رواية زواج بالاجبار الفصل الثالث عشر 13 - بقلم ميساء عنتر

زين دخل وهو شايل نور، نايمة على كتفه. بص لقاهم كلهم واقفين بيبصوا له باستغراب. زين: أي، واحد شايل مراته فيها حاجة دي؟ مختار: هي نور مالها نايمة كده لي؟ زين: مفيش، ابن ابنك كان بيتشاقى شوية، فكانت في المستشفى. رنا بفرحة: الله، هي حامل يا زين؟ زين: أيوه يا حبيبتي. سيف: ألف مبروك، ربنا يقومها بالسلامة يا حبيبي. مختار: مبروك مبروووووك يا حبيبي. زين: الله يبارك فيكم يا حبايبي. هطلع أنا بقى، ولما تصحى هنبقى ننزل.

مختار: ماشي يا حبيبي، خلي بالك منها. *** في شقة مراد وريناد. مراد فضل قاعد جنبها وهو بيبص لها بحب لحد ما صحيت. ريناد بخضة: أي، ف أي، بتبص لي كده يا ماما؟ مراد بضحك: شششش، اهدي، هو أنا هاكلك يا بت؟ ريناد: أنت بتبص لي كده، ف أي؟ مراد بحنية قام قعد جنبها: ريناد، ممكن ندي لعلاقتنا فرصة؟ ريناد بحزن: ازاي؟ مراد: أنا بحبك، بس مصدقتش نفسي لما لقيتك سبتي نفسك ليا. ريناد بعياط: أنا اللي غلطانة، أنا عارفة.

مراد حضنها بحب: أنا مش بقولك كده عشان تعيطي، أنا بحبك وعاوز أكمل باقي حياتي معاكي، أنتي وبنتنا. أي رأيك، موافقة؟ ريناد ببوز: لا ولد إن شاء الله. مراد: لا بنت. ريناد: ي مراد بقى، إحنا هنجيب مراد تاني شبهك؟ مراد بهمس: طب بس، الدكتور مانعني. ريناد بضحك: بس ي مراد، بطل قلة أدب وقوم اعملي أكل. مراد: عيوني يا قلب مراد، وشالها وحطها على رخامة المطبخ وبدأ يعمل أكل. **** مختار: الواحد مش مصدق أن نور رجعت وحياة زين اتعدلت.

سيف: الحمد لله، كل حاجة بقت تمام. رنا بتوتر: بس فيه حاجة واحدة لسه مبقتش تمام. مختار: أي هي يا حبيبتي؟ رنا: بصراحة، أنا عاوزاكوا تسامحوا ريناد. هي طيبة والله، وأكيد ندمانة، عشان خاطري. مختار: هي بنتي في الأول والآخر يا حبيبتي، فأنا مسامحها، وهنروح نزورها بكرة، بس لما صاحبي يرجع من السفر وأسلم عليه. رنا: صاحبك مين؟ مختار بضحك: علي أبو مسعد، اللي كان عاوز يتجوزك. سيف بضيق: اوف، عيل سخيف اللهم.

مختار بضحك: بس بقى خلاص، أهو اتعلم من غلطه ومش هيجي جمبها تاني. رنا: المهم، يعني هو أونكل علي جاي بكرة ولا أي؟ مختار: آه، هيجي بكرة على الساعة 1 الضهر. رنا بحماس: حلو أوي، لما نسلم عليه نبقى نروح بعدها لريناد. مختار: حاضر يا حبيبي، يلا أنا طالع أوضتي. مختار طلع، وسيف قرب من رنا حضنها. رنا: مالك يا حبيبي؟ سيف بتنهيدة: كلمت ماما، بس رفضت إنها تنزل يا رنا. رنا بدموع: حقك على قلبي يا حبيبي، أنا آسفة والله.

سيف: شششش، متتأسفيش، انتي مالكيش ذنب. بحبك يا نور عيني. رنا مسكت فيه جامد: بحبك أوي أوي يا سيف. ***** فوق عند زين. نور بدأت تفوق، لقت نفسها. "عاااااا زييييييين"