رواية زواج عنيف الفصل الأول 1 - بقلم منار مجدي

حمزه:اقلعي. كانت قاعدة زي الملاك بطرحتها اللي مغطية وشها. دي أول كلمة يقولها من أول ما دخل. ملك: بتكلمني أنا؟ حمزه: أمال أمي مش اتجوزتك وعملت اللي انتوا عايزينه دلوقتي انتي هتعملي كل اللي أنا عايزه. هندمك على اليوم اللي وافقتي فيه تتجوزيني. أهلاً بيكي في جحيمي. ملك سخسخت ضحك وقامت وهي بتشيل الطرحة: ويا ترى بقى مأوى هتجلدني بالحزام ولا الخرزانة؟ (ضحكت جامد) حمزه بغضب: بتضحكي على إيه؟ انتي فاكرة إني بهزر؟ قرب منها

بغضب ومسك دراعها جامد: قلتلك اقلعي وأنا كلمتي تتسمعلك. بصت لإيديه اللي ماسكة دراعها بابتسامة سخرية: شيل إيدك يا بابا ويا ريت متعملش حاجة انت مش قدها. (حطت إيديها على خده وطبطبت عليه وهي مبتسمة) عشان مزعلكش. حمزه زق إيديها بغضب: تزعلي مين يا بت انتي؟ طيب أنا هوريكي أنا أقدر أعمل إيه. مجرد ما رفع إيده على حمالة الفستان ملك مسكت إيديه ورا ضهره وضربته في ضهر ركبته وقعته في الأرض. بقى قاعد على ركبته

وهي ماسكة دراعه من ورا: عرفت بتتعامل مع مين يا سكر؟ ده مجرد قرصة ودن. المرة الجاية مضمنش نفسي. سابته وأدته ضهرها: البتاع التقيل ده. مسكها من ضهرها: لو فاكرة إني هخاف من الشوية اللي عملتيهم عليا من شوية ده تبقى غلطانة. ضحكت ملك بسخرية: مكنتش عايزة أأذيك بس انت كده بتجبرني. لآخر مرة بحذرك ابعد عن خلفتي الساعة دي. أنا مش طايقة نفسي أصلاً. حمزه ضحك بخبث ورفع إيديه عشان يفك فستانها. ضربته ملك بكوعها في بطنه.

لفت وبصتله بابتسامة وهو ماسك بطنه وضحكت بسخرية. جت تمشي مسك إيديها المرة دي. لوت دراعه جامد لدرجة سمعت صوت كسرة. حمزه بصريخ: اااااااااه. ملك: شوفت خلتني أعمل إيه؟

قولتلك بلاش أأذيك بس انت شكلك بتحب الأذية. أنا ملك السيناوي. اسأل عني لو متعرفنيش. الكل عارف مين ملك السيناوي هنا وبيخاف مني. أظن فاتك موضوع إنك لازم تبقى عارف عن عدوك أكتر ما تعرف عن صديقك. يا حمزه العويسي أصغر رجال الأعمال وأفضلهم في العالم. وزي ما بيقولوا ملك التسويق. بتعرف تبيع وتسوق أتفه حاجة. متستخفش بقدراتي عشان أنا بظهر حاجة وجوايا حاجة تانية. بحذرك. (رفعت صباعها ليه)

بحذرك تاني ابعد عن طريقي وملكش دعوة بيا بعمل إيه مبعملش إيه. متعملش عليا سي السيد وجو الروايات الفكسان ده مش عليا. (ضحكت) قال إيه أهلاً بيكي في جحيمي. أما نكتة جامدة. سابته وهو بيتألم ودخلت الحمام وقالت وهي جوه: على فكرة دراعك مكسور. لو مكانك انزل لولاء ترده. هي دكتورة عظام شاطرة. هتلاقيها صاحية. أنا قولتلها تسهر النهاردة. كان قلبي حاسس أصلي. (ضحكت جامد) قام حمزه وهو ماسك دراعه بوجع ونزل. جدو أول ما شافه ابتسم.

الجد: هتتربى يا ابن الكلب. هعرفك يعني إيه أمك تسيبها تتخلى عنها. أنا واثق في ملك. ملك دي تربيتي وهتجيب حق أمك منك تالت ومتلت. حمزه: يعني إيه يا جدو؟ هتحرمني من الميراث؟ وعمي كتب ليا نص أملاكه عشان بيحبني. الجد: لأ عشان أنا طلبت منه. بس هو شرط عشان تاخد الميراث ده تتجوز بنته الوحيدة ملك. حمزه: يعني بتلوي دراعي؟ يا أتجوزها يا تحرمني من الميراث.

الجد: بالظبط كده. وكمان هتفضل هنا لمدة سنة من الجواز. هشام اطمن على حفيدتي معاك. حمزه: كمان مش واثق فيا؟ الجد: أثق فيك إزاي؟ هو أنا أعرفك؟ مش مشيت ورا أبوك وسيبت أمك عشان بس أبوك معاه فلوس. حمزه: أنا مرحتش مع بابا عشان الفلوس يا جدو. أنا مشيت عشان أنا ببقى مرتاح أكتر مع بابا. الجد ابتسم بسخرية: طبعاً. أنا اللي عندي قلته يا حمزه. لو مش عايز جواز يبقى تاخد بعضك وتمشي. ملكش عندي ميراث. حمزه: موافق. موافق على الجواز.

الجد ابتسم: تمام. بكرة المأذون هيجي ويكتب الكتاب على طول. العروسة مش عايزة فرح عشان حزينة على أبوها. حمزه: تمام يا جدو. عن إذنك. خرج حمزه. في نفس الوقت كانت ملك خارجة من المطبخ وبتاكل تفاحة. بصت عليه بتفحص وقالت: ملك: مين ده؟ باين عليه مش من هنا. (ضحكت) عامل زي الرجال اللين. الجد: ملك تعالي عايزك. ملك بصت ليه برفع حاجب: أنا مضربتش حد النهارده. الجد ابتسم: عارف. تعالي عايزك في حاجة تانية مهمة. ملك: مش مرتاحة بس اشت.

دخلت ورا جدها المكتب وقعدت على المكتب وهي بتاكل التفاحة: ها عايزني في إيه؟ الجد: أول حاجة انتي أبوكي مات. ملك بصدمة: إيه؟ بابا؟ إزاي؟ أنا لسه قافلة معاه. طلعت التليفون بإيد بتترعش تتصل لأبوها. الجد: اسمعي الأول. ملك: ألو ألو يا بابا انت كويس يا حبيبي؟ شكل جدك كان بيعمل فيا مقلب ولا إيه؟ المهم إنك كويس. طيب يا حبيبي خلي بالك من نفسك والبس تقيل. تمام؟ عارفة إني لسه قايلة. خايفة عليك يا جدع. الله. أنا غلطانة يعني؟

طيب سلام. ملك: إيه يا جدو؟ الهزار ده؟ وقعت قلبي في رجليا. حتى التفاحة وقعت مني. شوفت أصبحت بوش مين بس على الصبح. دي كانت تفاحة مسكرة. الجد: بطلي ندب بقى واسمعيني. من هنا ورايح انتي أبوكي تعتبريه مات. ملك: هو سرق غيراتك الداخلية وعايز تنتقم منه مش كده؟ متقلقش يا جدو أنا هنتقم لك وهسرق كل هدومه. الجد شدها من دراعها: يا بت سيبيني أكمل كلامي. ملك بألم: خلاص يا كبير. خلاص. هسكت. الجد

سابها وقعد على الكرسي: طبعاً انتي عارفة حالة عمتك إيه. ملك بزعل: آه عارفة. منه لله اللي كان السبب. الجد: قدامي فرصة عشان عمتك تتعالج. آخر أمل. ملك بابتسامة: وإيه هي يا جدو؟ أنا هساعدك في كل حاجة. الجد: بصي يا ملك. أنا سألت الدكتور عمتك هتفضل كده مش بتتكلم لحد إمتى؟ قالي لحد ما تتخلص من صدمتها في ابنها. عمتك من ست سنين بالظبط من يوم ما اتطلقت وابنها اختار يمشي مع أبوه وهي مصدومة ومش بتتكلم. ودلوقتي أنا عرفت أجيب حمزه.

ملك وهي بتضرب كفها في بعض: يبقى تسيبهولي وأنا هربيه. الجد: هتضربيه برضه؟ مش هيتعلم. عايزك تعذبيه صبح وليل يا ملك. أنا واثق فيكي يا حبيبتي. انتي أكتر حد بثق فيه في البيت ده. وعشان تعرفي تاخدي حق عمتك لازم تتجوزيه وتوريه النجوم في عز الضهر. ملك بصدمة: أتزوجه؟ أتزوجه إزاي يا جدو؟ انت نسيت إني مخطوبة؟ الجد: منسيتش. وأنا كلمت طارق وفهمته كل حاجة. ملك: وهو وافق؟ الجد: ومن امتى بيهمك سواء طارق موافق ولا لأ يا ملك؟

انتي مش عايزة تساعديني؟ ملك: لا يا و. عايزة أساعدك وأساعد عمتو. بس أتزوجه. الجد: متقلقيش. هتعرفي تتصرفي. وأوعدك أول ما عمتك هتخف هطلقك منه. ده وعد. ملك: تمام. الفرح إمتى؟ الجد: بكرة. كتب كتاب على طول وهيبقى على الضيق. هشام أبوكي مات وبيوزع الميراث اللي كتب نصه لحمزه بشرط يتجوزك. ملك بصدمة: إيه اللفة دي كلها؟ أنا دماغي لفت. تمام. مش انت مجهز كل حاجة؟ يبقى اتكل على الله. الجد ابتسم بفخر: عمرك ما خلتيني أفقد ثقتي فيكي.

ملك حضنته: ولا هخليك تفقدها يا جدو. أنا حفيدة الدلوعة اللي بحبك ومستحيل أرفضلك طلب. أما أصلاً عايشة عشانكم. الجد: ربنا يخليكي لينا يا حبيبتي. ملك: ويخليكم ليا يا رب. بعدت وهي مبتسمة: دلوقتي أنا عندي تدريب. أشوفك بعدين يا عسل. (غمزته) سابته ومشيت. باك.

(بطلتنا ملك السيناوي أفضل مدربة جودو في مصر. خريجة تجارة إنجلش. حلوة بس لبسها شبه الولاد حبتين. يعني تيشيرتات وبناطيل. وعلى طول في كاب على شعرها اللي دايماً معمول ديل حصان. عمرها ما لبست هدوم بنات. بتحب اللعب والرياضة والسهر. ومخطوبة لطارق. كان مجرد شاب بيتدرب تحت إيديها وشغال دكتور. شخصيته ضعيف شوية وحب ملك عشان دافعت عنه كذا مرة. نرجع لروايتنا) خرجت ملك من الحمام ببنطلون شروال وتيشيرت بكم وحاطة الزعبوط على شعرها.

دخل حمزه وهو معلق دراعه. ملك: ها ردته ولا معرفتش؟ حمزه: لأ ردته. ملك مسكت اللاب بتاعها: قولتك ابعد وانت مسمعتش الكلام. أحسن تستاهل. حمزه: أوعى تكوني فاكرة إني هعديه كده بالساهل. ملك سابت اللاب وبصتله برفع حاجب وابتسامة: هتعمل إيه؟ حمزه: مش دلوقتي. لما أخف هقولك أنا. وأنتي والأيام طويلة. ملك ضحكت بسخرية: طب روح روح شوف هتنام فين عشان صدعت. حمزه: مش رايح حتة. أنا حر. مصدعة يبقى أغوري في ستين داهية. ملك بغضب: قلت إيه؟

حمزه رجع لورا بس حاول يبقى جامد: لو مصدعة يبقى أولى تنامي انتي. متتحكميش فيا وفي تصرفاتي. ملك: بحسب كده. سمعت حاجة. عدي يومك بقى عشان مكسرش حاجة تانية وسيبني في حالي. مسكت اللاب واتصلت بطارق فيديو. طارق: اتأخرتي كده ليه؟ كنت مستنيكي تكلميني من بدري. ملك وهي بترقع رقبتها: يا سطا والله تعبانة. طارق: إيه القمر ده بس؟ حمزه بصوت واطي: منافق. ملك: ثواني ثواني. (بتكلم حمزه) قلت حاجة يا شبح؟ حمزه: هقول إيه يعني؟

خليكي في حالك. ملك: تمام تمام. إيه يا طارق؟ بقولك عملت إيه النهارده؟ خدت اللاب وخرجت من الأوضة. حمزه: إيه ده اللي دبست نفسي فيه ده بس يا ربى؟ متجوز هوجان. دخل الحمام واخد دش وخرج نام على السرير. دخلت ملك. غمض حمزه عينيه بسرعة وعمل نفسه نايم. ملك اتنهدت وقالت لنفسها: كويس إنه اتخمد. خليه ينام. نوم الظالم عبادة. بصت للكنبة وراحت فتحت الدولاب وطلعت اللحاف بتاعها وراحت نامت على الكنبة. وبصت على حمزه مرة

أخيرة وهي بتقول لنفسها: شكل كويس مش بتاع مشاكل. ياترى إيه حكايتك يا حمزه وليه عملت كده في عمتو؟ عمتو أطيب قلب شفته في حياتي بعد ماما. عبيط بصحيح. اتعدلت ونامت. حمزه فتح عينيه وبص عليها وضحك جواه: وأنا اللي كنت فاكر إني هعذبك وأندمك. طلع العكس. هعمل معاكي إيه عشان تطلبي الطلاق مني دلوقتي؟

أنا مش هينفع أفضل معاكي وأنا بحب واحدة تانية. يا رب عدّيها على خير. أنا بس عايز الميراث وأنقذ شركتي. أنا تعبت أوي يا رب عشان أبنيها. يا رب متضعش مني. غمض حمزه عينيه والاتنين غاصوا في أحلامهم. تاني يوم صحي حمزه بدري كالعادة بس استغرب لما ملقاش ملك. حمزه: الساعة ستة. راحت فين دي؟

قام واخد دش ولبس. وهو بيلبس الساعة وبيتحرك من جنب الشباك لمحها. رجع وبص من الشباك لقاها واقفة على باب الفيلا مع راجل وبتهزر معاه ولابسة ترنج رياضي ولابسة الكاب. حمزه: الواد ده أعمى ولا إيه؟ أهرب بابني أهرب. اللي كان معاها ده كان طارق. ملك: مش ضروري يا طارق تيجي ليا كل يوم الساعة خمسة. طارق: أنا بحب أبدأ يومي بيكي. ملك بضحك: ليه؟ هو أنا كوباية شاي؟ طارق: انتي أحلى كوباية شاي شوفتها في حياتي. ملك حضنته: ودوقته بقى.

طارق ابتسم: لسه. بس لما تبقي حلالي هدوقها براحتي. ملك بضحك: لا طلعنا جامدين. طارق: أعجبك أوي. ملك جت تدخل مسك إيديها. طارق: مش ناسيه حاجة؟ ملك ضحكت بسخرية: لأ. منسيتش. طارق: طب يلا عشان مستني من بدري. وانهاردة المعاد. ملك: بس لسه المفروض بليل. انت لسه متولدتش دلوقتي. طارق: لأ اتولدت وقدامك أهو. ملك: طيب طيب عشان انت حبيبي هعملك استثناء. بس غمض عينيك. طارق غمض: أهو أهو. ملك: مستعجل أوي. طارق: جداً.

ملك قربت منه ولسه هتبوسه على خده. حمزه: الله الله. ملك: إيه ده؟ إيه اللي صحاك بدري كده ورايح فين؟ حمزه: أنا اللي المفروض أسأل. بتعملي إيه هنا ومع راجل غريب وراجعة وش الفجر وكنتي قريبة منه. ملك: حيلك حيلك. انت هتتحكم فيا ولا إيه؟ الجد: في إيه؟ صوتكم عالي على الصبح ليه؟ حمزه: تعالي شوف يا جدو حفيدة المحترمة راجعة وش الصبح وكانت مع الراجل الغريب ده. الجد: بس ده مش غريب. ده طارق زميل ملك. وهما مجرد صحاب.

ملك: أه. كلام جدو صح. حمزه: دي كدابة يا جدو. أنا شوفتها كانت هتبوسه من خده. طارق: محصلش. دي كانت بتقولي حاجة يا جدو. الجد: مصدقكم يا بني. ملك: أكيد يعني. مستحيل تصدقه هو. حمزه: يا جدو بقولك شوفتها. الجد: خلاص بقى. ملك عايزك في المكتب. ملك: حاضر يا جدو. طارق: هكلمك بليل. ملك: ماشي بليل. مشيت ملك ورا جدها. حمزه بص لطارق بإستحقار ودخل وراهم. ولاء: حمزه أخبار دراعك إيه؟ مش معلقة ليه؟ حمزه: تمام. دراعي كويس.

ولاء: لازم تهتم شوية بنفسك وخد بالك وانت ماشي. حمزه: آه آه طبعاً. ولاء: عارف ممكن تكون وقعت عشان متعرفش المكان كويس. لكن لما هتعرفه أكيد مش هتقع. زي ملك عمرها ما وقعت أبداً. حمزه فضل واقف مع ولاء وبيحاول يقفل الكلام بس ولاء كانت بتفتحه تاني. لحد ما شاف ملك خارجة من المكتب وبتاكل تفاحة وطالعة الأوضة وهي مش متأثرة بحاجة. حمزه: آنسة ولاء عن إذنك. مشى وساب ولاء وطلع وراها. ملك قعدت على السرير وهي بتاكل التفاحة بتلذذ.

فلاش باك تحت. الجد: إيه اللي كان بيحصل تحت ده؟ ملك: جدو أنا مش بكذب. أو بخير عليك حاجة. إنهاردة عيد ميلاد طارق. وأنا بصراحة كنت هبوسه من خده بوسة صغننة كده اهو. بالمرة أجربها. أنا آسفة. عارفة إنه غلط. بس أنا كنت حابة أعمل زي البنات اللي بشوفهم بدل ما أبقى شبه الولاد كده. أنا مش بعرف أتصرف زي البنات.

الجد ابتسم: انتي أحسن من البنات كلهم يا حبيبتي. بس انتي مش حلال طارق خالص. ومينفعش بنت متجوزة تبص لحد مش جوزها. بصي يا حبيبتي. أنا وعدتك هجوزك طارق لأنك بتحبيه صح؟ بس لما تطلقي من حمزه الأول. ولحد ما تطلقي وتتجوزي طارق. مجرد صديق. ماشي يا حبيبت جدو. ملك: حاضر. طارق: يلا خدي التفاحة اللي بتحبيها وشوفي عايزة تعملي إيه واعمليه. ملك أخدت التفاحة بابتسامة: تمام يا عسل. باي. باك. دخل عليها حمزه وهو متعصب.

ملك قطمت التفاحة وهي بتبصله بسخرية وقامت عشان تدخل الحمام. وقف قدامها. ملك: تؤ تؤ. العصبية وحشة. حمزه بصوت عالي: اخرسي خالص. كمان ليكي عين تتكلمي. ملك: متعليش صوتك عليا عشان أنا كمان بعرف أعلي صوتي وهتقل من نفسك أكتر مانت قليل أصلاً. حمزه زقها للحائط بعصبية: بت انتي. أنا أسكت لك كتير. انتي واحدة كدابة وخاينة ورخيصة. ملك: انت بتقول صفاتك ليه؟ مانا عارفة إنك كداب وخاين ورخيص. حمزه خبط إيديه

جامد على الحيطة جمبها: انتي حظك أمي مش بمد إيدي على أي ست. ملك: لا رجولة أوي. واو. بجد. حمزه بنرفزة: متتحدينيش. ملك: لا أتحداك. هتعمل إيه يعني؟ عايز تعرف أنا شايفاك إزاي؟ أنا شايفاك إنك واحد واطي وزبالة ومش بيهمك غير الفلوس. تقدر تعمل أي حاجة عشان الفلوس. تتجوز أو حتى تبيع أمك. عمرك ما هتكون راجل في نظري. أنا بقرف مجرد ما بفتكر إني اتجوزت واحد زيك. حمزه ضربها بالقلم على وشها: أنا راجل وغصب عنك.

ملك بنرفزة: لأ مش راجل. والدليل إنك بتمد إيديك عليا. حمزه مسكها من شعرها: يا بت اتكتمي. ملك بقيت تضحك وهي بتتوجع: هو ده أخرك أصلاً؟ واحد همجي. بتثبت إنك راجل بقوة دراعك. أحب أقولك إن الرجولة أفعال. مش عشان انت قولت إنك راجل تبقى راجل. حمزه بعصبية: طيب أنا هوريكي بقى أنا راجل ولا لأ. شدها ودخلها الحمام وفتح عليها الدش: فوقتي دلوقتي. ملك ضحكت جامد: حد قالك إني مكنتش فايقة؟ ولا هو عشان بقولك الحقيقة؟

بقولك إيه يا ضة انت؟ أنا تعبانة لوحدي وقرفانة. أبصلك. غور من وشي عشان خلاص مش قادرة أتمالك نفسي. مش ضامنة أعمل فيك إيه. حمزه شدها من دراعها خبطت في صدره اللي من الغضب كان طالع نازل: عايزة تعرفي أنا راجل ولا لأ مش كده؟ أنا هثبتلك. شدها لبره وزقها على السرير. ملك كانت هدومها مبلولة. مجرد ما زقها السرير كله بقى مليان ميه. ملك جت تقوم زقها تاني. ملك ضربته في بطنه وجت تقوم زقها جامد تاني: مش هسكتلك تاني.

ملك بصوت عالي: ابعد عني ياله. خليك راجل لمرة في حياتك. ابعد عني. حمزه: مانها هوريكي بقى إني راجل. هشام ميبقاش عندك شك تاني وتعرفي انتي بتتكلمي مع مين. كان بيتكلم وهو بيقلع قميصه. ملك بصدمة وزعيق: وقسماً بالله يا حمزه يا العويسي لو قربت مني لا مش هخلي حتة في جسمك سليمة. دخل الجد بزعيق: شد حمزه: إيه بيحصل هنا؟ ملك قامت: جدو انت مجوزني لحيوان مش بني آدم. الجد: رد يا حمزه. إيه بيحصل؟