رواية زهرة القاسم الفصل الأول 1 - بقلم لوجي احمد

حق الشرعي وخدته انتي مراتي، كان كله برضاكي، ما خدتكيش بالغصب يعني. هو انت بتسمي الورقتين العرفي اللي بينا دول جواز؟ هشام: دلوقتي مش عاجبينك الورقتين دول يا بنت الحديدي؟ الله يرحم ايام ما كنت بتلف ورايا في كل مكان عشان بس ابص لك او اعبر لك. ملك: ايوه مش عاجبني ولازم تشوف لك حل يا هشام علشان لو اخويا عرف انت عارف هيعمل فينا ايه. هشام: اخوكي ده يتعصب عليكي انتي، انما انا يجي لحد ويقف، فاهمه ولا مش فاهمه؟

انجزي البسي خلصي وانزلي بدل ما يعمل لك محضر وكنت فين وتاخرت ليه وانا مش فاضي لصداعك انتي واهلك. وهو يقذفها على السرير. ملك: ماشي يا هشام، انا نازلة بس صدقني قاسم لو عرف حاجة انا مش هشيل الليلة لوحدي وهحكي له كل حاجة. هشام كان رده على ملك سريع جدا، نزل بالقلم على وشها وقال لها: قولي له، انتي فاكراني هخاف ولا ايه؟ اعلى ما في خليلك اعمله انتي وعيلتك، ويلا اطلعي بره يلا. وهو يشدها تجاه الباب. ملك بدموع: استنى هكمل لبس.

هشام: كملي على السلم، ما هو دي اخرتكم، وسلمي لي على اخوك. وهو يقذفها قدام الشقة ويقفل الباب بشدة. بدأت تكمل لبسها يا عيني قدام الباب وهي تتلفت حواليها خايفه حد من الجيران يشوفها يقول لاخوها او اهلها يعرفوا. اخذت بقية هدومها وجرت على الاسانسير تكمل لبسها هناك وتروح على بيتها. هشام متعصب. بقى فضل في الشقة متعصب من كلام ملك ويقول بصوت عالي: اخوكي اللي انتي هتخوفيني بيه؟

ابقى وريني بقى اخوكي هيعمل ايه وانا بحط راسكم كلكم في الارض. وفتح الدولاب وطلع الورقتين بتوع الجواز العرفي وقطعهم ورماهم في الزبالة. على صوت تليفونه رد وهو متعصب وقال: ايه يا زهرة؟ زهره: انت فين يا ابني؟ انت مش عارف اني في اجتماع في الشركة وبابا طالبنا احنا الاتنين نكونوا موجودين عشان شركة الحديدي؟ هشام وهو يخرج من الشقة ويقفل الباب بالشدة ويتعصب على اخته ويقول لها: يوه الحديدي والا عرفنا بيه؟ هو ما فيش غيرهم؟

ناقص المناقصة دي خالص يا زهرة. زهره: ما ينفعش يا هشام وانت عارف. هشام: اقفلي انا جاي اهو. وقفل التليفون في وش اخته. في مكان تاني. انا مش هتجوزها يا بابا لو اخر واحدة في الدنيا مش متجوزها. مهيب: يا قاسم يا ابني افهم، لازم تتجوزها، الجوازة دي لازم تتم. قاسم: اتاجوز مين يا بابا؟ انتي مش شايفة عامله ازاي؟ في حاجة غريبة محدش فاهمها في الموضوع. مهيب: قصدك على النقاب يعني. قاسم: ايوه، انت شفتها ولا تعرف شكلها عامل ازاي؟

النقاب اللي مخبيه بيه نفسها ليل ونهار ده حد عارف شكلها؟ مهيب: الصراحة يا ابني انا ما شفتهاش وزي زيك مستغرب برضه. قاسم: الناس كلها بتحكي على موضوع النقاب ده وبتحكي كلام كتير قوي على زهرة. على دخول زهرة وابوها. مهيب الحديدي ابو قاسم ميل على عصام ابو زهرة وقال له حاجة في ودنه. بعدها على طول ابو زهرة اخذ مهيب وطلعوا بره المكتب وسابوا زهرة وقاسم مع بعض. زهرة ما كانتش فاهمة ايه اللي بيحصل بس باباها قال لها:

ثواني وجاي، حاولي تبعدي على قد ما تقدري عن قاسم. عكس القاسم اللي كان بيقرب لها جدا وقال لها بصوت جهوري: ارفع النقاب. ارتعشت وبان عليها التوتر والخوف والقلق من كلامه وبدأت تبعد اكتر واكتر. لكن قاسم قرب عليها بشده وشد النقاب. وهنا كانت المصيبة.