رواية زواج عن صفقه الفصل الثاني 2 - بقلم اية محمد

نغم باستغراب: أي إيه؟ ثائر: هتتجوزيني. نغم: أنت عبيط ولا شكلك كده شارب حاجة؟ ثائر: أولاً، خلي بالك من كلامك. وثانياً، معندكيش حل غير إنك توافقي. نغم: وإن موافقتش هيحصل إيه؟ ثائر: هيحصل كتير. نغم بعدم فهم: زي إيه؟ ثائر: لنفترض إن والدتك عملت العملية ونجحت، متنسيش إن البنك رافع عليها قضية وممكن تخش سجن وحالتها بقى تسوء أكتر من الأول. دا غير تكاليف المستشفى، هتدفعيها منين؟

ده احتمال لو مدفعتيش الفلوس، تحصلي والدتك وتخشي سجن معاها ومش هتعرفي تساعديها عشان تخرج. فضلت نغم واقفة تفكر. ثائر: فكري كويس، لأن العرض ده هتستفيدي بيه. نغم: طب وليه أنا اللي اخترتني؟ وليه عايز تتجوزني؟ ثائر: أولاً، عايز أتجوزك ليه؟ موضوع ميخصكيش. ثانياً، اهو منك هتساعديني وهساعدك وهأمنلك حياتك. متخافيش، هيبقى جواز عن صفقة. ... ها، موافقة؟ نغم فضلت تفكر وملقتش حل غير إنها توافق عشان تساعد أمها. نغم: أنا موافقة.

ثائر: تمام، يلا عشان نروح نكتب كتابنا. نغم بصدمة: إيه؟ ثائر: إيه؟ تحبي نلغي الاتفاق؟ نغم: لا لا، بس ليه السرعة دي؟ ثائر: أنا معنديش وقت للتأخير. نغم بحزن: تمام، يلا. أخذ ثائر نغم عند المأذون عشان يكتب كتابها. وقبل ما يكتب الكتاب، نغم اتكلمت. نغم: قبل ما نتجوز، عندي شرط. ثائر باستغراب: إيه هو؟ نغم: ماما متعرفش بالجواز ده لحد ما الاتفاق يخلص وكل واحد فينا يروح لحاله. ثائر: تمام.

بعد ما نغم وثائر اتجوزوا، ثائر أخذ نغم وركب العربية. نغم: إيه ده، أنت واخدني على فين؟ ثائر: هاخدك فين يعني؟ هخطفك؟ نغم: أيوه، برضه مجاوبتنيش، واخدني فين؟ ثائر: تعرفي تقعدي ساكتة. بعد مرور من الوقت، وقف ثائر قدام قصر كبير وقدامه حراسة وألوانه من برا جميلة. نغم فضلت باصة للقصر وهي فاتحة بقها. ثائر: هتفضلي واقفة كده كتير؟ نغم: احم، هو القصر ده أنت عايش فيه؟ ثائر باستغراب: أيوه، ليه؟

نغم: أصل اتوقعتش إنك تكون عايش في قصر زي ده. ثائر: ومتتوقعيش ليه؟ نغم سكتت. ثائر: طيب، يلا ادخلي، ولا عجبتك الوقفة هنا؟ دخل نغم وثائر القصر، ونغم اتفاجأت أكتر بجمال القصر من الداخل. أسامة: إيه ده إيه ده؟ مين القمر اللي معاك دي يا ثائر؟ ثائر: لم نفسك، دي مراتي. أسامة بصدمة: مراتك... اتجوزتها إمتى؟ ثائر: اتجوزتها وقت ما اتجوزتها. بكل ده قدام نغم اللي واقفة محرجة. نفين: هااااي، إيه ده مين دي؟ أسامة: مرات ثائر.

نفين بصدمة: مراتوا؟ إزاي؟ أنت مش المفروض تتجوزني؟ ثائر بغرور: هو أنا وعدتك بالجواز عشان أتجوزك؟ نفين: الاتفاق اللي جدي عامله ده عشان أتجوز أنا. ثائر: أولاً، الاتفاق محددش اتجوز مين، وأنا مش صغير عشان حد يقولي اتجوز مين. وشد نغم في حضنه، ونغم برقت بعينيها. ثائر: وكمان، أنا اتجوزت نغم عن حب، وهيا دي نغم حياتي. صحيح، فين جدي يا أسامة؟ أسامة: قاعد مستنيك فوق.

ثائر: تمام، عن إذنكم عشان أنا ونغمي عايزين نرتاح، وكمان أشوف جدي عايز إيه. أخذ ثائر نغم واتجه للأعلى، وساب أسامة واقف مصدوم، ونفين واقفة ومش طايقة نفسها وبتفكر هتخلص من نغم إزاي. عند نغم وثائر. أخذ ثائر نغم إلى غرفة ألوانها هادية وجميلة. نغم بغضب: ممكن أفهم إيه اللي عملته تحت ده؟ ثائر بلامبالاة: عملت إيه؟ نغم: أنت بتستهبل؟ ثائر: بقولك إيه، أنا مش فاضيلك. نغم: رايح فين؟

ثائر: شيء ميخصكيش. وبحذرك، اياكي تخرجي من الأوضة دي لحد ما أجيلك، فاهمة؟ لم يسمح لها بالكلام وخرج من الغرفة. في غرفة الجد، دخل ثائر. الجد (عز الدين) بغضب: إيه اللي أنا سمعته ده؟ ثائر: هي الأخبار لحقت وصلتلك؟ عز بجدية: ثائر، جاوبني، اللي سمعته ده صح؟ ثائر: أيوه، وكمان مش ده اتفاقك؟ عز: يعني أنت اتجوزتها عشان الاتفاق؟ ثائر: لأ، عشان أنا وهي بنحب بعض.

عز: عارف يا ثائر، لو طلعت بتكذب عليا، لأنت حفيدي ولا أعرفك، وكل الأملاك وورث أبوك هيروح لعمك وأولاده. ثائر: لأ، اطمن. عز: يلا روح لمراتك، متسبهاش لوحدها. ثائر: تمام، عن إذنك. غادر ثائر واتجه لغرفة اللي فيها نغم. وبمجرد ما دخل الأوضة، اتصدم. ثائر بصدمة: نغم!