رواية يأس القلوب الفصل الستون 60 - بقلم رودة

نزعت العباية وخليت الجنط والعلاليك على صفحة، باجر أرتبهم، ما بيه حيل هسة. وباسل بدلت وتمدد على الجرباية، واني نزلت يم عمة وعمو. طايرين بالجهال وروحهم صايرة بيهم، شوية وبدوا ينعسون يبجون. أخذتهم وصعدت، رضعتهم وبدلت الهم وشغلت التدفئة، وخلّيتهم كل واحد بكاروكه. وباسل يباوع النه ومبتسم، من ناموا أني طفيت. كبل باسل فتح لي إيده ونامت بحضنه وشبكته حيل ونمت. *** في اليوم التالي سارة

كعدت على صوت المنبه، موقّتِه حتى أكعد أسوي ريوك لأمير قبل لا يروح للمركز. شفته بعده نايم، بسته بهدوء بخده وهمست: "حبيبي أكعد، عندك دوام." بهمس بنعاس: "اممم، هسة أكوم." وشبگني. ضليت أمسد بهدوء على شواربه، فتح عيونه بنعاس وكال: "ليش تتحارشين بية؟ ضحكت وكتله: "أهو، راح يلزمها." "علي عمي، ممتحارشة بس هيج شكلك مغري، يا عيني." ضحك ورجع غمض عيونه وكرصني كرصة من خصري خلّتني أكمز.

كتله بقهر: "وخر أمير، أني صوجي باقية يمك." إذا ما ألبس عباتي وأروح لبيت أهلي. وأريد أكوم وهوة خربان ضحك ولازمني. سحبنه لحضنه وكال: "شكو صايرة متتحملين واحد يكرصج؟ لعد بس أنتِ ضالة تعضين بية وساكتة؟ حلال عليج وحرام عليه." كتله واني أتلمس خده وأحجي براءة: "لا مو شوف، أني أعضك بلطف وأنتَ من تكرصني متكرص بلطف، عبالك جلابتين." ضحك وكال: "رحم الله والديك، سويتيني جلابتين." وباسني بخدي وكال: "أحبج." همست بحب: "أني هم."

"أنتِ شنو؟ كتله: "معليك." لزمني وكال: "تحجين لو أكرصج؟ كتله بسرعة: "بالعباس شايف شكد أحبك." ضحك وكال: "أي، هيج واحجيها من البداية. خلّي أكوم راح أتأخر. سوي لي شي أكله، ميت جوع." كتله بحب: "يموييي، هسة أسويلك أحلى ريوك." مويدلل حبيبي. عض شفته وكال: "أحبج سويرة." ضحكت وكتله: "أهو." "لا تكول سويرة، اسمي سارة. كلّه من ورة حسين، هوة علمك." وكمت واني أدردم، وهوة يضحك علي. رحت غسلت ونزلت للمطبخ، بعدهم كلهم نايمين.

ميكعدون هيج وكت. خليت الجاي عالطباخ وحضرت الصينية وسويت بيض. وهوة نزل مبدل ومكمل. كملت الريوك وكعدنا بالحديقة نتريك، أني وياه. وهوة يشرب جاي ويباوع لي بتك عين. كتله واني أقلد نظراته: "شبيك تباوع لي هيج؟ شنو عيني، معاجبينك؟ رفع حاجبه وهمس: "بالعكس، كلش عاجبتني. ماتشوفيني صافن بوجهج من صباح الله. هنيالة والف هنيالة اليصبح بهيج وجهه." ومد راسه باسني بخدي واني انثولت. همس: "رحم الله والديك على هذا الكلام الحلو."

يومَه ضحك ضحكة وضمني لحضنه، وضليت أضحك وياه ونسولف لحد ما كملنا. وهوة ديروح باسني بخدي وكتله: "عادي أروح لأهلي فد شوية لين يجون خطار وماما تتعب." كال: "أي حبيبتي، شوكت ماتردين روحي." ابتسمت وكتله: "أروح لك فدوة أنيي." كال: "بعد ما أكدر، أعذريني." وعضني بخدي وطلع بساع يضحك. واني أتوعّده من يجي الكطه بعضّه. حسين كعدت الساعة 9 الصبح، سحبت المبايل من الشاحنة.

شفت نازك دازة لي جريدة: "أنتِ متحبني، أنتِ وانتِ وانتِ. ونمت بدون ما تكلي تصبحين على خير وما كالت لي أحبج. وصار يومين ما حاجين. ويبووو، وخاتمتها طركاعة طاحت عليك حسين، خوش طركاعة." ضحكت وهمست: "أستلم من صباح الله." وعلي من التعب كبل غفيت وما حاجيته. وهلايام لين ملتهي وية محمد، ما أفتح هواي بس أراسلها وأسأل. بس عبالها مبتعدة عنها. هسة شلون أراضيها؟ دكيت عليها كم مرة ما جاوبت.

كمت غسلت ونزلت، شفت أمي تحضر بالصينية. بستها براسها وصبحت عليها وطلعت أجيب صمون وريوك. واني أمشي طلعت مبايلي من جيبي. دكيت على نازك وأخيراً ردت. كلت بحب: "يابة صباح الخير." ما ردت عليه. كلت: "زعلان؟ " الأبيَض ما يكلي مرحبا. كالت: "شكو تدك علي؟ ما ريدك بعد." ابتسمت وكلت: "موشكلة، أني أريدج." سكتت. كلتلها: "يابة والله ملتهي وية محمد هاليومين، اعذريني يعني قابل مبتعدة عنج؟ ياروحي." كالت: "أدري بس اشتقت لك حسين."

ابتسمت وكلتلها: "شو رجعي كولي حسين." كالت: "إما." كلتلها: "كوليي." كالت بهدوء: "حسين." كلت بحب: "يابة روحه وكلبه وعمره لحسين." "يابة أحبج وما أكدر على زعلج." همست: "أني هم أحبك." جذابة. أريدج. ضحكت وكتلها: "ملعونة، أدري بيج بس حجي." كالت: "ها، أسوي صدك؟ ضحكت وكتلها: "لا." "دخيلج." ضحكت وكالت: "شويمك صوت شارع؟ وين أنتَ؟ كلتلها: "طلعت أجيب صمون وريوك." ضحكت وكالت: "خوش جيب لي وياك كيكة." ضحكت وكتلها: "شنو؟ كيك؟

ياكل كيك؟ مو تدللين بس صيري يمي. كل يوم أجيب لج كيكتين مو وحدة." كالت بخجل: "حسسسسين." ضحكت وكتلها: "روحه لحسين." "يابة روحه." همست: "أحبك." كلتلها: "يابة أموت عليج." ونحجي شوية ودخلت للفرن.

كلتلها: "دقيقة وأخابرج." جبت صمون ودخلت للأسواق، أخذت كيمر واجبان وطلعت. دكيت عليها، وأحجي وياها بين ما أوصل للبيت وأراضيها. "يابة وين أكدر على زعلها." وشوية وسدينا الخط. وصلتللبيت شفت سيارة بيت عمي غالب بالباب، يعني أجو. جاي أدخل وانفتح باب بيت أمير وطلعت ست سارة. ضحكت وكتلها: "شكو طالعة؟ لج ارجعي لبيتج." ضحكت وكالت: "صباح الخير." وسديت الباب واجت يمي بساع. كتلها بشقة: "صباح النور. شكو اجيتي؟ مو البارحة يمنا؟

ملينا منج." كالت بضحك: "معليك، جاية لأبويه مو يمك." ضحكت وبستها بخدها. دخلنا للبيت ونتناكر أني وياها، وهي تعيب علي. ومفتوح باب الاستقبال وبابا كاعد بالمقدمة. شافنا ضحك وهز راسه. هي دخلت للاستقبال، واني دخلت للمطبخ. خليت الصمون والأجبان عالكاونتر ودخلت سلمت وكعدت. محمد ووداد هم نازلين. باوع لمحمد وضحكت. وهوة مسح كصته وضحك: "والله يالله، هسة أني شكلت؟ " بس باوعت له،

هوة فهم خطأ وضحك: "شسويلة." شوية وكعدنا نتريك والعائلة ملتمة. وأشتاقيت لملوكة. الأدبسز، كل يوم أشاقة وياها لو أبجيها ونوب أسكتها. وغلا بس أشيلها تبجي لين شابعها عض. وطالب يرزل ويرجع لي ورا. كملنا ريوك وشوية وراحوا. وكعدت يم محمد وكتله: "شو وجهك منور؟ شكو؟ كال: "إنجب حسين، من زمان وجهي منور." كتله: "خوش، لعد كلي السر شنو؟ أريد أصير أبيض." ضحك وكال: "أملح، متصير لك جارة." لك.

كتله: "تولي فدوة لك، أبو النسوان. لا تخليني أخليها تكّلب عليك من أول يوم. ترا وداد صاحبتي." ها. لزمني من ركبتي وكال وهوة يضغط على أسنانه: "وداد شنو حبيبي؟ ماسمعت؟ كتله: "ههههه، وداد أختي، يمعود أختي." ضحك وضربني بخفة. باوعت لأبوي وكتله: "ها طالب؟ شنو أنتَ هم معرس؟ وجهك منور شكو؟ كال: "أهو، بدينة. مابيه شي، عوفني. مالي خلكك." ضحكت وكتله: "خوش، اليوم سماح راح أعوفك." *** بعد مرور أيام ريحانة

واكفة أغسل بالماعون، وسمعت صوت ياسر يبجي. صحت: "باسل، شبييه؟ صاح: "هيج هيج، مابيه شي، يتعاير مثل أمه." هزيت راسي وأستغفرت الله. يتحارش بية كوة. أجه للمطبخ شايل ياسر، يبوس بيه وكال: "تحبني أنتَ؟ متحب أمك مو؟ " ويضحك. هزيت راسي وهمست: "تخبل الزلمة." رفع حاجبه وضحك. "شكالت؟ " ضميّت ضحكتي وكتله: "ما كالت شي." يا تقرب وياسر بيه صار مقابيلي. مد راسه، مل ضني حيبوسني من خدي، بس أن بعض الضن أثم.

عضني من خدي، خلاني أكمز وعافني وراح. كتله ببجي بسيط: "باسل." وهوة يضحك. رجعت كملت الماعين ورتبت المطبخ وصعدت أبـدل لين ثلجت. ملابسي تبللن. لكيت باسل متمدد وياسر نايم بحضنه وملوكة يمهم ولازم إيد ياسر تلعب بيها. ابتسمت على منظرهم. طبعاً عمو وعمة مو هنا، راحوا للزيارة لين بين فترة وفترة يرحون. طلعت تراكسود شتوي، يصير قماش ولونه أسود ومرسوم باندا بالنص. بدلت ووكفت، ضفرت شعري وداخلي تنت. وباسل حضني من وره. ابتسمت،

باس خدي وهمس: "شدعوة هلكد حلوة؟ شبكته وكتله: "مو أحلى منك عينيي." ضحك، ضربته بخفة على صدره وكتله: "شكو؟ هستوك عضيتني؟ " ها. كال: "هيج عجبني أعضج." وشبكني حيل وتمشينا للجرباية. نومني يمها ويمنا ياسر وملوكة يباوعون علينا وكلش ما يفهمون. وهوة كل ساع يبوس ملوكة ويكلها: "تروحلج فدوة أمج." واني أباوع له بتك عين وأكول لياسر: "يروح لك فدوة أبوك." لحد ما تعاركنا. كال بضوجة: "شكو تبوسينه؟ وكله له يروحلك فدوة أبوك؟

" لو من شفتيهم نسيتيني. كتله: "لا والله، حلال عليك وحرام عليه. مو تبوس بملوكة وتكول لها تروحلج فدوة أمج؟ كال: "أي، أني أكول أنتِ متكولين." "كتله لا والله." وشبكت ياسر. كال بغيرة: "وخر، ياسر يريد ينام." ضوجتي. بست ياسر وكتله: "وشعليك ابني وأبوس بيه." وضليت أبوس بيه وهوة يريد ياخذه مني. لحد ما أخذه وأني خربانة ضحك. كال وهوة يحجي وية ياسر: "شني عاجبك الوضع؟ هاي مالتي، ديربالك." يمّه، خلاني أكزكز.

ضحكت وحضنته وهوة يكلي: "وخر، وخر، خربنا." بعد خلاه بالكاروك هوة ولموكة ورجع يمي. حضني حيل وباسني بخدي بقوة. "مالتي." ابتسمت وحضنته وضلينا نسولف ونضحك، وكلما أضوج يعضني. طالب كاعدين نتعشى وانتبهت لحسين ياكل ومبتسم، سارح بعالم ثاني. ابتسمت وهمست بكلبي: "هذاك هو، الحب مبين بعيونه." انتبه علي، رفعت حاجبي وضحكت. وهوة ضحك. كتله: "ها؟ كال: "احم، بعدين." كملنا عشة وطلعنا بالحديقة نشرب جاي، أني وياه.

كال: "يابة شوكت نروح نخطب؟ صار هواي منتظر." كتله: "شبيك مستعجل؟ "يولي هستونه عرسنا لأخوك." كال: "أي، غير دوري." ضحكت وكتله: "صبر صبر، هالايام تدلل نروح نخطب." ومن هاي العين قبل هاي العين. ابتسم وكال: "تسلم." حجي تسلم. ضحكت وكتله: "كوم ملعون."

كال: "يابة تدري أحب نازك مثل حبك لأمي. حب نضيف وطاهر، ودائماً أتغاضى عن أبسط الأخطاء حتى العلاقة تمشي بشكل صحيح وبدون أي عوائق. صرت أهتم لكل شي تحبه، وأهم شي راحة بالها والباقي كله يهون عندي. ابتعدت عن كل شي ممكن يعكر مزاجها. حفظت المواعيد الي تحبها. اهتميت لأبسط التفاصيل الي تحبها وهواي. كل هاي الصفات اكتسبتها منك، وتعلمتها منك ومن مارستها نجحت وياي." ابتسمت على كلامه وطبطبت على ضهره وضميته لحضني

وهمست واني أبوس راسه: "كل يوم تكبر بعيني أكثر... حسين، ياحسين قطعة من روحي." "وقلبي، وليدي الغالي." ابتسم وباس إيدي وكال: "طالب، يا طالب روحي من الدنيا." ضحكت ورجع باس إيدي وطاحت دمعته على إيدي وهمس: "الله لا يحرمنا منك لا دنيا ولا آخرة. جنت دائماً لي الأب والصديق والأحب للقلب. أساساً كلت وراح أرجع أكول، الأب هوة كل شي ومن بعده ينتهي كل شي." *** بعد مرور أيام ريحانة

اليوم خطوبة حسين، بس صارت سكتة لين سنوية ابن عم أبوها وزحمة يسوون حفلة كبيرة احتراماً للعزاء. وعزمنا قليل وما كدرنا نأجلها لين بعد يومين الخطوبة وهمة خبروا كالوا توفى، فصارت نفس الموعد لين محضرة كل شي وحاجزة صالون. لبست بشت أسود ووياه فستان بطول البشت، لون ماروني ومخصر عالجسم. وكملت مكياج ولفيت الشيلة. وهمة يصيحون يردون يطلعون، واني تأخرتتت، والحمد لله الجهال بقوا يم عمتي. ما جبتهم لين يبهذلوني. نزلت بساع، لكيت ماما منتظرتني. طلعنا السيارات واكفة، صعدنا أني وياها وية باسل لابس قاط أسود وهستوه مزين وعطره تارس السيارة.

ردت أتغزل بيه بس استحيت من أمي. متتت. المهم مشيت السيارات وسيارة العريس بالمقدمة، وهوة حسين يسوق وبابا بالصدر والشيخ الي يعقد ومحمد كاعدين ورة، وسارة ووداد ومريم وية أحمد. وصلنا لبيت نازك واستقبلونا واكفين بالباب. دخلنا وماما هية وخالتي وعمتي يهلهلن ويطشن جكليت. ابتسمت واني أشوف نازك لابسة قفطان أبيض وبیه ذهبي وشعرها أسود ومبروم ومكياج بارز. شافتنا ابتسمت بخجل، تقدمنا بوسناها وشغلنا أغاني.

ونصينا الصوت وركصنا شوية، وهية خجلانة. ما عرفتها، متتت. تقربت وهمست: "ولج من شوكت أنتِ تستحين؟ ها؟ كالت بخجل: "اصبريلي، أم راس المربع." ضحكت وكتلها: "أي، هاي نازك الي أعرفها." ضحكت وكالت: "شبيج؟ أستحي والله." ركصت بحواجبي وكتلها: "هسة الأة أكول لحسين يبوسج كدامهم." أخوية وأعرفه يسويها. يمة، وجهها صار طماطة واني أضحك عليها. كالت: "لا ريحانة، لا أستحي. الله عليج."

ضحكت وكتلها: "أشاقة، متتت." وسارة واكفة تهز. مستمرة ومريم تصور ووداد منطلقة وية سارة. شوية وكالوا راح يعقدون الهم. اخذوها يم باب الاستقبال والشيخ وحسين ورة الباب، واني وأمها وماما واكفين يمها. وهية خجلانة، بالكوة تحجي. لحد ما عقدوا الهم وارتفعت الهلاهل. ورجعت كعدت وركصنا وكومناها وياهات، وهي اندمجت وتضحك. يمة فدوة.

شكد طالعة حلوة وهية مدبدبة وبيضة وغمازاتها تارسات الوجه. روح حسين، متتت. كعدت وكالوا راح يدخل حسين. لبسن البنات الشالات ودخل لابس القاط الأسود وشعره مرفوع ولحيته محددة والابتسامة مرسومة على وجهه. والارتباك والخجل مبين عليه. وصل يمها باسها براسها وكعد يمه. شلون لايقين. حسين أول مرة أكون يمها بهل قرب، أول مرة أشوف شكلها بدون حجاب. بوياي بويه، تسحن الروح. وهية رايحة منتهية من الخجل. لزمت إيدها، كمزت.

ضحكت وهمست: "اشهرينا وخزّينا، ما أوصيج." ابتسمت بخجل وكالت: "حسين." بلعت ريكها وكتلها: "لا تباوعين بوجهي بعد، روحي تردين يصير عندي سكر مزمن من الحلاة." دارت وجها بخجل، ضحكت. كتلتها: "شو دباوعيلي، هاي الكلاوات مال خجل بعد، خل تفيدج. منا وهيج بوكسيات بعد روحي." ضحكت وضحكت على ضحكتها. شهرتنا بضحكتها الفضيحة. بعدين لبسنا الحلقات ولبستها الذهب. ومن جاي ناكل كيكة، غير توكلني. كلما أريد آكل توخر الشوكة. عود أشاقة.

همست نازك: "راح أخلي راسج بالكيكة وكليني وفضيني، لا تخليني أعضج كدامهم." وهية ضحكت ووكلتني. همست: "شنو؟ كيك ياكل كيك؟ كتلها: "أهلي يخافون علي، لا تتغزلين بية." ضحكت وشبكت إيدي بايدها. وياخذون النا صور. كمنه وكفنا والمصورة تاخذ، وبوحدة من الصور ضميتها لحضني وضاعت. شني بوية؟ كيكة؟ مو مرة أني أطول منها وهية ضايعة بين إديه. أخذنا هواي لقطات وبعدين أخذنا وية العائلة. وأخذت صورة شابك أمي بيها.

كلت: "أغور أبوي بيها." ومحمد السز، بس يدك يريدني أطلع. شني؟ أريد أبات وين مطلعيني؟ هههههه. آخر شي طلعت وضربت محمد بخفة على ركبته وكتله: "ها كلب، تريد تخبث وياي لين خبثت وياك بأيام الخطوبة؟ ضحك وكال: "لا، وين بس غير أنتَ لزكت شمالك ماشايف؟ كتله: "مو عيب نتعارك كدام العالم؟ بس مو صوجك صوج وداد أم راس المستطيل." وطفرت من يمه. وهوة يتحلف إلي. ضحكت وأبوي صاح: "يلا يابة، كلهم خلي يطلعون. هم يالة." كتله: "صار."

خابرت على أمي وكتلها: "يلا اطلعوا وضمي نازك وياج جوة العباية وطلعيها." ضحكت وسدت الخط: "والله يالله، هسة أني شكلت؟ طالب كعدت ورة، أني وجوري وحسين بالصدر ومحمد يسوق. ومحمد شغل أغنية مال حسام الرسام مال أعراس وهاي. واندامج هوة وحسين. همست لجوري: "ولدج مستهترين." ضحكت. وهسة تصفك ويهم وتهلهل. وكالت: "يا عوفهم، متونسين."

وحسين دار علي وكال: "هزّي لنا طالبة." هزّت. خزرتة وكتلت بالبيت من نرجع تدلل، أخلي حتى الحزام يهز. ضحك ودار وجهه. وجوري شابكة إيدي ومندمجة وياهم. ابتسمت على شكلها، هي بدون مكياج تسحن الروح، موبعدين تخلي مكياج، شو تطلع؟ يايابة، شوية شوية على كلبي. باوعت لي ابتسمت وكالت: "أوي فديتني، أدري طالعة حلوة." ضحكت وهمست: "أي ملعونة، هسة أني حاجي شي؟ كالت: "نظراتك تحجي حبيبي، نظراتك." ضحكت وكتلها: "وين غلا؟

كالت: "ضلت تبجي على سارة واخذتها وياي." كتله: "زين." وكلت باستغراب: "حسين الشيخ، ويا من راح؟ طفى الأغنية وكال: "شاف له وحدة حلوة وراح يعقد عليها." كتله: "حسيين؟ كال: "راح وية عمي غالب وجبت أمي ويانا خاف مشتاقلها. شوف لو مو أني هسة أمي ما قاعدة بصفك ولازمة إيدك وتتغزل بيك. كول حسين مابيه خير." كول: "حسين مابيه خير." ضحكت ورجع شغل الأغنية. ومحمد

الفرحة بعيونه وكلساع يكله: "مقهور على البنية، شو ورطها وياك، هذا حضها الأسود." كله: "حسين، أي أسود حضها بلون وجهك." يايابة، فحطني من الضحك. طركاعة هالولد طركاعة. وصلناللبيت وراحوا المعازيم. دخلت كعدت بالاستقبال والعائلة مجتمعة. وريحانة تريد تبجي. اشتاقت لملوكة وياسر وحسين مكابلها ويكول: "ملوكة جانت خوش بنية، شلون انطاج كلبج واجيتي الصبح واجبتيها؟ أم جيس حب أنتَ؟ " وخلاها تبجي. واشتغلت الرزايل وشبكها ويضحك ويسكت بيها.

وكلها: "طبعاً أنتَ جذابة، ماتبجين على الجهال، تبجين على باسل لين راح للبيت وعافج. شمالج شو صايرة ماتستحين؟ صاحت وهية تضحك: "بابا صييح علي، شوف شلون يحجي." ضحكت وكتله: "حسين وخر من عدها، بعدين أني من خطبت لك، عبالي تعقل. شو تخبلت علينا." باوع لي وكال وهوة يهز راسه: "بأس، حبك خبلني. طالب، حبك."

ضحكت وهزيت راسي وكلت: "متصير لك جارة، متصير." ومحمد كاعد وسمه، ووداد بحضنه غلا ويلاعبون بيها ويضحكون. ابتسمت على منضرهم. وجوري صافنة عليهم وأيدها على خدها. راح تموتني بهاي حركاتها العادية الي تشعل كلبي شعل. بيهم همست: "ها جوريتي، وين بالج؟ " صحت من صفنتها وابتسمت وهمست: "شوفهم شلون حلوين، يوم يصير عدهم طفل ويملي حضنهم." "إن شاء الله." ابتسمت وكالت: "تدري، نعست كلش وتعبت. ممكن أنام على إيدك؟

تنهدت وهمست: "ياابة، راح تموتني هالمرة." ابتسمت وكتلها: "دروحي، وهسة شوية وأجي." ابتسمت وكالت: "تمام." راحت. واني شوية وكمت رحت للغرفة، شفتها متمددة على الجرباية. تقربت تمددت وضميتها لحضني ونامت على إيدي. وضليت أمسد على شعرها وكل شوية أبوسها لحد ما نامت وهية حاضنتني. محمد

كاعد بالاستقبال ويمي وداد وسارة. أخذت غلا تنومها، ووداد حاضنة إيدي وتسولف وياي، واني صافن على ملامحها. حرفياً من دخلت بحياتي حلتها بالزايد. أجي من الدوام تتلكاني بابتسامة ومحضرة كل شي. تعاملها، أسلوبها، حنيتها، كل شي بيها حلو. تعلقها بأمي واحترامها الها أكثر شي أحبه بيها. ومتعايشة ويانا لين كلش قريبة على العائلة والمحبوبة والمتربعة بالكلب هي. خلت راسها على كتفي وكالت: "جوعانة." بست إيدها وكلت: "شنو تردين أجيب لج؟

همست: "اممم، جيب لي معكرونة أسويها لين خلصت." كتلها: "تمام." كمت رحت للمحل وهية تنتظرني بالمطبخ. جبت لها معكرونة وحلويات تاكلهم. هية والبنات. دخلت تلكتني شبكتني ودخلنا واني حاضنها. وصار بوجهنا. حسن ابتسم وغمز لي. وهية وخرت بخجل واخذت العلاليك وراحت. ضحكت وكتله: "شبيك يمعود؟ خطبت وما خلصنا منك." ضحك وكال: "والله يالله، هسة أني شكالت؟ بس غمزتلك ليش بالك يروح بعيد؟ ضحكت وكتله: "دوخر." طفرت البنية.

وخر كال: "دروح جيب لي شي من الحلويات، لا أدجك وأخلي وداد تبجي عليك." طلعت باكيت جكاير من جيبي وكتله: "تدخن؟ " أبوي نساه بالسيارة. تعال نكعد بالحديقة ونشرب كم وحدة مادام نام. ضحك وكال: "أويلي يابة، معدل محمد." وعلي، طلعنا كعدنا بالحديقة وندخن. ولمحت أبوي جاي يشرب مي بالمطبخ. غصيت بالجكارة وكتله: "ضمها حسين، ضمها." كعد أبوي. كبل طفاها وضمها. والريحة الجكاير تارسة الحديقة. طلع أبوي لمحنا من بعيد وكال: "شتسوون؟

كله حسين: "الاثول، ما جاي ندخن." بوية. ضحكت ضحكة. وأبوي تقرب وهوة ضام ضحكته. وحسين الاثول حس على نفسه شنو حجة. كال أبوي وهوة رافع حاجبه: "شجاي تسوون؟ حسين كله: "جاي نتدفى." كله: "ها، وتدفون بالحديقة؟ جيب باكيت الجكاير، جيب، لا أحمسك بالصوندة ملعون." كال: "وعلي، أني فقير، هذا محمد طلع عيني وجاب الجكاير من السيارة." طلعت باكيت الجكاير أنطيته لأبوي وكلت لحسين: "شبساع بعتني؟ إمداك وإمدا خوتك." ضحك وكال: "تاج راسي محمد."

كال أبوي وهوة يحذرنا: "آخر واول مرة أشوفكم تدخنون. المرة الجاية أشوي بصل على ضهركم." حسين كله: "تدلل، حجي نام." روح. خزره أبوي ودخل. وبنص الحديقة طكها بضحكة وضحكنا وياه. وحسين كام وكال: "اعذرني خوية، أني إنسان خاطب." وأشر على حلقته. "موزين علي البرد." أروح أتدفى.

ضحكت وكتله: "أهو، بدت هاي سوالفك. روح، روح." ضحك ودخل جوة. وطلعت وداد بيدها ماعون معكرونة تاكل بيه. كعدت يمي حاوطتها بإيدي وهية تاكل وتوكلني وياها. ونسولف ونضحك وكلساع أبوسها بخدها وهية تدحس روحها بحضني. لحد ما برد الجو كلش. دخلنا وصعدنا فوك. تمددت على الجرباية وسحبتها لحضني ومتغطين بالبطانية وضلينا نسولف لحد ما غفينا وأحنا واحد حاضن الثاني. مريم

رجعنا أني وأحمد للبيت وميتة تعب. ومنا الحمل مسحونة روحي. بدلت وتمددت على الجرباية وهوة متمدد ويكلب بالمبايل. شوفني ملابس أطفال وكال وهوة مبتسم: "شوفي شكد حلوات. من يتحدد جنس الجنين نوصي منهم." ابتسمت وكتله: "الله، كلش حلوات. أي، نوصي." وضلينا نكلب ونختار وهوة طاير بية. وبطني، كل ساع يتلمسها. مو بارزة؟ شوية وكال: "لا يكلج الحمل محليج." واني أضحك.

شبكني حيل وكال: "خرب يومج شكد أحبج." وضل يدغدغ بيه بلحيته واني خربانة ضحك. تلمست لحيته بهدوء وكلت: "أحمد، أني كلش كلش أحبك. تحبني مو؟ همس: "حيييل أحبج، حيييل." وباس إيدي وكال: "هوة أصلاً منو ما يحب مريم؟ ماتكليلي." ابتسمت وكتله: "كله تحبني، حتى الي وياي بالجامعة." كال بغيرة: "ماترتاحين ألة تجفصين ببطني وتخربين أم اللحظة؟ " واني خربت من الضحك على شكله. وهوة ضحك على ضحكتي. كتله: "يالله، شكد تغار."

كال: "خليني ساكت. هاي منو تحجي بالغيرة؟ ها؟ أحجي." كتله بضحك: "لا، لا، هاي هية أسحب كلامي." وضلينا نضحك ونشاقة لحد ما غفيت. حسين متمدد على الجرباية ونحجي أني ونازك اتصال. وكالت: "حسين، اليوم كلش تونست وفرحت." ابتسمت وكتلها: "يابة عساها دوم." كالت: "عمري أنتَ." كتلها: "بس خجلانة، ما عرفتج. وين راح جبار الي بداخلج؟ ضحكت وكالت: "حسييين." كتلها بضحك: "أشاقة." عطست وكالت: "خ خ خ ختيبي بوية." فحطتنييي. كتلها: "شنهاي؟

" بعدنا بالبداية وهية ماتحجي. انسحنت روحها من الضحك. كالت: "يمة متتت. داقلد البنات المختوبات." أكلك، فرشت فراش يمي للحلقة؟ كتلها: "أي، وغطيها موتنسين." ضحكت وكالت: "أي، الجو بارد." كتلها: "وحضنيها تريد حنان." ضحكت وكالت: "حسيين." همست: "يابة روحه لحسين." وعلي روحه. "أي، حضري نفسج باجر معزومة يمنا." حاجيت أبوچ علمود أجي آخذج. وقبل كالت: "عزا، باجر؟ همزين كتلب حتى أحضر روحي وهم أتسونس وية البنات."

كتلها: "ههههه، كصي إيدي إذا خليتج تشوفين البنات. شنو غير تبقين يمي؟ كالت بخجل: "شسوي؟ أبقة يمك؟ والله يالله، ولا أكلك بطلت ما أجي." ضحكت وكتلها: "مو هوة بكيفج بعد روحي. باجر بـ1 الضهر أجيك تحضري. وإذا تأخرتي ما عندي مانع أجيبج بملابس البيت." ضحكت وكالت: "ولا يهمك، أكعد أبـدل من الخمسة." وضلينا نسولف ونضحك وهية غفت والخط مفتوح. وضليت أحجي بحدي لحد ما غفيت. *** في اليوم التالي حسين صارت الساعة بـ12 ونص،

كلت لأمي: "رايح أجيب نازك." وهية واكفة تحضر بالغدة. ركبت بالسيارة وبديت أسوق لحد ما وصلت الهم. وطلع يوسف أخوها استقبلني ودخلني بالاستقبال. سلمت على أبوها وكعدت ونسولف ومندمجين. وهية دخلت سلمت علي، وقدمت مي وطلعت. وشوية وكمنا طلعنا. وهية طلعت لابسة بنطرون أسود وقميص ماروني والمكياج هلا هلا، بسيطة بعد روحي. صعدنا بالسيارة وبديت أسوق. طلعت كلنكس وكتلها: "خففي من المكياج." باوعت لي وكالت: "بعدنا بالبداية، حسيين."

همست بحب: "يا عيني، هوة أنتِ حلوة بيه وبدونه، بس أني أحبج على طبيعتج." كالت بخجل: "يمَه يَمَه، باع لسان هالولد." بساع يكلب ويقشمرني. ضحكت وخففت من الحمرة وكالت: "ها؟ تمام؟

كلت بابتسامة: "تمام التمام." وحضنت إيدها وبستها، وهية خجلانة. أول مرة تطلع وياي وهلكد قريبة مني. طلعت موبايلها وضلت تصور بأيدينا. واندامج أسولف وياها وأضحك وهية تعايشت وية الوضع. وصلنا للبيت، دخلت السيارة بالكراج ونزلنا ودخلت وهية تمشي وياي. استقبلتنا أمي وسارة ووداد. ريحانة راحت البارحة بليل. دخلنا وأبوي بالاستقبال سلم عليها ورحب بيها. كعدت وهية يمي وتسولف وية أمي بهدوء. والخجل والارتباك واضح عليها، واني الابتسامة شاكة حلكي. ماشاء الله علي.

شوية وكمت صعدت بالغرفة. نزعت القميص والبنطرون ولبست التراكسود. وواكف أعدل بشعري وانفتح الباب. سارة دخلت نازك وسدت الباب وكالت: "تدلل حسين." ضحكت بصوت عالي وكتلها: "تاج وباج سريوة." وأباوع نازك تريد تبجي من الخجل. ضحكت وتقربت وهية ترجع ليورة. كتله بضحك: "هووو، راح أكولج." وهية طكتها ببجية. صدمتن بوية. غير خربت من الضحك. شبكتها وكلت: "هوب هوب، شبيج؟

كالت ببجي: "حسين وخر، والله أستحي، وهاي سارة، أني الها. ويلا وديني لأهلي، اريد أبوي." ضحكت ودارت وجها. كتلتلها: "طلعتي خوافة، بس بالمحادثة شرسة. يولي، بالواقع ترجفين." ضحكت ودارت وجها. همست بحب: "شو باوعيلي." ما قبلت. همست: "نازك." دارت وجها بساع وباوعت لي لا إرادياً. مباشرتاً بستها. شوية ووخرت وهية سنحت بحضني. ابتسمت بهدوء ومسحت على خدها وهمست: "أحبج". ضمت راسها بصدري بخجل. حضنتها وهمست: "أني هم أحبك".

ابتسمت وبستها براسها وكعدت عالقنفة وكعدتها بحضني. وضليت أسولف وياها وأسحب منها الكلمة بالكوة. لحد مانزلنا نتغدى وهية كاعدة يمي. كملنا وشربنا جاي واندامجنا نسولف. كلها طلعت من الاستقبال ومادري شگلت وعاندتني. خليت وعضيتها من خدها وهية كمزت وعيونها انترست دموع. ودخل أبوي للاستقبال. خرب حضي مايدري. باوعلها باستغراب وكال: "ها بابا شبيج؟ " باوعت لنازك أريدها تباوعلي وجفصت بالوضع وكالت: "وتريد تبجي عمو هذا حسين عضني".

هية گالت هيج واني فد استحيت وفشلت من أبوي. يانازك أم دميعة أني الج. أبوي ضم ضحكته وخزرني وكال: "ههههه شبيك بابا" وأشرلي بمعنى بسيطة. وكال لنازك: "ههههه يابة امشي گعدي يم البنات يولي". حسين وطلع من الاستقبال. سحبتها من ايدها وكلت: "صدگ جذب أم دميعة شهرتيني يم أبوي. شكول عليج؟ نازك گالت: "شكو تعضني؟ ضحكت وگتلها: "اسكتي يابة اسكتي دومج فاضحتني". وضلينا نسولف ونضحك. وكلما تعاند توخر من يمي تخاف أعضها. واني خربان ضحك.