رواية يأس القلوب الفصل السادس والأربعون 46 - بقلم رودة

مثل كل يوم أرد تعبان وأشمر روحي بفراشي ويلوليلي التعب وأغفى مثل كل يوم..أگول الدنيا ما تسوه ريحـانة "كلت لسارة واني امسح دموعي: مادري سارة، بس باعي بطني ضلت تأذيني حـيل." "كالت بعصبي وهية تعدلي المخدات ورة ضهري: اي غير كلة من ورة بجيج ولطمج؟ تمددي لا يصير بيج شي." تمددت وبطني تقلصات موتتني. "كتلها: سارة بطنيي موتتني." باوعتلي بقلق وكالت: "رايحة اصيح ماما."

طلعت من الغرفة واني اتكلب علئ الجرباية من وجع بطني بجهة ومن باسل بجهة ودموعي عشرة عشرة. مااحس الة انفتح باب الغرفة ودخلوا بابا وماما وراهم سارة. ركضتلي ماما وكالت بخوف: "هاي حبيبتي شبيج؟ "كتلهة واني اضغط علئ ايدي حيل بطني: ماما موتتنيي بطنيي." وشهكت وبابا متكرفس بالكاع ويمسد علئ راسي بقلق. "كالت ماما: شاربة الدووة مالتج اليوم لو لا! هزيت راسي وكتلها ودموعي تنزل: لا، مشتاقة لأخو ماما. بطنيي وضميت وجهي بالمخدة وأشهق.

صاحت علئ سارة: جابت الدوا بساع. شربتني وعدلت نومتي وكعدت يمي وتمسد علئ راسي وتقرا آيات. وبابا يفتر بالغرفة وكلساع يباوعلي. واني ربع ساعة وهدأت. بدأ مفعول الدوا وشوية راح الوجع. تنهدت براحة وماما تمسح بدموعي وتبجي وياي. ضليت أسحب نفس شوية شوية، ما أكدر وأحس روحي صرت نار. دخلت سارة للغرفة، مدري شكالت لبابا وطلع. وهية باوعتلي وابتسمت وهزت راسها. واني مستغربة. شبيها؟

غمضت عيوني بوجع وأسحب نفس علئ كيف، وأخاف أتحرك لانوب يرجعلي الوجع. ضليت جامدة بمكاني وعيوني ذبلانات من ورا البجي. وبابا صاح ماما وراحت. وبقيت بس اني بالغرفة وسمعت بابا يكول: تفضل عمي. صدك جذب، البيت بيتك. واني كلبي رجف وكبل دموعي نزلت. كمت علئ كيفي دخلت للحمام وسديت الباب وانتجيت عليه وأبجي وأردد: اجة، والله اجة. صحت علئ صوت بابا وهوة يكول: ريحانة، افتحي الباب. بلعت ريكي وكتلة واني بالكوة أحجي: دقيقة بابا.

غسلت وجهي ونشفته وفتحت الباب علئ كيفي وأحس كلبي فرفح. باسل منتجي علئ باب الغرفة ومكتف أديه وبابا واكف يمة. رجف جسمي. انتجيت علئ الباب وعيوني غوركن بالدموع. ما أحس إلا بابا طلع وسد الباب وراه. واني أباوع علئ باسل ودموعي تنزل. مشتاقتله حييييل، حييييل، حييييل. باوعتلة ببرائة وعيوني مدمعة ومبرطمة. وهوة مبين القلق بعيونه ومن رجفة ايده. ما تحملت بجيت وخليت أدية علئ وجهي وكلت وصوتي يرجف: ببجي، نسيتني وبعد ما تريدني؟

كال وهوة يمسح وجهة: ماناسيج، بوية. ماناسيج. انة منتظرج تفكديني... منتظر هذا كلبج يحن علية. وتنهد وكال: وين اكو واحد ما يريد روحة؟ وفتح أديه الية. واني ما تحملت مشيت بساع وشمرت روحي بحضنه وبجيت حييل. وهوة شبكني واني أبجي وأردد: آسفة، والله آسفة. وهوة يبوس براسي ويهدأ بيه. واني روحي فرفحت. كال بهدوء وعيونه حمر ويباوع بعيوني ويمسح دموعي:

كافي، بوية. لاتبجين. كافي. هاي اني يمج، بعد ما أعوفج. واني الغلطان مو انت. بس كافي بجي. موروحي راحت واني أشوفج تبجين. وباسني بخدي. واني شبكته حيييل. كعد علئ الجرباية وكعدني بحضنه علئ رجله ويمسح بدموعي ويهمس بهدوء: حبيبة روحي، ليش متعبة هالعيون الحلوات؟ ليش هالبجي؟ باباتي اهدئي. كافي. يلا جري نفس علئ كيفج. لا يصير بيج شي. يا كلب باسل وروحة وعمرة انت. ابتسمت بهدوء وجاي أحجي. وسحب إيديني باسهم وكال:

اشش، كافي. كلشي لا تحجين ولا تعتذرين ولا تبررين. فاهمج بدون تبرير. وأدري موبقصدج وحجيتي هذا الكلام وتندمتي. باوعتلة وعيوني مدمعة وهمست: والله اني أحبك. باس إيدي حيل وهمس: والله اني أموت عليج. وضمني لصدرة التعبان. ويمسد علئ شعري وكال: بعدها بطنج توجعج، بوية؟ رفعت راسي وكتلة واني أباوع بعيونه: هاهية. من شفتك صرت زينة. بعد كلشي ما أريد. بس انت. أريدك. ومسد بأيدي علئ وجهه. باسها وكال: بعد

أريد وحدة تكول من نتعارك: وديني لأهلي، ألا أدوس ببطنها. كتلة واني مبتسمة: بعد كلة أكلك، أخذني لحضنك. ضحك. واني ابتسمت علئ ضحكته. همست بهدوء: الله شكد مشتاقتلك. والله وداعتك، هسة يالة صرت زينة. لين اني بدونك أبد مو زينة. باوع بعيوني وكال: ولا اني الزين. كلش تعبان من دونج. ضربته بخفة علئ صدره وكتلة: شلونها اربيل؟ ضحك وكال: كلش زينة. تسلم عليج. ولمس بطني وهمس: شلونهم الحلوين؟ يمة، من لزم بطني كزكزت. كتلة بفرح:

اثنين مو واحد ببطني. ضحك وكال: أي، اثنين. تمدد علئ الجرباية وشبكني وصافن بعيوني ومبتسم. كتلة: ها، شبيك؟ تنهد وهمس: مشتاقتلك. شنو مامسموح الي أباوع بهل عيون الحلوات الي يسحنن الروح؟ ابتسمت بخجل وصدمني. من لزمني من خدودي وضل يعت بيهم ويكول: باعي، ثاني مرة إذا تعاركنا وعفتيني، ألعب بيج طوبة. ضحكت وكتلة بوجع: ياباسل، عوفني. عضني بخدي وكال: ما أعوفج، سمعتي؟ وضل يدغدغ بيه واني أروح منا وأجي منا. آخر شي كتلة:

هية الجرباية هالكدوتها راح نوقع ونتكسر. خنكني بالمخدة وكال: تعوفينييييي بعددد؟ كتلة واني أدفع بيه: لا، والله ما أعوفك. وخر خنكتنيييي. لزمني من فكي عصره وكال: تعوفيني بعددد؟ كتلة واني سكرانة من الضحك: ما أعوفك، والله ما أعوفك. كرصني وكال: عفية، خوش بنية. وضلينه نسولف ونضحك. وعود شوية وكلي راح أروح. وكتلة:

بعد شوية أبقى. طب هذا غفة يمي. متتت. فد فرحت. شبكته وأباوع بوجهه ومبين عليه التعب. أبوس بوجهه وأمسد علئ كيفي وهوة رايح بسابع نومة. شبكته حيل وكتلة: أحبك. وشوية ونمت. سارة دكيت باب غرفة حسين ودخلت. لكيته متمدد ويباوع علئ الفلم. كتلة: هلاو عيني، تستقبلني يمك؟ كال وهوة يكرس حب: تعالي، خلي نتعارك شوية. أونّس عليج. كتلة: لا حسين، الله عليك. مابية حيل. انعس. أرد أنام. وشسمة، ريحانة مريضة. كمز كال: شبيها؟

وكام جاي يروح الها. كتلة: هوب هوب، يمها باسل. ترا كال شوكت اجة؟ شو مادري. كتلة: هوة محد يدري. صارت بساع بساع. هز راسه ورجع كعد. باوعلي وكال: تعالي، باوعي وياي فلم حلو. كعدت يمه علئ الجرباية وأكرس حب وأباوع وياه. وكلساع يشمر بحضني. كشر وانتملخ. وكلساع يجرني من شعري ويكلي: شوفي شوفي، راح يموت. وهوة جذب. محد يموت. آخر شي غفيت وهوة علئ أساس محاوطني بيده، بس هوة خانكني. طالب

كاعد بالاستقبال وجوري تفتر بالاستقبال وتروح منا وتجي منا. كتلهة: رحمة لمحمد، اكعدي. والله قلقتيني. مابيها شي. اهدئي. كالت: خاف بعدهة متوجعة. أروح أشوفها. خزرتها وكلت: وين ترحين؟ الولد يمها. اكعدي. مابيهة شي. هسة تصير زينة. تنهدت وكعدت يمي وكالت: انت فد تقلق الواحد. خليتني ما أعرف شسوي. كتلها: ها، يعني هسة صرت اني الي أقلق؟ خوش عليج. دشوفي روحج ونوب تعالي علية. كالت وهية تباوعلي: بت عين، وشبية عيني؟

أخبل لو صرنة منعجب؟ خليت رجل علئ رجل وطكيت أصابعي وكتلها: يمكن شمدريني؟ أشوعاجبني أجدد. باوعتلي بعصبية وكالت: خوش لعد، اليوم أبقة نايم هنا بالاستقبال. وخلي نسيبك هم يجي ينام يمك. لا تجي للغرفة، خوش. وطلعت. ضحكت ومسحت كصتي وكلت: هاي تاليها يا طالب تنطرد من غرفتك وما تكدر تحجي؟ باوعت للساعة بـ 12. صارت زحمة وعيب باسل بعد يطلع هيج وكت. خلي يبات أحسن. وباجر إن شاء الله ينحل كلشي. وفزيت علئ صوت جوري.

رفعت راسي كتلها: ها، شتردين؟ كالت وهية تحاول متباوع بوجهي: كوم نام. شعندك كاعد؟ كتلها: مو كتيلي لاتجي؟ شكو اجيتيني؟ كالت: ها، يعني كيفت من كتلك لاتجي؟ خوش طالب. ضحكت وكتلها: شو تعالي يمي، تعالي. تقربت بهدوء. سحبتها من أيدها وكلت: شبيها الحلوة ضايجة ومعصبة؟ كالت: غير انت تضوجني. تكلي أريد أجدد. ابتسمت وكتلها: وتتوقعين أسويها؟ تنهدت وكالت: أكيد لا. كتلها: لعد هاهية. وكمت سحبتها

لحضني وبست راسها وكلت: الأصل بوية انت الأصل. ومشينا للغرفة. واني حاضنها. دخلت تمددت علئ الجرباية وهية يمي. شبكتها ونمت. في اليوم التالي باسل

فزيت الصبح متكسر تكسر. فتحت عيوني علئ كيف. لكيت ريحانة شابكتني عبالك جاي أشرد منها. واني محاوطها. بوياي، شكد مشتاق لهذا المنظر. أخذتني النومة ونسيت وما رحت. عدلت شعرها صاير علئ وجها ومضايقها. ابتسمت واني أمسد علئ وجها بحنية. مشتاقلها حيل حيل. ما أريد شي من هالدنيا بس هية. أريدها. تذكرت البارحة من خابرتني وبس تبجي. بوية، شصار بيه. اجيتها وروحي رايحة مني ولكيت حالها ما يسر. نسيت كلشي صار وكل الزعل من شفتها. وماردت شي بس ردت أسكتها وأضمها. أحضنها حتى تهدأ. لين بوية أحس كلبي يبجي عليها من يشوفها هيج.

بستها بهدوء وهمست: أحبج ريحانتي. وضليت أتمعن بتفاصيل وجها. مثل كل مرة تنسحن روحي من أشوفها. تلمست بطنها بهدوء. الله، هيج وبنية وتشبها؟ وأصبح بوجوهم كاليومية. أبوس أيدي وجه وكفة. تلمست عيونها بهدوء وهمست: هاهية، بعد دمعة وحدة من عندج ما أنزل، لو تدوسين ببطني وتطلعين روحي. هم قابل. وشوية وتحركت وفتحت عيونها بهدوء. شافتني كاعد ابتسمت وكالت بنعاس: كعدت. كتلها: صح النوم يحلو. كالت: صباح الخير حبيبي.

بستها بخدها وكلت: صباح النور ياروحي. شبكتني وكالت: شوكت كعدت؟ كتلها: هستوني. وهسة لازم أروح. زحمة اتاخرت. ونوب بتّيت هنا. باوعتلي بتك عين وكالت: لا تحجي هيج. خوش. لا أدوس ببطنك. ضحكت وكتلها: شنو تبدلت الأدوار؟ مجنت اني الأدوس ببطنج؟ ضحكت وكامت وكالت: يلا كوم خلي ننزل نتريك. كتلها: ما أريد. بس أغسل وأروح. كالت وهية تجرني: دكوم كوم.

سحبتني للحمام الي بالغرفة. غسلت وكملت. طلعت أنشف بشعري. لكيتها تمشط بشعرها. صرت وراها وأخذت المشط وضليت أمشط الها. وهية شامرة روحها بحضني. شلون أمشط مادري. كملت الها وهية ضفرته وكالت: يلا خلي ننزل. سحبت مبايلي والمحفظة وفتحت الباب. طلعت ونزلنا الدرج ودخلنا للاستقبال. عمي كاعد. صبحت عليه وكعدت وكتلة: اعذرني، أخذتني النومة وبقيت هنا.

كال: لا يابة، شسالفة. البيت بيتك. لا تحجي هيج. وهسة جاي يحضرون بالريوك للنسيب. جا بعد شتريد؟ ماتكلي. ضحكت وكتلة: ماتقصرون. وريحانة كاعدة يمي ومنتچية علئ كتفي والابتسامة شاكة الحلك. فضحتنا. كال عمي وهوة مبتسم: الظاهر الأمور طيبة اليوم؟ هزيت راسي وكتلة: الحمد الله. وضلينا نسولف. ريحانة كاعدة يم باسل ومبتسمة. واليوم نفسيتي تمام التمام والحمد الله. وجع بطني رايح. شوية وكعدنا نتريك. وحسين نزل وضل يسولف وهوة وباسل ويضحكون.

وحسين كال: طبعاً باسل، ما أجذب علية. تدري بية أحبك وانت أخوي. هاي ريحانة تكوم وتكعد تسب بيك. فتحت عيوني وكتلة: يا يا يا، والعباس جذاب. لا تصدك بيه. باسل هز راسة وضحك. وحسين كال: وانت هم ما أجذب عليج. لين أختي وأحبج. باسل كاليومية وية بنية ويقشمر عليج. تؤتؤ، الله يصلحكم.

باسل كله: ماشاء عليك. تحب تهدم بيوت. ونسولف ونضحك. وهالمرة بابا ما حجة علينة. يباوع علينا ويضحك. من كملنا ريوك بابا حجة ويانا اني وباسل. وشسمة، حذرني ما أجفص بالحجي ولا أضم عليه. وشوية وباسل كال: حضري نفسج خلي نروح. ابتسمت وكتلة: تمام. صعدت حضرت نفسي. وسارة تباوعلي واني أبـدل. وعيونها مدمعة. من كملت شبكتني وكالت: تعودت عليج. بستها وكلت: لا تنقهرين يروحي. والله ما أتأخر. هم أجيك. ما أتأخر.

هزت راسها وكال: ديربالج علئ روحج. وماتنسين كل يوم نتخابر ونسولف. وبالجامعة نلتقي وية نازك سوية. ابتسمت وكتلها: تدللين. رجعت بستها وحضنتني. ونزلت. وماما هم بوستني. وضلت تنصح بيه وتكلي: ديربالج علئ نفسج ولاتتعبين روحج. ودواج أهم شي.

بستها وكلت: إن شاء الله ياقلبي انت. طلعت لكيتهم بالكراج. سلمت علئ بابا وحسين. وصعدت بالسيارة وحرك باسل يسوق. وكلساع يباوعلي ويبتسم. واني فد فرحانة والحمد الله تصلح كلشي بيناتنا. شوية ووصلنا للبيت. من صدك كلش مشتاقة لعمو وعمة. وكلبي طاك عليهم. نزلنا دخلنا للبيت. ولكينا عمتي بالمطبخ.

كبل شبكتني وكالت: يمة هلا نور البيت. وضلت تبوس بيه واني مبتسمة. وبعدين رحت سلمت علئ عمو وصعدت فوك. والغرفة مكلوبة كلاب. وشوية وصعد باسل. واني بدلت. لبست دشداشتي القصيرة وبديت أنظف. شلت النزلة ووجوه المخاد خليتهم بالغسالة. وطلعت نزلة جديد فرشتها وكنست الغرفة. وهوة أخذ ملابس ودخل يسبح. وبعدين مسحت الكاع والاثاث ورشيت معطر وشغلت السبلت. وطلعت الي ملابس أدخل أسبح. طلع باسل واني دخلت سبحت. وشوية وطلعت. لكيته كاعد يشتغل بالحاسبة. وكفت. مشطت. سويت شعري كباية ورشيت عطر وخليت تنت. شوية وسحبت مبايلي وكعدت يمه أكلب بمبايلي. وهوة

من كعدت طفة الجكارة كال: مو زين عليج. وضمني لحضنه ويسوي بالحاسبة. واني أحجي وية نازك وسولفت الها وفرحت كلش. شوية وباسل سد الحاسبة وباسني بخدي وكال: شيسوي الحلو؟ كتلة: أحجي وية صديقتي نازك. شوية وكتلة: خلي ننزل يم عمة وعمو. نزلنا يمهم وكعدنا نسولف ونضحك. سارة كملت تنضيف وكعدت. وبابا جان كاعد بالاستقبال ويدخن. صاحني كال: سارة بابا، كلاص مي. كتلة: أي بابا. أخذت إلة كلاص مي وجاي أطلع وكال: شو تعالي، خلي شوية أحجي وياج.

كتلة باستغراب: بشنو؟ كال: شو اكعدي وأنت تعرفين. كعدت. طفى الجكارة وكال: تعرفين أمير ابن جيرانة متقدم الج. هوة كال هيج. واني صرت صفرة. بلعت ريكي وكتلة واني أضغط علئ إيدي: أي بابا. كال: خوش ولد وخلوق. ويشتغل وياي بالمركز. وسنين اني أعرفه. والنعم منه. وضل شوية يسولفلي ورجع كال: شتكولين بابا؟ موافقة لو لا؟ ما أجبرج اني. التريديه يصير. يمة، هوة يحجي واني مسحونة روحي وساكتة. كلشي ما أحجي. رجع كال: ها بابا، شتكولين؟

طقطقت أصابعي بقلق وكتلة: الي يعجبك بابا. انت تعرف مصلحتي شنو. فشنو تكول؟ ما عندي أي مانع. ابتسم وكال: شو تعالي يمي. كمت شبكني حيل وكال: أروح فدوة بنيتي. وباسني براسي. واني يمة. ما أسولف الكم شصار بيه. رفعت راسي وكال: يعني نكول خيرا علئ خير ونرد الموافقة. هزيت راسي بخجل. وهوة باسني براسي وكال: ألف مبروك مقدماً. باباتي.

همست: الله يبارك بيك. وكمت ركض. طلعت من الاستقبال. صعدت للغرفة وسديت الباب وانتجيت عليه. وأحس كلبي راح يوكف. يايمة وصرت حمرة دم. عزا، هاي اني من شوكت أخجل؟ دخلت للحمام أغسل بوجهي وأرجع ليورة. طلعت من الحمام وانفتح الباب ودخلت ماما مبتسمة. وكبل شبكتني وكالت: شايفة كل الخير يروح أمي. انت يمة بناتي كلهن كبرن وصارن عرايس. وهية تحجي. كتلة ودموعي بعيني: ماما، والله راح أموت من الخجل. مامتعودة هيج.

ضحكت علية وكالت: اهدئي. هاهية اهدئي. وضلت تضحك علية. وشوية ونزلت واني كاعدة وأيدي علئ خدي وصافنة ومبتسمة. خرب حظي. عود راح أصير مرة مرتبطة. مو سنكل بائسة. اف كبرنا كبرنا. متتت. لا يعني جديات. عود راح أصير بعد علية مسؤولية وهالسوالف. اححح. وواحد يكلي أحبج. وأكلة رحم الله والديك. الله.