رواية زواج بالاجبار الفصل الثاني عشر 12 - بقلم ميساء عنتر

زين فضل واقف برا تلت ساعات قدام العمليات وهيموت من خوفه على نور. أخيرًا الدكتور طلع. زين بلهفة: طمني يا دكتور عاملة إيه؟ الدكتور: هي الحمد لله بقت كويسة، محتاجة راحة فترة على ما الحمل يثبت، وطبعًا مفيش علاقة لمدة 3 شهور. زين بصدمة: حاااامل؟ الدكتور بشك: مش حضرتك جوزها؟ زين: أيوه، بس أنا مكنتش أعرف إنها حامل، أنا رجعت من برا لقيتها واقعة وبتنزف.

الدكتور: النزيف ده لأنها اتحركت حركة غلط، بس الحمد لله الجنين كويس وهي كويسة. زين بفرحة: شكرًا، شكرًا. ممكن أدخل أشوفها؟ الدكتور: أكيد، اتفضل. زين فتح باب الأوضة اللي انتقلت ليها، لقاها فاقت وقاعدة. نور بخوف: ز زين ابني. زين بحب: مقولتليش إنك حامل ليه يا نور؟ وليه بعدتي عني؟ نور بعياط: أنت مش بتحبني يا زين، وكملت بصراخ: ودا ابني أنا لوحدي. زين برفعة حاجب: نعم يا روح أمك، جبته لوحدك يعني؟

نور بعياط: ملكش دعوة بيا تاني لو سمحت. زين قرب منها ومسك إيديها: وحشتيني أوي أوي يا نور، مكنتش متخيل إني بحبك أوي كدا. نور: ابعد، إحنا مطلقين، عيب. زين: أنا رديتك ليا تاني يوم طلاقك، أنا بحبك ومقدرش أعيش من غيرك. نور بعياط: بتحبني دلوقتي عشان عرفت إني حامل؟ زين: أنا كنت هموت وأنتِ في العمليات، وأنا معرفش أصلًا إنك حامل. أنا فعلاً بحبك ومقدرش أعيش من غيرك، اديني فرصة نصلح كل حاجة تاني. نور بعياط: آخر فرصة يا زين.

زين بفرحة: بحبك يا قلب زين، وحضنها. *** ريناد: هي نور مالها يا مراد؟ مراد: معرفش، معرفش، بحاول أرن على أخوكي مش بيرد. ريناد بوجع: حا حاول، أنا هدخل أرتاح شوية. وسابته وقامت دخلت الأوضة وقفلت الباب ودخلت الحمام وفضلت ترجع وحاسة إن روحها هتطلع. مراد دخل لقاها بالحالة دي، غسل وشها وقومها: قومتي ليه من السرير بس من الأول. ريناد: نفسي غامة عليا أوي. مراد: معلش، دا عشان في أول حملك بس، اهدي وحاولي تنامي.

ريناد فضلت تتقلب لحد ما راحت في النوم. *** مختار: زين فين يا رنا؟ رنا: مش عارفة، نزل يجري وقال عنده مشوار ضروري. مختار: يا رب استر، قلبي واكلني عليه أوي. سيف: طب حاول ترن عليه يا عمي. مختار: مش بيرد، وبعدين التليفون اتقفل. رنا: يا رب استرها معاه ويكون كويس. سيف: اهدي يا حبيبي، إن شاء الله يكون بخير. *** فات ساعات كتيرة وهو قلقانين، قاطعهم دخول.