رواية يوميات نور والمجنون الفصل الثامن 8 - بقلم فيروزه

نور بدموع: الدم اللي على هدومي ده من إيه، طمني. أنا خايفة. سيف بضحك: ما تخافيش، طول ما إنتي معايا، أنا من دلوقتي أمانك وسند لقلبك. نور بدموع: أنا خايفة، حاسة بقلبي بينبض كأنه في حرب. بالله عليك طمني، طمن قلبي. سيف بضحك: دم من إيدي يا نور، اطمني. نور بدموع: مسكت إيده وقربتها مني وشوفت جرح كبير ولسه بينزف. سيف، إنت اتعورت من إيه؟ تعالي نروح المستشفى عشان نخيط الجرح، إنت كده هتصفى. سيف بابتسامة حنونة: ما تقلقيش، أنا بخير وبقيت أحسن لما شفت خوفك عليا ونظرة عنيكي. شفت جرح قلبي قبل جرح إيدي. نور بدموع: قامت وبقت تشد سيف. سيف، مش وقت كلامك ده، يلا نروح لأقرب مستشفى نطمن عليك. قوم بقى. سيف بدموع: بحبك يا نور، بحبك. بحب خوفك عليا، بحب قلقك عليا، بحب نظرة عينك. بحبك. أرجوكي خليكي معايا، خليكي جنب قلبي. أنا محتاجك في حياتي. حياتي فاضية من غيرك، حياتي سجن وإنتي المفتاح. نور. نور بدموع: مش وقت كلام ده يا سيف. لو فعلاً بتحبني، قوم نروح أقرب مستشفى. سيف بدموع: لو بحبك، أنا بعشق الترب اللي رجلك بتلمسه، بعشق الهوا اللي بتتنفسيه. بحبك دي كلمة قليلة للي بحسه من ناحيتك. نور قربت منه وضربته بالقلم: قوم يا سيف، بقولك مش وقت كلام. قوم يلا. سيف قام وقرب من نور، ونور بعدت عنه، فكرته هيدربها. بس سيف حضنها: مقدرش أمد إيدي عليكي. ومسك إيدها وبسها: إيدك وجعتك يا حبيبتي؟ إيدك مالها؟ نور بغضب: زقته. إنت مجنون يا سيف؟ إيدي إيه وزفت إيه؟ يلا نخرج من هنا ونروح مستشفى عشان إيدك أهم. خرج سيف ونور وراحوا أقرب مستشفى. الدكتورة خيطت جرح سيف. الدكتورة بابتسامة: ألف سلامة عليك يا أستاذ. سيف بابتسامة: الله يسلمك يا دكتورة. نور بغيظ: الله يسلمك يا دكتورة، يلا يا سيف. سيف عارف إن نور غيرانة عليه، فأحب يشوف هتتصرف إزاي. سيف بخبث: آآآه، إيدي بتوجعني. شوفي كده يا دكتورة. الدكتورة جات تقرب، راحت نور ماسكة إيده وضغطت عليها. نور بغيظ: مالها إيدك؟ مانت زي القرد أهو. يلا نروح عشان العيال قاعدين لوحدهم في البيت. الدكتورة: ربنا يخليهم ليكم يا مدام. نور بخبث: عقبالك يا دكتورة. وخرجت نور وهي ماسكة سيف في إيدها، وسيف كان بيضحك على الآخر. نور بغضب: بطل تضحك، الغمزة بتبان أكتر. اسكت. سيف حط إيده على بقه واتكلم: حاضر يا مدام سيف. نور اتكسفت من اللي عملته، وحطت وشها في الأرض وسابت إيد سيف: أنا عملت كده عشان الدكتورة دي شكلها مش مريح، مش أكتر. أوعى تفهمني غلط. سيف بضحك: حاضر يا مدام. نور بعصبية: سيف. سيف بحب: روح سيف، قلب سيف. نور بتوتر: يلا نروح، يلا. سيف بحب: يلا. هروحك البيت لعمي. نور بفرحة: بجد؟ سيف بحب: بجد يا حبيبتي. مقدرش أشوف عيونك حزينة. أنا عايز أكون مصدر سعادة ليكي مش حزن. ده أنا أموت لو كنت في مرة سبب حزنك. نور بابتسامة وكسوف: طيب يلا. مرة واحدة تليفون أبو نور رن. أبو نور رد بسرعة: ألو. أبو نور: ألو يا بابا. أبو نور بسعادة: نور، إنتي فين؟ والدم اللي في الأرض ده دمك ولا إيه اللي حصل؟ احكيلي بسرعة. نور: متقلقش يا بابا، أنا بخير. أنا جاية أنا وسيف أهو، شوية وأكون في البيت. أبو نور: طمني قلبي يا نور، أنا قلبي ولع من الخوف عليكي. نور: ماتخافش يا بابا، سيف إيده اتعورت والدم اللي في الأرض ده دم سيف. وأنا كنت معاه كان بيخيط. أبو نور: ربنا يطمن قلبك يا بنتي. طيب سيف اتعور من إيه؟ ولا هو عامل إيه دلوقتي؟ نور بابتسامة: بابا، أنا شوية وهكون عندك. اطمن. أبو نور: ماشي يا حبيبتي. خدي سند معاكي، عايز يطمن عليكي. نور: ألو يا سند. سند بقلق: نور، إنتي بخير؟ نور: الحمد لله، اطمن. وقبل ما تكمل كلامها، كان سيف ساحب التليفون من على ودنها. سيف: أنا بخير يا أبيه. سند بغيظ: طيب كويس، هات نور، اطمن عليها. سيف: لا. وقفل السكة في وش سند. نور بغضب: قفلت ليه يا سيف؟ وبتأخد التليفون ليه؟ وأنا بتكلم. سيف بغضب أكبر: وإنتي عايزة تتكلمي ليه؟ ها؟ ردي. نور: اسكت أحسن، اسكت. سيف بغضب مسك إيد نور: نور، ابعدي عن سند. إنتي ليه لوحدي؟ نور بعدت إيدها عن سيف: إنت مجنون. سيف بغضب: أيوه، مجنون بيكي. أنا مجنون يا نور، بحبك. خدي بالك بقى. نور: هتعمل إيه وهتقول إيه على تغييرك للكل وللعيلة؟ سيف بضحك: أنا هتصرف. عند أبو نور. سند بغضب: شوفت يا عمي، أخد التليفون إزاي قبل ما أطمن على نور. أبو نور: اهدا يا حبيبي، مانت عارف سيف وظروفه. وبعدين هم في الطريق. سيف حكى لنور على خطته. بعد ساعة، نور كانت قاعدة في حضن بابها. أبو نور بدموع: قلبي وجعني عليكي يا بنتي، والله كنت هموت من الخوف عليكي. طيب كنتي رني طمنيني قلبي. نور بابتسامة: أنا آسفة يا حبيب نور. آسفة إن دموعك نزلت بسببي. وباست عين أبوها ومسحت دموعه: خلاص بقى يا حبيبي. والله أستاهل إني أموت عشان زعلتك. أبو نور بسرعة: بعد الشر عليكي يا نور عيني. سيف بخوف: بعد الشر عليكي يا ضي قلبي. سند بحزن: بعد الشر عليكي يا نور، بعد الشر. نور بابتسامة: تسلمولي يا جماعة والله. أبو نور بابتسامة: احكيلي اللي حصل، طمنيني. نور: إنت بعد ما طلعت لسند، دخلت أصحّي سيف وبعدين طلعنا الصالة ومسك كوباية يشرب منه، اتكسرت في إيده. بس هو ده اللي حصل. سيف: وبعدها يا عم، شفت الدم ووقتها افتكرت كل اللي حصل معايا. ولما روحنا المستشفى قالوا الدم كان صدمة ليك عشان كده رجعت لسني الطبيعي. سند بابتسامة. الحمد لله يعني مفيش احضان تاني ..

سيف بخبث ....بعينك ....

نور بابتسامه.....هروح انام يا بابا ....

ابو نور بابتسامه.....تصبحي علي خير يا قلب بابا ....

سند بابتسامه......عمي كانت عايز اسمع رد نور ....

سيف بضحكه خبيثه....نور مش موافقه صح يا نور....

سند كان لسه هيتكلم نور اتكلمت .....سند ممكن طلب ....

سند بابتسامه حنونه....طلب ده هيكون أمر ....امري....

نور بابتسامه.....الأمر الله وحده.....عايزك تنزل معايا البلد انا وسيف وبابا وتقعد شهر وبعد الشهر هرد عليك ....

سند بابتسامه.....موافق.....

سيف بسرعه ....عمي انا طالب ايد نور ....

سند بغضب كان هيقرب من سيف بس نور وقفت في النص...

نور

سند بغضب

سيف بغضب شديد

ابو نور بحنان...

البارت انتهاء بس الحكايه لسه....الحكايه قربت من النهايه ...

الحب شجن ودموع الحب عذاب وسعاده الحب جنون وانا

كالمجنون في حبك يا اميرتي فالحب لكي وبيكي ومعاكي

وفداكي ....احبك يا مانا ملكتي قلبي وعيني قبل قلبي....

حابه اعرف رايكم في بارت النهارده....والحكايه ....

حابه اعرف رايكم وتوقعتكم....وحابه اعرف حابين مين اكتر

سيف ولا سند ....وعايزين نور تتجوز مين .....

حابين الروايه تكون صغيره ولا كبيره.....ومين اكتر شخصيه حابينه في الروايه ....

تفاعل التفاعل ضعيف اوي اوي ....الروايه لو فضل التفاعل ضعيف كده البارت الجاي هيكون يوم السبت ....

رأيه من وحي خيالي المجنون.....

•