رواية يحيي وشهد الفصل التاسع عشر 19 - بقلم وهج ابراهيم

كان يحيى مركز معاها وهي ترتب المطبخ حست بدوخة ولسه هتقع كان محاوط خصرها بإيديه وهمسلها بقلق: مالك يا شهدي شكلك تعبانة.. شهد.. حطها عالكرسي ومسح وشها بشوية مية وشربها شوية.. يحيى: بقيتي أحسن.. هزت راسها بتعب.. لكن يحيى مكنش مرتاح وهو شايفها كده.. يحيى: طب أفضلي مكانك متتحركيش وجري جاب طرْحتها وعبايتها من جوا عشان يوديها المستشفى.. شهد: مفيش داعي أنا كويسة..

يحيى بضيق: كويسة إيه.. لا أنا مش هرتاح إلا لما أطمن عليكي. لبسها العباية والطرحة وسندها يحيى وأول ما خرج من الباب.. لمحت شهد علا بتبصلهم من باب شقتهم.. بغيظ.. شهد بتصنع: يحيى مش عارفة أمشي ركبي سايبة شيلني يا يحيى. شالها يحيى من غير كلام: يا حبيبتي هتبقي كويسة أنا قلتلك لازم تاخدي بالك من أكلك بس أنتِ تعانديني.. حاوطت رقبته وهي بتبص لعلا تغيظها.. شهد: حاضر يا حبيبي هبقى أخد بالي..

التانية كانت هتتجنن وهي شايفة خوفه ولهفته عليها. عند سلمى.. كان عمر بيشتغل عاللابتوب بتاعه ومركز أوي. حس بإيديها بتتحرك على رقبته وبتمشي على دقنه.. وفجأة مسك إيدها وبص في عينيها: بتعملي إيه.. سلمى بدلع: وحشتني.. فجأة عمر بقى فوقيها وبهمس: قوليها تاني. وهي بتلعب بأزرار قميصه بتقول: وحشتني.. عمر: زي السكر خارجة من بوقك.. وباس شفايفها وهي حاوطت رقبته وشاركته البوسة.. بعد عنها وهو بينهج: أنتِ هتجننيني.. سلمى

وهي بتاخد نفسها بسرعة: بحبك.. عمر: أنا اللي بحبك وبموت فيكي.. دفن وشه في رقبتها ووووو. عند يحيى بعد ما رجعوا من عند الدكتورة وعرف إنها حامل. الفرحة كانت مش سيطر عليها.. يحيى: ألف مبروك يا حبيبتي.. شهد بدموع بتمسح بطنها: يحيى.. احنا هنبقى أب وأم.. يحيى بحب: أحلى أم يا دنيا والله. شهد: أنا مبسوطة أوي. يحيى: أنا اللي الفرحة مش سيطر عليها..

وقرب منها وهمسلها: أنتِ أجمل حاجة حصلتلي.. نعم ربنا كتيرة وأنتِ أكبرها بحبك يا شهدي. شهد: وانا بحبك. قربلها يحيى بهدوء وخدها ببوسة طويلة هادئة ورايقة والتانية متجاوبة معاه.. شهد وهي بتاخد نفسها بالعافية: إذا خانتني يا يحيى صدقني مش هسامحك.. بعد عنها وهو بينهج.. القلب اكتفى بيكي خلاص مفيش مكان لغيرك.