رواية يأس القلوب الفصل الخامس عشر 15 - بقلم رودة

كالت وهي تهدد بإصبعها والقران اكتمل روحي. حلفت بالقران رجعني للبيت هسة ويصير خير. خفت يصير بيها شي، سحبت السويج وكتلها نازل، تعالي وراي. نزلت ولاول مرة أحس روحي غلطان من ناحية كل شي. صعدت بالسيارة وانتجيت علئ الكشن وطلعت. هي فتحت باب الورة وصعدت. بديت أسوق وهي ساكتة وأنا ساكت. خفت من الجاي، شراح يصير وشنو الي ببالها؟ أوو أكيد تزعل مني كم يوم وأراضيها. وصلت لبيتهم، كبل فتحت الباب ونزلت. حركت السيارة علئ السريع وطكيت

حيل علئ الستيرن وكلت بقهر: لوميت ولا ضاربها. لو ميت لحظة غضب وما حسيت علئ نفسي، شلون مديت ايدي عليها؟ شلون أسوق ما أعرف وين أروح ما أعرف شي. بداخلي يبجي عليها. ريحانة دخلت للبيت علئ كيفي، ما أريد أحد يشوفني. من حسن حظي كلهم جانوا بغرفهم، صعدت لغرفتي ركض. وسديت الباب وانتجيت عليه وغصيت بالبجي وكاتمة صوتي بإيدي. وبس أكتافي تهتز. شمرت روحي بالكا.

وأخذت وضعية الجنين وشابكة نفسي وأبجي. تعبت يالله تعبت، اختبارك صعب. شهكت حيل من تذكرته. كالي: أنت ريحانة باسل. ورجعت أبجي حيل. هاهية خلصت وياك. كمت نزلت بملابس الدوام. بعدني نزلت. ركض دكيت باب غرفة ماما وبابا ودخلت. شفت بابا يشتغل بالاوراق وماما تباوع علئ التلفزيون. شافني. شمر الأوراق وكام وكال بصدمة: شبيج؟ كتله: خصم الحجي، هسة إذا ما كتلّي تفسخ الخطوبة أحرك روحي كدامكم وأحرك كلبكم علية! يباوعون علية بصدمة.

كال بعصبية: شسوالج؟ كتله: وأني أنكر، ماسوالي شي ماسوالي، بس أنا مليت ما أكدر أكمل وياه. نفسيتي تعبت، دانهار كل يوم من ورا هذا الموضوع. تسمعوني لو لا؟ باوعت علئ بابا وكتله: إذا صدك أهمك وتدور مصلحتي وتريدلي الأفضل، هسة تفسخ الخطوبة! ولا تسألوني علئ الأسباب ومدري شنو، لين أنا من شغلة مارايدتها ومامقتنعة بيها، لو أموت ما أبقى عليها. لو أموت، تسمعوني؟ تقدم بابا لا إراديا.

شمرت روحي بحضنه وانهديت بالبجي. وهو شابكني حيل وماما تهدأ بيه وتبجي. بس أنا لا حياة لمن تنادي. انتهيت وبابا يهدأ بيه ويبوس براسي. وأنا مجلبة بقميصه وأبجي وأكول: تعبت بابا تعبت من كل شي تعبت. ارحموني كافي حسوا بيه. باس راسي وضل يمسد عليه ويقرأ آيات. وكلهة ملتمة بالغرفة ومستغربين من حالي. بابا كال بهدوء: نفر واحد ما أريده يبقى بالغرفة! كلها طلعت. كعدني بابا علئ الجرباية وكال

بهدوء: أششش كافي لاتبجين. مو كايج بطلي بجي ليش تخبليني؟ لشوكت تبقين هيج ضعيفة وتنهزين. بساع وتبجين. هزيت راسي وكتله: موبيدي. كال بعصبية: ماكو شي اسمه موبيدي، كلشي بيدج! أنت كادرة تتحكمين بكل شي بحياتج بشخصيتج بنفسج! لا تبقين ضعيفة وتكولين موبيدي، إذا بقيتي هيج لعد أيسي من نفسج! صيري قوية. السبع شيسوي ريحانة؟ شقايلج أنا؟ شيسوي السبع؟ كتله وأني أبجي. يضحك بوجه الحزن ويطلع سنونه. ضربني

بخفة علئ راسي وكال بعصبية: لعد أنت شبيج ها؟ موسبعة أنت؟ فهميني أريد ريحانة القديمة أم لسان القوية المحد يكدر الها. ما أريد هاية ريحانة ما أريدها. ريحانة الضعيفة أنا ما أعرفها. أنا أعرف بس ريحانة القوية! يحجي بابا وأنا حسيت نفسي بدوامة كبيرة. دوامة التفكير. وين جنت أنا ووين صرت؟ شنو هذي الشخصية الضعيفة؟ شكد بجيت أنا شسويت بروحي؟ منتبهه لكلام بابا حرف حرف كلمة كلمة. كل شي كاله ضليت أعيده بيني وبين نفسي. لكيت

ريحانة القديمة القوية ماكو، وحاليا عبارة عن ريحانة ضعيفة كسرتها الظروف. فزيت علئ صوت بابا وهو يكول بعصبية: ريحانة اليكسر خاطرنا شنسويله؟ رديت وأني أضغط علئ مخرج الحروف: نكسر ضهره! رجع همس بوجهي: ونرجع ننهي كل شي وية شخص لو ناخذ حقنا ونخليه الندم ياكله؟ كتله وأني جامدة بدون حركة: كلامه جاي يوعيني علئ كل شي. ناخذ حقنا! ضربني علئ راسي بخفة وكال بعصبية: لعد شغلي هذا وفكري زين!

وشوفي الأشياء الي جاي تبجين عليها ومنهارة تستاهل تبجين لو لا؟ تستاهل تنسيها لو لا؟ فكري زين. تخلصين حياتج هيج يعني؟ هزيت راسي بمعنئ لا. كال: امشي ادخلي للحمام غسلي وجهج بساع وتعالي. مشيت علئ كيفي. صاح: امشي بساع. كمزت ودخلت بساع للحمام. غسلت وجهي. لكيته لازمه المنشفة. انطاني ياهة نشفت وجهي ويباوعل بعصبية. يمة فد خفت. كعد علئ القنفة وكال: تعالي اكعدي.

مشيت وكعدت يمه وكال: باعـي هسة أنا حجيت وياج ووعيتج. وهسة أنت تكعدين وتراجعين قراراتج بينج وبين نفسج. بس ياويلج وسواد ليلج إذا اختاريتي قرار خاطئ! وكلشي لاتضمين كلشي احجي ابد لاتسكتين. وكل الكلام كوليه بوقته. لين إذا سكتي يدمر كلشي! وبالنسبة للخطوبة فعندج مهلة شهر واحد بس! شهر واحد لو تصلحين كلشي وتنسين كلشي صار. لو تهدمين كلشي وتنهين كلشي. وبهل كم شهر

تحاولين تطيبين كلبج الانكسر والمشاعر الي بدت تنبني. لين ياغبية شلون تردين تنهين كل شي وأنت لحد الان ماتعرفين باسل شنو بالنسبة الج! بس كل الي تعرفينه انو أنتم مامتفاهمين. هسة من أسالج أنت تكرهينة؟ جاوبيني وتكولين أكرهه. لاتضلين ساكتة لين ماعندج جواب. شهر واحد شوفيني مهاراتج بيه. وحاولي ترجعين ريحانة القديمة. وأنا هم عندي حجي وية عمج عزيز وباسل. ويصير خير. وهسة كومي

بدلي وتنزلين بوجهج كبل تتغدين ويانة. وإذا تأخرتي أصعد أكسر راسج. هزيت راسي. كمت علئ كيفي. جاي أطلع. صاح: ريحانة. درت كلت: ها بابا. فتح ايدة. ابتسمت وأني مبرطمة وركضت شبكته حيل. باسني براسي وكال وهو لازم وجهي بيديه: كدها أنت! هزيت راسي بابتسامة: أيي كدها. بسته وطلعت من الغرفة وصعدت لغرفتي. دخلت للغرفة. كلام بابا حسسني انو أنا جنت مغمضة علئ كلشي. أخذت

ملابسي ودخلت أسبح. ارتاحيت شوية. طلعت مشطت شعري ورشيت عطر. وأحاول أوخر الأفكار السلبية. وأكول: كل شي بوقته حلو. عزيز كاعد بالصالة أباوع علئ التلفزيون. ودخل باسل يطوطح وما يمشي عدل. استغربت وكمتله وكتله: شبيك ما تمشي عدل؟ دار وجهة. عيونه حمر وبالكوة مفتحهم. وكال: هابوية اجيت من السفر. شوكت زيارة مقبولة. عيدك مبارك. كل موت وأنت بخير. كتله: طيح الله حظك. أي والله ياسفر. كمت تقربت منه علئ كيفي وشميت ريحة شرب. لزمته

من كتفه وهزيته وكتله: شارب باسل! تسودنت. أول مرة يسويها باسل. هزيته حيل وكتله: باسللل شلون تشرب؟ دفعته حيل وكع بالكا. بالكوة سند روحه وكام وكال وعيونه حمر ويجر بالكلام: جر غير من وراها. كتله بأستغراب: من ورا منوو؟ تقرب وكال بهدوء: بوية أنت موكتلي مادامني موجود كلشي تريده يجرالك؟ جا خوش. أنا أريدها. جيبلي ياهة! وخلي أبوسها هنا، آذيتها أنا آذيتها. رأسه يريد يبوسني،

دفعته وكتله بعصبية: طيح الله حظك، شو تعال احجي عدل، آذيت منو تبوس منو؟ كال وهو يمسح وجهه: ريحانتي، ريحانة باسل. فتحت عيوني بصدمة وكلت: ولك شسويت الها؟ كال وعيونه حمر ومدري شيسوي حركات: آذيتها بوية، هيج ضربتها بلا تعالي. إلهي، خلي أضربك وأشوف توجع لو لا. مد ايده، لزمتها وبالكوة لازمتها، أعصابي ما مطيح حظه. سكران ما يحس، باجر خلي يكعد إذا ما ألعب بيه طوبة، وين يروح مني؟ كتله: شسويت ولك؟ صخم الله وجهك.

مد ايده على وجهه وكال وهو يمسحه ويجر بالأحرف: دشوفه، هو مصخم من زمان، بوية عوف كلشي، هسة كلي تجيبلي ياهية لو لا؟ أنا أريدها، ما أعوفها. كلها ما أعوفها. كتله: صوتك أبو حس العالي، وشكو أجيبها الك؟ ردت أسحب منه الكلام، رمش وصفن ورجع كال: جا بوية، غير أحبها. يلا أمشي نجيبها، أنا أحبها. وجرني من ايدي، وهرة بالكوة حامل روحه. لزمته، أسحل بيه. وصلت للدرج، أريد أخذه لغرفته، لا يشهرنا بنص الليل. يا شوكت يجي الصبح؟

بوية إذا ما طيح حظك. صعدنا الدرج، صاح: بوية وين ماخذني؟ ترا همة من زمان خذوني. كتله وأني أصعد بيه الدرج: وين خذوك؟ باوع بوجهي وضحك، وحتى ضحكته يجرها جر، كال: الشوق بوية، الشوق أخذني، عنودي ما يقبل يهدني. ضربته على ركبته وكتله: طيح الله حظك، اسكت، أمشي. فتحت باب الغرفة، دخلته وشمرته على الجرباية. تنهدت بتعب: بوية ثور مو ولد، صخم الله وجهك، بسيل شسويتلي من مصيبة؟ ونوب باع السكر، شمسوي بيه؟

ولا عبالك هذا الرزن العاقل، بوية راح أنجلط. ريحانة. قاطعتها وكلت بهدوء: وردة، خصم الحجي، أنا هاي الصور ما دازتهن بس الج.