رواية زعيم المافيا "عشق الشهد" الفصل الثامن 8 - بقلم شهد هاني

الموظفين: كانوا فرحانين جدًا وكان في اللي مصدوم من مديرهم صقر ومش مصدقين، بس فرحوا إن شهد فرحتهم في العيد. شهد بخبث: شوفت ي أستاذ صقور لما بتضحك بتبقى شكلك أحلى إزاي؟ يا خلاّصي، لا لا إيه الجمال ده، يغتي حلوة. صقر بغضب: قال بصوت عالي: في ثانية، ألاقي كل واحد على مكتبه. وبص لشهد ورماها على الأرض وقال: تعالي ورايا. فارس ومراد: بصوا لبعض وقالوا: رحمة تجوز على اللي عايش، في الله يرحمك ي شهود. شهد بغضب: وحطت

إيدها على ضهرها وقالت: آهااا يا أختي، اللي لسه صغيرة على الموت. يا أختي اللي منك لله يا أبو رجل مسلوخة. أنا كنت بعلم على الناس اللي بتصلي في جامع، تيجي أنت تعلم عليا. فارس باستغراب: انتي علمتي على الناس اللي في جامع إزاي؟ مش فاهم. شهد: قعدوا، أنا هحكيلكم قصة قصيرة حزينة. فارس وكيان ونجمة: قولي. طبعًا مراد كان عارف، لأنه من ضمن الناس اللي اتعلم عليهم. شهد:

بصوا يا جدعان، كنت رايحة وأنا عندي سبع سنين أصلي مع مراد الجمعة في جامع. واحنا طالعين من الجامع لقيت الشبشب بتاعي اتسرق. ف زعلت على شبشب أوي، وقولت: واحد علّم عليا، أنا هعلم على الكل. فارس بفضول: إزاي؟ شهد: روحت التاني، وخليت الناس بتصلي. روحت شاليه شباشب اللي في جامع كله. رمتهم في الدور التاني، وخليت كل اللي في الجامع يلف حوالين نفسه. فارس بضحك: مش قادر، هموت. يعني واحد علم عليكي، انتي علمتي على الكل. شهد: هتكلم.

صقر بغضب: مش قولت ورايا على مكتب ي آنسة شهد. شهد: أنا جاااية، بس الأستاذ فارس كان بيحكي موضوع مهم. الكل بص لشهد وقالوا: كدابة أوي. صقر: تعالي ورايا يلا. شهد: دخلت المكتب ولسه هعتذر. صقر بغضب: قرب من شهد، شهد تبعد لحد ما لزقت في الباب وهو قدامها وقال: انتي تعرفي أنا مين، ولا ممكن أعمل فيكي إيه؟ وشركة دي كيانها إيه؟ أنا سايبك براحتك عشان انتي عيلة ومش عاوز أبدأ معاكي غلط، انتي فاهمة. شهد:

تعرف ي أستاذ صقر، أنا فيا حتت مافيا صغيرة، ف ممكن أطلعها على حضرتك. صقر بغضب: مسك إيد شهد جامد، رزعها في الحيطة وقال: معاكي أكبر زعيم المافيا، الصقر الحديدي، اللي باع أكتر من بنت عشان تتأخد أعضائها، واللي هرب أكتر من شحنات. بس مش هقولك عليها عشان انتي لسه صغيرة، ف لمي نفسك واظبطي، عشان مش لسانك الحلو ده، مش هبيعه مع الأعضاء. شهد بخوف وعياط:

قالت: منكم لله، استقيموا، ربنا يرحمكم، بكرة ربنا يأخدك وياخد اللي من أمثالك. سيب إيدي، ماليش شرف إنك تمسكها. فاكراني هخاف؟ لأ ي بابا، أنا معايا ربنا وأخويا، وأنا هبلغ عنك. صقر: برافووو. طلع الفون. اتفضلي، وفيه فيديوهات ليه ومكلمات وأنا بسلم شحنات. انتي متعرفيش إني الحكومة، الحكومة ذات نفسها بتخاف مني. ولمي نفسك عشان أول حد هيروح في رجلين أخوكي. شهد بخوف:

لالالالالالا، أبوس إيدك، أنا هعمل كل حاجة انت عاوزها، بس مراد لأ. صقر بخبث: تمام، هتفضلي في شغل وهتسافري معايا بعد العيد عشان حضرتك سكرتيرة خاصة ليه وأنا مسافر شغول. هاا، قولتي إيه؟ شهد بصت بقرف: وقالت: موافقة بعد إذنك. صقر: اتفضلي. وقعد حط راسه في إيده وقال: غبي ي صقر، إزاي أخوفها مني وأقولها كدا. شهد بصدمة: جريت برا وهي بتعيط ومش شايفة، عربية خبطتها.