رواية زواج عن صفقه الفصل الأول 1 - بقلم اية محمد

كنت واقفه في البلكونه والباب خبط. خرجت أشوف مين، بس ماما كانت فتحت الباب. نغم: مين يا ماما؟ صفيه: مش عارفه يا بنتي، حد جه اداني الظرف ده. نغم: ظرف إيه ده؟ صفيه: انتي عارفه يا بنتي إني مش بعرف أقرأ، فخدي اقري إنتي. أول ما قرأت الظرف وقفت مصدومة. صفيه بقلق: في إيه يا نغم؟ الظرف فيه إيه؟ نغم بحزن: البنك رافع عليكي قضية عشان مدفعتيش الفلوس.

لقيت ماما وقعت على الأرض من الصدمة، وأنا معرفتش أعمل حاجة غير إني أجري أنادي على أي حد يلحقني. الجيران أخدوا ماما معايا على المستشفى. كنت مش عارفة أعمل إيه ولا أجيب منين فلوس للمستشفى ولا القرض هسدده إزاي، وأنا مليش حد غيرها. خرج الدكتور من أوضة الكشف، جريت عليه بسرعة عشان أطمن على حال ماما. نغم بتوتر: طمنّي يا دكتور، ماما مالها؟ الدكتور: بصراحة، مفيش حاجة تطمن. نغم بخوف: قصدك إيه؟ ماما مالها؟

الدكتور: بصراحة، مامتك عندها القلب وسكر بقالها فترة ومخدتش أي علاج وأهملت في صحتها. نغم بصدمة: إزاي، دي مجبتليش سيرة خالص إنها تعبانة. الدكتور: المهم دلوقتي لازم نساعدها لأن حالتها بتسوق. نغم: طب هيا لازماها إيه؟ الدكتور: لازماها عملية، لأن لو معملتهاش يمكن تتوفى. نغم بدموع: طيب والتكاليف كام؟ الدكتور: 100,000 جنيه.

نغم بدموع: بص يا دكتور، ابدأ في العملية ومتشلش هم التكاليف، المهم عندي إنك تعالج ماما، أنا مليش غيرها، وصدقني الفلوس هتكون عندك خلال 24 ساعة. الدكتور: طيب، عن إذنك أما نحضر للعملية، ومتنسيش توقعي على أوراق المستشفى. نغم وهيا تمسح دموعها: تمام. خرجت نغم وهيا لا تعلم أين ستذهب، وهتدفع مصاريف المستشفى إزاي، وهتجيب فلوس عشان تسدد بيه القرض إزاي.

كانت تمشي وهيا لا تنتبه للطريق، وأثناء مشيها اتصدمت بسيارة ووقعت مغشيا عليها. وبعد عدة ساعات، أفاقت نغم وتلتفت حواليها. نغم بوجع: إيه ده، أنا مين جابني المستشفى؟ الدكتور: حمد الله على سلامتك. نغم: الله يسلمك، ممكن أعرف أنا جيت هنا إزاي ولا إيه اللي حصل؟ الدكتور: عملتي حادث بسيط وشاب جابك هنا.. عن إذنك. فضلت نغم تحاول أن تتذكر الحادث، لكن مشاكلها مسيطرة على تفكيرها. قامت نغم كي تطمن على أحوال والدتها.

نغم: طمنّي يا دكتور، ماما أخبارها إيه؟ الدكتور: مقدرش أطمن دلوقتي، لأننا لسه بنعمل العملية... المهم دلوقتي، دفعتي المصاريف؟ نغم بدموع: لسه، بس صدقيني هعمل كل اللي أقدر عليه عشان أدفعهم. الدكتور: تمام، عن إذنك عشان أطمن على حال المريضة. قعدت نغم تبكي. نغم ببكاء: آآآه يا ربي، أول مرة أحس إني عاجزة، ساعدني يا رب، ساعدني عشان أقدر أسدد القرض وأدفع تكاليف العملية، بجد مش عارفة أعمل إيه. ثائر: طب ولو عرفتي؟

نغم التفتت إلى الصوت: انت مين؟ ثائر: مش مهم، المهم تجاوبي. نغم: أجاوب على إيه؟ ثائر: لنفترض أن فيه شخص عنده حل لكل مشاكلك، بس فيه حاجة مطلوبة مقابل الحل. نغم باستغراب: إيه هوا؟ ثائر: تتجوزيني.