ ~

_

« شُـقة حـاكمّ »

متمدد بـ حُضنها وإثنينهم ساكتّين ، للحين يرعبها الليّ صار قبل ساعة تقريباً ، فجأه عصّب وتغيّرت كامل أحوالها ونفسيّته ، سِمعته يحاكيّ أحد وصُوته لحاله تحسّ فيه يِضرب الطرف الثانيّ من قُوته ،سِمعت ألفاظ ما تدري إن حاكم يقولها ، وهُواش وعصّبيه ، نهايه المكالمة كانت تهديدّ ووعيد من حـاكم وهيّ خافت كيِف الليّ يحاكيه ، كـان بيخرج الا إنه شافها بـ الصالّة وملامِحها باردة منه ، حتى لمَا جلسّ بعدت عنه وسحبها غصّب عنها بجنبه ، قبّلها فُوق القُبلتين ثالثة وتمدد بحُضنها ~

مـلآذ بتردد ؛ الشغّل ؟

هز رآسه بـ ايه ، إلتزَمت الصّمت وهّي تشوف جواله يِرن ~

مَد إيده بدون لا يشوف ميِن وهو يردّ ، كانت بتتحرك الا إن إيده ثبتت خصرها بقوة ، يمكن هُو ما يحسّ بقُوته الا إنه أوجعها ~

حـاكمّ بهدوء ؛ عندك سعـود تفاهم معه

هجَـرس بتردد ؛ طال عمرك ما ينفع

حـاكـم بهدوءِ ؛ رح مكتبيّ يا هجرس، كل شيء جاهز

هجَـرس ؛ تمّ

تَـرك جـواله وهو يقِوم عن حضنها ، قامِت بشويش وهيّ تلف للجهه الثانيه ~

ناظرها لثوانيّ وهو يشوف شعرها يغطيّ وجها ، مسك ايدها قبل لا تقوم وهو يبعد شعرها عن وجَها ~

مـلآذ وهيّ تشوف جواله يِرن بتردد ؛ جـوالك

تجاهلّ وهو يناظرها ؛ ما تعّودت على الليّن ، نبّهيني

مـلآذ وهيّ تشتت أنظارها بعيِد عن عيونهّ ؛ ما سويت شيءّ

تركت إيده وهِي تقوم للغرفه ، ناظر خلفها لثوانيّ من سَكرت البابّ ، قال له نهيّـان " حقّ الذيب القتل ، وحقّ الحاكم الحيـاة " ، الليّ يِشوفه إن الذيابة من كِل نوع وأولهم عقله ، جالسيِن ينهشّون حقه بالحياة وكثيِر ~

قَـام وهو يدخلّ الغُرفه معاها ، سكرّ الباب ولفّت لناحيِته ~

مـلآذ وهيّ قبل لا يبدأ بـ أي كلمة ، بتقُول له ؛ إهتم بـ شغلك ، ما أمنعك

حـاكمّ بهدوء ؛ كيف ؟

رفِعت كِتوفها بعدم معرفه وهيّ تزم شفايفها ، إبتسمت بشبه حِزن ؛..رُتبتك يليّ قلت لي إرسميها ، عرفتها ، حاكيتني عن منصبك وعرفت إنك مُهم هناك كثيِر ، جوالاتّك ما تِكف إتصالات ، والكِل ماله غِنى عنّك

حـاكمّ وهو يمسك إيدها ؛ وبعده ؟

شَـتت أنظارها لبعِيد وهيّ تحاول ترجع للخلف ؛ مافيه بعده

ناظرها لثوانّي ، ما عهدَ نفسه يتكلِم بهالشكل ابداً ؛ الكِل ماله غِنى عنيّ ، أنا ماليّ غنى عنك

ناظرته لثوانّي وداهمها الخجل ، والحُب ، ومليون شُعور أرجَفها ~

تداركت نفسها وهيّ ترفع عِيونها لعيِونه مباشره ؛ ما أبغى أستوطن حياتك ، بس لا تتركنيّ على جَنب ! ما تعّودت !

ناظرها لثوانيّ وهو يشوفها تترك إيده ، مِشيت للحمّام وهِي تحس بـ مشاعر كثيره ، بُرودّ يملي علاقتهم بشكل مو معقول ، متكَتّم على نفسه ، وهيّ أكثر ، تكِاد تجزم إنه كان يلعبّ ، كل حركاته وعلاقتهم اللي رغم إنها ما كانت على الطريّق الصحيح قبل زواجهم ، كان فيها رُوح ، وحياة ~

_

« بيـت سـعود ، العشـاء »

إبتسـم ضاويّ من دخل سِـعود ؛ ياهلا

إبتسم سعود وهو يمشي لـ المطبخ أخذ له مويا وهو يناظره ؛ كيف الحـال

ضاويّ ؛سعـود ،تعرف وش يقول عبدالمجيدّ ؟

رفع حواجبه لثوانيِ ؛ عبدالمجيد مِين ؟ ووش يقول ؟

ضحك غصب عنّه ؛ يِقول وِينه سُعود القلبّ دام إنت لاهيّ !

سعـود بطقطقه ؛ وش تقصد ؟

ضاوّي بضحك ؛ أقول رِجعت العسكريه خَذتك منّا ، وأكثر بعد ، ياخوك والله لو إني زوجِتك طلبت الطلاقّ

عقّد حواجبه لثوانيّ ؛ أقول ، تعشّيـت ؟

هـز رآسه بالنفيّ ؛ لا طال عمرك ، بس الحين بخرج

سِـعود ؛ وين ومع ميـن ؟

ضاويّ وهو يقوم ؛ مبّ بزر طول الله عمرك ، مع العيال وإنت تعرفهم

سِعود وهو يترك الكـاس ويناظره ؛ إنتبه لنفسك ، عيني عليك

ضحك ضاويّ وهو يخرج ، مِقدّر حِرص سعود الكثيّر عليه بس صار بمثابة السِجن له ~

_

« بيـت حـاكمّ »

أخـذ نفس وهو يحس إنه إرتاح بـ بيته أكثر من الشُقه بكثير ، ما لمِحها ابداً وتتحاشى تكلّمه بشكل مو طبيعي ~

بدلت مـلابسهّا وهيّ تنزل ركض ، رفع عيونه بذهول ؛ بشويش !

سِحبته مع إيده وهيّ تمشي للخارج ؛ تعال معيّ

حـاكم بذهول ؛يا بنت !

ضِحكت غصّب عنها وهي تسحبه معاها ، ناظر لثوانيّ وهو يدور ثِقله وينه ، رغم إنه مبسوط بمسكتها لـ ايده وكثيرِ ~

ضحك وهو يشوفها تِركض لعندّ أبـوها ، وأمها ، وفاطمة ~

زادت إبتسامته غصّب عنه وهو يشوف نهيّـان واقف بعيد ~

رفع حواجبه وهو يتنحنح من..بلوزتها اللي إرتفعت من الخلف وهي بحِضن أبـوها ، قربِ لعندهم وهو يسلم على عمّه وخالته ، وجدته ~

عـدّل بلوزتها بهمسّ ؛ لا ترتفعّ كثير ، بيننا ناس

تُوردت ملامحها بذهول وهي تناظره ، مشى لعندّ جده وهو مستعد لـ العواصفِ يليّ بتجيه ~

أول كانت ضربه بـ رأس العكاز وسط بطنه ،وثانيه بـ المفتاح على صدره ~

حـاكم وهو للأسف مروق ؛ كثّر الله خيرك

نهيّـان بغضب ؛ والله إن أكسر رآسك يا حاكم ! والله !

حـاكم ؛وش أسوي إنت علمّني ؟ لجلّ يوم أترك العُمر كله يضّيع ؟

نهيِـان بحده ؛ هاليّوم اللي تحكيّ عنه ، إسمه يوم العُمر !

حـاكمّ بطقطقه ؛ يوم العمر فاطمة حطّت بينكم سيِف ، واحنا لنا ذكرياتنا صدقنّي

ناظره نهيِان وضحك حـاكمّ وهو يمشي معه للداخل ~

زمّ شفايفه لثوانيّ وهو يشوف مـلآذ عند اُمها ، جلس بـ صدر المجلس كالعادة وابتسمت فاطمة ، تِشوف فيه نهيّان وقت كان صغير لكن نهيّان نوعاً ما ، كان أرحم من حاكم بكثير ~

نهيّـان باستقصاد ؛ كيـف الشغل يا حـاكم ؟ متى الرَجعّه

حـاكم وهو يناظره بهدوء ؛ الحمدلله بخير ، متى ماجاء ببالي أرجع بـرجع طول الله عمرك

نهيّـان بتمثيل للإستغراب ؛ لو على بالكّ كان رجعت من أمس ، ولا ياحاكم ؟

حـاكِم وهو يناظره جده بطقطقه ؛ إنت أدرى

ضحك نهيّـان غصب ، ما يقدر يطِيحه بـ فخ ابداً الا ويلقى نفسه طايح فيه ، كان يبيّ لسان حاكم يـزل بـ ايه ، لجل يعصّب فارس وتِزعل ملآذ ويحسّ هالحاكم بـ شوي من قيمتها ~

فاطمة وهيّ تخز ملآذ ؛ عندكم سيوف ولا أجيب لك ؟

حـاكم بسخريه : السيّوف عندكم ، عندنا الرصاص حنا

زمَت شفايفها لثوانيّ وهي تناظرهم ؛ بس أنا ما فهمت سالفة السيف للحين

وسعت أم بتال عيونها وهيّ تشهق ، ضحك نهيّان وهو يناظرها ؛ لا تفهمينها

فاطمة وهي تناظر نهيّان بـ وعيد ؛ ما يحرم حفيده شيء ، بعدين أفهمك

قامت مـلآذ تسويّ القهوه ، وبعدها بـ دقايق قـام حَـاكمّ خلفها ~

دخل وهو يشوفها جالسه ع الدُولاب وتنتظرها ، مشى لعندها لحَد ماصار قدِامها بـ الزبط ~

مـلآذ بتردد ؛ بنزل ابعد

حـاكم ؛ انزلي

هزت رآسها بالنفيّ لانه قريب منها كثير ، بتلاصقه لو بتنِزل ~

مسكها مع خُصرها وهو ينزلها ، تُوردت ملامحها بذهولّ وهي تحس بـ الهواء ينِقطع من بينهم من كُثر القُرب~

ابعدت عنه بتردد من صوت أبوها ، عدلت شعرها وايدها ترجفّ بخوف وخجل منه ~

-

« بيـت هُــذام »

جَـلس على الكنبه بهِدوء وهو يشوفها واقفه بعيِد ~

زمَت شفايفها وهيّ تُوشك على البكيّ من الرسائل اللي تُوصلها وصارت لا تُطاق ~

قام وهو ينزع جـوالها من إيدها ويرميه ، رفع وجهَا بـ ايده ؛ عطينيّ طرف خيط بس ، حنّا أصحاب الحقّ

رفِعت كتوفها وهِي ما تدري وش تقول له ، يهددها بـ ابوها ، بـ عيال عمامها وأخوها ، وفيه ، تهديداته واثقه وتخوفها كثير ~

هُـذام بهدوءّ ؛ إجلسي ، آسف إني أقولها لكن بالقلم نشرح حاكينيّ يا هتـان ، كل حركه وكل خطوه

هزت رآسها بالنفِي تمتنع عن الحكّي ، يحبّها وما بيتحمل يسِمع ، بتِنجرح رُجولته ويعِزّ عليها جرحه ~

هتـان بتردد ؛ إذا صار ومسكته ، أبغى أشوفه

هـُذام بهدوء ؛ وليه ؟

هتـان بسخريه ؛ برآيـك ؟

هُـذام وهو يزم شفايفه ؛ يمكن بتعاقبيِنه ، ويمكن بتضربينه ، ويمكن بتبكّين عنده وتعاتبينه ، ويمكن تحبيِنه

ناظرته لثوانيّ بذهول وهي تقوم ؛ صاحي انت ! وش احبه !

هُـذام وهو يقوم ؛ اللي سَـواه ، يُعتبر خطف ولو إني ما أعرف التفاصيل !

هتـان بسخريه ؛ التفاصيل لحالها حكاية ، المخطوف ما يحبّ خاطفه !

هُذام بهـدوء ؛ للأسف يحبّه بحالات ، ويدافع عنه ويحميّه

هتـان وهيّ تناظره لثوانيّ بشك ؛ جـالس تتكلم عنيّ

هُـذام وهذا الليّ بالزبط يبيه ، إنها تتكلم بكل شيء ؛ يمكن

ضِحكت بشبّه سخريه وهيِ ترجع شعرها للخلف ، ناظرته بعدم تصِديق ابداً ~

هُذام وهو يرفع كتوفه ؛ مو جالسه تساعديني ، ما تفهمينيّ ، ما أعرف شيء لجل أضربه فيه وهذا يشككنيّ

عضِت شفتهّا وتِجمعت الدِموع بمحاجرها ، رفِعت كتوفها بعدم حيِله ؛ كيف أقول لك !

ناظرها بهدوءّ وهو يشوفها ترفع شعّرها عن وجها ~

كتوفها اللي ترفعها وعدم حيِلتها وقوتها اللي تُوضح من ملامحها وشكلها لحالها تأذي قلبه ~

رفعت رآسها بسخريه وهي تجلس ؛ كيف أقول لك ؟ أقول إنه كان بيلمسني وما قدرت أحرك إيدي ؟ أقول لك إنه ما بِقت كلمه وقالها ليّ ؟ نفسي كرهتها منه إنت فاهمني !

سِكت وهُو يتركها تكمّل ، أجهشَـت بكيّ وهي تناظره لثوانيّ ؛ غصب عنيّ ! ما قدرت أسوي شيء !

هُذام بهدوء وهو يمشي لعندها ؛ بس ما لِمسك ، لا تخافيّن

لعبّ بنفسيتها ،حسسها إنها بِنت ليلّ حتى لو ما لِمسها ، كان مستِمتع بكلّ تفصيل بجسدها لحدّ ما ضربها بنحرها ، تذكر صراخها ورِجعت لها كاملّ تفاصيل وقتها معه ، للحين باقيّه آثاره بنحّرها وصَدرها بشكلّ يزيد قهرها من نفسها كثير ~

جاء لعندها من إنهارت بكيّ وهو يمسك كتوفها ؛..

_؛ هتـان

دفته عنهاّ بقوه وهي تصرخ فيه ؛ أكـرههك ! إنت مثله !! هُـذام بحده ؛ لا تحطّـينا سوا ، فهمينيّ !!

صرخت فيه وهيّ تضربه ، كِسر نظَرة هُذام اللي تحبّه بداخلها ، أخذها لجلّ الرجولة ويستر على أبوها لا ينفضح ، لا تطيّحه شعره وجهه قدام الملأ ؛ أكررهك ! أكررهك !

كتّف ايديها وتغيّرت كامل ملامحه من نِزل شويّ من تيشيرتها عن نحَـرها ، أثار جِروح طُوليه عريضه وفضيعه كثير ~

مد إيده لـ نحرها وسرعان ما أنهارت بكيّ وهي تترجاه يبعد ، عِرف انّ الموقف يرجع لـ بالها وهو يبعدّ عنها ~

هُذام بهدوءّ وهو يمسك وجها ؛ أنا هُـذام ، هُذام !

شِهقت من قلبهاّ وهي تتمسك بتيشيرته ، إنهارت بكيّ ولا رضِيت تفّك عنه وكل تفصيِل صغير أو كبير قالته له ، كيّف كان رائد يتحسس جسدها ، كيف أوجعها بـ الزجاج بنحَرها ، قالت له إنه كان يقدر يلمسها ، وبكل سهوله الا إنه أبعد عنها ~

ضمّها لعند صدره وكلّ ملامح وجهه تغيّرت ، همس بخفيف ؛ لانه يدريّ إنك أطهر منه ، أشرف من إنه يلمسك ، لانه عاجز يا هتّان ولا ما كان تركك يا بنتيّ !!

تنهّـد من قلبه وهو يشتم نفسه ، لو ما تِرك فرق العُمر يسيطر على تفكيره وتقِدم لها من بداية الحُب ، ما كان هذا حالها ولا هذا حال قلبه ~

زفـر وهو يبعد شعرها عن وجها ويناظرها لثوانيّ ؛ يا طُهر ذنبك قدام ذنُوب العالم ، قدام ذِنوبي يا هتّان

قربّ بيقوم الا إنها تمسكت فيه ، تمدد بجنبها بهدوءِ وهو يقبّل رآسها ، يا كُبر مخططاته ويا كِثرها على رائد وملامحه ~

_

« بيـت حـاكم ، الصبّاح »

نِـزلت للأسفـل وهي تشوفه ، دافن نفسه بـ داخل أوراقه ، بـ اُذنه سمّـاعه ويحاكيّ ، لا زالت بالصُفوف المتأخره من أولوياته ~

رِفع عيِونه وما قِدر ينزلها عنّها ، كانت لابِسه بديّ باللون الأبيض قصير نوعاً ما وجيِنز أبيض ~

حـاكم ؛ ما نمتي ؟

إبتسمت بعشوائيه وهي تعدل شعرها : الاّ

رفِع حواجبه لثوانيّ وهو يسمع صُوت الجرسّ ~

مـلآذ بابتسِامه ؛ تعال معي ، ولا أخرج لحالي ؟

ترك أوراقه بـ إستغرابّ وهو يقوم ، عدل شُورته وهو يناظرها ؛ وشّ عندك مع الخُروج انتِ ؟

إبتسمت غصَب ، فِتح البابِ وهي خلفه ~

حـاكم باستغرابّ وهو يشوف ورد ، لثوانيّ نساها ؛ مضيع ياخوك

إبتسم المندوب لثوانيّ ؛ بيت حـاكم آل سليمان ؟

هز رآسه بـ ايه وشبه إبتسم داخله من اللي تضرب ذراعه من الخلّف ~

أخـذه ومِن مُعجزات الدنيّا ، احد يشوف حاكم شايِل ورد بحياته ~

لف وهو يسكر البابّ برجله شيء ثاني ؟

إبتسمت وهيِ تقربِ لعنده ، كانت بتآخذ الورد الا إنه مَنعها ؛ بتآخذينه بالساهل ؟

مـلآذ وهيّ تزم شفايفها ؛ حقيّ !

حـاكم ؛ دَخل حِضني

مـلآذ وهيّ تآخذ ورده وتناظره ؛ قّرب طيب

فَـهم لعِبتها مباشره ، رفِعت نفسها على أطراف أصابعها وهِي تقرب صُوب خدّه ~

ابعدت عنه وهيِ تهمس لـ إذنه ؛ حِـلمك كبيـر

حـاكم بإستغباء ؛ شلون كبير ؟

رفعت كتِوفها وهيِ تزم شفايفها ؛ مـ

تُوردت ملامحها بـ أكملها من إنحنى وهو يقبلّها ، بينهم الُورد وشفايفه بـ شفايفها ، كانت تلعِب عليه وتظّن انها بتخدعه ، بـ استغبائه المقصود كان يبيها تِلف وجها لناحيته وبالفعّل لفت ناحيته ~

بردت أطرافها بتَوترّ وهي تحس بـ قلبها وسط بطنها من كِثر الشعور ~

ابعدّت بخفيف وتوتر ؛ حاكمّ

ترك الوُرد من حضنه على الطاولة وهو يحاوط خِصرها ~

مـلآذ بتردد وهي تبعد عنهّ من سِمعت صوت جواله ؛ جوالك

رجِع حاوطها بعدم إهتمام وهو يجلس وهي بحضنه ، بردت أطرافها وملامحهّا من ايده اللي بجسدها وقُبلاته لها ~

مـلآذ بتردد ؛ جوالك ، يكفيّ

قامت باستعجّال هي تعدل ملابسها ، ركِضت للأعلى وهي تحسِ قلبها يركض أسرع منها ~

زفّـر وهو يمسح وجهه ، ناظر بـ جواله بـ حُنق ، مايتحمّل وجودها جنبه بدون لا يقربّها وهي صايره تمنعه كثير ، مو عارف أسبابها ولا يدريّ بـ شيء ، ترتخيِ ومن أول ما تلامس إيده جسدها تِنفر ، تغيّر الموضوع لـ شغله مُباشرة ~

،

صعّدت للأعلى وهي تحس بقلبها يعتِصر بداخلها من فرط الشِعور ، ما تبيّه يقربها ابداً وبتاتاً البتّه ، عقله مشغول ومشوشّ ، بـ أول يوم من زواجهم راح لـ مكتبه وللأسف ماهيّ مُغفلة لدرجه إنها ما تدريّ عنه ~

جلسِت بالغُرفه وهيّ تقوم لعندِ الشباك بتردد ، إبتسمت بتردد وهيّ تشوف وجهه أحمـر ، الواضح انه معصّب ، او يمِتنع عن شيء ، تُوردت ملامحها من نِزع تيشيرته ونَطّ بداخل المسبح ~

ما قِدرت تمنع نفسها ما تنِـزل له ، الخرايطّ اللي ماليه ظهره أكيد لها قصص كثيّره ، يا للأسف ما يحاكيِها بالحرفّ الواحد ~

نِـزلت بتردد وهيِ تعدل بلوزتها ~

جِلست قدام المسبح ع الأرض وهيّ تضم رجولها لـ صدرها ~

ما إنتبه لوجودها لحدِ ما طلّع رآسه وهو يمسح على وجهه ، إبتسمت وهيّ تناظره وتتأمله لثوانيّ وهو بالمثل ~

شتت أنظارها بعيِد عنه ، قربّ لعندها وهو يمد إيده لها ~

مـلآذ برعب ؛...لا يُلدغ المُسلم من جُحره مرتين ، ابعد بعيد

ضحك غصّب عنه وهو يناظرها بذهول ، خزّته بطرف عينها ؛ طيحّت بتال بـ مسبح بيتنا ، والحين بتطيحنيّ مثل أخوي

حـاكمّ ؛ بتال كان يستاهل ، ما نلمسك وساكتين ، إيدك ما نلمسها بعد ؟

مـلآذ وهيِ توقف ؛ مكّـار ، بتطيحني معاك

إبتسم بطقطقه ؛ ما توثقين يعني ؟

زمَت شفايفها وهيّ تبعد عنهّ ؛ لا

ناظرها لثوانيّ وهو يخرج ، رجعت للخلف بعيد عنه ~

حـاكم بهدوء ؛ ما برميك يا بنت الناسّ ، تعالي

مـلآذ وهي تهز رآسها بالنفي ؛ إحلف

حـاكم بتزفيره ؛ والله ما أرميك ، تعاليّ

إبتسمت وهيِ تمشي لعنده ، جلست بجنبه وهّي تمد له المنشفة ~

نشف شعره وهو يسحبها جنبه ، تكّت على كتفه وهي تلعب بشعرها ~

حـاكمّ بهدوء ؛ وش زَعلك ؟

مـلآذ وهي تقرب بـ تقوم ؛ سمعت صوت جوالك يدق

كتّف ايدها وهو يدخلها تحّت ذراعه ؛ كلامك كِله عن شغليّ ، وش وراك ؟

زمَت شفايفها وهي تناظره ، حـاكمّ وهو يناظر بعيونها مباشرة ؛ بسرعة

مـلآذ بشبِه إبتسامه وهي تترك ايده ؛ لإنه شغلك ، ومُهم

قامَت عنّه ، لف أنظاره لثوانيّ حوله وشِبه شكّ بمعرفتها ، إنه تركها ومشى بـ أول يوم ~

قام وهو يبدلّ ملابسِه ويصعّد للأعلى عندها ، رتبّت الورد الليّ هي بنفسها طِلبته وجلست ع السرير وهيّ تتربع ، مشغول بـ شُغله أكثر منها وهيّ ملجأها الرسم وإنقطعت عنه الحين ، كل أغراضها بـ بيت أبـوها ~

دخَـل غُرفتهم وهو يسكر البابّ ، قامت من مكانها واحتدّت ملامحه ؛ إجلسي مكانك !

هزت رآسها بالنفّي وهي تشوف أوراق مبعثره على الطاولة البعيده ؛ بسويّ قهوه ، باقي أوراقك ما خلصتها !

تعدّت من جنبه ومسّك ذراعها بشبه قوة وهو يرجعها قدامه ~

حـاكمّ ؛ عندك شيء قوليّه

رفعت كتوفها وهي تمد إيدها الثانيه لـ ايده اللي بذراعها ؛ إترك ، ما عندي شيء

زمّ شفته لثوانِي وهو يشوف نظراتها الشِبه مرتبكة ، للأسف إنها أوضح من الماء ؛ لا تسألينّ عن شيء إن ظهر لك أوجعك ، ولا تحاولينّ تفهمين شغلي ولو بقد النُقطة بيشيّب رآسك

مـلآذ بهدوء ؛ أنا ما قلت شيءّ

حـاكمّ ؛ تعرفين إني بـ أول يوم كنِت بالمكتب ، مجبور

مـلآذ وهي تناظره بكامل هدوئها ؛ ما قلت شيءّ ، وما طلبت منّك شيء ، شغلك أولى

حـاكمّ وهو يناظرها بشبه حدّه ؛ وإنتِ أولى

مـلآذ بهدوء وهيّ تبعد إيده عن ذراعها ، زمَت شفايفها وهيّ تمنع نبرتها ترتجف ؛ ما أطلب منك شيء ، بس أبغى أتأكد من هنا !

تغيّرت كامل ملامحه من رِفعت ايدها ..؛..زفرت مـلآذ بهدوء وهيّ تبعد إيده عن ذراعها ، زمَت شفايفها وهيّ تمنع نبرتها ترتجف ؛ ما أطلب منك شيء ، بس أبغى أتأكد من هنا !

تغيّرت كامل ملامحه من رِفعت ايدها تأشِـر على قلبه ~

أبعدت عنه وهيّ تمشي لعنّد الباب ، يحاولّ يقرب لها لكن تِمنعه وتهرب كل شوي ؛ يمكّن الشعور ما كان مثِل الليّ أظنه ، منيّ ومنك ! يمكن شعوري كان غيرّ ، وإنت كان تمّلك من بعد خُطبة فيصّل وليلة الذيب !

ناظرها لثوانّي ، يتمنى من قلبه ما تبتسم له لإنه مُغرم بـ ابتسامتها اللي بـ وسط حزنها تِرسمها بطريقه ماكره وخدّاعه ، ومُغريه له كثير ~

ابتَسمت لثوانيّ وهي تشوفه واقف ويناظرها ، جلمود ولا يِلين ابداً وأهلكها ~

حـاكمّ ؛ إرجعيّ هنا

مـلآذ وهيّ تزم شفايفها ؛ بسوي قهوه

حـاكمّ بهدوء ؛ بحاكيك ، بعدها سويّ اللي تبينه

مشيِت لعنده وهِي تجلس بجنّبه ،كانت ايدها على كتفه وهيّ تتكي رآسها على إيدها وكتفه ~

حـاكمّ بهدوء ؛ عندي إجتماع اليوم العشاء

مـلآذ وهي تبعد عنه بخفيف ؛ بالتوفيق ~

لف أنظاره لها وهو يشوف أنظارها على ظهره ، كان لابسّ شُورته فقط ~

مـلآذ وهيّ تمرر ايدها على الجِروح الكثيره يليّ بظهره ؛ كثيره

حـاكمّ بهدوء ؛ قليله

إبتسمت وهيّ تشوفه يناظر وجهّا مباشره ؛ كثيره

لف وهو يمسك إيدها بهدوء ، توردت ملامحها من باس إيدها وهو يناظرها ؛ الجّروح قليلة ولا تهلك يا بِكر فارسّ ، اللي هنا يهلك !

ناظرته وهي تشوفه يأشِر على عقله ~

مـلآذ وهي تناظره بهدوء؛ ليه ما تحكّي طيب ، خفف

حـاكم بسخريه وهو يوقف ؛ يشيِب شعر رآسك يا طويلة العمر ، بس الحّين بما إنك عارفه إني خرجت بـ أول يوم ، وتلعبيّن معي الحرب الباردة ، إعرفي إنه يضيع يوم ولا يضيع العُمر كله !

قربّت بتتكلم الا إنه ناظرها بجمود ؛ بعد العشاء موعدنا ، ولا تفكرين تهربين ولا صارت غصيبه !

ناظرته لثوانيّ بذهول وهو يمشي لعند الدولاب ، ما يدري من وين له قوة يمسك نفسه عنها بس إكتشف إنه ما يحب يجبرها نهائياً ، الحين عرف سبب هروبها مّنه ، ماتبي تسلّمه نفسها وتفكيره مو لها ، مو معاها ، يجيِها بوقت فراغه وصارت تذكره بشغله بكل دقيقه يتنفس فيها لجل ما يقرّبها ~

سكّر حزام بنطلونه وهو يشوف ملامحها متوردة وصادّه عنه بعيد ، عدل تيشيرته بهدوء ؛ صلاة الظهر انا هنا

قامَت بتردد وهي تمشي لعنده ، إبتسمت وهي تحس بتأنيب ضمير ، ما تعّودت تقسى عليه أو على أحد ابداً ؛..

_قامَت بتردد وهي تمشي لعنده ، إبتسمت وهي تحس بتأنيب ضمير ما تعّودت تقسى عليه ابداً ؛ الله يحميّك

رفعت إيدها وهيّ تعدل ياقة تيشيرته تحت أنظاره ، قربّت بتبعد عنه الا إنه مسك خصِرها وهو يقبّل جبينها ~

مسك وجّها بـ ايده وما توقعها تضحك ابداً ،ضحكت وغصب عنه إبتسم ~

مـلآذ وهي تحط إيدها على غمازته اللي وضِحت كثير ؛ خلاص ستوب ، يلا الله معاك

إبتسم غصّب عنه ، رِفع حواجبه من رسالة من هجرس " إلبس سترة ضد الرصاص طال عمرك "~

سكر جواله وهو يدخله بجيبه ، فِتح دولابه الخاصّ فيه تحت أنظار ملآذ ~

تغيّـرت ملامِحها بشبه رُعب من الأغراض اللي فيه ، سُترات ضد الرصاص وبدلات كثيره ، قفازات وأشياء بالنسبه لها مُرعبه ~

لبسِـها وهو يسكرها عليه تحت أنظارها الشِبه مرعوبه ~

رفع حـواجبه لثوانيّ ؛ وش عندك ؟

رِفعت كتوفها بعدم معرفه وشِبه خافت ، ليه يلبسها وهو قال بيرجع الظهر ؟

حـاكمّ وهو يمسك وجَـها ؛ تعرفين الإحتياطات ولا ما تعرفينها ؟

مـلآذ بشبه خوف ؛ إحتياط مبني على بلاغ ، واحتياط كذاب

ضحك غصَب عنّـه وهو يتأمل شفايفها ؛ قريبه منها ، لا ترجف هالإيد

مـلآذ بتردد ؛ بس ا

إنحنى بهدوء وهو يقبّل شفايفها ، نيّته قُبله بسيطه كيّف تعمق فيها ما يدري ~

تُوردت ملامحها من إيديه اللي تقيّد جسدها وقُبلاته اللي تِربك مشاعرها ، كانت تِرجع للخلف وهو معاها لحدّ ما صارت ع السرير ، حطت إيدها على صدره بخوفّ من نِسى نفسه ؛ بتتأخـر

ناظرها لثوانّي وإنصبغ وجهه بـ اللون الأحَمر من كِثر الشعور اللي داهمه ، قام بهدوء وهو يعدل سترته وشعره ؛ لا تفتحين لأحد

هزت رآسها بـ زين من كثر توترها والخجلَ اللي إستوطنها ، عدلت ملابسها وشعرها وهي تشتت أنظارها بعيد عنه بتوتر ~

حـاكم وهو يآخـذ جوالاته بجمود مُزيف ؛ راجع لك

خرج وهو يفرك جبيّنه ، دخّل سماعته بـ اذنه وهو يحاكي هجرس لكنه متّوتر وكثير للأسف ~

توجهت للشبّاك مباشرة وهي تشوفه يحاكيّ ، قربّ لعند سيارته وأخذ منها شيء بسّ ، تعدى من جنبه جُمس باللّون الأسود ورِكب معاهم وهذا الليّ أرعبَ ملآذ وكثيـر ~ -

« عِنـد حــاكم »

كـان يحاكيّ هجرس اللي بلغه إن كاملّ فريقه قريب من بيته ، وإنهم لازم يروحون سوا ~

مَـر سيّـارته وهو يآخـذ منها سلاحه ويسكر الباب ~

هجـرس وهو يفتح البابّ ؛ جايين نخطفك طال عمرك

سعِـود بطقطقه ؛ إنت اللي تنخطف يا صاحبي

ضحك حـاكمِ وهو يدخل ؛ السلام عليـكم

هجَـرس بهمس ؛ الجّو بالعلالي ، عساه دايم !

حـاكم وهو يتنحنح ؛...هجـرس

ضحك هجـرس غصّب ؛ نعتذر طال عمرك ، إنت عريس والمفروض شهر عسل بس الواجب ما ينتظر

ضحك سِـعود من نِـزل هجـرس وهو يشوف هُذام توه بيدخـل بيته ؛ هذّومي ، هيا

رفع هُـذام حواجبه وهو يلف بطقطقه ؛ هجروسي ؟

حـاكم ؛ إسترجـل إنت وياه

مشى لعندهم وهو يدخل رآسه مع البـاب ؛ طويلّ العمر هنا ، آسفين طال عمرك

هجـرس ؛ هيا ادخل

هُذام وهو يطقطق ؛ بتخطفوني ؟

حـاكمّ وهو يهز رآسه بـ ايه ؛ وصلتنا علوم شينه عنك ، اركبّ خاطفينك

شهقت إلين وهي تمسك ثُوب هذام ، خوف من إنهم صدق يخطفونه ~

هجَـرس بابتسِامه وهو يمد لها إيده ؛ يالله حيّها

هُذام وهو يشيلها من بدت تبكي بخوف من هجرس الليّ لابس قناعه ؛ نزل اللي عن وجهك يا مسلم أرعبتها ، دقايق طال عمرك وجاي

شالها وهو يدخلِ للداخلّ ، كانت هتِـان واقفه وتنتظره بخوفّ لإنها شافت هجرس ~

نـزّل إلين وهو يناظرها ؛ لا تبكيّ ، أنا ماشي

هتـان بخوف ؛ مين يلي برا ؟

هُـذام وهو يمشي ؛ تعاليّ

راحت إلين ركض لعند أبوها ، وصعد هُذام للأعلى وهتـان معه ~

شتت أنظارها بعيد وهي تشوفه ينزع ثوبه ؛ جوالك

هُـذام ؛ من

هتـان وهي تقرأ ؛ هجرس ، يقول لك إلبس سترة نخاف الرصاص يشّق صـدرك

سكتت برعب من إستوعبت وهي تناظر هُذام بذهول ، ضحك وهو يآخذ الجـوال ويلف لـ الدولاب ؛ يستهبل

هتـان بخوف ؛ وش بتسوون ؟

رفع كتوفه بعدم معرفه ؛ الله أعلم

بردت أطرافها وهي تشوفه يلبسِ سُترته اللي ضِد الرصاصّ ، لو هجرس يستهبل مثل ما يقول ليه يلبس ويأكد كلامه ~

هتـان بخوف ؛ هذام

إبتسم غصب عنه وهو يلف لناحيتها ؛ يا عينه

تُوردت ملامحها بذهولّ وخوف ، إبتسم وهو يقبّل رآسها ويتعداها ~

نِـزلت ركضّ خلفه بشِبه خوف ~

أسـامه -أبو هذام - ؛ وش عندكم يا هُـذام ؟

رفع كتـوفه بعدم معرفه وهو يشوف إلين بِكيت من أول ما شافته ، ضحك غصّب عنه وسرعان ما تغيّرت ملامحه من إنسحبت هتـان وهي ترجع للأعلى ، زفّر بشبه ضِيق لثوانيّ وهو يعدل شعره ، إبتسم بهدوء وهو يخرج لـ اللي ينتظرونه ~

_

« بيــت نهيــان »

قـام فزاع بعد ما بـاس رآس فاطمه وهم يُودعون عنـاد اللي بيمشي جِدة هو ولؤي ~

إبتسمتّ ريف بشِبه حزن لثوانيّ وما خِفيت إبتسامتها على فزاع ~

عنـاد بتذكر ؛ افا على شنبيّ ، ما ودعت أحد من بناتكم !

فـزاع ؛ مافيه أحد ، فيه ريـف وودعتها

عنّاد بابتسامه عبيطه ؛ هذي عن كلّ أحد ، بتصير زوجتي بالعالم الموازي

ضحك فزاع بذهول من دخل عنِاد للداخل ، قامت ريِف من شافته وضحكت غصب من حضنها ~

عنَـاد وهو يناظرها؛..بـنت متعب تضحك لي ! وش صاير بالدنيا !

رِيـف بابتسامه خفيفه؛ ما تعودت عليك بس الحين عادي

زم شفته لثوانيّ وضحك من ضِحكتها غصب ، إبتسمت وهيّ تودعه ، تحس قلبها يضحك من لؤي وضحكه مع عنـاد وفزاع ، كيّف حبته ما تدريّ لكنه مستوطن قلبها وكثير ، أغلب اللي تقابلهم يغيرون شخصياتهم قدامها ويتقربون منها ما عداه ، كان على طبيعته وكما هو بـ طيشه وهباله ، كانت تعِجبه شخصيتها الا إنه ثقيل ما يلفّ لها، لحدّ ما طاح ولا يدري كيف طاح يحبّها ، صرخ بـ وجهها مره وحده من فرط حُبه وغيّرته ، وتضاربوا مرات كثير ، يرجع يراضيها وترجِع ترضى وما يزيدهم الا قُرب من بعضّ ، كان يكرر عليها طلبه بـ عقد الأمور ، وانها تصير حَرمه وتحلل حُبهم قبل لا يصير ثالثهم الشيطان لكنها كانت ترفض ، حبّ قلبها وشخصها قبل إسمها ولهالسبب ما همّه تكون بنت مين ، حاكاها بيخطبها قبل لا يمشي جده وشرحت له صعُوبه الوضع ، حاكم مو مغفل لجل ما يفهم ، وبتطيح من عيون أخوانها وهي باقي ما دخلتها صحّ ، تحترمهم وتحبهم لكن حياتها الخاصة هي أولى فيها ~

،

بـ الأسفـل ، عنِـد فاطمة وحـريم عيّـالها ~

زفـرت فاطمة بشبِه ضيّق ؛ مـلآذ وراحت لـ زوجها ، وهتّان مثلها ، نادين الجامعه أهلكتها وهالريّف ما تقصر لكن تدور لها وظيفه للحين ، أحس الوضع ماهو عاجبني

أم حـاكّم ؛ متعب يقول لو ننزل الديرة ، نآخذ هواء ونرتاح

أم جـابر ؛ ايه والله ، يصير أحسن واجد والكل يغير جو

نِـزلت ريِف وهي تبتسم ، جلست بجنب أم حاكم وهي تحس بـ فراشات بقلبها لإن حاكم حاكاها ؛ حـاكم يقول ، ملآذ لحالها اذا نبي نروح لها

ابتسمَت أم حاكم غصب وهي تناظر فاطمة ؛ هيا نِروح بيت حـاكم ؟

إستهل وجه فاطمه مباشره ؛ هيّـا ، إجهزوا

خِـرجت للخارج وهيّ تشوف عيالها ، وأبوهم واقفين

فـاطمه ؛ وين عقـالك يا سامي ؟

ساميّ بهدوء ؛ بالبيـت

زمْت شفايفها لثوانيّ ووجه سامي لا يقبل النقاش ابداً ، ووجه نهيّـان مثله بالزبط وأسوأ ، ومتعبّ واقف بتوتر واضح على تقاسيم وجهه وجواله ما طاح من إيده ، فارس ماهو موجودّ وهذا اللي استغربته ~

نهيِـان بهدوء ؛ تعاليّ معي يا أم متعب

بردت أطرافها بخوف ؛ فارس وينه ؟ عناد صار له شيء ؟

مشـى وهي خلـفه ، ذابت عظِامها من الخوف ؛ نهيـان !

نهيّـان بهدوء ؛ تعالي إسمعي ، ما قلنا لـ نهى ما بتعرف تتفاهم مع مـلآذ ، إنت أدرى يا فاطمة

فاطِمة بشهقه ؛ حـاكم صار له شيء !

نهيّـان بتزفيره شبه غاضبه ؛..

نهيّـان بتزفيره شبه غاضبه ؛لو صار له شيء ما كنت واقف كذا ! اجلسي يا فاطمة !

جلست بخوفّ وهي تشوف ملامحه غريبة ، وكثير ~

نهيّـان بهدوء ؛ حـاكم عنده أشغال واجده ، من أول يوم من عرسه إضطر يروح لمكتبه ، اللي يحارشونه ماهم إنس يا فاطمة ، إخت صحّار وأعوانها

ناظرته لثوانيّ وانعقـد لسانها مو قادرة تنطق ، تعرف إخت صحّار ، وتِعرف سحرها ، تِعرف كل شيء عنها ~

نهيّـان وهو يحس بـ قلبه يوجعه ؛ حـاكمّ صعبه الدنيا عليه يا فاطمة ، غير عن اخت صحّار به أفواج بوجهه ، لا أحد يضغط عليه نخيّت عيونكم

بردت ملامـح فاطمه وهي بتتكلم توها لحدّ ما سمعت صراخ أم حاكم ، وريف اللي ماسكتها ~

لف نهيّـان على عيـاله وهو يشوف متعب يـركض وساميّ وراه ~

نهيّـان بذهول ؛ وش صار !

رِيف بـ رعبّ وهي تناظرهم ؛فـزاع يا جديّ !! '

فاطمّـة وقد ثِقل لسِـانها من كثر الخوف ؛ فـ فـ فزاع ! فـزاع يا نهيّـان فـزاع !! فزاااع !!

بِردت مـلامح نهيّـان بـ ذهول ، وده يركّض الا إن الكُبر أخذ منه كثير ، وده يتحّرك الا إنه حسّ بـ إنقباض شديـد بـ قـلبه ، تحشرج صُوته وهو يناظر فاطمه ؛ يـا ربّ

صِرخت فاطمة بُرعب من تهاوى عُكازه ، وتهاوى نهيّـان وراه ع الأرض ؛ نهييياان

بِردت أطراف ريِف بذهولّ وما فيه رجّال بـ البيِت ابداً ، رِكضت للأعلى بذهول وهي تسمع صراخ زوجات عمامّها ، أخذت مفاتيح سيارتها وعبايتها وهي تركض للأسفـل

-

« عنـد حـاكم وفريـقه »

رِفـع حواجبه وهو يسكر الآيبـاد ، عندهم خُطة مداهمه اليوم وتوه يدريّ ولهالسبب إجتمعوا وجمعهم الفـريق أول محمد بنفّسه ، إختار أسمائهم بنفسه ،وساوى رُتبهم سوا ، فريقّ خاص تحت أمـر الـفريق أول محمـد بس ، زفّر بضِيق وهو يحسّ فيه شيء يكتم على صدره ~

حـاكمّ بشبه هدوء ؛ ليه وقّـف ؟

سعِـود وهو ينـط لعند السواق ؛ ليه واقـف ؟

السـواق بإرتباك ؛ حـادث طال عمرك ، حضَـرة الفـريق

حـاكمّ بـ استغراب ؛ سمّ

السـواق بتردد وهو يلف لناحيّـته ؛ أخوك ، فـزاع

بردت ملامحهم بذهولّ ، ضحك حاكم بعدم تصديق وهم يناظرون بعدّ~

هجرسّ وهو يمسكه ؛ ما تقدر تنزل !

دفه حـاكم بقوة وهو ينِـزل ، بردت أطرافه وملامحه وهو يشوف اللي شايليِنه ؛ فــزاع !!!

رِكض لعنده بذهولّ وهو يشوفه يتأمل بالسماء بشحّوب ، مسك إيده بقوه ؛ فـزاع ! فـزاع أبوي لا تغمض عينك !! لا تغمض !

إرتجَفـت نبرّته وهو يجاهد نفسه لجلّ ينطق ؛.. ؛ حـ حـاكم !

نـزلوا سُـعود وهذام وهجَـرس ، وتقفِل الطريق بـ أكمله وسط تعاليّ الأصوات والرُعب يليّ إنتشر بقلوب الكِل ~

حـاكمّ وقد تغيرت كامل معالم وجهه ؛ لا تخـاف ، لا تغمض عينك لا تخاف !!

فـزاع وهو يرتجِـف ؛ فـ فيــصل

سحب سعود حـاكم وهو يناظره ؛ مدنيين كثير يا حاكم ، لازم نغير الموقع بسرعه

هجـرس وهو يركض لعندهم ؛ المرور جايين ، بسرعه

هُـذام وهو يرمي قنِـاع حاكم له : البسه ، بسرعه

توه بيتكّلم الا إن كـامل ملامحهم جمدت من صُوت يصرخ بقوه ~

صـرخ من فُـوق عمارة بتحـدي ؛ يــا فـرييق !

تُـوجهت كامل أنظارهم لمصـدر الصُوت ، صرخ هُـذام بذهولّ وهو يركض لعند حاكم من إنفجر صوت السـلاح ~

طاح هُذام فوق حـاكمّ لجل ما يوصله الرصّاص وتعالت أصوات الرجـال اللي متجمهرين عند الحادث بذهول ~

رفع سِعود سِـلاحه وهو يحاولّ يصوب بعدم فائده ، مسوؤليه كبيره طاحت على الفـريق بأكمله كون هالهجوم بـ نص الشّـارع ، ووسط مدنيين كثير ~

_

« بـ المـركز »

وقـف شعـر الفـريق أول بذهول من الأحداث اللي وصلته ، دخل المـُلازم خـالد مركز العمليات وهو يناظره برعب ~

خـالد برعب ؛ الفـريق طال عمرك ، تعرضوا لهجوم بـ وسط الشارع

بـردت ملامحه لثوانيّ ، ما يدري وش يقول ابداً ؛ لا ينتشر الخبـر !!!

المُلازم فهد وهو يفتح الشاشة الكبيرة يلي تتوسط غُرفه العملّيات ؛ إنتشر طال عمرك

بردت ملامح الفـريق أول من المقاطع الكثيره ، كلها عن الفريق والهجوم اللي جالس يصير لهم ~

الفـريق أول محمد وهو يحاول يوصل لهم ؛ هجررس ! هذام !! هجـرس وهو يلقط أنفاسه ويناظر ذراع هُذام يلي تنزف ؛ حـاكم مستهدف طال عمرك ، مستهدف

الفـريق أول محمـد ولأول مره يواجه حدث وتمَردّ لهالقد ، هجوم مباشر بـ نِصف الشارع العام هذي جديدة عليه ؛ الدعم قريب يا هجرس ! قريب !!

انسدح حاكم بعيِد بذهول وسلاحه ما يهيئه ابداً لجلّ يطيح اللي يرمي الرصاص عليهم من فوق ~

تمدد سعود بجنبه وهو يعطيه السلاح بسرعة ؛ اعجلل

رفع حـاكمّ سلاحه وصعبة يطيحه ، صعبة كثير والمسافة بينهم شبه مستحيله ، حاكم بالأرض وهالشخصّ كاشف كامل مواقعهم لإنه أعلى منهم بالمكان ~

سِعود وهو يشوف عُنق حاكم بـ أكمله ينزف ؛ اعججلل هذام مصاب !!

بردت أطرافه وهو يرجف لأول مره ، كبّر بصوت خفيف وهو يرمي لاول مره ، صابت الزجاج اللي بجنبه ما صابته ، ثانيّ مره توسطت كَتفه واختفى عن أنظارهم ~

ابتسم سعود وهو يشوف...

٠٠٠٠٠٠٠٠٠٠

قراءه ممتعه