رواية زهرة زين الفصل الثامن 8 - بقلم نور شريف

زين شال نسمة وخرج بره المخزن والمطافي جت وتم تهدئة النار. زين: أي هروب كده أو كده، هقتل رجب قدام عينك، لو فاكرة إن الدليل راح وإنك هربتي من الحكومة تبقي غلطانة. نسمة بحزن وبدون وعي: أنا عايزة أشوف أمي يا زين. زين ركب العربية وأخدها ودخل الجامع مكان جثة أمها. نسمة بحزن حطت إيدها على أمها: سبتني صح؟ لا راجل ولا أبويا ولا إنتي علمتيني إزاي أكره وإني أكون الأول، علمتيني محبش حد وإن قلبي يبقى فيه الكره.

صرخت بعلو صوتها: متسبنيش، هعرف مين موتك وهجيب لك حقك. زين بحزن: يلا يا نسمة، لازم تبقي في الدار عشان العزاء، وهعرف مين صاحب العربية ومين السبب. نسمة بصت في عيون زين: هطلقني امتى يا زين؟ أنا خونتك. زين مسك إيدها بقوة وساحبها في وسط البلد: اسمعي يا نسمة، أنا مراتي مش عارف هي فين، ولا هي ولا أمي، ولحد الآن معاكي. نسمة بعياط: أنا أستاهل القتل عشان خونتك، ليه محبتنش. زين بعصبية: مش رايق، اقطعي كلامك. في البيت الكبير.

كامل قاعد قلقان، الدنيا بتلف بيه: يا ترى سعاد فين و زين. فراس باستغراب: مالك يا أبويا قاعد قلقان كده؟ مش من عوايدك. كامل بقلق: أمك فين يا فراس وأخوك. فراس بتوتر: نظيم خط..فها. كامل بصدمة: وقاعد هادي كده؟ فين قصره بتاعه أو داره بتاعه، أنا مش هسكت، تعال معايا. في بيت العمدة. رجب بخمول: أخدت كل الأملاك، نسمة جوزها يسجنها وأنا المخزن بتاع الرايس ولع، لأ يا واد يا رجب لعبتها صح.

الظابط بمكر: اعترافاتك كلها معايا يا رجب، من سلاح وكله، اقبضوا عليه قبل ما يهرب. الصحافة كلها كانت بتصور رجب وهو بيشرب. رجب بخوف: أنا، أنا معملتش حاجة، أوعى إيدك كده، محدش ياخد البرشام بتاعي. رجب أخد إزازة وكسرها وقربها منهم: اللي هيقرب مني مش يلوم غير نفسه. زين دخل لاقى الحكومة كلها واقفة ونسمة وقفت من صدمتها. نسمة بخوف: هياخدوني يا زين، يلا نمشي، سامحني يا زين وأنا هتوب، سامحني.

زين بص لها بلوم: و دخل، إيه اللي بيحصل هنا يا رجب، سلم نفسك، الدليل بتاعك معايا. رجب الدنيا بتلف بيه، طلع سرنجة من جيبه وحطها في عروقه، ضحك بشر: تم زيادة الجرعة بنجاح. فجأة جسمه تلج ومبقاش حاسس بأي حاجة. وقعت الإزازة على الأرض، وزين لحق رجب قبل ما يقع. زين: اتفضل اقبض عليه يا حضرة الظابط، وبكرة إن شاء الله الدليل يكون عندك. الحكومة أخدت رجب على المستشفى وزين نادي على نسمة تتدخل. زين بص لها من فوق لتحت.

نسمة برعب: شكراً قوي يا زين على معروفك معايا، ارجوك سامحني، ربنا بيسامح. زين: بكرة هيسامحك على الـ... والـ... اللي عملتيه، الدليل هيوصل الحكومة وبكرة يعرفوا إن ليكي يد في اللي حصل. نسمة جلست في مكانها جمب الحيطة وبدأت ترتعش وتصرخ وكأنها اتجننت: ابعد عني، سبني وامشي. زين نزل لمستواها: من أفعالكم سلطت عليكم. في فيلة نظيم. سعاد فاقت لاقت نفسها في أوضة على سرير غير بتاعها، لاقت زهرة قاعدة مش بتنطق: زهرة، إحنا فين؟

إيه جابك هنا. سعاد بصراخ: مش زين يا زهرة، إحنا اتخطفنا. زهرة بخوف: إحساسي زي ما قولت، ده مش زين، في حد صوته زي صوت زين بالظبط. نظيم بضحك: وحشتيني أوي يا مراتي. زهرة بخوف بلعت ريقها وسكتت. سعاد بصدمة: نظيم؟