رواية يأس القلوب الفصل الخامس والأربعون 45 - بقلم رودة

والله نكتة تموت من الضحك بقيت أضحك وأون من كثر ما حلوة سارة فزيت على مي بارد ينذب على وجهي شهقت وأيدي على قلبي أبصّ كلّهم متجمّعين عليّ. كالت غصون: "حبيبتي بيج شي." بس من رخصتكم قعدت، ممكن توخرون؟ وكلّها تفرّقت وأنا أحسّ قلبي يريد يطلع من مكانه. عزّى العزّاج يا سويرة، انفضحتي. قعدت غصون يمي تعدّلي بالشال وكالت: "شبيج يا معودة؟ شنو انسحنت روحج من قلت لج يريد يخطبج؟ بلعت ريكي وقلت لها:

"ها لا، مو ما متريّكة مولهذا السبب، هههه." شسالفة غصون؟ كالت: "ها لعد المرة الجاية تريّكي." هزيت راسي وكالت رنا: "شسمه سارة، نرجع لموضوعنا زين، سارة يعني أنتِ ما عندج علاقة بشخص أو عايشة قصة حب؟ يعني منريد نتقدّم ونحرّجج، فقولي لي من هسة إذا تحبين أحد علمود نكنسل الموضوع." بلعت ريكي وقلت لها وقلبي يرقص جوبي: "ههه، لا حبيبتي وين؟ أنا إنسانة ما أعرف غير حب الله والوطن." باوعت على غصون وضحكت وغمزت لها. تخزيت وانشهرت.

سحبت جنطتي وقلت لها: "أنا رايحة، تأخرت على المحاضرة، باي." كمت أمشي على السريع وروحي مسحونة، انفضحتي بما فيه الكفاية. خابرت على ريحانة قلت لها: "أنتِ وين؟ كالت: "بالنادي." قلت لها: "جايتج." تمشيت للنادي دخلت لقيتها قاعدة بالأخير هي ونازك. سحبت كرسي وقعدت وقلت لهم وأنا أهفّ: "ولك يمة الحكولي، انسحنت روحي." كالت ريحانة بخوف: "شبيج سارة؟ باوعت لها وقلت: "أمير خطبني، يمة كدّيه كتير أوي، أنا مستحملش كدة."

ريحانة صفنت وضحكت وكالت: "نفسه هذا الجنج عتوي تباوعين عليه من الشبابيك؟ هزيت راسي وقلت: "نفسه." بعد روحي، نفسه نوب معجب بيّ. أدري شعجبه؟ طيحاتي جدامه لو من هوست بالماسحة وسمعني لو من شافني وأنا أمشي بدون كعب؟ يمكن رجليناتي عجبه من شافني نازعة الكعب. ضربتني ريحانة بالجنطة وكالت: "وسم، دسكتي خلي نفهم الموضوع، يعني هو حاجاج؟ قلت لها بحسرة: "وين يا معودة؟

هو غير أخواته حاجنّي وانغمّن عليّ وكعدوني بمي بارد وانشهرت بين الناس. هسة شكد عيب." كالت ريحانة: "عزّا! سولفي بعد شصار." قلت لها: "شاسولف بعد؟ هنة كومة فضايح. المهم كلت لي تحبين لو لا؟ قلت لها أنا ما أعرف غير حب الله والوطن." استحيت أقول لها أحب أخوج. هزت إيدها وكالت: "هيه بس هاي عوزها تحجيها، بعد طركاعة طاحت عليج يا سارة." كالت نازك بعدم فهم: "فهموني يجماعة شديصير؟ حالي حال الأطرش وكاعد بالزفة."

قلت لها وأنا أحكي بسرعة: "باختصار، نازك، واحد جيرانة أسمر وطويل ومعضل، بوياي وضابط وأراقبه من الشباك وكم مرة لافّني أبصّ عليه وما أتوب. هسة يريد يتقدّم إلي، شتكولين أوافق لو لا؟ كالت: "بسرعة، دكومي لبسي البدلة، يمعودة وإذا ما تريدينه أنا آخذه، تهي بهي، هم عوزها تفكرين." باوعت ريحانة فحطانة من الضحك. كالت: "يمعودات، هوب هوب، اوكفن وبعدين تعالي سارة، بعدج صغيرة وينج وين الزواج؟ نجبي وكعدي." قلت لها بحسرة:

"هاي الزنود واللحم كلة وتكولين صغيرة؟ خلف الله عليج وهنة فحطن من الضحك." باوعت لهن وعيوني مدمّعة وقلت: "شبيجن؟ أحبّه والله." عابت ريحانة، مسحت دموعها ضلّت تبجي من الضحك وكالت: "خطية، الله يساعده من هسة، واحب أكول له شورطك خوية، ما دكلي؟ رمشت وقلت: "شنو؟ هنياله عليّ والله، يا الله، وين يلكى نفسي مكتئبة وفرفوشة بنفس الوقت وبالحالتين أضحك، أنومة بنكتة وأكعد بنكتة، متتتتت." وضلينا نضحك ومنا فرحانة ومنا متوترة. كالت نازك:

"يمة سارة، شنو هاي كارثة؟ أنتِ فحطتينا من الضحك، من هسة عود إذا صارت القسمة عزميني، موتنسين." قلت لها بابتسامة: "بعد روحي أنتِ، أخليج تلزميلي الموبايل مالتي، لين تدرين بيه راح أنشغل بالخطبة." رجعنا طكّينا من الضحك. ريحانة رجعنا للبيت وأنا وسارة فحطانين من الضحك. دخلت سبحت وتوضيت وطلعت مشطت شعري وصليت وقريت شوية قرآن وكمت نزلت جوة وقلت لماما: "جوعانة." كالت بحب: "تعالي يا روح أمج أنتِ."

صبّيت غدة بالاستقبال. رحت للاستقبال وقعدت أول وحدة على الصينية وصحتت: "تعالوااا تغدووووا يمعوديين." وشوية والتموا على الصينية. الله دولمة! أكل وأغمض عيوني بشهية وأكول: "الله يمة الله، عاشت إيدج أبوسها." أبوسها وهية تضحك عليّ وتكول: "ألف عافية بعد روحي." وأنا مستمرة آكل واجه بالي باسل، ديروح لاربیل يتونس. جريت سلكاية أكلتها وقلت بقلبي: "بس لا وياهم بنات؟ لا أكيد باسل ميسويها." ورجعت آكلت بعد سلكاية وقلت: "بس لا نساني؟

فزيت من صفنتي على حسين وهو يكول: "شني وين صافنات أنتِ؟ وسارة كلّنا: "خلي نصفن وياجن." كالت سارة: "شعليك أنتِ؟ خشمك هذا الي هالكبرة لا تحشره بكل شي." باوعت لخشم حسين هلكدّوته، يخبل. كلّها: "أخ سارة، أخ إذا ما نكمّل غدة والزمج من صوفتج أسحلج، ما أطلع." حسين وخزرها وهية تعيب عليها. وبابا صاح: "أي بعد، كومي عضي سارة، لا تستحين بعد أبوچ." وأنتِ: "أكلها هم لا تستحي بعد أبوك." أي من أمداكم، خلّونا نتغدى.

وسكتّهم. يمة مبين أعصاب اليوم، وأمي تاشر الهم بمعنى اسكتوا. وحسين ياشر الها ويكول بهمس: "حتى بابا لا يسمع، بوسي، خلي يهدأ." غصّيت باللكمة وسارة ضلت تدك على رجليها وتضحك وتكول وبحلكها اللكمة: "يمة حموت، يمة! وبابا لازم الخاشوكة وصافن علينا. طكّها بضحكة وكال: "طيح الله حظكم واحد واحد." وباور لامي وكال: "ما عدّاج طبعاً." ورجع كمل: "حتّى أنتِ محمد، الله يطيح حظك." محمد بحلكه اللكمة ضحك وكال: "ما عندي حظ أنا."

ورجعنا نضحك وبابا يهز إيده ويرزل بينا ويكول: "مو كايل بوكت الغدة ما أريد أسمع صوت؟ وسكتنا وهو يرزل بينا. لحد ما كملنا وكمنا ننضف وهاي، وسمعت سارة تصيح. كمت الها أشوفها، وشفت حسين حاصرها يم الثلاجة ويضرب بيها بوكسيات على كيف، ويكلها: ها بعد تحجين وياي سويرة الزركة؟ احجي شو انخلستي. كالت وهية تدفع بيه: دوخر الأسود، عابتلك راح أنتَل، وخرررر. وهو ساعة يكرصها وساعة يضربها لحد ما انكطت بحافة الكاونتر براسها وظلت تبجي.

أباوع عليه تخربطت أحواله، كبل جرها وشبكها وكال: سودة عليّ يابعد أخوج، بلا شوفيني. وهية تكلة: وخر من يمييي، خلي أكول لبابا. وخر وهو حاضنها ويدك على ضهرها ويكول: سويرة أم الكمل ماتتت، الحكوها، سويرة أم الكمل ماتتت، الحكوها. وأني فحطتتت من الضحك. وهية تبجي وتضحك، شالها وركض بيها وكال: هب هب، طارت سارة، هب هب، وسع وسع. وهية من كل عقلها فاتحة أديها وتصيح: هييييي، الحرييية.

وطب، انطكوا ببابا. أني من يمي شردت، وكفت بالاخير وبابا سحب السبحة من جيبة وكال: ضهركم يحكم، شوتعالوا. وسارة صعدت فوك وحسين طلع بالحديقة، وبقيت بس أني. باوع عليه بتك عين، وأني كتل بسرعة: والله أني معلية. همة ضحك وفتحلي أديه وركضت حضنته، ابتسم وكال: هوب هوب، على كيفج موزين عليج. وباسني براسي، وطلعت أمي من الاستقبال وشافتنا، باوعت النا بابتسامة وتقربت وكالت: شنو أني ماالي مجال؟

ضحك بابا وسحبها وضمها لحضنه، وأني مبتسمة على شكلهم. شكد حلوين. شوية ووخرت، رحت كعدت يم محمد بالاستقبال، كاعد يلعب بعلاوي. سحبت موبايلي أكلب بيه ضوجة، دخلت علئ باسل ردت أحاجيه بس تنهدت وكلت: خليه على راحته، الضاهر داسبب اله إزعاج. طالب منتجي علئ الكاونتر وهية حاضنتني، وأمسد علئ شعرها وكلت بتعب: شنو يروح التعب؟ وينهد الحيل وبكلمة منج كلشي يرجع طبيعي وأحسن من قبل، دوة جروحي انتِ، بوية دواهم. بستها بخدها وكلت: أحبج بوية.

كالت بابتسامة وهية تمسد علئ لحيتي: حبيب روحي انتِ. طلوبي، ابتسمت وكلت: عيونة اليشوف بيهم. همست: تحبني؟ تنهدت وجاوبتها: شني أحبج؟ بوية أنة مرات أحسد ثيابج لأن من عطرج شبعن شم. غمضت عيونها بخجل، وأني ضحكت، حركاتها تسحن روحي، بستها براسها وكلت: وهسة يحلوة تغديت وشربت الجاي؟ وكرصت خدها وكلت: وتعدل مزاجي، وهسة أروح أنام وأرتاحلي كم ساعة لين وراي شغل. كالت وهية تحضن أيدي بأيدها: خوش، أجي وياك.

ضحكت وضمتها لحضني وتمشينا للغرفة، دخلت وسديت الباب، تمددت وهية نامت علئ أيدي لحد ما غفيت وأني حاضنها. مريم أحمد نايم وأني متمددة يمـه، وأباوع بوجهة وأمسد على كيفي علئ خده ومبتسمة، شكد أحبه يالله. صعدت أيدي لرموشه، لحواجبه، كلشي بيه حلو. فزيت من صفنتي عليه وهو يفتح عيونه بنعاس ومبتسم ويباوع علية. ابتسمت وشبكته وكلت: صحيت حبيب روحي، اشتاقيتلك. ضمنّي لحضنه وكال: أي يابعد حيلي، أفدي اليشتاقلي. وسحب أيدي باسها، كتله:

وأني أخلي راسي علئ صدره، مشتاقة لأهلي كلش، أريد أروح لهم، أخذني حباب. كال وهو يمسد علئ شعري: موتدليين. يلا كومي بدلي أوصلج، ومن هناك أطلع عندي شغل. ابتسمت وكتله: تمام.

كمت بساع، غسلت وفتحت الكنتور، سحبت فستان مال محجبات مال طلعة، لبسته وعدلت الحزام مالته، ووكفت أمكيج وهو واكف يلبس بالقميص ويباوعلي ومبتسم. كملت مكياج، لفيت الشال وطلعت جنطة صغيرة، خليت بيها دشداشة قصيرة والموبايل والشاحنة والجزدان مالتي، وكعدت علئ الجرباية البس بالكعب والسير مالته، ضوجي ما جاي ينسد، انكسر ضهري وأني أسويه بيه وماكو. ما حسيت إلا أحمد مكرفص بالكاع ويريد يسويه. كمزت وكتله: لا وخر حبيبي، هاي راح أسويه.

كال بهدوء: اكعدي. شو كتله: أحمد. كال: اكعدي حبيبي. كعدت وهو سوالي ياه وكومني وهو مبتسم وكال: وإذا سويتلج ياه ليش تضوجين؟ كتله واني أعدل بياخة قميصه: مادري، بس هيج استحيت. ضحك وكال: تستحين مني؟ لا لا. ابتسم وهو باسني براسي وكال: أميرتي. كتله: روحها وعمرها. همس: أحبج. كتله واني أحضن أيده بأيدي: أموت عليك. ابتسم وكال: يلا نمشينا.

سحبت الجنطة وهو طلع كدامي، وأني طفيت الأضوية وقفلت الباب وطلعت، لكيته مشغل السيارة، ركبت وهو بدأ يسوق، وطول الطريق لازم أيدي وكلساع يبوسها، وأني مسحونة روحي من ورة حركاته الحلوة، لحد ما وصلنا. كتله: تنزل. باوع للساعة وكال: إن شاء الله من أجي آخذج عود أنزل، لين هسة تأخرت كلش. كتله: تمام يروحي.

باسني بخدي ونزلت، أول ما دكيت الباب شوية وفتحوه، دخلت وهو راح، حضنت علاوي وبوسته لين هو فتح الباب. دخلت جوة لكيت محمد وريحانة وحسين وسارة بالاستقبال، كتلهم بابتسامة: هلاووو، أنيييي اجييت. وهم كمزوا وسلموا علية وحسين باسني وكال: تروحلك فدوة. سارة ضحكت وبسته وكتله: مشتاقتلك. حسين كومة شبكني وكال: بعد أخوج شوف محمد محد يشتاقلك لين أنتَ حقنة صير نفسي فرفوش. ضحكنا وكتلهم: لعد ماما وبابا وين؟ كال حسين: بعشهم العصافير.

ابتسمت ونزعت الشال وكعدت يمهم، كتلها سارة: كلاص مي، عطشانة فدوة. كالت وهية تطكطك بالعلج: هذاك المطبخ بي مي، ارو ارو، وروحي شربي، أني شعلية. ضحكت وكتلها: ساعة السودة من طلبت، أكوم أني أشرب أحسلي. جاي أكوم وكالت: أشاقة يمعودة، أكعدي، رايحة أجيب لج. رايحة، كامت وريحانة كاعدة يمي، حضنتها وكلت: شلونها أختي والتؤام؟ ابتسمت وكالت: زينين، نسلم عليج. بوستها وكلت: مشتاقلج.

وضلينا نسولف لحد ما كعدوا بابا وماما وهم تلكوني، وبابا طول ما أحنا كاعدين ضامني لحضنه وكلساع بايسني براسي، وماما نفس الحالة. ريحانة صعدنا فوك بالغرفة أني وسارة ومريم، بدلت واجت كعدنا نسولف ونكرز حب، وسارة سولفت لمريم وكالعادة رجعنا خربنا من الضحك. كمت تمددت علئ الجرباية، فتحت موبايلي ودخلت لمحادثتنا أني وباسل، وما تحمّلت ودزيتله: ها ان شاء الله متونس؟ شوية وشافها وكتب: أييييي كلش فوك ما تتخيلين. بلعت ريكي بقهر وكتبت:

دوم ان شاء الله. وسديت الموبايل وعكّدت وجهي، وسارة كالت لمريم: عوفيها، اجتها الحالة هسة خمس دقايق وترجع طبيعية. وأني أخزر بيها. حسين متمدد علئ الجرباية وأباوع علئ الفلم، واجن إشعارات لموبايلي، فتحته وشفتهم من فدك، رجفت أيدي. دخلت علئ المحادثة، شفت راسلة صور إيدها وإيد واحد ولابسين حلقات وهالسوالف، وكاتبتلي جوة:

تخطيتك وعبرتك، خلي أشوف أنتَ تكدر تتخطاني. ولو أني واثقة إنو تركت شي بداخلك مراح ينُمحي وراح يسبب الك عقدة، وبعد لاتحب ولا تزوج. قريت كلامها وابتسمت وكتبت الها:

مو شرط المواقف الصعبة تكسرني، وإنما تبنيني وتوعيني، وبهذا موقفج وكلامج محيتي كلشي بداخلي، وما عدت أحمل الج ذرة حب بداخلي. وشي عابر وراح وانتهى، وجانت تجربة استفاديت منها بحياتي، وركزي زين استفاديت منها مو منج، لين أنتِ كل خير ما يجي منج يا ناكرة، ويجي يوم وترجعيلي برجليج، وأحب أكلج من هسة لا ترجعين، ضلي بندمج. أني ما أباوع للورة بعد، والله يوفقج ويكتب الج الحياة السعيدة. شافت الرسائل جاي تكتب، وانطيتها بلوك

وتنهدت وكلت بتعب وقهر: أي دولي، خرب باللحظة العرفتج بيها، وامدة هيج صدفة عرفتني عليج. أتخطاج وأعبرج وأنسـاج هم، لو مو عشرة وحب سنين علئ هاي سويتج، كلشي انمحى وراح، ورجعتي وحدة غريبة ما أعرفها. مامقسومتلي شسوي. أكتل روحي لو أضل مطلع أغاني وأبجي عليج مثلاً، لو أعيش حزنان طول عمري وأنتِ متونسة؟

لا أني أقوى من هيج. بوية الظروف التكسرني أكسرها وأعبرها، مهما تصير شغلات مو حلوة. اكو أمل بداخلي إنو يجي يوم يعوضني عن كل شي صار مو حلو. وتنهدت وهمست، وأحس هاليوم حيل قريب، والله راح يعوضني بشي أكون راضي بيه وفرحان. وصفنت وكلت: خلي أكوم أتعارك وية سارة أحسلي. في اليوم التالي ريحانة كعدت الصبح، الله اليوم عطلة. كمت سبحت وبدلت وواكفة أمشط بشعري ونزلت عيني علئ بطني، ابتسمت ومسدت عليها على كيف وهمست:

ها حبيبيني شلونكم اليوم؟ أني أحبكم هواي هواي. وأني أحجي وعيوني تلمع من الفرح. نزلت جوة لكيت ماما تحضر بالريوك ومريم وبابا وحسين كاعدين بالاستقبال. صبحت عليهم وحسين متمدد علئ القنفة ورايح بسابع نومة. بابا صاح: حسين كوم. أني شكم مرة كعدتك. كعد حسين وكال: خلي علاوي يروح يجيب صمون، مابية حيل أني. بابا رفع حاجبه وكال: منين تعبان؟ من الضحك؟ كله وهو يطكطك أصابعه: لا والله، حبك تعبني.

وبابا شال المخدة شمرها علية وهو كام يضحك، وطلع يجيب صمون. بابا هز راسه وكال: ماتصيرلة جارة أبداً. ضحكت علئ سوالف محمد، وشوية وماما خلت الريوك وكعدنا، واجة حسين وبدينا ناكل، وكملنا تمددت علئ القنفة وأمسد علئ بطني ومبتسمة. دخلت مريم وسارة، شافني ضحكن وكالت مريم: أوي فدوة شهل نزاكة. وكعدن يمي ويحجن وية بطني، وأني أضحك عليهم. شوية وسحبت موبايلي ودكيت علئ باسل: غصباً ما عليك تجاوب حتى لو زعلان، خوش. شوي وجاوب كال: الوو.

كتله: هلاو. كال: أهو هم أنتَ. شتردين؟ هو كال: هيج واني بجيت وكتله: سلامتك، ما أريد شي، اخذ راحتك. وسديت الخط، وضليت أبجي. مو صوجك صوجي أني، والله صوجي أني. رجع دك، ما جاوبته. دك مرة ثانية رديت علية وكتله واني أمسح بدموعي: خير، شتريد؟ ما حجة. كتله: تحجي لو أسده؟ كال: أكرهج. وأني كبل رجعت أبجي، جني وحدة طفلة، والخط مفتوح. كتله ببجي: جذاب، متكرهنيي، تموت علية. رجع كال: أكرهج.

كتله واني أمسح دموعي: خوش، أكرهني ولاتريدني، وأني أطلق من عندك، والأطفال يمي، وأتزوج واحد غيرك وأعيش حياتي طبيعي، وهم أزوج واحد يحبني ويموت عليه، وأنتَ ضل بقهرك هذا. خوش. وسكتت، وانتبهت شحجيت، غمضت عيوني وهمست بداخلي: جفصت، يالله جفصت. أجاني صوته يرعد رعد وهو يكول: أي أدبسز أنتَ، عود ليش ماتستحين؟ شنو هذا الحجييي؟ منو هذا اليييي يحبج؟ احجيييي؟ شنو هذا الكلام؟ اليوم راسج أكسره. همست بهدوء: شكو؟ موماتحبني؟

وكلت بمكر: ويكولون مرات الطلاق يكون بداية الانطلاق، فاني كبل أنطلق، قابل أبقة عليك؟ تؤتؤتؤ، الله يعوضني بالاحسن. وسكتت، ورجعت كلت وأني أضم ضحكتي: عود الجهال أخليك تشوفهم كل جمعة وسبت. وسديت الخط، عود يعني بس أنتَ تضوجني؟ هههاي، هاي حركت دمك حرككك، علمود بعد ما أضوجني، أبو البنات، أبو الجكاير. رجع دك، ما جاوبته. دز رسالة كاتب بيها:

إن شاء الله أول المعزومين لعرسي أنتَ. كفيتي ووفيتي وياي، لازم أجازيج بشي حلو، أوكفج تاخذين النا صور بدال المصورة. قريتها وأحس هيج روحي احتركت حرك. تربعت بالكاع وكعدت أبجي وأدق علئ رجلي وأكول: أبو النسوان، حرك كلبي، أبو النسوان. سارة صارت الدنيا عصر، وأني واكفة أعزل أغسل بالكراج وأغني: وأنا يا طير ضيعني نصيبي، حرت لا أنا لهلي ولا أنا لحبيبي.

وأغني بصوت الجمهوري، خطية حتى العصافير كلهن طارن من كد مصوتي حلو، الله لا يجذبني. ما أحس إلا اندك الباب. صحت: منووو؟ وجاني صوت وهو يكول: أني يمة، أم أمير، افتحي الباب.

وأني كمزت: عزا العزاني، كبل شمرت الماسحة، نزلت البرمودة، عدلت فالينتي ونزلت خصل، وتقدمت أمشي بكياتة، متتتت. فتحت الباب ودخلت أم أمير وأخوات أمير، سديته وسلمت عليهم، وأني شوية مبللة من ورة المي، خرب حظي المصخم. دخلوا، واني دخلت ركض، صعدت للغرفة، غسلت وبدلت، لبست دشداشة قصيرة وسويت شعري ضفيرة وخليت مسكارة وحمرة، وست ريحانة كاعدة علئ الجرباية وعيونها حمر من ورة البجي، موتتني يمة موتتني، ومريم يم ماما جوة. صحيت

علئ صوت ماما وهية تصيحني: صحت: أي يوم جاية. رشيت عطر ونزلت. كالت أمي بابتسامة: جيبي المي حبيبتي. أجيت أكول جا شني مريم مكرمة ما قامت. هية بس كلت انفضح، وكبل كلت: أي ماما حاضر. رحت للمطبخ أخذت صلاحية مي وكلاص وقدمت الهم مي وكعدت، وأم أمير تباوعلي ومبتسمة، وأني مسوية روحي أسولف وية البنات، بس شنو كفيلكم الله صرت سودة من الخجل، حتى مو حمرة. وبعدين شوية وكالت لامي: والله يا أم محمد جاينكم بطلب، وأتمنى ماتردونا.

جاوبتها أمي بابتسامة: عيونا الج أم أمير، كولي. كالت: الها سالمة عيونج، بعد كلبي، بس جاين نخطب سارة لأمير على سنة الله ورسوله. هية كالت، وأني انسحنت روحي، بلعت ريكي، وأهفي يمة الجو صار حار. كالت أمي: الها بابتسامة: أهلاً وسهلاً، نتشرف بيكم، بس بعد نشوف رأي البنية وأبوها وأخوتها، وإن شاء الله خير، وإذا صارت فكل الهلا بيكم.

ابتسمت من أمير، وأني كمت طلعت وصعدت فوك ركض، دخلت للغرفة وسديت الباب، وانتجيت عليه وأحس روحي صخنت، يمة وكلبي يدك حييل حييل. كالت ريحانة: شبيج؟ شكو؟ باوعت عليها وكلت: يمة أم أمير خطبتني، عفية، السالفة صارت صدك، أشاقة، بطلت ما أريد. ضحكت وكالت: بيها الخير حبيبتي، صادوج، بعد هاهية. غميتها وكلت: امداج. أريدها تهدأني، تكلي صادوج، امداه الخوة. أي والله، عفتها ورحت للحمام، غسلت وجهي صار ناررر، وكلبي يدك حييل يمة. طالب

كاعد أني وغالب وعزيز بالكهوة نلعب طاولي، وفاتحت غالب بموضوع خطبة محمد ووداد، وقبلها متفق أني ومحمد علئ الموعد. فكتله: إن شاء الله اليوم بليل نجيكم حتئ نتفاهم، والبنية تبدأ تجهز. هز راسه وكال: كل الهلا خوية، تنورنا. ابتسمت وكتله: منور بأهله بعد أخوك. وعزيز طاير من الفرح من داري ريحانة حامل بتؤام، كلساع وكال: بنتي شلونها؟ والي ببطنها شلونهم؟ واني أضحك علية. لحد ما كملنا ورجعت للبيت، وكلت لجوري:

تحضر روحها بعد ساعتين نروح لبيت غالب حتئ نتفق علئ تفاصيل الخطبة، لين محرم قرب، فالخطبة هسة والعرس ورا ميخلص محرم وصفر. مريم راحوا ماما وبابا ومحمد لبيت عمو، وأني والبنات طايرات من الفرح لين محمد راح يخطب. رجعوا ورا ساعة ونص متفقين علئ كلشي، وحددوا يوم الخطبة بعد أسبوع. وكعدنا نسولف ونتفق، وسارة رايحة بغير عالم. وماما من فاتحت بابا بالموضوع، طلعت ركض، وضل يضحك عليها وكال:

والنعم منه، أمير خوش ولد، ينشد بيه الظهر، خوش قسمة إن شاء الله، يصير خير. والولد هم حمدوا بيه. وشوية واندك الباب، وعلاوي صاح: بابا اجة أحمد، زوج مريم. كمزت من مكاني، يمة اشتقتله. طلعن البنات من الاستقبال، واني رتبت الاستقبال ودخل هو وبابا ومحمد وحسين. وأني جنت واكفة، سلمت عليه ورحت جبتله مي، شرب وابتسم، وإني يمة انسحبت روحي. كعدت يم بابا، وظلوا يسولفوا، ونوب استأذن وكال: تأخر الوقت، أحنا نستأذن.

بابا كله: أبقى علئ العشة. بس كله: الف عافية، متعشي والله غير مرة إن شاء الله. كمت بساع بدلت، وسلمت علئ ماما والبنات، ونزلت، لكيته طالع بالكراج، واكفين يسولفون. سلمت علئ بابا والولد، وبابا بوسني وكال: ديربالج علئ روحج باباتي. ابتسمت اله وبسته من راسه، وكتله: إن شاء الله. صعدت بالسيارة وصعد أحمد، بدأ يسوق، سحب أيدي باسها وكال: شلونها حبيبة روحي المشتاقلها؟ كتله: بخير مادام أنتَ بخير.

ابتسم ومد راسه باسني بخدي، وشوية وصلنا للبيت، نزلت ونزل، ودخلنا وهو ضامني لحضنه ويبوس براسي. سد باب المطبخ، نزعت الشال ودخلت للغرفة، غسلت وبدلت، وهو مبدل ومتمدد علئ الجرباية. رحت ركض وكمزت بحضنه، ضحك وكال: هوب هوب، علئ كيفج. وحضني، ضحكت وكتله: يمة مشتاقتلك. شبكني حيل وكال: موبكديي بنيتي. باسني بخدي، وضلينا نسولف ونضحك لحد ما غفينا. ريحانة

متمددة علئ الجرباية وبعدها الدمعة بعيني صدك اني ام دميعة ولطامة علئ كولة سارة لحد هسة مانشفن دموعي وانقهرت كلش وضليت اتذكر كل السوالف التقهت الصايرة وياي وانقهر بالزايد وابجي وسارة شابكتني وتسكت بية حتئ كلبي ضل يوجعني شهكت وكلت لسارة عود يعني يزوج وينساني وبجيت ويعني بعد مايريدني وهية شبكتني وكالت يا ريحانة صدك تحجين باسل يحبج والله واكيد يتشاقة وياج وراد يضوجج شوية موانت دستي ببطنة كتلها واني اشهك لا اني اشاقة وياه

بس هوة ميشاقة صدك يريد يزوج عضت اصبعها وكالت خرب المانيا يبوووو تسوي من الحباية كباية لج ام دميعة كافي موزين عليج عود شعاجبج بالبجييي فهميني لج بابا كافي بجي كافي موراح تموتين اسم الله جابت مبايلي وكالت هاج دكي علي كتلهة اما ماادك عوفيي كالت بعصبيية دكيي خلي شوية يحجي وياج بلكت تسكتين عبالك طفلة وتبجي علئ ابوها سحبت المبايل دكيت علية واني ابجي وارجع ليورة رفضه شهكت وكتلها شوفييي مايجاوب كالت ارجعيي دك رجعت دكيت جاوب

خليته علئ اذاني وبس ابجي واشهك ماتحملت كبل سديته حتئ مالحك يحجي خلت المبايل علئ الميز وكالت بابتسامة حسبي حسابج باسل خمس دقايق تلكيه بالاستقبال مادام سمع صوتج تبجين اكص ايدي اذا مااجة يركض .