رواية زواج عنيف الفصل الثاني عشر 12 - بقلم منار مجدي

حمزه بصدمه: هاملك تمام وكملت نوم. حمزه: هي قصدها عليا أنا، لا لا أكيد مش أنا، هي عارفه إني بحب رغد. ملك كانت صاحيه وسمعته فأضايقت وسابته ولفت وشها الناحيه التانيه. بعد فتره كبيره وصلت الطائره إيطاليا. حمزه: على الفندق يلا. ملك بسخرية: فندق؟ فندق إيه؟ هنروح بيتي. حمزه: عندك بيت في إيطاليا؟ ملك: طبعًا، تعال. تاكسي تاكسي. السائق: إلى أين. ملك: ال*******. انطلق السائق لحد عماره كبيره اوي. ملك: تفضل، اشكرك.

السائق: هذا رقمي، حين تحتاجين لسائق أنا بالخدمة. ملك: بالظبط يا. السائق: ديف. ملك: أو ديف، اسم لطيف، اشكرك، عمت مساء. حمزه: بتتكلمي إيطالي كويس اوي. ملك: محدش قال إني جاهله، يلا. حمزه: انتي كويسه؟ ليه متغيره؟ ملك: مش متغيره، يالا. ركبو الاسنسير وضغطت الدور ٥٠. ملك بصيت قدامها بشرود. حمزه بإستغراب: ملك، حاجه حصلت ضايقتك يعني؟ ملك: لا، أنا بس تعبانه من السفر شويه، متشغلش بالك بيا. صحيح اتصلت برغد؟

تعرفها إنك وصلت، زمانها قلقانه عليك. حمزه ابتسم: لا، هي مش بتقلق عليا. ملك: بجد؟ أصل لما كان يعني طارق يسافر ولا حاجه كنت بفضل قلقانه لحد ما يكلمني. حمزه: قديمه اوي، انتي الزمن اتغير. ملك بصوت واطى: الزمن اتغير، بس طريقة الحب عمرها ما تتغير، ورغد مستحيل تكون بتحبك. حمزه: بتقولي إيه؟ ملك: ولا حاجه. (بصوت واطى) أنا مش هينفع أقولك ده، لازم انت تحس ده لوحدك، الفتره الجايه هوريك اللي بيحب بيعمل إيه.

حمزه: حاسك بتبرطمى، ممكن تقوليلي بتقولي إيه؟ مش بحب تبقا عامل زي الأطرش في الزفه. ملك ابتسمت بسخرية: متتركزش معايا، ساعات بتجنن شويه. حمزه: انتي على طول مجنونه اصلا. ملك: ماشي ماشي، مردوده. حمزه ضحك: اهو كده رجعتي طبيعيه. ملك لنفسها: الاهبل مش حاسس بحاجه. وصلوا. ملك مسكت أيديها وشديته: تعال شوف البيت.

دخلو الشقه كانت واسعه اوي وكبيره وفيها ديكورات تحفه، مطبخ امريكي وبار وصاله كبيره اوي وشاشه كبيره، وحيطه ازاز كبيره بتطل على إيطاليا كلها بمعالمها وبلكونه كبيره اوي واوضتين كبار ومطبخ وحمام. ملك: ده كله على زوقي. حمزه: راقي جدا. ملك ابتسمت: قصدك إن زوقي راقي، مش كده؟ حمزه: اه، خلاص اعترف، زوقك حلو. ملك بصوت واطى: زوقي حلو عشان اخترتك. حمزه: بتقولي إيه؟ ملك: تعال أوريك الأوضه اللي هتنام فيها. حمزه: بجد؟

يعني هنام على سرير زي البني ادمين؟ ملك: عشان تعرف إنني جدعه. حمزه: انتي أجدع واحده عرفتها. ملك: إيه رأيك؟ حمزه: تحفه، عارفه زوقك قريب من زوقي. ملك ابتسمت: يمكن في تشابه بينا. حمزه: فعلا. ملك: طيب، هسيبك ترتاح، أنا اوضتي اللي جمبك، تصبح على خير. مشيت وسابته. حمزه: جميله اوووووي. رمى نفسه علي السرير ونام. دخلت ملك أوضته. ملك: لازم خططتي تنجح، هوريك يا حمزه، هخليك تيجي وتقولي حقي برقبتي، والا مبقاش أنا ملك السيناوي.

رمت نفسها على السرير وهى مكرره أنها هتغير في نفسها حاجات كتير عشان تناسبه. تاني يوم صحيت ملك بدري واخدت دش جميل ولبست هدوم أول مره تلبسها، كانت مستغربه نفسها بس قالت كده أحسن عشان أعجبه ورشت برفان رقيق جدا وأنثوي، لبست هيلز رغم أنها بتكره بس لبسته وعملت شعرها كحكه فوضويه وحطيت لمسات بسيطه من المكياج، بصيت لنفسها وهى مبتسمه بس شافت نفسها وهى صغيره ومعيطه ولبسه فستان الاميرات وكانت بتقول مش عايزه البس الهبل ده تاني، أنا مش أميره، أنا مش أميره.

أضايقت وكانت هتغير. الباب خبط. ملك: ادخل. دخل حمزه: ملك، كده هنتأخر. ملك ابتسمت لما حسيت إنها عجبته: حمزه، انت هنا. حمزه: انتي ملك. ملك ضحكت برقه: أيوه يا سيدي أنا هي، يلا هنتأخر. وصلوا الشركه وكان يوم عمل حافل والكل اعجب بشخصيه ملك الجديده الرقيقه وبشوشه، ده حتى مضربتش حد ولا اتعصبت على حد، في حين حمزه قاعد ومستغرب هي متغيره ليه، مينكرش إنه بيضايق لما بتضحك مع أي حد بس مش فاهم ملك بتعمل إيه. ملك بفرحه: حمزه.

حمزه ابتسم وكأنه أول مره يسمع منها اسمه جميل اوي لما بتنطقه وهي مبسوطه. حمزه: شكل في أخبار كويسه. ملك وهي بتدوخ وتطنطت: مش هتصدق أنا عملت إيه، كلمت صاحب الشركه الايطاليه المشهوره شركهZS، اللي صاحبها مش هتتخيل، شب مصري زينا وبدأ مشواره زينا، أنا امبارح منمتش فضلت أعمل أبحاث لحد ما لقيت رقمه وعرفت كل حاجه عنه، هو بيحب يشجع الشباب اللي زينا وقال هيستثمر معانا، لما كلمته وعجبه كلامي ومشروعنا جدا، أنا مبسوطه اوي، ييييي.

حمزه: وأنا كمان، لازم نحتفل. حمزه تليفونه رن. حمزه: ألو يا حبيبتي. ملك وشها قلب. حمزه: لا يا حبيبتي في الشركه بشتغل، اه تمام، حاضر هجيبلك كل اللي بعتيه، متقلقيش، ههه. ملك: حمزه، يلا. حمزه: روحي انتي يا ملك، أنا جاي وراكي. ملك أضايقت اكتر وخرجت. حمزه: حاضر يا حبيبتي. ملك قعدت على مكتبها تفكر، هل هي غلطت لما حبت حد بيحب واحده تانيه؟ حاسه إني عامله زي العقربه اللي بتلف حوالين راجل متجوز، لحظه لحظه، أنا مراته مش هي صح؟

بس بس هو أول يوم قال إنه مش بيحبني وإنه بيحب واحده تانيه وأنا كمان متوصتش، يعني يا رب إيه الحيره دي. حمزه: يلا يا ملك. ملك: لا، أنا عايزه أبقى لوحدي دلوقتي، نبقى نحتفل بعدين، دلوقتي أنا خلصت شغل هنا، عن إذنك. حمزه: رايحه فين؟ ملك: هتمشي شويه. القفل بتاع الباب ببصمتك، متنساش، سلام. حمزه: أجي معاكي. ملك: لا، عايزه أبقى لوحدي، سلام. حمزه: س سلام.

حمزه: أنا متأكد فيكي حاجات متغيره، انتي أكيد في حاجه حصلتلك مش عايزه تقوليها. عند ملك كانت ماشيه وباصه في الارض اتكعبلت، قلعت الهيلز بزهق ومسكته بإيديها وبقيت ماشيه وهي متلغبطه مش عارفه مش فاهمه تعمل إيه، تستسلم ولا تحارب ولا تعمل إيه، فضلت تمشي لحد ما وصلت قدام بحر، قعدت على الشط تتفرج عليه وتحكيله. ملك: سمعت إن لو الواحد قال مشاكله للبحر هيرتاح، هل لو حكيتلك هترتاحني. لحظات من الصمت.

ملك: أنا مش فاهمه حاجه، قلبي بيقولي حاجات وعقلي بيقولي عكسها، اعمل إيه؟ أنا متلغبطه. مسكت رأسها بإيديها. شخص: اللي اعرفه إن الواحد لازم يمشي ورا قلبه. ملك بصيت للبحر بصدمه: البحر بيتكلم؟ الشخص بضحك: ملك بصيت وراها. قعد جمبها: شكلك أحلى على الطبيعي على فكره. ملك: آسفه، مش فاكره حضرتك. زياد: زياد، زياد سيف صاحب شركه. ملك بمقاطعة بابتسامه: ZS. زياد: بالظبط، اتشرفت يا آنسه. ملك: ملك، ملك السيناوي. زياد: اتشرفت بيكي.

ملك بصيت للبحر: انت كمان بتيجي تقول مشاكلك للبحر؟ زياد بص للبحر: ساعات، بس أنا معنديش مشاكل كتير. ملك: يبقا مش بتحب اللي بيحبو، بس اللي بيبقا عندهم مشاكل. زياد بص عليها بابتسامه: وانتي بقا بتحبي؟ ملك بتنهيده: مش عارفه، مش عارفه اللي حاسه بيه ده صح ولا لا. زياد: طيب احكيلي، يمكن أقدر أساعدك. ملك بصيت ليه بتفكير. زياد: متقلقيش، سرك في البحر، اعتبريني زي البحر. ملك بضحك: مش بيقولوا سرك في بير؟

زياد بضحك: لا، بحر، البحر أوسع. ملك بتنهيده: تمام، بص يا سيدي. زياد بص ليها باهتمام. ملك: أنا الأول كنت بكره، او لا مش عارفه، بس الأكيد مكنتش بحبه لإن كنت مرتبطه، بس حبيبي خانى، وهو وقف جنبي وساعدني لحد ما حسيت إني... زياد: بتحبيه؟ ملك هزت راسها. زياد بتفكير: اممم، بصي، هو اللي انتي بتحسي بيه ده ليه اختيارين، يا إما بتحبيه، يا إما ممتنه ليه، فأشرحيلي بتحسي إيه لما بيقرب منك. ملك بتفكر

آخر مره حاول يقربلها: كهربا، شعور غريب في نفس الوقت جميل وفي نفس ذات الوقت مرعب اوي. زياد بضحك: كنتي خايفه تحبيه، وانتي أصلا حبيته من أول ما شفتيه، مش كده؟ ملك: لا طبعا، إزاي، أنا كنت... زياد: مرتبطه، بس حبيته وده خلاكي مرعوبه. ملك: يعني أنا بحبه؟

طب هو مش بيحبني وبيحب واحده تانيه وقايل لي، وأنا مكنتش معترضه، بس دلوقتي مبقتش طايقه بس إنه يكلمها في التليفون، ببقى نفسي أقوم أجيبه من الجاكت كده وأضربه بوكس في وشه وفي عينيه الزرقا. زياد بضحك: باين إنك عنيفه اوي. ملك ابتسمت: باين اوي. زياد: أيوه، بس عنف جميل. ملك بضحك: شكلنا هنبقى صحاب حلوين. زياد: لا، مش بصاحب حد أنا. ملك بصيت ليه بصدمه: قالي عني أنا هموت وأصاحبك، يعم روح.

زياد بضحك: بس هصاحبك انت عشان عجبتيني، يعم، لحظه، انتي قولتيلي يعم. ملك بإحراج: محرجناش يا زوزو بقى. زياد ضحك: عارفه، وحشني اوي طريقة المصريين في الكلام. ملك: والا انت إيه؟ أوعى تكون إيطالي. زياد بضحك: لا، مصري، اطمني. ملك بضحك: ريحت قلبي. ملك بقيت تبص للبحر وهي مرتاحه نسبيا. ملك: هو أنا لو غيرت من نفسي حاجات بسيطه عشان اللي بحبه ده غلط؟

زياد: لو بتغيري نفسك عشان انتي شايفه نفسك محتاجه تتغيري يبقا عادي، لكن لو بتغيري نفسك عشان بس تعجبيه يبقا لا. ملك بتفكير: أنا طول عمري شايفه إن لازم أتغير، ماما كمان قالتلي كده قبل كده، لازم أتغير. زياد قام: أنا خلاص كده يومي انتهى، النهارده لازم أمشي. ملك ضحكت: باي باي سندريلا.

زياد بضحك: عشان يعني مشيت قبل نص الليل، أنا راحل عملي، بصحة بدري جدا، اعمل رياضة وأرجع أغير وأشوف شغلي، حياتي عملية مش فاضي للسهر والكلام الفاضي ده. ملك: مصيرك تقابل اللي تغيرك يا زميكس. زياد: مين؟ أنا زياد سيف مستحيل، بتغير عشان أي حد. ملك: لما نشوف، يلا يا برو 👊. زياد ابتسم وقرب قبضته لقيتها الصغيره العنيفه 👊. مشى زياد وبعد فتره قامت ملك هي كمان واتصلت على ديف يجى ياخدها وروحت.

ملك دخلت وحطيت الهيلز على جنب وهي بتدندن. حمزه بعصبية: إيه آخرك كده وهدومك مبهدله ليه؟ ملك بسخرية: إيه التحقيق ده؟ لا، أنا صاحيه بدري، مش فاضيه، عايزه أنام، تصبح على خير. حمزه مسك أيديها جامد: لا، لحد هنا واستوب، أنا استحملت كتير. ملك بزهق: عايز إيه يا حمزه؟ حمزه: عايز أعرف كنتي فين. ملك: ليه؟ حمزه: نعم ياختي؟ ملك: عايز تعرف كنت فين ليه؟ انت هتتحكم عليا ولا إيه؟ حمزه: أيوه، أحكم عليكي، أنا جوزك وليا الحق أحكم عليكي.

ملك بتنهيده: كنت في البحر، خلاص. حمزه بصدمه: بس كده؟ ملك: بس كده، دلوقتي عن إذنك، تصبح على خير. مشيت لاوضتها ولفت بابتسامه. ملك بابتسامه: حمزه. حمزه مبلم: هاملك. ملك: تصبح على خير. حمزه: اه، وانتي من أهله. ملك: إن شاء الله. دخلت وقفلت الباب وراها. حمزه: دي لازم تشوف دكتور نفسي، أكيد في حاجه في دماغها، دي فيوزتها ضربت.

ملك في الأوضه غيرت ولبست بيجاما بناتي، لأول مره، هوت شورت وبلوزه نص كم، بصلي عليها دبدوب وفردت شعرها الطويل، ورمت نفسها على السرير. ملك: أنا بنت، لازم أتعود ألبس زي البنات، مش ولد. ملك فضلت تتقلب على السرير بس معرفتش تنام، مسكت مجله وقعدت تقرا فيها لحد ما حسيت بالجوع، خرجت بصيت حواليها ملقتش حد، انسحبت للمطبخ. ملك: لو شافني دلوقتي وأنا قاعده جوه التلاجه كده هيقول عليا طفسه، ههه.

فضلت تاكل وهي واقفه تفكر تاكل إيه تاني لحد ما دخل عليها وفي إيديه تفاحه، بس وقعت منه في الارض أول ما شافها. ملك بصيت تحت رجلها لقيت تفاحه، وطيت واخدتها. ملك بفرحه: الله، تفاحه، كنت فين يا غاليه؟ حمزه: احم. ملك لفت رخصه: بتعمل إيه هنا دلوقتي؟ قصدي لسه منمتش؟ خلاص خلاص، متجاوبش، أصلا أسئلة سخيفه، بس سؤال مهم، التفاحه دي بتاعتك. حمزه هز رأسه من غير ما يلاحظ. ملك خطفتها في بقها: يبقا تلزمني أنا، يالا تيكير يا بيبي.

جت تمشي مسك أيديها. ملك: مالك؟ حمزه قرب منها. ملك بصدمه من قربه: حمزه، بتعمل إيه؟ حمزه افتكر آخر مره وبعد تاني: امشي من قدامي دلوقتي يا ملك، أنا مش كويس. ملك: مالك تعبان؟ حمزه: لا، كويس، خلاص روحي نامي. ملك: متأكد؟ حمزه: أيوه، متأكد، روحي. مشيت ملك كان خطوه وبعدين رجعت بصيتله وقالت بتبرع كلها حنيه: حمزه، انت بجد كويس. حمزه ابتسم: متقلقيش. ملك: طيب، تصبح على خير. سابته ودخلت اوضتها.

حمزه حط أيده على قلبه وبعدين اتنهد ومشي. ملك ابتسمت لما افتكرته وهو قريب ليها ووشه في وشها، بس الابتسامه اختفت لما بعد ليه بعد هي ممنعتهوش. قامت مفزوعه. ملك: لحظه لحظه، أنا بغريه، مش كده؟ لا يا ملك، دي مش أخلاقك، بغريه لا لا، أكيد لا، أنا أصلا مكنتش أعرف إنه صاحي، هعرف منين إنه خارج؟ يا ربى، ملك، انتي هتتغيري عشان نفسك، لكن مش هتغريه، فوقي لنفسك بقى.

تاني يوم صحيت ولبست بدله زيتى على بادى أبيض كب وهيلز أوف وايت وفردا شعرها وحطيت البرفيوم بتاعها الجميل الهادي. خرجت وهي بتلبس ساعتها: حمزه، جهزت. حمزه: هو انتي ليه لبسك اتغير؟ ملك: ها. حمزه: ليه غيرتي طريقتك؟ ملك: مغيرتش، أنا بس بلبس كده هنا، ده نظام لبسي هنا في إيطاليا، كل مكان وليه استايله. ملك لنفسها بسخرية: هه، حجه دي ولا كدبه يا ملك؟ بقيتي بتعملي حاجات هبله كتير.

حمزه: طيب، يلا بينا، المستثمر جاي النهارده يشوف الشركه. ملك: اه، عارفه، يالا. بعد فتره في الشركه الكل متوتر وأعصابه مشدوده. دخل زياد بهيبته المعتاده لمكتب الاجتماعات، قامت ملك بفرحه وهي بتسلم عليه وحمزه كمان. بعد اكتر من ساعتين. ملك بابتسامه: يعني اتفقنا؟ زياد: أكيد طبعًا. ملك: اشطا. حمزه: ملك، اشطا هنا. ملك بإحراج: اوبسي. زياد ضحك وهو بيقوم وبيقل زرار الجاكت: عادي، مفيش بينا الكلام ده، احنا صحاب مش كده 👊.

ملك ضحكت: أكيد برو 👊. حمزه بصدمه: هاملك. ملك ضحكت: احنا صحاب إيه؟ حمزه بضيق زق ايديها من بعض: طيب طيب، اتشرفت جدا بحضرتك يا أستاذ زياد. زياد: أكيد طبعًا، بالمناسبة دي يا آنسه ملك، أنا عازمك انتي وأستاذ حمزه نسهر سوا عشان نحتفل. ملك: مش كنت إنسان رياضي نشيط؟ زياد بابتسامه: مخلص بقى، الإنسان بيتغير كل يوم. ملك ضحكت: اشطا يا برو، نتقابل الساعه سبعه مثلا. زياد: بقولك نسهر يا بنتي، خليها الساعه ٩.

ملك بضحك: لا، متأخر اوفر الصراحه. حمزه كان بيبصلهم بضيق ومتعصب اوي. زياد مشي. ملك وهي بتطنطت: اخيرا اخيرا بدأنا ننجح. حمزه بعصبية شدها من دراعها لمكتبه وقفل الباب جامد وزقها للحيطه من العصبيه، كان نفسه الغاضب بيضرب في وشه. ملك: مالك يا شبح؟ هايج علينا ليه؟ حمزه: تعرفيه منين يا ملك؟ ملك: قابلته امبارح على البحر. حمزه بضيق: عشان كده اتأخرتي مش كده؟ ملك: إيه، انت قصدك إيه يا حمزه باشا؟ حمزه: خليتيه يلمسك صح يا ملك؟

عشان كده متغيره؟ عايزاه يعجب بيكي مش كده؟ انسى يا ملك، حتى لو أعجب بيكي هياخد اللي عايزه ويرميكي رمية الكلاب، عشان ده مش حب يا ملك، مش حب، ارجعي لنفسك. ملك غضب الكون كله اتجمع في دماغها وحست بسخونيه رهيبه وخلاص هتنفجر و......