رواية زواج عنيف الفصل الحادي عشر 11 - بقلم منار مجدي

حلا وملك ونادر وحمزة كانوا نايمين على الشط بيضحكوا. حلا: بالله بقالنا كتير مخرجناش وانبسطنا كده. ملك: العيال أخدوا كل وقتكم. نادر وهو بيقوم: بالظبط. حلا اتعدلت: بتقوم ليه؟ نادر مسك أيديها وقومها: عشان هنرقص. حلا: يا راجل. نادر: يلا بقالنا كتير مرقصناش. ملك: وأنا هشغلكم حتة سونج تحفة. حلا: لا شغلي أغنيتنا. ملك: وأنا بقا بشم على ضهر إيديا. حمزة بضحك: مكشوف عنك الحجاب. حلا ونادر بضحك: حب جنون. ملك: قديمة أوي بس حلوة.

حمزة: في حاجات مش بتفقد قيمتها مع مرور الوقت. ملك: شغلتهالكم. نادر وحلا بقوا يرقصوا وملك وحمزة بيتفرجوا عليهم. حمزة: لطاف أوي. ملك: فعلاً. عارف نادر اتعلم الرقص بس عشان يرقص مع حلا. حمزة: بجد للدرجة دي بيحبها. ملك: ربنا يحفظهم. حمزة: تيجي نرقص احنا كمان. ملك ضحكت: أنا بقا اللي مش بعرف أرقص، بلاش فضايح الله يسترِك. حمزة بضحك شدها ورقصوا سوا. بعد فترة كبيرة. حلا بنعاس: لا مش عايزة أروح.

نادر شالها: انتي نمتي خلاص. يالا سلام يا ملك. ملك: باي، خلي بالك منها. نادر: حاضر. سلام يا حمزة، مبسوط إني اتعرفت عليك. حمزة: وأنا كمان. مشيو نادر وحلا. حمزة: طيبين أوي. ملك: عارفة أنا صحابي كلهم قلبهم أبيض، عشان كده أنت بقيت صديقي وأنا هساعدك تنقذ شركتك وبعدين نطلق ونشوف حياتك وتتجوز اللي بتحبها. أنت متعود إني ببقى جدعة مع صحابي. حمزة: يعني أنا بقيت صديقك. ملك: أيوه طبعاً. يالا نروح.

ركبوا العربية وكانوا الاتنين مضايقين من فكرة الطلاق. ملك عرفت إنها بتحبه بس هو مستحيل يحب واحدة زيها، هو بيحب البنات اللي زي رغد، لكن اللي زي ملك لا. أما حمزة فهو مضايق بس مش عارف ليه، مش عايز يبعد عنها وفي نفس الوقت متأكد إنه مش بيحبها هي وبيحب رغد. وصلوا البيت. حمزة: وصلنا. ملك: هفك الآنسة اللي جوه دي، ده لو كانت آنسة. حمزة ضحك وهي راحت المخزن وفكته. داليا: أنا مش مسكت وهتندمي. ملك: بس يا ماما مش ناقصة صداع.

مشيت ملك وسابتها تزعق مع نفسها كأنها هوى. دخلت ملك لقيت حمزة واقف بيتكلم مع جده. ملك: جدو. الجد: جهزتي نفسك. ملك: ليه أجهز نفسي؟ مش خلاص. الجد: لا خلاص، سفركم شيء مفروغ منه. ملك: يعني إيه. الجد: يعني السفر لسه موجود. انتوا هتسافروا بكرة إن شاء الله الصبح. جهزي نفسك كويس عشان هنفضلوا هناك على الأقل أسبوع. ملك: أسبوع كامل. الجد: ويمكن أكتر. ملك: بس يا جدو. الجد: خلاص أنا خلصت كلامي. تصبحوا على خير. ملك بصت لحمزة.

حمزة هز رأسه بقله حيلة. ملك بتنهيدة: يالا. طلعت أوضتهم. ملك بدأت بأجهزة شنطتها. حمزة: مش هتحاولي تلغي السفرية دي. ملك: لا. كلام جدو بيمشي. أنت لو معترض روح قوله لوحدك. وبعدين السفرية دي هنقدر من خلالها نجيب ممولين للشركة اللي هنا ونخليها تنجح عشان أنت كمان شركتك تقدر تنفذها في الوقت المناسب. وإلا أنت رأيك إيه. حمزة: آه، انتي صح. ملك ابتسمت: طيب يالا جهز نفسك. وفعلاً جهزوا الشنط. حمزة: تفتكري هنقدر.

ملك: طبعاً هنقدر. أنا عندي أول قاعدة في قاموسي هي إن الإنسان مينفعش يستهين بقدرات نفسه. أنا مش بستهين بقدراتي، أنت كمان متستهنش بقدراتك. احم، هتحس براحة نفسية يعني لو نجحت خير وبركة، منجحتش متزعلش وحاول تاني. فاهم؟ أكيد مش فاهم. مين بيفهمني أصلاً؟ أنا شخصياً مش بفهم نفسي. قامت بضحك. حمزة بابتسامة: بس أنا بفهمك. ملك بضيق عين: يا راجل. حمزة ضحك وراح على الكنبة: آه، صدقيني.

ملك نامت على السرير: الأيام هتثبت. تصبح على خير. حمزة: وانتي من أهله. ملك: هو مين. حمزة: هما. ملك بضحك: من أهل مين. حمزة: الشخص اللي يحبك ويقدرك. ملك بسخرية: يحبني؟ آه طيب. حمزة: مالك. ملك: مفيش، نام انت. ناموا. تاني يوم صحيت ملك بدري جداً ولبست بسرعة. صحى حمزة: ملك لابسة بدري أوي كده ليه؟ لسه طيارتنا الساعة ١٠. ملك وهي بتلبس الكوتش بسرعة: لازم أودع حلا ونادر وكمان أطفال اليتيم وريحانة. لسه قدامي كتير. سلام.

نزلت ملك بسرعة وحمزة قلق عشان الشمس لسه مطلعتش. قام أخد جاكته ونزل وراه. وصلت اليتيم. حسين: ملك!! ملك جريت عليه: أيوه، جيت أسلم عليكم قبل ما أمشي. حسين: هتمشي تروحي فين. ملك: عندي شغل ومش عارفة خرجت امتى. حسين: طيب تعالي. دخلت ملك أوضة الأطفال. مازن بنعاس: دي ملك. ملك بضحك: لا شبحة. مازن بصراخ: ملاااااك. نط عليها وقعت في الأرض. ملك: إيه يا ليثي الغباء ده يا جدع.

حسين: معلش، هو مازن من ساعة ما بقى بيغني في المسرح وهو اتجنن. ملك بضحك: لا هو مجنون من بدري، مش كده يا ليثي. مازن: أيوه صح الصح. حنين: مش عارفة أنام منكم. ملك: بالله هتوحشيني يا سوسة. حنين نزلت وهي بتفرك عينيها وحضنها: وأنتي أكتر. أنتي رايحة فين. ملك: آه، للأسف مسافرة لشغل. مازن: وهترجعي امتى. ملك: لسه مش عارفة. حنين: هتتأخري يعني. ملك: لا متقلقوش، هرجع لكم على طول. أنا بس جيت أسلم عليكم وأشوفكم قبل ما أمشي.

حسين: ملك ارجوكي متتأخريش زي حلا. ملك: لا مش هكمل سنتين، بالكتير أوي هيبقا أسبوعين. حسين: لو كترتي عن شهر مش هنكلمك تاني. ملك: مش هتأخر. عايزة حضن كبير دلوقتي. اتلموا حواليها وحضنوها وهي قامت. ملك: دلوقتي همشي عشان ألحق أسلم على نادر وحلا. مازن: متتأخريش. ملك باست راسه: مش هتأخر. عايزة أشوفك في التليفزيون على طول. مازن بابتسامة: هشرفك. ملك: أنت مشرفني أصلاً. سلام.

مشيت ملك وبصت ليهم بصه أخيرة وركبت عربيتها واتحركت في نفس اللحظة اللي حمزة وصل فيها. لقاها ماشية، كمل وراها لحد ما وصلت لبيت السلطان. حلا نزلت بالروب وهي نايمة على نفسها: ملك إيه! اتصلت ننزل بسرعة، في إيه؟ انتي كويسة. ملك بضحك: آه كويسة يا عمنا اللي خربها على الآلة، بس أما أرجع ألقيكي حامل. استنيني لما أجي عشان أمسكك تريقة كويس يا أرنوبة. ماشي؟ يالا هاتي حضن قبل ما أمشي.

حلا بعصبية: لحظة واحدة، لحظة واحدة، انتي رايحة فين. ملك: ماشية. نادر: ماشية؟ رايحة فين؟ انتي حد ضايقك؟ حد زعلك؟ لو في حاجة ده بيتك برضو. ملك: إيه يا عم حيلك! أنا بس مسافرة مع حمزة سفرية شغل واحتمال تطول. حبيت أشوفكم قبل ما أمشي. حلا: ده حسين هيزعل أوي. ملك: أنا لسه جايه من عندهم. حلا: حاولي متتأخريش. نادر: انتي مسافرة فين. ملك: إيطاليا، انهارده الساعة ١٠. حلا: لسه الساعة ٦. نادر: حلو، معانا أربع ساعات.

حلا: حلوين أوي. نادر: ملك استني هنا، راجعين على طول. ملك: بس لسه عايزة أروح أودع ريحانة. حلا: ملك ده أمر مش بتطلب منك، خليكي مكانك. ملك بسخرية: وأنا من إمتى بسمع الكلام. نادر: ملك عايزين نقصر معاكي الوقت اللي فاضل، ممكن تستني؟ هنيجي معاكي. ملك بتأثر: بجد. حلا: أكيد وهنوصلك كمان المطار. ملك مثلت إنها بتمسح دموعها: للدرجة دي الصحابة مش طايقاني. حلا حضنتها: يا هبلة، انتي إحنا بنحبك. ملك حضنتها هي كمان بضحك وحضنهم نادر.

حمزة وهو بينهم: أحضن معاكم. ملك بصدمة: أنت إزاي عرفت إني هنا. حمزة وهو بينهج: جيت وراكِ عشان الوقت اتأخر. ملك: بجد. حلا: يالا يا نادر، إحنا استنوا هنا. طلعت نادر وحلا. ملك ابتسمت: ليه جيت ورايا. حمزة: الوقت متأخر أوي، يعني عشان لو احتاجتي مساعدة ولا حد اعترض طريقك ولا حاجة. ملك: بتخاف عليا؟ أنا بيخاف مني. حمزة: يمكن، بس أنا مكنتش هرتّاح غير كده. ملك ابتسمت لنفسها: تفتكري بيحبني؟

لا يا ملك فوقي، متعلقيش نفسك بأمل كداب. عرفنا هو بيحب رغد، دي. بس أنا بحبه، بس هو مش بيحبني. خلاص بقا فين كرامتي. حمزة: ملك، روحت فين. ملك: هنا، هنا. حلا: جهزنا يالا. ملك: لحقتي يا بنتي! حرام البشر حاجة، استري نفسك. حلا بضحك: أما لو شوفتي البنات بره بيلبسوا إيه، ده مجرد برمودا وتشيرت. بكرة هتسافري وتشوفي وتتصدمي وتحمري كمان. نادر: عشان بتتكسفي. ملك بعصبية: مش بتكسف، أنا. نادر: طبعاً. حلا: أم الملك. ملك: هوريكم.

جروا وملك وراهم وحمزة مبتسم وراهم. ركبوا العربيات ومشوا لفيلا السيناوي. حلا: تعال نسلم على جدو. نادر: تعالي. ملك: خلينا نجهز وبعدين ننزل. طلعوا ملك وحمزة جهزوا ونزلوا. حلا: ها، إيه البرنامج. ملك: الأول ريحانة عشان مش هنرجع. حلا: أشطا، تعالي. حمزة كان ماشي وراهم، بس وقفه نادر. نادر: رايح فين. حمزة: مع ملك. نادر: أنصحك بلاش وهي مع ريحانة عشان ريحانة مش بتحب الرجالة. حمزة: ملك هناك هتهديه.

نادر: على راحتك، روح بس افتكر إني حذرتك. ملك فضلت تلعب في شعرها وحضنته. ملك: مش هتأخر عليكي يا ريحانة، بس انتي خلي بالك من نفسك ومن جدو وولاء وعمتو، ماشي؟ هتوحشيني أوي. نادر من بعيد: يالا يا ملك. ملك ابتسمت وطبطبت على ريحانة ومشت. حلا: متعلقة بيها أوي كده. ملك: هي اللي فضلت من ريحة ماما، زيها زي أخت ليان. نادر: وأنا كيس جوافة؟ متخديش في بالك خالص. ملك: آه، هي وكيس الجوافة دول اللي فضلولي. نادر: وحياة أمك.

ملك ضحكت: خلاص يا زميكس، متزعلش. نادر: طيب، تعالي يا رخمة. حضنتها ملك وحلا حضنتهم هما الاتنين. حمزة: أنا حطيت الشنط في العربية. ملك: يالا بينا نلف بالعربيات. نادر: تعالوا بعربيتنا، كده كده هتسافروا، مش كده. حمزة: أنا خلاص حطيت الشنط. نادر: تعال هنبدل المكان بس سوا، تعال. مشيو، حلا مسكت في دراع ملك. حلا: ها، احكيلي. ملك: على إيه. حلا بخبث: يا بت، على حمزة طبعاً. حبتيه مش كده. ملك: وهيفرق إيه؟ أنا وهو مستحيل نبقى لبعض.

حلا: ليه يا متشائمة؟ انتي عارفة طبعاً أنا ونادر اتقابلنا إزاي. ملك: ودي حاجة وتتنسي. حلا بضحك: كنت بكراش عليه في صور المحلات وكنت بقول مستحيل يعرف إني بحبه لأنه مبعرفش إني عايشة أساساً. لكن عرف وحبني زي ما بحبه، يمكن أكتر كمان. بس أنا كنت مفضوحة، انتي بقا كتومة وشاطرة في التمثيل. بيبان في تصرفاتك، لكن مش في كلامك. ملك: حلا، متحاوليش. الموضوع منتهي.

حلا: أنا بس كنت عايزة مصلحتك عشان تريحي قلبك. كمان مش يمكن هو كمان بيحبك ومش بيقول. ملك: وبعدين بقا. حلا: خليكي كده مستسلمة لحد ما يضيع منك. انتي حتى مش بتحاربي عشانه، خليكي. ملك: لو مكتوب ليا عند ربنا هيجيلي لوحده من غير ما أنا ألف وراه، صدقيني. حلا: ونعمة بالله. حمزة ونادر: يالا، خلصنا. ملك مشيت خطوتين وبعدين دخلت تجري للفيلا. دخلت أوضة جدها وصحيته. قام الجد بخضة ولبس نضارته. حضنته ملك جامد وبعدين سألته ومشيت.

ابتسم الجد وقال: انتي كمان هتوحشيني يا حبيبتي. ركبت العربية واتحركوا، كان حمزة ونادر قدام وملك وحلا ورا. بعد فترة. ملك: وقف العربية. حمزة: ليه. ملك: بسرعة يا حمزة، وقف. حمزة وقف العربية. نزلت ملك واشترت ورد أبيض جميل. وركبت وهي باسمة بابتسامة. حمزة: فهمت. حرك العربية ووصلت المقبرة. نزلت ملك لوحدها ودخلت حطت ورد ودعت لمامتها ومشيت بعد ما ودعتها. اتحرك حمزة لحد المطار. حلا بدموع: هتوحشيني.

ملك: لا، بقولك إيه، بلاش عياط والنبي. نادر عينيه دمعت: متتأخريش وكلمينا كل يوم. ملك: بس في فروق توقيت. نادر: أي وقت يا ملك، المهم تكلمينا حتى لو الفجر. إحنا من إمتى بنفكر في ده كله. ملك حضنتهم وهي جوه حضنهم دمعت. حلا: عارفة إنك بتعيطي. ملك مسحت دموعها: مين دي اللي تعيط يا شبح؟ مفيش منه الكلام ده. حمزة حط إيده على كتفها: يالا يا بنتي. ملك بضحك: يالا يا زميلي. وفعلاً مشيوا وهما بيعملوا باي باي لحلا ونادر.

بعد فترة كبيرة في الطيارة كانت ملك نايمة وحاضنة دراع حمزة وهو بيلعب في شعرها. حمزة: عارفة شكلك وانتي نايمة زي الملايكة وكمان شعرك شكله حلو أوي. أكتر حاجة بتعجبني فيكي شعرك. ملك ابتسمت وحضنته أكتر: بحبك، متسبنيش أبداً.