رواية يأس القلوب الفصل الحادي والثلاثون 31 - بقلم رودة

part 31

‏تعاندني

عليمن .. هو وكت عناد مو گلنه گضت كلمن أخذ حگه العندك إخذه إلك وأتباهه بي عالناس والعندي جرح بحرورته أتسله. ريحـانة تقربت بسته بخده وطاحت دمعتي بساع مسحتها ووخرت رحت للحمام غسلت وطلعت فتحت الكنتور وطلعت بنطرون جينـز وقمـيص مشجر وشيلة سادة بدلت وكفت كدام المراية اخلي مكـياج لين وجهي مبين كـلش تعـبان فخفيت الأثر كملت لفيت الشيلة ورشيـت عطر اخذت الابكوت مالتي من التعلاكة واخذت الجنطـة وفـزيت علئ صـوته وهوة يكـول وين؟ بدون مااباوعله واني كاعدة البس الكعب كتلة بهدوء للجـامعة عمو يوصـلني شمـر اللحـاف وكال بعـصبية انـتظري اني اوصلج تنهدت باوعتله كام فتح الكنتور طلع تراك رياضي واخذه ودخل للحمام واني اخذت الجنطة ونزلت شفت عمو وعمة يتريكون صبحت عليهم وكعدت علئ صفحة كالت عمتي ماما تعالي اكلي وية عمج كتلها لاعمة مااشتهي الف عافية عمو كال تعالي بابا ماكو ماتشتهين وراج دوام شوتعالي اكعدي يمي باوعتلة وعيوني مدمعة هز راسة وكال اكسر راسة اليزعلج شوتعالي ابتسمت كعدت يمة باسني من راسي وكال اكلي بوية اكلي اخذت صمونة وبديت اكل وياهم شوية ونزل باسل والله يالله شدعوة هلكد طالع حلو لابس تراكسود نيلي وعطره يمشي قبله صبح علئ عمو وعمة وكعد داكل بس رفعت راسي خزرني اللكمة وكفت ببلعومي غصيت شربت مي ورجعت اكل هذا شماله خرب حظي كملت يساع كمت غسلت اباوع الساعة بـ7 ونص كتلة بهدوء شوكت توصلني عندي محاظرة عملي اول محاظرة ومايصير اتاخر ماجاوبني يشرب جاي ويكلب بالمبايل كلش ضجت من ماجاوبني كتلة بضوجة توصلني لو لا اذا ماتوصلني كول علمود اروح وية عمو ماباقية عليك كال صوتج لاتعلينة لا اكوملج ترا بالكوة متحملج هوة كال هيـج واني دموعي نزلت عشرة عشرة باوعلي استغفر الله واخذ السويج وطلع واني انهضمت كلش من كال بالكوة متحملج اغسل بوجهي واشهك بالكوة هدأت روحي شربت مي اباوع وجهي صار احمر من البجي استغفرالله يالله اخذت الجنطة وطلعت لكيته مشغل السيارة فتحت الباب الورة وصعدت ماصعدت بالصدر هوة هم ماحجة الظاهر الاستاذ مرتاح طول الطريق مبايله كالساع داك وشغل ومادري شنو شوية ووصلنا للجامعة بدون تفاهم اخذت الجنطة ونزلت وسديت الباب كل قوتي داحرك بدمه مثل محرك دمي دخلت للجامعة لبست الابكوت بساع وتوجهت للقاعة لكيت الباب مسدود دكيته وكلت ادخل استاذ كال ليش متاخرة ماحجيت صاح بابا موداحجيي وياج ليش متاخرة موكلت الي يتاخر مايدخل يعني شكلة هسة مثلا اكلة باسل طنكر علية وماكام بساع كتلة ازدحامات استاذ نتر وكال ادخلي وهاي اخر مرة اسمح الج تتأخرين دخلت وعيوني مغوركة بالدموع شلون صيحت علية كدام الطلاب كعدت وبدأ يشرح لحذ ماخلصت المحاظرة طلعت امشي وروحي طالعة تذكرت البارحة شنو صار وتنهدت نمت البارحة والخوف مزروع بداخلي صحيح اني غلطانة لين ماحجيت بس ماتوقعت هيج تكون ردة فعله وهوة زعل وضاج مني واني ضجت منة وشلون راح تصفئ ماادري ودخلت بعدين للمحاظرات الباقية لحد ماخلص الدوام ودائما افتر بحدي وامشي بحدي ماعندي صديقات هية وردة وسوت بية خـوفة ....طلعت بالكراج لكيته واكف منتجي علئ السيارة ومجتف اديه شافني صعد بالسيارة واني تقدمت صعدت ورة وسديت الباب وبدا يسوق وماحجة ولا كلمة خليت الجنطة علئ الكشن وبدا يسوق واني صافنة علئ الجامة وميتة تعب وجهي صار اصفر ومنا الدنيا حارة وصلنا للبيت اخذت الجنطة ونزلت امشي اول مادخلت خليت الجنطة علئ الميز نزعت الشيلة وفتحت المي البارد وضليت اغسل بوجهي بمي بارد الله لحد ماتنكعت تنكع وهوة دخل شافني صفن وراح للأستقبال دخلت عمتي للمطبخ شافتني ضحكت كالت ها يمة انطبختي من الحر كتلهة واني انشف بوجهي كلش عمة كلش تقدمت بوستها واخذت الجنطة والشيلة وصعدت فوك دخلت سحبت دشداشة تصير جوة الركبة اخذتها ودخلت للحمام سبحت ولبستها طلعت انشف بشعري شفت البنطرون مالتي صاير نصين ومشمور بالكاع شهكت وركضت علية عزا كلشي ولا بنطروني اجيت ابجيي نوب اكثر بنطرون احبه اخذت البنطرون ونزلت جوة وشعري نازل منكع مي بعده ونزلت هدادة ولازمة البنطرون بيدي دخلت للأستقبال وكتلة وعيوني مدمعة ليش هيج مسوي بالبنطرون مالتي؟ ماجاوبني ملتهي يتشغل بالحاسبة كتلة احجي وياك ليش هيج مسوي بالبنطرون مالتي رفع راسة وكال وهوة يدخن ماعجبني ومرة ثانية ماتلبسين هيج كتلة بعصبية ودكيت رجلي بالكاع موبكيفك وطلعت من الاستقبال صعدت للغرفة وبس ادردم حركك كلبييي نوب ثاني مرة البسه مااحس الة دخل وراي للغرفة وكال موبكيف منو؟ بلعت ريكي وكتلة موبكيفك تقرب ولزمني من وجهي وكال لسانج طولان لاتخليني اكصه الج احترمي احسن الج نترت ايده بضوجة لزمني من ركبتيي وكال بعصبية راسج اكسره اذا عدتيها بجيت وكتلة وخررر منييي خنكتني شبيك وياي شبيك كال وهوة يحذرني باصبعه واصلة ترا لحد هنا وبالكوة ساكت وحق محمد لا تخليني الزمج والعب بيج طوبة سالفة البارحة ماناسيها الج يعني مثلا تردين اكعد اصفك الج لو شنو؟ وخرت منه وكتلة بهدوء كلشي مااريد منك بس وخر من يمي ولاتتقرب يمي كال بعصبية اساسا بعد مااجي يمج لين تصرفاتج صايرة متناقضة لابعد حدود ومادري شلونها من توعين وتحسين علئ نفـسج بهذاك الوكت عود اتحاسب وياج غوركت عيوني وكتلة شنو تقصد توعين علئ نفسج دتحسسني اني مخبلة؟ لو شنو كال بهدوء شلون متفهميها افهميها وعافني وطلع شمرت الخاولي وكلت بعصبية انيي صوجي احجي وياك وفوكاها هوة الزعلان والضايج ويصيح علية نوب وكالعادة ابجي واعزل بالغرفة وادردم ابو راس العصبي المكبسل كملت الغرفة ونزلت جوة دخلت للمطبخ عمة مسوية دولمة اليوم فتحت الثلاجة طلعت طماطة وفلفل اخضر وخيار وخس سويت زلاطة ورشيت عليها ملح وليمون وطلعت لبن ورتبت السفرة بالاستقبال وعمتي كلبت الدولمة بالصينية واخذتها خليتها بنص السفرة وهوة بعدة كاعد يشتغل بالحاسبة ولااهتميت اله ولاعبرته كعدنا وبدينا ناكل وجوعانة كلش التهيت اكل رفعت راسي لمحته يباوعلي شافني انتبهت دار وجهة باوعت علية بتك عين همزين ماشافني جان سحلني بنص السفرة كملنا شلت السفرة ودخلت للمطبخ نضفته وسويت الجاي حضرت الصينية وصبيت الجاي واخذته للأستقبال قدمته وكعدت اشرب وياهم وكالت عمتي باجر الخطبة مال ايمن ابن اخوية ترحين وياية يمة؟ داحجي وكال باسل متروح باوعت عليه وكتلها لا عمة مالي خلك وعندي امتحانات وباوعت عليه وكلت ان شاء الله علئ الحنة اروح خزرني درت وجهي شوية وكمت صعدت فوك بالغرفة تمددت علئ الجرباية وكبل غفيت من التعب ورة كم ساعة فزيت الدنيا مغرب كمت من الفراش رحت غسلت وتوضيت وصليت البيت هدوء اخذت مبايلي ونزلت شفت باسل بعدة كاعد يشتغل علئ الحاسبة استغربت لاعمة ولاعمو بلعت ريكي وكتلة وينهم شو محد موجود؟ كال ابوي رجع للمركز عنده خفر وامي عند بيت جدي تبات هزيت راسي وطلعت من الاستقبال البيت موحلو بدونها جنت اخلص وقتي وياهة وهسة ويامن اذا اكعد يمي باسل اخلصها عرك رجعت للأستقبال كتلة تريد عشة؟ هز راسة بمعنئ لا عصبت موصوجك صوجي اني اسئلك رحت للمطبخ فتحت الثلاجة طلعت تفاحة ورحت كعدت بالاستقبال يمه مجبورة لين البيت فارغ واخاف كعدت علئ القنفة اكل واكلب بالمبايل فززني صوته وهوة يكول جيبي المبايل بلا استغربت كتلة شتسوي بيه؟ كال جيبي ضجت شنو يقصد كمت وانطيته المبايل وكتلة يعني متثق بية مو جيد! احجي ويه حيدر مو هوة. صوجك صوجي اني باقية يمك ومتحملتك. ما أحس إلا كام ولزمني من فكي وكال بعصبية وعيونه حمر: "اسمه ماتكولينه بلسانج؟" بلعت ريكي بخوف. نترني وكال: "جيبي أخذه." ما أدري شسوى. خمس دقايق وانطاني ياه. كال: "مو كلشي ودخلتي. الثقة بالموضوع مجرد أمنت الج الموبايل علمود محد يكدر من خلال رقمج يوصل للبرامج. وجيد بويه لهل درجة اني ثكيل عليج وموكادرة تتحمليني." "أخذيييي المبايل وروحي من يمي. ما أريد أشوف وجهج." أخذت المبايل وطلعت من الاستقبال وكلت بقهر: وتالي ويه جفصاتي. أجيت أكحلها عميتها. باوعت عليه يمسح بكصته. ضوجته سودة. بس هوه شلون يكلي: "ما أريد أشوف وجهج." وانقهرت بالزايد. خليت ورجعت وكتله: "يلا موماتريد تشوف وجهي كوم وديني لبيت أهلي. دابقئ يمهم همة يتحملوني وانت شوف منو يتحملك ويتحمل هاي سوالفك." رفع راسه. خلة الابتوب بعصبية علئ التخم وكاملي. واني طكيتها بركضة صعدت علئ الدرج وهوة يكول بعصبية: "أوكفيي يمة." حسيت كلبي راح يوكف. دخلت للغرفة وسديت الباب. دك بعصبية وكال: "افتحي الباب خلي أعلمج شلون تتحمليني. افتحييي." يمة منتجية علئ الباب وكتله بخوف: "روح ما أفتح الباب عوفني." دك الباب وكال: "افتحي راح أكسره." شفته دكه حيل. كالت: "حيكسره." فتحت علئ كيفي ورجعت ليورة وهوة دخل. شافني ضل ساكت. خصل من شعري نازلة علئ وجهي. وأجر نفس بساع. مسح كصته وكال: "انت وين تردين توصلين؟ ليش تخبليني وتخليني أصير عصبي؟" بلعت ريكي وكتله: "اني ممسويتلك شي. انت مدري شبيك عصبي وبس تصيح. ومن البارحة لعبت بية طوبة وحسرة علية أسوي أي شغلة كبل تصيح علية." وسكتت وكتله بقهر: "وهية صار تقريباً 14 يوم مدري شكد من احنا متزوجيين وهية دتسوي بية. بعد كم يوم شتسوي؟" "واعترف اني غلطانة من ضميت عليك وكلت لعمو. بس جنت خايفة كلش وهاية ردة فعلك هية الي ماتخليني أكلك. لين ماخليتني أحس بالامان. واني الجنت دائما أحس بالامان وياك. ليش هيج أخذت الموضوع بصعوبة؟" كلي. تقرب بعصبية وكال: "تعرفين شنو يعني أغار؟ تعرفين شنو يعني دمي محترك؟ مجرد ما أذكر هيج يكلج ويلحكج أريد ألزمه وأطلع روحه. انت مالتي." وهمس: "ريحانة باسل. انت محد يتقرب الج." هوه يحجي واني يمه كلبي حسيته راح يطلع من مكانه. عزا يغار عليه. ورجع كال: "بس عادي إذا تحسيني ثكيل عليج ومتكدرين تتحمليني وعصبي ومتناقض. ابتعد عنج لين كلشي ولا أذيج." كتله: "اني مو قصدي." كال: "لا قصدج. لاتكعدين تبررين." كتله: "ما أحب أبرر. اني أريدك تفهمني بدون تبرير." رفع حاجبه وكال: "لعد شوفي منو يفهمج ويتحملج." وطلع من الغرفة. ضربت الباب بعصبية. مو صوجك صوجيي اني. نووب يكلي: "يفهمج ويتحملج." شيقصد. انيي محد يتحملني وما أنطاق. سمعت باب البيت انسد. نزلت وكض. عزا عافني وطلع. أخاف بحدي بالبيت. يمة ركضت سديت باب المطبخ ودخلت للأستقبال. هدوء والبيت بس اني بي. فد خفت. شلون عافني. عفية خلي يرجع. والله اعتذر منه وأعترف بغلطي. بس لا يعوفني بحدي. أموت من الخوف. عندي فوبيا كلش قوية من انو أبقى لوحدي. صعدت لغرفتي سديت الباب وكمزت من صوته. خليت أيدي علئ كلبي بخوف. يمة. أخذت مبايلي ودكيت عليه. ميرد. يطلعلي يجري مكالمة الان. دكيت هواية وما يرد. طاحت دمعتي. مسحتها بساع. لا ما أبجي. ما أبجي لين إذا بجيت أخاف بالزايد. بس وين. بس سمعت صوت طب. ضليت أبجي وأرجف. رجعت دكيت علي وشهكت وكلت: "هسة غير يرد. ملتهي. يخابر بصاحباته. هايه مكالماته الما تخلص. أبو البنات." وشهكت. "أبو الجكاير. هسة غير يرد. ماكو." سديت باب غرفتي وأباوع الساعة بـ10. جريت اللحاف وتمددت علئ الجرباية ومتلفلفة وبس أرجف ودموعي ينزلن. وختمت القرآن من كد ما خايفة. سحبت مبايلي وضليت أكلب بيه. التهيت شوية. راسلت سارة ومريم. سولفت وياهم شوية. بس بنيت الهم انو اني بخير وكلشي ماكو. لحد ما خلص المبايل شحن. خليته علئ الشحن ورجعت أصفن بحدي. وكلساع أسكت وأرجع أبجي. ما ضلت سالفة تقهر. ماتذكرتها وبجيت عليها. باوعت الساعة صارت بـ1 وشوية وتصير ونص. ضليت ألوب بمكاني. وين راح. وين. وخرت اللحاف فتحت باب الغرفة ونزلت جوة. كعدت بالمطبخ أنتظرته. وجهيي أحمر دم وعصبية وأرجف. نص ساعة وانفتح الباب. رفعت راسي وعيوني حمر. أباوع عليه شايل علاكة مال أدوية بيده. نغزني كلبي. بلعت ريكي. مادرت أبين. كتله: "بعد وكت ليش هسة جاي؟ ما خليتها علئ باجر؟" كال بعصبية: "اسكتيي لا تخليني أجرم بيج. واصلة لهنا ترا." كتله واني أرجف من العصبية: "منين ما أجيت أرجع." وعفته وصعدت للغرفة. دخلت للغرفة كبل للحمام. دخلت وسديت الباب وأغسل بوجهي. أريد أسكت بس أبجي وأشهك. ماكو. لحد ما هدت. طلعت من الحمام. شفته متمدد علئ الجرباية وأيده علئ عيونه. باوعت للقنفة شامر علاكة الادوية. كلبي نغزني. طلعت من الغرفة أفتر بس أريد أهدأ وتروح الرجفة مني. شوية وهدأت. دخلت للغرفة فتحت الكنتور داخذ الغطة. فززني صوته وهوة يكول: "وين رايحة؟" كتله واني أسد بباب الكنتور: "رايحة أنام بالاستقبال." كال: "عوفي البيدج وتعالي نامي هنا." كتله واني أخزر بي: "ما أجي." شمر المخدة علية وكال بعصبية: "تعالي لا أكوم أكسر راسج." ومحمد. بلعت ريكي ورجعت الغطة لمكانه ورحت يمه علئ الجرباية وحصرت روحي بالطرف وبس أدردم. شوية وسكتت. حسيته كام يدنة. سويت روحي نايمة. تقرب وشبكنى. مد راسه باسني بخدي. بوية انسحنت روحي. صحيت علئ روحي وكلت بكلبي: "والله عرفتك. ليش ترديني أحيه يمك علمود يحلالك الجو." كمت بعصبية وكتله: "شكو تشبكني؟ اني مو كلك لا تتقرب الي. عرفتك ليش تريدني يمك." هوة كح وسوه روحه نايم وكال: "نايم وما أدري بروحي." كتله: "اي خطية قهرتني نايم ومتدري." كال: "ترا ماميت عليج. يلا أرجعي نامي. لاتخبصيني." جريت اللحاف وغطيت راسي وضليت بس أدردم لحد ما صاح علية وسكتت. ابتسمت جوة اللحاف. باع باع. يريدني يمه علمود يشبكني. ورجعت أنقهرت من تذكرت عركاتنا وشلون عافني وطلع. غوركت عيوني وكلت: "لا هوة ميحبني. صار 3 أيام لعب بية طوبة. هوة لو يحبني ميصيح علية ويبجيني." تقريبا نص ساعة حسيته كام. باوعت عليه من جوة الغطة. شفته شرب دوم ورجع تمدد ويمسد علئ راسه ويمسد عليه. وأعصابه بارزة. عرفت الضغط هابط عنده ومتأذي. وخرت اللحاف وباوعت عليه. رجع كام وطلع من الغرفة. وخرت اللحاف وكمت وراه. أمشي علئ كيفي. نزل ونزلت. وصلت للمطبخ. شفاه طلع ليمون من الثلاجة وطلع الملح من الكاونتر. كالت بهدوء واني أتقدم وأخذهن من ايده وأحجي وبالكوة لازمة روحي ما أبجي: "اكعد اني راح أسويلك العصير. الضغط هابط عندك مو؟" نتر وكال: "ارجعي نامي. ميحتتاج. اني أسوي." كتله: "مومعناها احنة متزاعلين يعني أعوفك بحدك وانت مريض. فيعني أنطيني خلي أسويلك رجاءاً. لو متريد أسويلك شي من أيدي؟" كال وهوة رافع حاجبه: "اي. ما أريد شي من أيدج." هوه كال هيج واني كبل برطمت وكتله: "يعني يعني متريد مني شي." كال بهدوء وهوة يدير وجهه: "نفس ماسمعتي. ويلا أرجعي نامي." نزلن دموعي وعفته ومشيت. صعدت ودخلت للغرفة واني أشهك. مو صوجك صوجي اني. رنمت علئ الجرباية وتغطيت ورأسي طالع من البطانية وأبجي وأكول: "صوجي اني العوبة أركض وراك. ضل انت سوي لنفسك. شعلية بيك." وأحجي وأبجي. خمس دقايق ودخل للغرفة. سكتت وغمضت عيوني. فجأة حسيته همس يم أذني. فتحت عيوني. باوعتله شفته متكرفس كدامي ومد كلاص العصير وكال بهدوء: "نكدر نعتبر هذا العصير عربون صلح بيناتنا وننسى الزعل وكلشي؟ لو مانكدر؟" بجيت بالزايد وباوعت عليه بزعل وهزيت راسي بمعنئ لا. وغطيت وجهي. ما أحس إلا اللحاف انجر وتمدد يمي وكال وهوة يبوس بخدي: "عادي ننسى الزعل هسة. وباجر الصبح نرجع متزاعلين؟" هزيت راسي بمعنئ لا. كبل كال: "هو بكيفج. شو تعالي." وسحبني لحضنه وشبكنى حيل. حسيته كسر ضلوعي واني أدفع بيه وأكول: "عوفني. ما أريدك. وبعد ما أحبك. لاتتقرب يمي." رفع راسه وكال: "متحبيني؟" كتله: "اي." ما أحس إلا ضل يدغدغني بلحيتة. يدري بية أموت من الضحك. حاولت أكتم ضحكتي. ما كدرت. ضحكت ودموعي تنزل بنفس الوقت. شلون رهمتها مادري. كتله: "الله عليك عوفني." رفع راسه وكال: "تحبيني لو لا؟" كتله واني أضحك: "اي والله هواية. بس عوفني." باوعلي وابتسم كال: "شوفي اني شكد أحبج. وماتكدر علئ زعلج. وصار 3 أيام ماتحاجيني. بلا اني مو خطية. زين كليلي منو الغلطان؟" كتله وعيوني مدمعة: "اني." كال: "زين منو المضلوم؟" كتله: "انت." كال: "زين منو لازم يصالح الثاني؟" كتله: "انت." ضحك وكال: "غير انت الغلطانة ولازم تصالحيني." هزيت راسي وكتله: "حتئ لو اني الغلطانة. غير لازم انت صالحني. موتول اني بنيتك." خربط شعري وباسني بخدي وهمس: "بنيتي وروحي." كتله: "لعد ليش تزعليني وتبجيني؟" كال: "بوية غير انت تدوسين ببطني." كرصته وكتله: "منو تدوس بالبطن؟" ضحك وكال: "اخ الله. مو انت مو انت." كرصته مرة ثانية وكتله: "متريد شي من ايدي مو؟" جر أديه وباسهن وكال: "العافية تجي منهم. يبعد بيتي." ابتسمت وهوة صاح: "صبرني عليها يخو زينب. صبرني." ضحكت وكتله: "ليش؟" كال: "تبتسمين واني أبتلي." شبكني حيل وكال: "كون هيج أضمج وماحد يشوفج. بس اني. شنو رايج تكعدين وبعد ماتداومين. واني أكابلج وأكعد 24 ساعة. وبعد لا أغار ولا أعارك." كتله: "لا عيني. متمشيهن علية هذني سوالفك. وبعدين تعالي كلي اليوم وين تأخرت. وعفتني بحدي. متت من الخوف." باسني وكال: "رحت للمستشفى وهوسة وازدحام. منا للوحدة يالة خلص المغذي وجيت." كتله واني أحضنه: "يمة. سودة علية." كال وهوة يبوس راسي: "اسم الله عليج." كتله: "من وراي صعد الضغط وتمرضت." باسني وكال: "يولي لاتكولين هيج. هوة اني من أشوفج أصير زين وتردلي عافيتي. مونوب أتمرض من وراج." لابوية. وين. ابتسمت بخجل وبادلته الحضن وكتله: "عبالي رحت يم البنات." كلبني وصار فوكاي وكال: "وبعدين تعالي. هايه سوالف البنات منين تجيبينها. واني فقير وماعندي هيج سوالف. وبهايه سوالفج راح تخليني أروح أصاحب. وبكيفج بعد." لزمته من حنجة وكلت: "انت بس فكر وشوف شسوي بيك." خزرني وكال: "شيسوي بلعت ريكي وكتله: "أبوسك من راسك." ضحك بصوت عالي وباسني بخدي. كتله: "هسة احنة تصالحنا. باجر نرجع متزاعلين." كال وهوة يمسد علئ شعري: "شحدج بوية. هوة انت بس فكري تكعدين مطنكرة وشوفي شسوي بيج." ابتسمت وكتله: "شتسوي؟" كال: "أبوسج من راسج." ضحكت وهوة ضحك. والعصير ماشربته حتئ نسيته. ونسيت الزعل كله. وضلينا نشاقة ونضحك. يابة زعل حبايب. باسني بخدي وهمس يم أذني: نشكر جهود أمي المبذولة بتفريغ البيت .... أنا مستعد لتنفيذ مهمتي بدقة. يرجى تقديم النص الذي ترغب في تنسيقه وتصحيحه.