تحميل رواية «ياملاذ الحاكم يابكر فارس» PDF

ضحك هُذام وشِبه عَـرف انها ملآذ ، صعدِ حـاكمِ للأعلى ودندنِ هُـذام وهو بيرجع للمجِلس وانظاره على جواله يحاكيّ ريهـام اللي أرسلت له " صاحيّ ؟" رفع المويا بعيِد لجل ما تنكِب من صدم فيه شيءّ ؛ ههووب !

شهقت وهيِ تبعد وايدها على فمها ، كانت داخلهّ البيـت وتناظـر خلفها لـ وشّ ما يدريِ ، كان لؤي نازل من سيارته وجايِ للداخل وهي مستغربه من جيته~

توردت ملامحها بتوتر وخجلِ وكل شعور ممكن ينتابها من نظراته ،لثوانيِ ما يدريِ ليه ابتسم بداخله من شكلها المبهذَل واللي يبين انه دوامها كان شاقّ جداً ، شنطتها على كتَف واحدِ وفاتحه عبايتها والواضح انها منفسه نوعاً ما ، تاركـه شعرها على حُريته ورافعه نصِفه لفوقِ ، ملامحها اللي تّوردت تلقائيّ ،وشهقتها وهيِ تحطِ ايدها على فمها كلها أشياء من شخصيتها العفويّة اللي يحبها هُذام ودايم يلمحها فيها بكل موقف ~

تنحنح وهو يسمع صّوت البابِ ؛ إصعدي فوقّ

توترت لثوانيِ وهي ما تدري وش تقول ؛ هـذا لؤي

زمّ شفايفه لثوانيِ بشبه سخريه ما يدريِ كيف نطق فيها ؛ لجلّ كذا عيونك كانت وراء ؟

هـتان باستعجِال ؛ لا مو كذا !!

زفّرت لثوانيِ وهي تشوفه يتعداها ويمشيّ لـ ناحية البابّ ، رفعت الطرحة وهيّ تحطها على رآسها وتمشي ، راقبها لحدّ ما صعدت للأعلى وهو يفتح لـ لؤي ويدخلون المجلسِ سوا ~

_

« غُـرفه ملآذ »

ابتسِمت بعبِط وهي قدِ أرسلـت لحـاكم " بدّي أُخرج مع صاحباتيِ ، ممكن ؟ " ، ارسل لها الردّ مباشرة بـ" لا " ، ردت عليه بـ حلطمة انها جاهزة وبتطق وتخرج ، قال لها جاييك وبسِ ~

عدِلت شعرها وهيّ تبتسم لنفسها ، أرسلت بوسه لـ انعكِاسها بـ المرآيه وهيِ آيـه بالجمَـال تماماً ، شعرها على حُريته بجنبِ وجها ، ميِكب خـفيف يناسِب لبسها وجداً جميـل عليهاِ ، لابسّه بنطـلون واسِع مَـزموم من عِـند الخِـصر بـ اللّون الأبيض ، وبدِي بنفسِ اللون ياقته مُرتفعه لحدِ الرقبه وعليها إكسسوار خفيف ، بِدون أكمـام والظهَر من الخـلف على شكِل x فقَط ، ابتسِمت وهيِ تدندن لثوانيِ من دخل حـاكمّ وهو يسكر البابِ خلفه ~

مـلآذ وهيِ تغير المَوضوع مباشرة ، أشرت على بلوزة ع السرير ؛ فكَرت البسِ هالبلوزه ، بسِ مو حلوه صح ؟

حـاكمِ بسخريه ؛ ياحلّو بجامتك ، ارجعيِ نامي !

قوَست شفايفها لثوانيِ ؛..الحيِن ، أول مره أطلب منك شيء وأنا على ذمتك ، آخذ عنك فِكره الزوج المُتحجر بعدين !

ناظرها لثوانيِ بسخريه وهو يجلس على ذراع الكنبة مثل دائماً ؛ والله عن الفكرة ، فكرتك من زمان بعقلك ! لكن عن الخَرجه ، بدليّ ملابسك وارجعيِ للبجامة ، ودك أنام معك ما عندي مشكله !

شّبت ملامحها ضوءِ من خجلها ، بتنطِق لكنها مو قادرة من نظراته اللي مستحلتها تماماً ؛ حـاكم !

ابتسِم لثوانيِ وهو يحك حـواجبه ؛ حَـرام الوقت الليِ ضاع قبل الصلاة ، لو درِيت انك بهالحال جيتك من زمان !

كِرهت نفسها وانها طلبت الخروج وانه جايِ لعندها ، اعطته ظهرها وهيِ بتمشي لداخل الغرفه وسرعان ما بردت ملامحها من صوته ~

حـاكمِ بذهولّ وهو يشوف ظهرها ؛ هوب يا بنت ! اوقفي اشوف !

ابتسمت بشبه غباء وهيِ تلف لناحيته وترجع ظهرها للجدار ؛ سمّ

حـاكمّ وهو يناظرها ؛ هذا اللي مفكره تروحين فيه ؟

هزت رآسها بـ ايه بتوتر ؛ ايه ؟

حـاكمِ بسخريه ؛ ظنيّتك تسوين لي إغراء ، بدليه لا أكسر ظهرك !

مـلآذ وهيّ تناظره بشبه ذهولِ ، جريء بشكل فضيع ؛ اوفر جريء الله يخليك !

حـاكمِ ؛ النقاشِ الحين ، خرجه مع البنات مافيه !

زفِرت لثوانيِ وهي تناظره ؛ الله يخليـك !

هز رآسه بالنفيّ ؛ لو تصعدين سابعِ سما وترجعين مافيه

قوسِت شفايفها وهيِ تجمع ايديها سوا ؛ الله يخلييك !

حـاكم بهدوء وهو يآخذ جـواله ؛ تعالي بوريك

ناظرته بـ استغراب وهي تمشي لعنده ، أخـذ نفسّ لثواني من ريِحه عِـطرها اللي توسِطت قلبه من حلاوتها ~

سكر جواله وهو يرجعه بجيبه ويِوقف ، رفعت حواجبها وهي ترفع رآسها تناظره ؛ وش بتورينيّ ؟

حاوطهِا مع خِصرها وهو يتأملها بهدوءِ ، ما كان بيوريها شيء انما يراوغها لجل تقرب منه ، ارتجِف جسدها تماماً من نظراته ، تعرفها أكثر من أي شيءِ وهالشيء اللي مسبب لها رعُب وخجل وكل شعور ~

شَتت أنظارها بعيِد عنه ، قبل لا يحِكمها بـ كلمته ، بتَحكمه بالشعِور لعلِ وعسى يحنِ قلبه ويوافق ؛ لا تردّني ، يهونّ عليك تروح الدورة وانتّ مزعلنّي ؟

ما تكلم ابداً وهو ينحنّي لـ شفايفها ، تِعب وهو يقنع نفسه انه شيء طبيعي لكن ثِقله ما يرضى بخضوعه قدامها بهالشكل الضعيف ، ارتجّف جسدها من ايده الباردة على ظهرها

و..«بـ المجـلس ، عِـند هُـذام »

رمـى جواله بعيِد ، عقله يصارعه يرِوح لـ ابِوه ويساعده ، ولا هالشيِء مُجرد كِذبه من ريـهام لجلِ تحاول تِصلح بينهم ،بيِن البينين هُذام مُشتت وجداً~

زفـر وهو يآخـذ جواله ومفاتيِـحه ويخرج باستعجِال ، رفع نهيـان حواجبـه وهو يشِوف هُذام يخرج ويحـاكيِ بجواله ؛ وش به هُـذام ؟

دخِلـت هتـان وهيِ تسـلم عليه ؛ انا برجِع البيت ، توصيّ على شيء ؟

هزّ نهـيان رآسه بالنفِي وهو يبتسم لها ؛ لو انتظرتّي لين يبرد النهار ، العصر ترجعين !

ابتّسمت بخفه وهي تغمز له ؛ تخاف عليّ ؟

ضحك وهو يودعهاّ ، راقبهاّ بعيونه لحد ما خرجت وشبه ضحك من صِدمت بـ هُذام ~

، وسعت عيونها وهيِ تحط ايدها على رآسها ؛ وجع !

هُذام بشبه غضب ؛ما تشوفين !

رفعت هتّان أنظارها له لثوانيِ ،وش فيه عليها مِو معقول انه نفسه اللي كان يبتسم كل ماشافها ، ما تدريِ كيف نطقت بغضبِ وهي ودها تضربه ؛ إنت حيوان !!

تعدته وهيِ تمشي لـ سيارة السواقّ وهو بالمثل تعدى للداخلّ لانه واصل حدّه تماماً ~

نـزل حـاكم وهو يعدل شعره بهدوءّ ، انحنى وهو يآخـذ مفاتيحه ويناِظـر ابوه وعمّـه ؛ ماشيِ

أم حـاكم باستغراب ؛ لـ وين ؟

حـاكمِ وهو يشوف مـلآذ نازله ؛ بَـوصلها

ابتسِمت ام حـاكمّ ، مايهمها وش بيسوون لكنّ انه حـاكم ردّ عليها هذا شيء ما يصير دايم ~

خـرج وهو يشوف هُذام يحاكيّ بتِـال بالخارج ~

أشـر لـ عنادِ اللي بـ المجلسِ يرمي عليه تيشيرته وبالفعل رِماه مباشره ~

هُـذام ؛ حـاكمّ ،سعِود صحى ويقولون عرفوا مكِان العَمل "السحر" ، اذا ودكِ تنزل معاهم الديرة

حـاكمِ وهو يناظره ؛ أشـوف بعدين

هُـذام وهو يقفل بوجه ريهِـام اللي تتصل ؛ بعَـد ،الشيخّ يبيك ، يمكن الرمَل اللي نِثرته عليك فيه ضرر ّأكثر من انه جَرح بالوجه ودهم يتأكدون !

نـزع تيشيرته وهو يهـز رآسه بـ زين ، بردت ملامِح مـلآذ لثوانيِ وهي تشوف ظهره ، عـالم وخرائطِ وطُرقات آثار جروح كثيره ، صغيره وكبيرّه ، عرضيَه وطُوليه ، بين عضلات أكتافه وخلفِ عُنقه وبِكل شِبر من ظهره ~

توردت ملامحها من ضحك بتال وهيِ تشتت أنظارها بعيد ، لبسُ تيشيرته الآخر بهدوء وهو يخرج وهيِ خلفه ~

خِرجت وراه وهيّ تركب بدون لا تتكلِم ، مالها وجه ابداً وعصّبيته مُفرطه ~

حـاكّـم بهدوء ؛ بـدلتي ؟

هـزت رآسها بـ ايه ، لف أنظـاره لها وهو يتفحِصها بنظراته ، ما يدرّي كيف وافق الا إنه كان بيجّيب العيد بنفسه ، وفيها ولهالسببِ وافق ~

_

هـزت رآسها بـ ايه ، لف أنظـاره لها وهو يتفحِصها بنظراته ، ما يدرّي كيف وافق الا إنه كان بيجّيب العيد بنفسه ، وفيها ولهالسببِ وافق ، لـولا إن الله درّكه عقَله بآخـر لحظِات ، كَـانت غُرفتها وبـ وسّط بيت نهيـان بتشهِد انهَـا حَرمه قول وفِـعل ، مِن كثر ارتبِاكه ورغبته بالمُمانعه لـ دوافعه وسيّل العواطف اللي هدّ جدار الصلابة اللي متلبسها وافقِ انه يوديها ~

بعدّ ما شاف إرتجِافها وخوفها منه ، شبه توتر انّ هالخوف يِتحول نِفور من كثِر شدته معاها وقسوته عليها ، ما يقِدر يكِتم عواطفه ورغبته قدامها ، ويفسّر هالشيء بـ كونها دائماً وابداً مُغريه له وتزيّده أكثر وقت تِزم شفايفها ، كَان خارجّ عن عقله وعلى قيدِ الشعور ، صحّاه صوت اُمه وخالته وقام عنهِا ~

كِان يعدل تيشيرته وأنظاره عليها ، شلون جلسِت من على السرير وكامل ملامِحها تمّيل للإحمرار ، عدلت بلوزتها وهيِ ما تناظره ابداً ، من فرَط تـوتره قبل لا تتكِـلم قال لها انه ينتظرها بالأسفل بسّ تبدل ملابسها وتنزل ~

على أساسّ انه بيكسر غرورها ، كِسر ثقله وطواعية بيوديها ~

كسِر ظهرها وهو محاوطهِا ، داهم قلبها بالشعِور وجسَدها بالقوة ~

لفت أنظـارها لـ ايده اللي على الدركِسون ، توها تنتبه ان جـواله بـ اُذنه والواضِح انه يسمع وبسّ ~

حـاكمّ بهـدوء وهو يرد على الفـريق سعَد ؛ تــم

سكر وهو يترك جـواله وأنظـاره على بيت صحبِتها ؛ لا جيتيّ بتمشين ، حاكينيّ

مـلآذ بتردد ؛ بتكون بـ المـركز

لف أنـظاره لها بجمِـود ؛ قِلت حاكيني ، ما قلت بجيك !

سكِتت لثوانيِ وهي بتزعَل صِدق هالمره ، عدلت شنطتها وهيِ تقرب بتفتح البابّ الا إنه قفّله من عنده ~

لفِـت لناحيته وهيِ تتأمـل الساعه بهدوءّ ؛ بيقربِ العصر ، ما تلحق تنام

حـاكمّ بسخريه ؛ لو انِك هجدتيّ ، كان نايم صار لي دهر !

ناظرته لثوانيّ بذهولّ ، مدت ايدها وهيّ تفتح قفل الباب غصب وتنزل ، ضحك بشبه سخريه من قفلت البابّ بقوه ~

دخلِت للداخلِ وسرعان ما وصل الصراخ لـ حاكمّ ، رفع حواجبه لثوانيِ وشتت أنظاره بعيِد من شاف أحضان من عند البابِ ، يعني هذا طَبع البنات وقت يشوفون بعض ؟ اللي ماله إخِت ، واُمه بعيّده عنه

وعايشِ بين بَر وعسكريـه ، ما بيعرف أطباع الإناث ابداً ~

_

« فـ المـطار »

واقـف بكلّ شعور يجِـتاحه ، تَـوترّ ، خَـوف ، رُعبّ ، رُهـاب ، حمـاس ، حُب ، شـوقّ ، كل شعّور ممكن ينتابـه بهاللحظه يربِك بدنه تماماً ~

خلل ايده بـ شعره وهو متـوتر تماماً ، ابتسم بشبِه تـوتر وذهِـول وهو يشوف ..

_ابتسم بشبِه تـوتر وذهِـول وهو يشوف طلال صاحبِه ، مبتسّم من قلب ويمشي لناحيـته ~

فـزاّع بابتسَامه عريضهّ ؛ هـلا أببوي !!

ضحك طـلال وهو يحِضنه ، فاضت مشاعّره وتجمعت الدموع بمحِاجره لثوانيِ وهو يشدّ على ظهر فـزّاع ؛ ياخــوك !

ضحك فـزاِع وهو لازال حاضنِه بالمثـل ، شادينِ على بعض كأنهم أحبابّ فرقتهم الظروفِ والقسوة ، أصحِاب بالقلبِ قبل كل شيءّ ~

ضحك فزاعّ وهو يغطيِ وجه طـلال اللي يوشك على البكيِ ، مشاعره كلها تترجم بالضحكّ مو قادر يتكلم ابداً، وجهه صار أحمر من كثر انه مو عارفِ يتصرف لكن اللي يعرفه ان دموع صاحبهّ مو مِن حقّ أحـد يشوفها ~

شال شنطته وهو يدخله تحتِ ذراعه ؛ نّـورت الرياض

ضحك طلال وهو يمسح دموعه بعشوائيه ؛ فيك أبو متعبّ

ابتسِم فزاع غصب ، لا والله الدنِيا مو سايعته من فرحته ، صَـاحِب عُمره رِجع ، أموره تسهّلت والرُعب اللي كان عايش فيه من سنه تبددّ ، حتى حاكم اللي كان ينتظر منه مليونّ شيء سيء ، صِدمه تماماً بردة فعله اللي فيها نوع من القسوة وقت يحققّ معه ، الا اِنه أهون من ظنونه ، حاكمّ يهتم لأمر كل فرد من آل سليمـان ، من كبيّر وصغير لكن ليه بـ وجههم قاسـي ما يدرون ~

،

كـان واقِف قدام المطـار بـ شويّ ويـدخنِ ، يا للأسف هَلك نفسه وهو يهِتم بـ الكّل بس مين الليّ يهتم فيه ؟~

رفع جـواله وهو يِـرد على هجَرس وأنظاره على فزاع اللي خَرج مع طـلال ؛ سمّ

هجـرس ؛ طال عُمرك ، صاحبّ فزاع طلالّ ، بـ المطار ودك نجيبه ؟

حـاكمّ بهدوء ؛ لا احـد يقرّبه

هجَـرس بتردد ؛ بس أمـن المـطار ، وصلهم الخبر وبيآخذونه

زفرّ حـاكمّ لثواني وهو يشوف فـزاع واقف مع طلال ويتناقشون مع الأمن ؛ خلاص عندي ،

كانوا فـزاّع وطلال يتجادلون مع الأمن ، اللي نوعاً ما كان سيء الأخلاق معاهم ~

طـلالِ بذهول ؛ ما يحقِ لك تجي وتقول يلا شلتك وامشيِ المركز ! عطني التُهمه طيب !

فـزّاع ؛ ولا يحقِ لك تطلع الكلبشات كذا ! تلعب علينا انت !

حـاكمِ بهدوء ؛ فـزاع ، خذ صاحبك

رفع رجـل الأمن عيونه لناحيِه حاكم ؛ ومن تكون إنت !

ناظره حـاكمِ بهدوء وحالياً هو سيء الأخلاق أكثر منه وهو يطِلع بطاقته بوجهه ؛الله معاك !

ناظره لثوانيِ ، شارة حـاكم ورتبه واسمهّ أجبروه يتنحّى مباشرة ~

رجِع البـطاقة بجيبه وهو يشوفِ عناد جـاي يمشي لعنده ، شمسِ الريِـاض موصّله أخُلاقه لخشمـه من حراراتها والأوضاع اللي ما تعجبه من ناحية ملآذ وفزاع والكل ~

عنـاد وشنطته على كْتـفه ؛...

عنـاد وشنطته على كْتـفه ؛ عمّـي حـاكم

رجـع جواله بجيبه من سُخريه عـنادِ اللي يطقطق ويقول له عمّي لان شخصيته أصرم من كونه ولد أخوه ؛ بـالسلامة

ضحك عناد وهو يأشـر على رآسه ؛ عِز الله راحـوا العسكَر من أول تدريب بـ خبر كانّ ، ارحمّ اللي بالأرض يرحمك اللي فالسماء يا حـاكم

ناظره حاكمّ لثواني ؛ تأخرت على رحلتك

ضحك عنادّ وهو يناظره ؛ تبيّ الفكه من عمَك يعني ، يجي منك أكثر !

دخـل تحت ذراع لؤي وهم يمشون ويطقطقون ، أكثر إثنين يليق عليهم مُسمى "طنجرة وغطاها" ، هُم عناد ولـؤي ~

مشـى حاكمّ لسيـارته والتفِت من سمع صوِت فـزاِع ~

كان يركضِ لناحيـته ؛ حــاكمّ

حـاكمّ ؛سـمِ

ابتِسم لثوانيِ وهو ما يدري وش يقول له ، ضحك حاكمّ وهو يمد ايده لشعّر فزاع يبعثره ؛ روح لصاحبك !

ضحك فزاعّ غصب عنه وهو يرجع لـ عند طلالّ ، ما يدري ليه جاه شعور انّ حاكـم زعلان منه بس بما انه بعثَر شعره ، مِثل طفولتهم ، يعنِي مستحيل ~

_

« بـيت جـابـر ، العَصـر »

توه راجِع من بيت جدهِ ومباشره تمدد ع كنب الصاله ، رمى شمـاغه بعيِد وهو اكل طقطقه من ابوه وامه ، هواش من جده ، وما يهون بتّال اللي غَسل شراعه بالطقطقه طبعاً ~

جـات حنيّن وهي تجلس بجنبه وكاتمه ضحكتها ، انفجرت ضحك من لف عيونه ناحيتها : وش عندك ؟

رجعّت جسدها للخَلف وهي تمسك ايده وتضحك ؛إنتو غريبين !!

ضحك جابـر غصبّ عنه وهو يجلس ؛ والله ما ألومك تستغربين ، نهيّان غسل شراعي رايح جايّ من هواشه !

حنيِن وهي كاتمه ضحكتها ؛ تستاهل ، حقِ النوم !

جـابرّ ؛ يشهدَ الله اننا كنّا رايحينِ اول ما يمشي أبوك

حنينّ وهي تناظره بنّص عين ؛ وأول ما مشى أبوي وش سويت انت ؟

ضحك وهو يرجّع جسده للخلف بدندنه ؛ صار المُنكر بيننا ، ما هقيت اني بضعف لك بس ما عليه !

وسعّت عيونها وهي تِضربه بـ طرف ايدها ؛..وقـح !

ضحك وهو يبوسِ ايدها ويقوم ؛ يجيِ منك أكثر ، نطَلع نتعشـى ؟

ابتسِمت لثـواني ؛ ما أقـول لك لا ، نآخـذ نادينِ وهتَـان معانا وش رآيك ؟

ابتسـم جابرِ ؛ حلـو ، حاكيِهم وانا بنام ، ايه بعدَ ، عندِي مشروع بالبحرين وجالس أفكر ، آخذك معيّ

حنينِ بنبرة سخريه ؛ الله ! تفكّر يعني مو أكيد !

ضحك لثوانيِ وهو يناظرهاِ ويغمِز ، ابتسِمت وهيِ تستغفر وتطقطق بـ جوالها ~

_

« بيــت نهيــان »

بعَـد صلاة العصَر بـ ساعة تقريباً ، تـوه راجِع من المسجـد ويمشي على عُكـازه ، رفع حـواجبه بشبه حده وهو يشِوف نـادين ومـلآذ توهم راجعيِن ؛ ماشاءالله !!

ابتسِمت ناديـن وهيِ تسِـلم على رآسه ؛ الله يتقبِل

ضحك غصِب وهو يناظرها ؛ تعرفيّن تجيبين رآسي ، بِكر فارسِ وش عندك بالسيارات ؟

جـاءّ بتـال وهو يدخلها تحِت ذراعـه ؛ مفكّره تسوق انا أقول لك

ابتسِم نهيـان لثوانيِ ؛ إعزمّي ، والسيارة هديه من عنديّ !

نـادينِ ؛ حتى انا بسوق !

نهيِـان وهو يمسك ايدهَـا ؛ تبشـرين بالعشَر سيارات بسِ اطرحيِ لي الرُخصه !

ضحك بتِال غصب ؛ وحنّا اللي نسوق ، مالنا سياراتّ من هنا ولا من هناك ؟

نهيـان بسخريه ؛ من عَرق جبينك ، تشتريِ اللي ودكّ بس لا تلعب وارجع كمِل الجامعة ، أي تخصص ودك فيه !

ضحك بتّـال وهو يناِظـر جدّه ؛ أبشـرك طيّب ، انقبّلت ، بدون واسطات ابويِ بتخصص كويس

نهيّـان بابتسِامه عريضه وهو يتمنِى انه التخصصِ اللي وده يشِوف بتِال فيه ؛ بشّـرني !

ضحك وهو يبوسِ رآسه ؛ طِـب طال عُمرك ، مثل ماتبيّ !!

ابتسّم نهيـان غصبِ وهو يناظره ؛ الله يطّول بعمريِ لين أشوفك خرّيج بمرتبة الشرف يا بتّال !!

ضحك وهو يبوسِ ايديه ؛ تآمر على شيءِ !

هز نهيّان رآسه بالنفيِ وهو مبسوط كثيّر ،ضحك بتِال من حضنته ملآذ وهيِ تبارك له ؛ بـروح البيتِ الحين ، اذا تبينيِ اجيك حاكينيِ ، اُمي وابوي ما عندهم خبر طيب ؟

هزت رآسها بـ زينّ وهي تبتسم له ؛ حضرةّ الدكتور المستقبلي ، اطلب اللي تتمناه ما تنّرد !

ضحك وهو يمثل التفكير ؛ ياويلك أجل !

ابتسِمت وهيِ تدخل للداخلِ ، نـزلت عبايتها وهيِ تجلس مع نادينِ بـ الصاله ، مع اُمها وجدِتهم فاطمة ، واُم حـاكم واُم جـابر ~

صعَد نهيّـان لـ آخـر دور بـ بيته وهو يدور عن حـاكمِ ، زفـر لثوانيِ وهو ما يشوف شنطته ، ولا لبِسه العسكّري ، ولا شارة من شاراته ~

نِـزل وهو يناظر حـريمّ عياله ، وزوجته ؛ وين العيّال ؟"يقصّد عياله"

ام جـابر ؛..

_

نِـزل وهو يناظر حـريمّ عياله ، وزوجته ؛ وين العيّال ؟"يقصّد عياله"

ام جـابر ؛ قالوا عندهم طَلعة بالبّر مع أصحابهم !

ضحك بشبه سخريه وهو يجلسِ ؛ هاتّ جواليّ

قامـت نادينِ وهي تمدِه له ، زفّر وهو ما يشوف من صِغر الكتابة ؛ تعالي إقري

جات جنبه وهيِ تناظره ؛ من حـاكمّ ، يقول لك انه راحّ ، والعذر والسموحة !

زفِر وهو يسكـر جواله ويناظر فاطمة ، لثوانيِ عصّب ما يدريّ ليه ؛ عيالك وش انا عندهم ؟ رجّل كرسيِ ؟ لو حطّوني بالقبر ؟

ضحكت فاطمة وهيِ تقوم وتجلَس بجنبه ؛محشَـوم طال عُمرك ،ظّلوا ينتظرونك لكن طولت بالمسَجد والعيِال ينتظرونهم ،قِلت لهم أنا اقول لـ ابوكمّ ما صار ّشيء ، بعدين عيالك ماهم بزران يا نهيِان !

قـامت مـلآذ بدون مقدمِات وحتى بدون لا تستأذن منهم كالعادة وهيِ تدخل غُرفتها ، أخذِت جوالها وهيّ تزم شفايفها لثوانيّ ، ترتجفّ من فَرط قهرها منه وانه مو مَوجود ولا كلّف نفسه يبلغها لو ما فِقدت سيارته بالخارجِ ، ولو ما شافت وجه نهيِان اللي ضايقه فيه الوسِيعه ما كان عِرفت انه مو موجّود بما انه ما تِكرم وأرسل لها حَرف ~

_

« مـكـان آخـر ، بعيـد عن الريِاض كثِيـر »

واقـف وجـامع ايِديه خلفُ ظهره يتأمل بالعسِكر اللي يسوون تمَـارين الضغَط قدامه ~

حـاكمِ وهو يعـد بهدوءِ ؛ ثمـانيه وتسِـعين

لف أنظـاره لـ عسكريِ ، بـ آخر صّف تقريباً بدت ايديه تِـرتجّف نوعاً ما وهو ينطِق بشبه حده ؛ عِـلومك يا عسّكـريِ !!

طاح عالأرض من قوة النبرة اللي جاته فجأه ، أشـر حاكم بـ ايده لـ العسِكر اللي يساعدونه بهالدورة وماهيِ الا دقايقِ وسحبوه بعيدِ عن باقيِ العسكر اللي العَرق يتصببّ من جبينهم ~

حـاكمّ ببرود ؛ ويـن وصِـلنا ؟

نطّق واحـد منهم وهو يِرتجـف ؛ ثمانيـه وتسعينّ طال عُمرك

حـاكم وهو يجلسّ بهدوء ؛ انـزل التسعّـين ، ابـدأ

ظِل يناظـرهم ، يتقاتلّون مع أنفسهم وهم يرجعون يعِدون من التسعين ، يجاهدونّ قوتهم لجل ينطقون بالميةّ ومن أول ما نِطقـوا ، طاحوا ع الأرض من فرطّ تعبهم وعدم قدرتهم على انّهم يكملون رافعّين أنفسهم على ايديهم ، يوّقف لهم بين العشره والثانيه دقايقّ ، يستعبطّ وكل شوي يرجعهم من عدد قليلّ وهالشيء اللي أهلكهم تماماً ~

وقفّ وهو يناظـرهم بشبه حده ؛ اوقف على حـيلك انت وياه !

ماهّي الا ثـوانيّ وصفّوا قدامه ، جاء مُلازمِ يركضِ ومعه جـوالّ حـاكمِ ؛ طال عُمرك ما سِكت

اخـذه وهو يشوفه رقِـم ملآذ ، قفلّ بوجها وهو يلف على العسكّر بجمود ؛..ارتـاح ياعسكري

ما أعطاهم ظهره والا وجلسوا مُباشره ، أهلكهم تماماً وتوهمّ صار لهم ٣ ساعات بـ الدورة ، شلون شهَر ؟

دخَـل مكتِبه المُخصص وهي للحينّ تتصل بـ إصرار ، ردّ وسِرعان ما قفَلت بوجهه ،اشتّعلت ملامحه غضّب لثوانيّ وهو يرجِع يتصل عليها ما تردِ ، دخلِت الواتسِ وهيِ ترسـل له " لا تحاولِ تقربنيِ ، بكلِم جدِي يآخذ حقيّ منك وزواج ما عاد وديِ وأعلى ما بخيلك اركبه بعدَ ، خـالي وفيصل يسلمون عليك "

رجِع اتصِـل عليها لكن جـوالها مقفّل ، قام وهو يزفِر يخّفف من غضَبه شويِ ؛ تلعبِين بالنّـار يا بّكر فارسِ !!

خـرج من مكَتبه وهو يآخـذ سلاحه يتوجه لـ جهه الرمّي ، متِوعد فيها تماماً ، وقِف صوت رصاصه معّ صوت آذان المغَرب وهو يرجّعه بـ خصره ، عقَله يِدور مع كِـلمة " خاليِ ،وفيـصل يسلمون عليك " ، مو معقولِ انها قالتها عبَث ، ولا عقَلها صغيّر للحدّ اللي يخليها تستفّزه بـ فيصِل انه موجودّ ~

_

« بـيت هُــذام »

دخَـل وابتسِـم بخفيفِ من جـات اُخته الصغيّـره من ابِـوه ، إليِـن ، تَـركض وتعّـلقت بـسـاقه ؛ يا هـلا ، وين ابوك ؟

ابتسِمت وهي تسحبَه مع ايده للداخلِ ، رفع حـواجبِه لثوانيِ وهو يشِوف ابوه جالس ومبتسِم ~

أبـو هُـذام بنوع من الإبتسامه ؛ هُـذام يا ولدِي ، ان كِنت تبيِ الإعتذار آسف ، وان كِنت تبينيِ أطلع من بيتك هالليلهَ خارج !

ناظَـره هُـذام باستغّراب لثوانيِ ، رفعت إلين نفسها وهيّ تهمس له ؛ اكيد انت طفشت من البيتِ ، عادي تخرج معانا ؟

رفع انظِاره لليِ نازله مع الدرج لثوانيِ ، لابسِه عبايتها ولافه حِجابهاّ ، فعلياً كأنها اُخته مو زوجه ابوه ~

لفّ وجهه لـ ابوه اللي يحاكّي بـ الجوال وقام يعدل ثوبه ويآخـذ شماغه ، سكَر وهو يحطّ جواله بجيبه ؛ هُذام يا ولـديِ ، خذ عَمتك واختكّ خرجّهم جاني شغل ، لا تردِني الحين بعدين نتفاهم !

هُذام بذهول ؛ بـس ا

قاطعته إلين وهيِ تحضنه وتصَـارخ ، لف أنظـاره لـ ريهام الليّ رفعت ايدها لـ فمهاّ وهيِ تمثل انها تسكِره وأردفت بشبه ابِتسامه ؛ ما قِلت شيءِ !

ناظر إلين اللي تترجَاه وشبه ضحك مِن رفعت فلوسِ لوجهه وهي تبتسم له ؛ على حسابيِ هيا قول طيب !

ضحك وهو يبوسّ رآسها ؛...بصعدَ لغرفتيّ ثم أرجع ، انتظري !

ابتسِمت إلين وجلست ريهُام وهي تبتسم ، جالسه تصِفق وترقَص من شده فرحِها ، شايفه قِد إيش إلين تِحب هُذام مره وهالشيءِ تتمناه يِدوم ، ويدوم هُذام معاهم ، ابتسمت لثوانيِ وهي تشبك ايديها ببعضِ وتصعَد للأعلـى ~

خَرج من الحمّـام بعدَ ما أخـذ له شاِور وهو يدندنّ ، لافّ المنشَـفه على خصَره ويحـاكيّ الفـريق سعدَ ~

الفـريق سعَـد ؛ ما رِحـت مع حـاكم دورته ؟

هُـذام ؛ لا ، مِسكت سِـعودِ وجلست معـاه

الفـريقّ سعَـد ؛ وكِـيف وضَـعه ؟

هُـذام وهو يطق بـ اصابعه ع الطـاوله ؛ جـانا بَـلاغ بمكَان السحـر ، وراحو له المشَايخ مع مجموعة وهذا آخر علمي !

الفـريقِ سعد ؛ دوامك انتهى ؟

هُـذام ؛ ايه ، الصباح راجعّ تبي شيء ؟

ابتِسم لثواني ؛ سلامتِك

سكـر وهو يدندنّ بهدوء ، رجع آخـذ جواله وقلبِه يحرقه على رَقم هتّـان اللي عنده من زمان لكن ما تِجرأ يحاكيها ، كل ما يحاولّ يجيه وجه حـاكمِ قدام عينه. ، ووراه جابـر وآل سليٰمان تِباعاً ~

بَدل ملابسِه وهو يتعطِر وينـزلّ ، شاّل إلين وهو يسِمع ريهـام تحـاكّي ابـوه ~

مشِـيت لـ جنبهم ، ناظرها بـ استِغرابّ وهو ينتظرها تغطّي لكنّ شكلها مُحجبه بس ~

ريهـام بتردد ؛ ما تعّـودت أغّطـي ، بس اذا تتـ

قاطعها وهو يشتت أنظاره بعيد ويمشي ؛ الليّ متعوده عليه سويه !

ابتسِمت بتـوترّ وهي تشوفه ما يناظرهَا ، هي حَرم أبوه وبما ان أبوه ما يعترضّ على كونها مُحجبه فقطّ ، هو ماله الحّق يجبرها على شيء ~

_

« بـ المُـستشـفى »

فِـتح عيـونهّ بثُِقل ، شعِور سيء يداهمّ داخله ، لف أنظاره لـ المُغذيـات اللي بـ ايده ، ايـده الليّ صارت نحِـيلة وجداً من السنتّين يلي قضِاها بـ سِجن ، شِحـبت ملامّح وجهه وهو يشوف إنعكِـاسه بـ المرآيا الليّ قدامه ، العزٌة لله هَـذا مو سِـعود ، ولا وَجه سـعودِ ، ولا شكَل سـعودِ ، ولا تفٰصيل من تفـاصيل سِيف الحَـد ووحَش العـسكرية ، الليِ ينعكِس قدامه كوابيِس سنتينِ آثارها تعدِت على مظهره وقِلبته ، ضحَك لثوانيِ من هول صدمته ورُعب منظره ، تعدّى صوت ضحكه الهيستيري لمِمرات المُستشفى وما هيِ الا ثـوانيِ وتحولِ لـ صراخ يقِطع حُنجرته من حِدته ~

تغيّرت ملامح أحـد العسْكر المراقبُين عنده وهو يتصُل على هُذام ؛ سِـعودِ ، صاحيِ ويضحك ويصارخ !

هُـذامِ ؛شلون يعنيّ !

رفع أكتـافه وهو يشوفِ الدكـاتره خارجِين من عنده وما عادِ لـ سعودِ صوت ..كانوا ماسكيِن زميـلهم اللي ايده على عُنقه وبالكادّ يتنفسِ ؛ خرجـوا الدكاترة من عنده ، الواضح ِ انه عـدوانيِ حيل !

هُـذام ؛ عطّـني الدكتور

مّـد الجُوال لـ الدكتور ، هُـذام بهدوءّ ؛ إرسِل تقرير عن حـالة سعِود لـ الإستخبارات ، وخليكّ على تواصل مع الفـريق سعِد يمكن يطالبك بالنّقل ، يتِطلب اني أجّي ؟

الدكتـور ؛ التقرير جاهز الحين نرسله ، أعطيناه مُخدرّ لكن حالته النفسية جداً صعبة وعدوانية ، لازم تدخّل من دكتور نفسي !

حك حـواجّبه لثـوانِي ؛ هالقرار مو بـ إيدي ، أبلّغك بعدين !

سكِر وهو يدندنِ ويرسـل لحاكمّ ، يحس فيها تناظره لكن مو لمهَا ابداً ~

نـزل وهو يمسك إلين مع ايدها لانهم بيقطِعون الشَارع ، هالمطعم بالتحدِيد طلبِ خاصِ من إلين ~

ابتسّم وهو يردّ على حـاكمّ ؛ هلا أبـو الشبابِ

حـاكمِ بشبه ابِتسـامه ؛ هلا ، وشّ عندك

هُـذام ؛ دخلَت مكـان عامّ ، الإستخبَارات يوصلون لك الخبَر خلاص !

زمّ شفايفه لثوانيِ ؛ تم ، انتبه

ضحك هُذام غصبِ وهو يتفحّص المكان ،مثِل طبع حـاكمّ ؛ لا توصيِ حريص

سكْـر جـواله ، وتكَاد حـركاتِ ريـهام تصُير واضحه له ، فاهم وعـارفِ كل شيءِ ، لكن ما وده يواجها ويِكبـر الموضوع ابداً ~

_

« بـ البّـر ، عنـد أبـو حـاكمِ وأخـوانه »

جـالسيِن مع أصحـابهم حْول المشِب ، تتِرامـى سوالفهم بمواضّيع مختلـفه ، تعتلّـي أصواتهم مَـره وترجِع تنخِفض مره ثانـيه ~

فجأه يتجامحّون مثل الخِيول بحكيّهم ، وفجأه مثل النسيّم من هدوئهم ، قِطع جـلستِهم صَوت جوال أبـو حاكمِ اللي يـرن ؛ العُذر والسمـوحة

قـام من عنِـدهم وهو يمشيِ بعيد عنهم ، بعد ما تأكِـدّ انه ما بـه أحَـد يسمعه ردّ ، ابتسمّ من الصوتّ النـاعم اللي وصِله ، يطيّر الفراشات بداخله ؛ سمّـي !

ابتِسمـت لثوانّي وهي تعـدل شعرها ؛ ماتجِي تزورنا يعنّي ؟

ابتّـسم أبـو حـاكمّ لثواني ؛ جـايّ ، هالشهـر كله عِندكم ان شاء الله !

ابتِسمت باستغرابِ ؛ شكلك مو مشغَول ، المهم انا استأذن تآمر على شيء ؟

ابـو حاكمّ بابِتسـامه خفيفهّ ؛ ما يآمـر عليكّ العدو يا ريِِـِف

تنهَـد لثِـوانيِ وهو يرِجـع جـواله بجيِبه ، شِعور الإرتيَاح اللي بِـداخله جداً عظيِم ، جداً مُهـيبّ وجداً لطِيفِ ، غِزى الشيّب وجهه من قسَوة الزمْن وعيّـاله ، واُم حـاكمِ ما تهتّم بأحـد غير نفسهَا ، يا كُبر العَوض الليّ وصل لـ قلبِ متعبِ من سنين ، يا كُبره ويا

_يا كُبره ويـا فَرحـه متعِب ، بـ رِيف قَـلبه مثِل ما يسميها دائماً وابداً ~

ابتسـم وهو يرجـع لعنِد أخـوانه بهدوءِ ، ما يدريِ صار الَـوقت انها تِخـرج للعَلن ، ولا يستهدِي بالرحمن ويهجدَ وتظّل عائلته الصغيرة والبعيِدة عن القسوة ، عن أنيِاب آل سليمـانِ جداً بعيدة ، خارجه عن حُكمهم وتقاليدهم وعاداتّهم ، مُستحيل يستثني نهيّـان عائله مِتعب الثـانيِة من الصَرامه ابداً ، ابوه متعوّد على مِتعب أبـو العيال فقط ولهالسببّ يعامله وعياله بنوع من القسوة ~

_

« بيــت طــلالّ »

ابتسِـم فزاعّ وهو يضرب كتَـف طـلالِ ؛ نورت الديّـار والله !

ضحك طـلال غصَب وفـزاعّ للمره الألف قال هالكلمة بجلستهمّ ، تمدد لثوانيِ وهو يناظر ساعته ؛ مو كأنك طولِت ؟

ضحك فـزِاع وهو يقومّ ؛اصلاً ماشيّ ،تبيِ عشاء ؟

ناظره طلالّ لثوانيِ وهو يحطِ ايده على بطنه ؛ واللهّ شوف

ضحك فـزاعِ وهو يناظره بنصِ عين ؛ قم أعشيك على حسابيّ ، تدلل

ابتسِم طلال وهو يآخـذ جاكيته ؛ هياّ !

كالعادة ومثِل ما تعودوا ، يتكاتفون بمشيتهم دائماً وابداً ، أيّـام الضحك والفَرح ، راجِعه لحّياة فـزاع وجداً ، تخلّص من سالفة تهديـد الشيخِ وعياله له ، وتخلّص من التأنيب النفسي اللي يصير له لجلّ طلالِ ، والمهم والأهم انه عَرف بـ وقوف حاكم وراه دائماً وابداً ~

_

« ألمـانيِــا ، بِـرلين تحديداً »

تسِـدحواّ من الضحك عندِ بابِ الشُـقه ، صارت هوشهِ قدامهم تقِتل من الضحك من فَرق الأحجَام الليِ بين الطرفيِن ، واحِـد طويُل وضخَم وعملاقِ بمعنى الكلمة ، والثانيِ قصيـر مثِل " علبة كولا " ، مثل ما شبهه عنّـاد ، ضحك لـؤي وهو يدخلِ الشُقه ~

انسـدح عنـاد بـ طوله على الكنبـه وهو يضحك ، ردِ على جـواله بدون لا يشوف ؛ هـلاّ

نهيـان بطقطقه ؛سكـران ؟

ضحك عنـادِ وهو يتعـدل ؛ والعيِـاذ بالله ، تهقاها منِي ؟

ابتسِـم لؤيِ وهو يتنهـد ، بعدِ طُول نقـاش مُضحك بين عنـادِ ونهيـان ويسمعه لـؤي ~

سكـر عنادِ وهو يغنـي ؛ وش عندك ؟

لـؤي وهو يحضن المخدَه عندِ بطـنه ويغمضِ عيونه ؛ مافيّش في الدنيا دي ابداً ابداً أحلى من الحُب !

ضحك عنّـاد وهو يقوم ؛ والله إنّت بكـاشّ -كذّاب-، تحب مين طّيب !

لـؤي وهو يستغفر ويقوم ؛ الواحدِ ما يغني يعني !

هـز رآسه بالنفيِ وهو يناظره ؛ علومك ماشِ يا لولو !

ضحك لؤي بسخريه وهو يهز بأكتافه ؛ عدلها ليِ !

ناظره عنِـاد بنِص عين وسـرعان ما ضحَك وهو يقومّ لـ غرفته ، أكثر اثنين عايشين حيِاتهم طُول بعَرض هُم لـؤي وعناد ~

_« بـ المَـطعم ، السـاعة 9:00 تماماً »

جـابر ، وحنِـين وهتـان ونادينِ سـوا ، داقينها سِوالف وطقطقه وكلُ شي يحبِونه ، كلهم متفاهمين سوا بشكل رهيِب ~

جـابر ؛ والله انا ودّي بقهوه صاحبتنَـا ، وش تقولين ؟

هتـان بابتسامه عبَط ؛ كـم تِـدفع وأسوي لك ؟

جـابر بطقطقه ؛ أقول عدلي حجِابك

ضحكت وهي تِرفـع عيونها ؛ مـا فيـه أحـ

شهقت وهي تشوفّ صاحباتها بـ طاوله بعيِد ، ضربتها نادينّ بذهول ؛ وجع يا بنـت !

ابتِسمت من أشَروا لها من بعيد وهم يرسلون لهَا بـوساتّ ، عدلت حجابها وهي تِلبس نِقابها ؛ العشَاء على حسابكم وبجلس معاكم ، بعده بسحب عليكم

ضحكت ناديـن وسرعان ما وسعِت عيونها وهيِ تشوف ريِـهام ؛شوفيِ شوفي شوفي اللي مع عمتيّ ام حاكم بالزواج !

قربِ جابـر بيلتفت وسرعان ما ضربت ايده حنينِ وهي ترفع نفسها لجلِ ما يشوف ؛ خير أخوي !

ضحك وهو يعدلِ ثوبه ؛ يا بنِت الناسِ لو حوليِ بنات الدنيِا ما أشوف غيرك !

ابتسِمت نادين وهيّ تغمـز له ؛ يوه يوه يوه !

ضحك جـابر غصّب ،سرّحت هتـان لثوانيِ بـ ريهِام ،اشتعلت غيِرتها تلقائيِ من تذكرت انها بـاست هُـذام بالزواجِ ، شتت أنظارها بعيدِ وهي تسولف معاهمّ بعدم إهتمامّ وسرعان ما بردت كاملّ ملامحها وهيِ تشوف ريهـام تجلِس بـ طاوله أمامهم ، صار ظهر ريِـهام لناحِيتهم والمقـابل لُهم هُـذام ، والبِنت الصغيِرة اللي للحين ما تعرف ماهيتهْا بجنب هُذام ~

ضحك هُـذام وهو يمسك إلينّ بحضنه ؛ يا بنت !

ضحكت وهيّ تسنِد رآسها على صدره ، لِكون هُذام بشوشِ معاها وألطف من اُمها نوعاً ما ، وأفضل تعاملاً من أبوها المشغول تحبه كثير حتى لو ما تعرفت عليه صحِ ، يكفيّ انه اخوها اللي يمِدحه لها أبوها دائماً ~

جلسهِا بجنبه وهو يعّدل أكتافه ؛وشّ تبين الحين ؟

ابتسمت وهيِ تآخـذ المنيِو وتحط رِجل على رجِل بتمثيل للغرور ، ضحك وسرعان ما اختفِت ضحكته من رنِ جـواله ، رقِم قدّيم جدد الشُوق والحِزن فيه ، تغيِرت ملامحه لثوانيِ طويِله ، اُمه متصّـلة عليه !

مستحيّل انه ما بيردّ ، وياوجَع قلبه وقِت إنه يِرد ~

مسح على وجهه يخفّي ارتبـاكه وهو يردِ ~

أمّ هُـذام بشبه ابتسامه متردده ؛ هُـذام

هُـذام بهدوءّ ؛ سمـيّ

اُم هُـذام ؛ أنـا بالريّاض ، وديّ أشـوفك

هُذام ؛ ان شاء الله !

سكَر من سمع توديعها له بـ...بهدوء وهو يعِدل كتوفه ، رجّع جسده للخِلف لثوانيّ وهو يفكّر ، وش ذنَبه ؟

اُمه ، حتـى اتصِالها الليِ جاء بعدِ شهُور طويله ، ما سألت فيه عن حـاله ابداً ، ما فكّرت هو عايشّ بصحته وعافيته ، لو نالته إصابه شلّته وأقعِدته ، يروحّ الحد ويرجع لا أبوه ، ولا اُمه يسألون عنه ليه ؟ لانهّ جاء وحياتهم مَليـانه مشاكـل فضيعه ، يكرهون بعضّ والكُـره ولّد إهمال لولدهم الوحيِد من حياتهم سُوا ، كلهم فِتحوا بيوت ثـانيهّ وعوائل اُخرى وكأن هـُذام ولا شيء ~

كان متكّي وايده على ذقْنه ، تغيِرت كامل ملامِحه وهو يشِوف هتـان تتأمله من بعيد ، كأنها تِسأله وش فيّه ، ما كانّ بيصدق انها هتّان حتى لو يعرف هيئتها ، ما تأكَد الا بعَد ما شّـاف جابر وظهره وآمن انهاّ هي ، ياغيّمه الرِضا الليّ هلت على هُذام وقت شافها ، ياليِتها تِمطره وتتركه يحضنها ع الأقل ~

مَـدت ريهـام ايِدها لـ ايد هُذام اللي ع الطاوله وهي تمسكها بتردد ؛ هُـذام

من كِثر المَشاعرّ اللي تعصف بداخله ،وبِلا وعّي شَد على إيدها ، رغم انه ماسك ايدها الا إن عيونه بـ هَتـان الليّ تغيـرت نظراتها مباشرة وقامتِ وهي تعدل شنطتها ، تعِدت من جنبهم وما قِدر ما يلتفتّ لجل يشوف وينها ، تغيّرت ملامح ريهِام وهيِ تشوفه التّفت للخلفِ ، تركت ايده بهدوءّ وهي تأكلِ إلين وسرعان ما رفعت عيونها من قام وهو يخَرج خَلف الأُنثى اللي تعدِت من جنبهم ، خَلف هـتّان ~

-

« الصـبّـاح ، الـساعة 8:00 »

جِـلست بهدوء وهي تعِـدل شعَرها ، مقفلّه كـامل أنوار مُلحقها وعلى ضوءّ الشَمس ترسِم ، لاِبسـه تيشِرت أبيَض وفَوقه افرولِ جينِـز ، بـ جيِب الأفرولِ أدوات الرسَم يليِ تستعملهَا ، وعلى عـُنقها اللي لا زاَلت ساحَـات حَرب حـاكمِ فيه ، وِشـاح بـ اللِون الأحمـر ~

ابتُسمت لثـوانيِ من داهِمتها رائحـه عِطر اُمها ، ضحكت وهيِ تلف من باست خدهَا ؛ الحـلاوة لميِن

امّ بتـال باِبتسَـامه ؛ جـالسين ع الفُطور ، تعالي خَالك يسأل عنك !

زمّت شفـايفها لثوانِي وهي تنـاظَر سـاعه إيدها ؛ تأخرت ، بمشي

ابتِسمت اُم بتـال وهي مو حـابه تِضغط عليها ابداً ، الواضحّ ان مـلآذ أخذت الليلِ بـ طوله لجل تتخّلص من اللِون الأسود وتِرجع لـ الوان الحياة ورَسم الوردِ من الأوراق المبعثره قِدامهاّ ، حتى السوادّ اللي على ملابسهاِ نِزعته تماماً ، فرغّت كامل طاقتها وغضَبها من حاكمِ بـ..

بـ سواد نِثرته على الوَرق ورِجعت مثل عادتهْا ، بِنت الَورد وحبيـبة الالواِن ~

أخَذت الوردِ ، اللي كان معاها من الدِيره والليِ صار بالزبِط مثل ماتبيِ ، عديم الحياة ~

ابتسُمت لثوانيِ وهيِ تقص طرفَ ساقه لجِل يناسبِ شكل الجدار الليِ يحتويِ حُزنها دائماً وابداً ، لصّقته على الجَدار اللي بـ أكمله ، يتزِين بـ وردِ ذابِل وعديم الحيَاة تِحطه كِل ما انكسِر فيها الشعِور ~

تركِت الفُرش من جيبها وهيِ تسكـر الستائِر كلها ، طاحت عيِنها على ورقه ، معلقه خـلف الوردِ اللي على الجِدار ~

مِشيت بهـدوء وهيِ تآخذها " أوضح من الكفّ والماء يا بِكر فارس " ، ناظِرت حـولها لثوانيِ وسرعان ما تِذكرت انِه دخلَ مـرسمها ، لانه شافِ عبارة الحيَاه ، شقت الورقه بهدوءِ وهي ترميها وتمشيِ للخارج ، قفلّته بالمُفتاح وهيِ تنزل للأسفل بهمسّ لنفسها ؛ الله يقويِ قلبي وقَت أشوفك !

شهقتِ لثوانيِ من ارتفـعت عن الأرضِ ؛ بتِـــااال !

ضحكِ غصُب عنه وهو يناظرها ِ، ابتسِم وهو شايلها فوق كتفه ؛ متأكده انك أكبر منيِ !

ضحّكت من نزلها ؛ ايه أكبر منك ، بتعترض لا سَمح الله ؟

بتِـال ؛ هيا لجلِ أوديك !

دخِلت غُرفتها وهيِ تفتح جـوالها وأخيراً ، زمِت شفايفها لثوانيِ من رسِاله من حـاكمّ " جبتيها لنفسك " ، رميِته بشِبه سُخـريه ، وشبِه ثقه انه بعدِ الشهر بيجيِ ، بيكون غضَبه رايح وقتهَا وما بيوصلها شيءّ منه ، بِدلت ملابسهِا وهيِ تغنـي ، جلست وهيِ تربـط جزمِتها وسرعان ما دِخلت عليها اُمها ~

ام بتّـال ؛ قبل لا تلبسِين عبايتك ، انزليّ سلميِ على خالك عيّب عليك !

ناظرتهِا لثـوانيِ وهي تزمّ شفايفها ، عدلت شكلها وهِي تنِـزل مع اُمهَا ،ابتسِمت من ابتسَامه خـالها غصِب وهيِ تسـلم عليه ~

ابـو فيصّل بابتسَامه وهو يناظرها ؛هو كلِ ما شفنِاك تحلّوين ولا شلون ؟

ابتّسـمت لثوانيِ بخجل وهيِ تجلس معاهم لـ دقايق ، ارتاحت والوضع على عكسَ اللي تِوقعته من خالهّا ، انه يكون متحسسِ من موضوع رفضها لـ فيصلِ ،لكن صدمها بالعكس وكلّ شوي يثنيِ على حاكم اللي داخلها يشتمه بكلّ مَدحه له ~

لـبستّ عبايتها وهيِ تسمع بتِال يغنيِ بالخـارج ، عدلت طرحتها وهيِ تتغطِى وتمشـي معه تحت أنظار فيصِل ، كاملِ تقاسيم وجَها صارتّ مطَبـوعة بعقلّه تماماً ، أحلَى من وقِت شوفتهم بكثيِر ، او لان وقت شوفتهم ما سمحت له يتأملها بالشكلْ الصحيح ّ ، لهالسببِ ...

__

كاملِ تقاسيم وجَها صارتّ مطَبـوعة بعقلّه تماماً ، أحلَى من وقِت شوفتهم بكثيِر ، او لان وقت شوفتهم ما سمحت له يتأملها بالشكلْ الصحيح ّ ، لهالسببِ نقِز حـاكمِ وقال يبيها رغم انه بعُمر الزواجِ من زمان ، وشكَل آل سليـمان ما يتركون حِلوينهم ، لـ غيرهم ~

دخِـلت الجـامعة وهيِ شايله كِوب كـوفيِ بـ ايدها ، ابتسمت لـ صحباتها من بعيِد ؛صباح الخيَر !

راحتِ لـ عندِ ناديـن اللي واقفـه مع باقيّ صحباتهم ويسولفون ، بعدّ فتره وقوُف طِويلة ، مشيوا نادينِ ومـلآذ لـ مُحاضرتهم ~

نـادِين ؛ وش سِـر هالإرتيِاح والحلاوة اليوم ، باقيِ نُقطه وتقولين للدنيا أنا سعيِده !

ضحكت ملآذِ غصب ؛ طيبّ صح ! هيا تعاليِ لا تتفلسفي !

ضحكت ناديـن بـ استغرّاب وسرعان ما ابتْسمت من رسِاله من فـزّاع " يا حُب وين الناس ؟ "

ناديـن وهيِ تبتسم ؛ ادخلِي ، واذا انتِ بِكـر فارسّ صدق حضّريني !

ناظرتها بنصّ عين ؛ أشـوفِ

ضحكت وهيِ تلف الجـوال لناحيِتها ، زمِت شفايفها لثوانيِ بطقطقه ؛ بآخـذ أجـر بـ فزّاع بس !

ابتَـسمت ناديـن ، من أول ما ردّت عليه إتصـل ، جلِـست وهيِ تسمعه يغنِي ، ما انتبَه انها ردتِ لحد ما تكلمت ؛ الأحسّاس رهيب !

ضحك وهو يعَـدل بطـانيته ؛ الواحدّ يقول أنا ردِيت طيّب !

ابتسِـمت وهِي تلعب بـ أظافرها ؛ يالله صَباح خيـر ،وش هالصبِاح !

فـزاِع وهو يبعثـر شعره ؛ايّ والله وش هالصبِاح اللي يبتدِي بصوتك ، يا حِلوه من صبَـاح !

توردت ملامِحها لثوانيّ وهي تعدل شعَرها ، تنحنح وهو يضَحك ؛ أقولِ ، أول ما يرجِع حـاكمّ من دورته ، بنجيِ نخطبك ، حركات وكذا فهمتي ؟

ضحكت من قَلبها لثوانيِ وابتـسم فـزاّع غَـصب ~

فـزاّع ؛ ماعندك محـاضرات ؟

نـادِين ؛ سحَـبت عليها ، الدكتور مُش ولابُد

فـزِاع وهو يزم شفايفه ؛ دامه دكتور ، اسحبيِ يابعَدي ماهو لازم تحضرين !

نـادّين وهي تشوف الدُكتوره جايه لعندها ؛ الدكتوره جاتّ لحظه

قَـامت وهيِ تبتسم نوعاً ما ، ضحك فـزّاع غصبّ من تصريفات نادينّ الضعيفه للدكتوره ؛ قوليّ لها حبيبيّ تعبان ، أواسيه !

توردت ملامحها لثوانيِ وسرعان ما صَرفّت الموضوع وهيّ تبين التعبَ ~

الدكتوره وهيّ تبتسم لها ؛ ماتشوفيِ شر يا نادينّ !

ابتَسمت بـ امِتنان وهيِ تجلّس ؛وش حبيبيّ ومدري وش خير !

ضحك غصِب وهو ما يشوف من النوم ؛ بتصيرين خطيبتي خلاص ، متى يخرجون من المحاضره ؟

زمَت شفايفها لثوانيِ ؛ الحيّن ، ليه تسأل ؟

ابتسَـم وهو ماودهِ يقفلِ وتجلسِ لحالها ، يقفّل لما تجي ملآذ لجلِ ما تطفش ابداً ؛...

_ضحك غصِب وهو ما يشوف من النوم ؛ بتصيرين خطيبتي خلاص ، متى يخرجون من المحاضره ؟

زمَت شفايفها لثوانيِ ؛ الحيّن ، ليه تسأل ؟

ابتسَـم وهو ماودهِ يقفلِ وتجلسِ لحالها ، يقفّل لما تجي ملآذ لجلِ ما تطفش ابداً ؛ بس سؤال

نـادِين وهي تزم شفايفها ؛ حتى انا بسأل ،بس تفهمو بنيتيِ مو بنيتك ؟

ضحك لثوانيِ ؛ شكله هه وهه ، نفهمه بـ نّيتك يا ستِي تفضلي !

ابتسِمت وهيِ تسأل لجلِ ملآذ ، ابداً مو لجلِ انهم ينخطبون وشيء من هالقبيَل ؛ حـاكمّ متى يرجَـع ؟

سكت لثوانيّ وسرعان ما تعـالت ضحكاته ، فَاهم قصدها وانها لجلِ ملاذ ، قالت له لا تِفهم بـ نيتّك لانه مباشرة بيفهم سؤالها لجلِ ينخطبون بسرعه ؛ ما أدريِ بس يمكن بعدَ شهـر

زمِت شفايفها لثوانيِ ؛ حلو

خِـرجت مـلآذ من المُحاضره وهيِ تحس بـ نشَوة إنتصِار مو طبيعيه ،شعور عظّيم بداخلها انها ما ردّت على حـاكمِ للحين ؛ يحسبّ اني برضى على طول الوقح !

نـاديِن ؛ مـين ؟

مـلآذ ؛ حبيبيّ العسل ، من بيكون غير الحطبه !

ضحكت نـادين لثوانيّ وهم يلبسون عباياتهم ؛ لو يدرّي ان خـالك ، وفيـصل ينامونّ عندكم وش بيسويّ ؟

زمَت شفايفها بعـدم اهتمام وهي تبتسم بـ انتصّار ؛ قلت له ، بس ما قِلت انهم ينـامون عندنا ، ما سوى شيءّ واصلاً ما يقدر يِخرج من دورته ، يعنيّ الوضع حَرق أعصاب بس !

نـادينِ ؛ الله يسَتر لا يخَرج ويحرقك انتِ والله !

ضحكت لثـوانيِ وهي تمـشي معاها للخارج ، زمَت شفايفها وهيّ ما تشـوف بتّـال ، ابتسمت بداخلها وهي تشوف حـاكم يتِصل عليها ، قبل لا تقّفل ردت نادين بسرعه وهيِ تحط الجوال بـ اذنها ~

حـاكمّ بجمـودّ ؛ تعاليّ

بردت مـلامحّها لثوانيّ من سكَـر وهي تلتفِت ، ما شافته وسُرعان ما صابها هُبوط وهي تمسك ايد نـادينّ من نزل من السيارة ؛ بيذبحني والله بيذبحني !

ضحكت نـاديّن لثواني وهي تطقطقّ ؛ يطعنّي ع الهيبه ولد العمْ ، معقّد حواجبه الله يعينك !

مـلآذ برجٰاء ؛ الله يخليك تعاليّ معي تكفين !

ضحكت نادينّ وهي تـأشـر لها بـ السَـلام وتمِشي ، رجولها مو شايلتها تِروح لـ سيارته وهي تشوفه يرّجع يـركب ، نزل لجل يوريها مكانه بس ~

رمـى سلاحـه بالدُرج الأمـامي ؛ نشـوف تلعّبين مع مين !

جاتّ وهي تركِب بهدوء بِدون لا تتِكلم ، ودها تختفيّ بالمقعَد وآمنت انها بالخارج أسد وقِدامه أرنب يا للأسف ، لازم تتشّجع ولا بُد من الشجاعه ، رّجعت لها كامِل حركاتها وهو بالدورة وتمِنت المِوت ولا انها تظّل تحت ايديه بهالعصَبيه ، ابداً ~لو يتكّلم ع الأقل ما يتركها تآخذ الراحه انه ما بيسوي شيء ويصير فعلاً بيعِدمها ، او انه يتركها بقلق وبالنهايه ما راح يسوي شي ~

تِـسرق له النظَره كلِ شويّ وهو ملاحِظها لكِن ، يفوز بعَدم الأهتمام ~

وقّـف قدام بـيته لأول مره ، ارتجِفِت لثوانيُ بذهولّ وسيناريوهات القتَل كلها جات برآسها ليه ما تدريّ ، مع انها تُبصم بالعشره انه يحبِها ، يعز الرخيّص ويرخص الغاليِ لجلها لو تبيِ ، بس ما جاته بالطريقه الصّح ولا جاها بالطرِيق الصحِ ، كل واحد فيهم راميِ شعوره بـ زنزانهِ ~

نـزلت بعدِ دقـايق ، بعد ما انتبهت انه كان يمشِي ووقف يناظرها ، بتصرفاتها بتزيِده غَضب وبتخِرجه عن طوره كثيَـر ~

دخَـلت وراه وهيُ تشوفه واقـف عند الطاوله ، تَرك مفـاتيحه وكاملَ جوالاته قفّلها ~

كـانت أنظَارها على بيّته قبل لا تطِيح عيونه عليه لانها انتفَضت رُعب مباشره من نّزع حتى ساعته وخـاتمه ، رجِعت لـ بالها لقطه من فيِلم ، كان البَطل واقفِ بهالشكل بالزبِط ونزع ساعته وخاتمه وكل شيءِ بـ ايده ، ارتجفِت لثوانيِ ورجع لها صَراخ البطله من الضِرب اللي أكلِته من البطل وقتها ، هزت رآسها بالنفيِ وهي تشتم تفكيرها الطفولِي ؛ حاكم مو كذا !

حـاكمِ بهدوء ؛ أجل شلونه حـاكم ؟

ابتسِمت لثوانيِ بغباء ، وفهاوه انها تكلمت بصوتِ عاليِ ~

حـاكمِ وهو يجلـسّ ؛ تسترجعِين اللي سويتيه ولا ؟

شبَكت ايديها ببعضِ وهيِ تزم شفايفها لثوانيِ ، ابتسمت له بخفيف ؛ عادي اذا كِنت معصِب تأجل هواشك لبعدينّ ؟

حـاكمّ بسخريه ؛ خلاص نأجله عشانك !

تغيِرت نبرته بشبه حده ؛ تستهبلينِ معي انتِ !

زمِت شفايفها وهيِ تناظره لثوانيِ ؛ إنت مُستفز إيش أسويّ يعني ! تقفلّ بوجهي وما تبغاني أقفّل بوجهك ! متى صارت هذي !!

حـاكمّ وهو يمد خده بشبه سخريه ؛ تعاليِ إضربينيّ !

مـلآذ وهيِ تهز رآسها بالنفيِ بغباء ؛ وديِ لكن محشَوم !

ضحك من كُثر انه مو مستِوعب وهو يناظرها ؛ بنـت !

ابتسِمت لثوانيِ وهيِ تضيع الموضوع بكلّ مافيها ؛ ياعيونيّ !

حـاكمِ وهو يضربِ بـ ايده على الطاوله بسخَريه ، لانه فاهم كُل حيّلها الضعيفه ؛ ألـو ! اللي قدامكّ ماهو بزر الـ عشر سنيِن ، ولا رجِل كرسي !

مـلآذ وهي تناظـر ساعتها ؛ لا محشَوم والعياّذ بالله ، طيب اسمع تكفى خلينا نأجل الهواش لما بعديِن ، الحين تأخرت ع النِاس عيب !

حـاكمِ وهو يـوقفِ ؛ مين النـاس ؟

بردت ملامِحها لثوانيِ بغباء ، الحيِن بتشّب نيران الغَضب فيه صِدق ؛..محدّ

ناظرها بحده وهو صار قِريب منها تماماً ، ابتسمت بشبه غباء ؛ خـاليّ وأهَـله

ضحك بشبه سخريه وهو يمِشي لقدامها ؛ تعقّبين تروحين ، خالي وأهله أجلّ

مـلآذ بتردد ؛ بـس فيّـصل مو م

تغيّـرت ملامحه وهو يلفِ لناحيتها بشبه حده ؛ لا تنطقين اسمه قداميِ ! لا تنطقينه !

توتُرت لثوانيّ والواضح انّ كل محاولاتها السابقه بتضييع الموضوع ، قلبتها ضِدها من نطقت بـ اسمّ فيصـل ؛ ما قِلت شيءّ

حـاكمِ بشبه حده ؛ لا تستهبِلين معي !

تِوترت لثـوانيِ وهي تشوفه معصِب تماماً ، ترك الليّ بـ ايده ؛ والله ما ودِي أكفَر فيك !

سكِتت بـترددّ لثوانيِ ، بما انه بيبدأ هواشِ ، هيِ بتبدأ عتبِ ؛ ليه ما ودعتنيّ طيب ؟ أضعَف الإيمان رساله !

حـاكمّ بشبه جمودِ ؛ وش تكونينِ لجل أودّعك ! بزر تحترين اللعبّ !!

ناظرته لثوانيِ بشبه ذهولِ وهي تأشر على نفسها ؛ أنا بزَر !

ناظرها لثوانيِ بشبه حده وهو يرّص على أسنانه ؛ تحبّين اللعب ! تحبينه وانا لعبِي ما بيعجبك صدقينيّ !

ضحكت لثوانيِ مَن هول صدمتها من كلِمته " وشّ تكونين لجلّ أودّعك " ؛ ما يعجبِك شيء اصلاً ! غلطانّ اللي يهتم لكّ !

لفِ لناحيِتها وهو يناظرهاّ ، وقتها انها بعيِده عنه تستقّوي بالحيّل وهالشيء ما يعجبه ابداً ~

مسكها مع ذراعهاِ وهو يجذبِها لناحيته بقوه ؛ لا تستّقوين بالحيل قداميِ ، اوزنيّ حكيك وتصرفاتك معيّ واعرفّي انها تمّسني بعدها نتفاهم !!

مـلآذ وهيِ تناظره ، أوجع ذراعها الحيِن بس من هول صدمتها منه ما تحسّ ؛ ليه أوزنه ؟ من أكون لجل تمِسّكَ تصرفاتيّ ؟ لعبه ؟ ولا وحده داهمها الشعِور لك وحَكمته بكيفك ؟

حـاكم بحدِه ؛ إعقليِ معي ، ما يمِسّك شيءِ

تجمعّت الدموع بمحاجرها لكن هالمَره ملآذ ورغبتها أقوى ؛ فيهَ مقَـوله تقِول ، إنِ القلوب إذا تنَافرَ وِدُها ، مِثل الزُجاج كَسُرها لا يُجبر

تَرك ذراعهاِ بعِد ما شاف انها شِبه تألمَت ، ما يحّب العُنف مع الإنِاث ابداً وفّرغ كامل غضَبه ، بالعسكّر قبل لا يجيها ، اهلكهم تدريّبات تماماً لجلِ وانِ مسّ ملآذ شيء من غَضبه ، يكون رقَيق مثِلها ~

ابعِدت عنه وهيِ تعطيه ظهَـرها وتمشيِ ، ما تعرفِ شيء عن بِيته ابداً لكِن لمحّت المطَبخ نوعاً ما وهيّ تدخله ، زمِت شفايفها لثوانيِ وهيّ تتكيِ على الدولابِ وسرعان ما أجهَشت بكيّ ، حتى القوة اللي تتصنعهّا قِدامه عبَث ، ما دعيّت بـ "الله يقّوي قلبيِ وقت أشَوفك " من فَراغِ لانها..

_

ما دعيّت بـ "الله يقّوي قلبيِ وقت أشَوفك " من فَراغِ لانها تعرفِ قلبها ، وتعِرف ضعفه قدام حـاكمّ ، اللي يحِكمه العقِل والقوة والغُرورّ ، وهيّ هيّنه ليّنه ، تحكمها عاطفتهَا ~

مسِحت دمَـوعها بعشوائيهّ وهي تعدل شكلها وتخرج ، كان جَالس على لابِتوبّـه وشبه مذهَول من اللي يِقراه مسُجّل بنفوس أبـوه ، " ريِـف بنّت متعب بن نهيـان آل سليمـان ، ابنة "

له أُخت ، مولودة بـ عـام 1997 ! عُمرها بـ عُمر ملآذ وتوه يدريِ عنها ! انِصدم صَـدمه عُمره ومباشرة توّجه اللوم على نفسه ، كل هالسنين والقُدرة العسكريه ما يدريِ وش مسجَل بنفوس أبوه !

جـات وجِلست بكامل هُدوئها ، أخذت جوالها وهيّ تشوف رساله من أبوها انهم يعرفونّ انها مع حـاكمّ ~

سكَـر لابتِوبه وهو شبِه مصَدوم ، أخـذ جواله وهو يفتحه ويتّصل على نهّيان طبعاً ~

حاطّ ايده على وجهه وينتظِر الردِ من جدَه ~

نهيّـان باستغّراب ؛ حـاكم !

حـاكمِ بهدوءِ قبل لا يبدأ جده المَوال اليوميِ ؛ بخير طولّ الله عمرك ، أبوي عندك ؟

نهيِـان باستغِـراب ؛ لا

لثوانيِ تردد ، يسأل عنها ولا يسكِت ؟ هفّت عواطفه لثوانيِ بالحُزن الشديد عليها ، يكفيِها اللي يجيها منّه ، شلون بينكسر قلبها وقِت تدريّ ان زوجَها متـزوج عليها ، ارتجفِ بدنه غَصب عنه وايده ترتجفّ ؛ واُمــي ؟

تغيِرت مـلامحِ نهيّان لثوانيّ ، وشّ هالسؤال المفُاجئ ؛ أهلَك كلهم بـ بيتكمّ

سكَـر لثوانيِ بهدوءّ ، كأن عقله رِجع له نوعاً ما ، استوعبّ انه بموقفِ المُغفل عند أبوه ، استوعبِ ان فيه اُنثى بجنبه جَرحها لحتى ما بِقى للجرح مُسمى بقلبها ~

لف أنظَاره لهاّ ،صارت من الاوائلّ بحياته ، او يمكن الأولى بقَلبه بعدِ نهيِان طبعاً ، للأسف من كثّر حُبه لها اللي ما يعرفِ يترجمه ابداً بالحكيِ ، ما يعرف يصيغه ويوصله لها يجرحها ~

كانت ضَامه رجـولها لصَدره وسانده رآسها لـ الكنبَه ، نايمه ، او تمثّل النوم ما يدريِ ~

قَـام بـ ارتبِاك لثوانيِ وهو يجِلس بـ جنبها ، مَد ايده لـ ايدها لثوانيّ ؛ مـلآذ

فِتحت عيـونها ، من فَرط تعبِها للحيِن ما إستوعبِ قلبها غير انه انجَرح ، صار لها من أمسِ وهيّ تتحاول تتخلصِ من طاقتها السلبية منه ومن علاقتهمّ اللي كل ما زانِت ، رِجعت وطاحت بـ القاع ، وقت انها تِو ، رجعت لـ ملآذ القديمه وحيِاتها الإيجابيه ، يأذيها بشكل هو بنفسه ما يسِتوعبه ~

مـلآذ وهي تشتت أنظارها بعيّد ؛ بتّـال جاء ؟

حـاكمِ وهو يمسك ايديها لثوانّي ، مُرتبك وكأنه بـ ساحة حَرب ؛..قلت له لا يجيّ

ابتسِمت بشبه سخَريه وهي تشتت أنظارها بعيِد عنه ، ما ودها تواجهه لانها مباشره بتعّلن الضعَف وتِسمح لـ دموعها تتمّرد ، ما تزيده دمِوعها الا شرارة غَضب انها تبّكي ، وانه بكَاها ~

لاولّ مره يمَسك ايدها بـ ايديه الثنتينّ ~

تجاهلّته تماماً وهي تمد ايدها تآخذ جـوالها من خلفه ، تغيّرت كاملَ ملامحها من رآسه اللي صار بجنبّ رآسها رَغم انهم متعاكِسين الإتجاه ~

كـانت سانده نفسها على ظهر الكنبه ورجولها ضامتهَا لصدرهَا ، وهو جَالس مقابل لها على طَرف الكَنبه ~

تغيِرت ملامحَها من قُرب وجهه من اُذنها ، كِيف ماسك ايدها بـ ايديه الثنتينِ ، وكيِف جالسه تحِس بـ انفاسه بـ جِنب عُنقها ،همسِ ولاولّ مَره يعتِذر لها بصَريحّ العبارة " آسـف " ،

ابعدِت عنه لثوانيِ وهي تناظِره ، ألجمها تماماً من باسِ ايدها وهو يناظر بعيِونها ؛ لا تَزعلّين يا مَال الغنَاه ، ما عاشّ من يزعلك ولو إنه أنا !

لثوانيِ ما تدريِ ليه ارتبِكت ، من كِلمته يمّكن ، او من عيونه الليِ ابداً مو حاده هالحّين ~

حاكم وهو يشتت أنظَاره بعيِد ؛ ما جيّت ناوي الحَرش والهَواشّ ، جيِت بـ داعيّ الشوق وجبتي لي سبب ما يهِز الثَقل

مـا تدريّ ليه ساكته تماماً قِدامه ، الواضحّ ان تفكَيره بـ أكَمله مُشوشّ ~

حنى رآسه لثوانيِ وهو يبعثَر شعره ؛ أقول لك شيءّ ؟

هزت رآسها بـ ايه ، ابتسم بشبه غَرابه لثوانيِ ؛..

_

« بيـت أبـو جـابر »

متمددة بـ غُرفتها وكَـامل تفكيرها بـ هُذام ، واللي حصَل بـ الأمسِ ، ماسكه ايدهِا وكـ أنه لازال للحِين ماسكها ، ما تدريِ تبتسم ولا تبكيِ ، ينتابها الفَرح ولا الحِزن ما تدريّ ، ابِتسمت لـثوانيِ وهي تضم ايدها بـ ايدها الأُخرى ، رغم انه نِزع ذراعها من سحَبها الا إنه اعتذر من مِسك كفّها بـ حنيه ~ '

« بـ الأمَـس ، عنـد المطـعم »

خِـرجت وهيِ مصَـدومهِ من إيد هُذام اللي تشّد على ريهـام قِدامه رَغم ان عيِونه عليهَا ، كانت بتمِشي لـ عندّ صحباتها اللي واقفين بعيِد الاّ إنه سحَبها مع ذراعهَا بقوه وهو يرجعها قِدامه ؛ ..._هتَــان !

هّـتان بشبه حده ؛ إتِـرك !

سحّبها بقوة وهو يرجعها قدامه تحت أنظَار صحباتها ، ارتخَت نظراتهِ لثوانيِ وهو يمسك ايدَها ؛ هَـتان ، اسمعينِي !

ناظِرته لثوانيّ بتوتر وتردد ، ابتسم من فَرط توتره وهو مايدرِي وش يقول ؛ إنِي أعرفك من بين الكلَ ما يعنيِ لك شيءِ ؟

هَـتان بتردد وهي تحس فيه ماسك كفَها ، ماسك قلبها مو كفِها من حلو مَسكته ؛ ريِـهام ، وشَ علاقتك معاها ! ليه عيونك معيِ وايدك بـ ايدها !

هُـذام بهدوءّ ؛ زَوجه ابِوي ، والله انِي من فَرط الشعِور اللي داهمنِي يا بنت سامِي ما أعرف ان كنت ماسك إيد لو رِجل ، ما أعرف الا إن عيونك كانت قِباليِ وتعدتني !

ابتَسمت بتِوتر لثوانيّ ؛ وش هو الشُعور ؟

ابتسَـم وهو يتَرك ايدهاَ ؛خليها على ربَك ، أنا يكفينيِ لـ الليِلة وهالشهَر إن عيِونك ابتسَمت ليّ !!

ابتسْمت بخجلَ وتوتر لثوانيّ ، شلِون هم فاهمين على بعَض لكن للحين ما تقِدم واحد فيهم وقال للثّاني عن شعُوره ، من عيونه واضِح يحبهاّ ، ومن عيِونها هايمه فيه ، هُذام خَـايفِ من الرَفض بالنسِبه لـ فَرق العُمر بينهم ، 14 سنَه مو قليلّ ابداً ~

_

« بيـت حـاكمّ »

ايدها ممِتدَه لـ شعره الأسَود الفـاحمّ تداعبه ، كان متمدد بحُضنها وايده بـ ايدها والأُخرى بجنبِ خصرها ، رآسه على بطنهاَ وجسده نوعاً ما قريبِ من جسدها ، قال لهِا إن عِنده أُخت وهو شِبه مبتسم ابِتسامه غَريبه ما عِرفت معناها ، شكِت انه بيتأثر ومبَاشره حُضنته ، يعّز عليها تأثَره حتى لو كَان جـارحِها ، يابخَته بـ حُبها لو يِقدّره شويّ ، بس شويِ ويسمح لنفسه يحبهَا ويترك ثِقله ، ما بتعِيب عليه ولا بتستغِل ثِقله ضده ، ينزع الصلابه ويلجأ لها ما بتِمنعه ، بتكون أسعَد من أي احدِ وأي شيء بـ الدنيا ~

مَـلآذ بتردد ؛ صاحـي ؟

هز رآسـه بـ ايه بدون لا يتِكلم ، لا زَال يتأملِ بـ ايدها ونِعومتها وحَجمها بالنسبَه لـ ايده ، فَرقِ بين دلع السنِين اللي يبينِ على ايدها ، وقسَوة الدهر والظروفِ على ايده ~

مـلآذ بتـردد وهيِ تلعب بشَعره ؛ معصِب ليّه ؟

حـاكمِ بهدوء ؛...مصَـدوم

ابتَـسمت لثوانيِ وهي تسمع صوت جـواله ، اخَذه وهو يرد علَى نهيِان ، هالمّره غيـر ، على سبيكِر رُغم انه ما قِد سواها ، وخصوصاً لو كان يحاكيّ نهيان ~

نهيِـان وداخله يبِتسم ؛ يا حـاكمِ ، والله اِنّا من درينِا بجيّتك ، ما بِقى بـ البيّت باب الا ومشّـرع !

ابتَسم لثوانّي ؛ العصر جايِ ان شاء الله

ابتَسـم نهيان وهو يودعه ويسكّر ، رفع عيونه لناحيتها ولازاَل بـ حُضنها ، قد ايشّ يصير لطيف بهالشكَل ما تدريّ ، بس اللي تَدري فيه اِن اثنينهمّ يحبون بعَض ، قَام وشِبه حس بـ أنانيته انهّ متوسّد حُضنها صار له ساعات ومانِعها من حُضنه والراحه ، مـلآذ وهي تتوقعه بيمِشي بتردد ؛ ليه مصَدوم ؟

تكـى بجنبها وهو يناظر اللابِتوب ؛ كلِ هالسنين ، وما عَرفت انه عنِدي اخِت ، ولا عَرفت ان الوالدِ متزوج على اُمي وان زوجته متوفيه من زمان !

مـلآذ وهيِ تزم شفايفها : مَو شَرط تِعرف كِل شيء !

حـاكمِ وهو يِحك حـواجبه ؛ وش رآيك تصعَدين معيّ فوق ؟

ناظرته لثواني بـ استغراب وسُرعان ما هزت رآسها بالنفيّ برعب ؛ ابداً وبتاتاً البتّه ! هنا عاقلين

حـاكمِ وهو يناظرها : البيّت كله بيتي ، لو أبي قُربك والوَصل ما يفرّق معي المكان

تَوردتَ مـلامحها منه ، لف أنظاره لـ ساعه معصمها وهو يعْقد حواجبه ؛ باقيّ على العَصر نص ساعة ، ارحمينيّ !

مـلآذ بتردد ؛ وش بتسوي ؟

زفَـر لثواني وهو يناظرها بسخريه ؛ بَلعب معك !

ابتسَمت وهيّ تلعب بشعَرها ، قام وهو يمِد ايده لها بهدوء بِدون لا يتكلمِ ، مسكتها وقامت بجنبه بتردد ، أخـذ جوالاته وهو يصعدَ للأعلى ؛ هذا اللي بيصيِر بيتك

فِتح باب غُرفته ، فُضول يمليها كونِه بيدخلها بحياته وعالمَه ، حتى بيته يعكسّ شخصيته الصارمة ، ما شافت لو ورده وحده بالأرجاء او لون يفرّح ابدا ~

دخِـلت الغُرفه خـلفه ، دارت أنظَـارها فيها لثوانيِ ، مرتِب أكَثر من حيـاتها ، كلِ شيء بمكـانه ومِرتبّ أكثر من اللازم ~

زمّت شفايفها لثوانيِ وهيِ تشـوف كُتب على طاولته ، فُضولاً منها توجهت لها وهي تِفتح بدايتها ~

مـلآذ بشِبه إعجَاب ؛ خـطَك ؟

جِاء من خلـفها بهدوء وهو يسكَره ؛ الوقتّ يداهمني

مـلآذ وهي تزم شفايفها ؛ نِص ساعة ما تلحق تشبع فيها ؟

حـاكمّ وهو يناظرها ؛ تعاليّ

نـزلت عـبايتها وهيِ تتركها على الكـرسي ، ابتسمت من فوضوية أوراق على الطاوله تو تنتبه لهاّ ، يعجبها أي شيء فيه يكون خارج عن النِظام والترتّيب ، تكـى على السَـرير وهو يتأملها ، الفَرق اللي بيّنهم ، والتّضاد اللي بـ شخصياتهم وأطباعهم ، ما طّيح الا حـاكم وما ذوّب الا قَلب مـلآذ ~

عدلـت بلوزتها وهيِ تجلس بجنبه ، سكر النّور من جنبه بهدوء وهو يحاوط خِصرها ، تّوترت لثواني بعَكسه ، هادئ تماماً ، تمدد بحُضـنها بكامل هدوئه وهو يعدل أكتافه ، لو تِقول ان ذراعه تكفيها ما تكِذب من فرق البُنيات بينهم ~

مد اِيـده وهو يمسك ايدها ، يا كُثر الراحه اللي بـ حُضنها واللي تصّيب حاكم من أول ما يشِم ريحِه عِطرهَا ، غمّض عيونه بهدوء وهي متوترة وكثير بعدِ ، من كُثر ما قلبها يتِسارع بدقاته تحسه مُزعج لـ حاكمّ ، ما تمِزح لكن ودها تموت بهاللحظه بس لجلّ ما تزعجه من فرط توترها ~

حـاكمِ بهدوء وهو يقيِد حركاتها ؛ ما بتهجدين يعنيّ ؟

مـلآذ بتوتر ؛ حـاكم انـا

قام وهو يبعثر شعره بـ ايده ، تكى للجهه الأُخرى وهو يدخلها بحضنه ويغمض عيونه ، تّوترت وهي ابداً مو قادرة تغمضّ عيونها اساساً من فرط توترها وخجلها ، مقابله لـ صدره وريِحه عطره تُوسدتها تماماً ، غمّض عيونه بدون لا يتكلِم وماهيّ الا ثـوانيّ ونام من فَرط تعبِه ، رفعت عيونها بعد دقائق من حسَت بـ نُومه وهيّ تتأمل مـلامِحه ، رغم انها مهلوكه الا إن الزحمه اللي بمشاعرها ، والإزعاجِ اللي بداخل قلبها وعقلها من تضارب المشاعر مِو سامح لها تغمضِ عين اصلاً ~

_

« بيــت جـابِـر »

جـالسِ يحضَـر لمـشروعه اللي بـ البحَـرين ، ابتسم من جـات وهيِ تتمدد ع السـرير بتعبِ ؛ تعِــبت

جـابر ؛وش تعَبـك ؟

رفِعت أكتافها بعدم معَـرفه وهيّ تتربع ؛ وحشَـني لؤي !

جـابر وهِو يكشّر ؛ والله إن الريِاض مرتاحه منه ومِن عناد ، خليهم الله يّدوم الهدوء علينا !

رميّت المخده يليِ بجنبها عليه وهّي تقوم ، ابتسمت بعبط لثواني ؛ اِرقص معي ؟

جـابِر وهو يتكِي بعبط ؛ارقصيليّ !

وَسعت عيونها لثوانيِ وهي تدور شيء ترميه عليه ؛..وقح وقح وقح !

ضحك وهو يقوم ويرسل لها بوسه ؛ انا ماشي طوّل الله عُمرك ، تآمرين بشيء ؟

مَيـلت شفايفها لثوانيِ وهي تناظره ؛ ايه ، ممكن تسكر البابّ وراك ؟

ضحك وهو يرجع لعندها ، لمسِ طرف أنفها بـ إصبعه ؛ لا تلعبِين معي !

كشَرت لثوانيِ وهي تقلد نبرته ؛ لا تلعبيِن معي ! أقول هيه !

ضحك غصبّ عنه وهو يسمع صوت الجَرس ؛ الله أعلم إنه أبوك ، تنزلين ولا أشيلك ؟

حنّين بسخريه وهي تعدل لبسها ؛ شيّل أوراقك ،يلا حبيبي عندك اجتماع الله معاك !

جـابر ؛ والله ياهو يبيلك تكسير رأس اليوم ،عشان أبوك جاي تتقوين يعني ؟

ابتسمت وهي ترفع كتوفها ؛ يمكن ايوا ويمكن لا !

ضحك وهو ينِزل وهي نزلت ركض قبله لـ ابوها ،فتحت البابّ وسرعان ما شهقت من شافت اُمها وهيِ تحضنها ~

ضحك جابـر وهو يسَلم على أهلها ويخَرج ، شايل هَم غيرتها الشنيعه من الحّين من تعرف إن نصف اللي معاه بالمشروع إنَـاث ~

_

« بِــيت نهــيان »

دخـل حـاكمّ وسُرعان ما استَـبشر وجه نهيـان وهو يهليّ به ~

نهيـان بـ ابتسامه ؛لِـيه تَـركت دورتك !

ابتسم حـاكمّ وهو يناظَـره ؛ دعَـانّي الشُوق يالغـاليّ

جات فاطِمـه وهي شاَيـله ورد وتبتسِم ؛ وأنا من الَوجـد لبّيته !

ضحك نهيـان وهُو يشـوف مـلآذ خلفه ؛ وصلتنّي علومك ، لا تكِون تعبت بنتنا ؟

حـاكمّ ؛ ما تعَـبنا أحدَ ولله الحَـمد

فاطـمه ؛ تغديِتوا لو أجِيب لـُكم ؟

حـاكمِ ؛ تغدينا كثَر الله خيّرك ،وش هالورد ؟

ابتسَمت فاطمه لثوانيِ ؛أخاف تغار ، هاك يُمه ملآذ من خَـالك !

ميّل شفايفه لثواني وهو يرفع حواجبه ، شتت أنظاره بعيدِ وهو يقربِ لعند نهيّان عن يمينه ، رفع ايده وهو يحك ذقنه لجلِ يهمس لـ جده بدون لا يسمعه أحد ؛ الساحرة ، جات لسعِود بالمستشفى ، طّيرت عقله وتوعدتنيّ !

نهيِـان بشبه خَوف ؛ يا حـاكمّ

حـاكم بهدوء ؛ لا تخَـاف ، تشبكِت علي الأمور لجلّ الدورة وموضوعها ، نِزل لي مرسـوم توّه ، تكلّفت بـ القّوات المُسلحة يا نهّـيان !

نهيِـان وهو يتذكر التاريخ ؛ ١٣ إبريل ،السنه يليِ فاتت بهاليومِ إنت ترقِيت لـ رُتبَه الفريق صحّ !

هـز رآسه بـ ايه وهو يناظرِ ملآذ ورجّع أنظاره لـ جده ؛ بيصير فيه ظُلم كثير !

نهّـيان بهدوء ؛ فخَر ، بتفخر فيك وماهُو ظُلم لها ابد

بتنشغِل ،بس حق الحياة يبقى له حقّه ، ولا ياحاكم ؟ دام الشِوق دعَاك وإنت بدورتك ، بيدعيك وإنت على مكتبك وكثير بعدِ ،بس قول لها ، لا تتركها كذا !

زفر حـاكمّ لثواني ؛..

_

٠٠٠٠٠٠٠

قراءه ممتعه