رواية زواج بالاغصاب الفصل الثامن 8 - بقلم دنيا محمد

نورين بدموع: يعني كل التمثيل ده في الآخر يطلع من مازن حبيبي وخطيبي. عمر بشر: وديني ما هسيب حق حرقة قلبك وهنتقم منه. ياسين مسك إيدين نورين: أنا عايزك تسامحيني على أي حاجة حصلت. وباس إيدها. نورين بتعب: أنا فضلت مرمية هنا حوالي خمس شهور. ياسين: صدقيني هنعوضك وهنخليكي تشوفي كل حاجة اتحرمتي منها. بصت نورين لعمر وقالت: هاتلي حقه مني يا أخويا. أنا مش هرتاح غير لما ألاقيه جاي يبوس إيدي وبيترجاني إني أرحمه.

عمر: وحياتك عندي يا نورين لجبهولك راكع تحت رجليك. بس تخرجي معانا النهاردة وتنوري بيتك. نورين هزت راسها بهدوء. وفعلاً خرجوا وكانت زهرة وياسين معاهم. نورين: انتي يازهرة متجوزة عمر من امتى؟ زهرة: حوالي شهر ونص كده. نورين بابتسامة: ربنا يرزقكم بذرية يا حبيبتي. عمر ابتسم وزهرة سكتت بهدوء. ياسين: طيب هستأذن أنا بقى. عايزة حاجة يا زهرة. عمر: ليه ما تقعد يا عمي. ياسين: لا هروح أحسن لأني همدان وعايز أترمي على السرير.

عمر: خلاص اشطا. بس هتيجي بكرة أنت وكمال بيه تتغدوا معانا ونعمل حفلة على القد بمناسبة خروج نورين. ياسين ابتسم لنورين: أكيد طبعًا. حمدلله على سلامتك يا نورين. نورين بنفس الابتسامة: الله يسلمك يا ياسين. ياسين مشي وعمر حضن نورين بحب. عمر: مش مصدق إنك رجعتي بيتك تاني يا حبيبتي. أنا كنت عامل زي اليتيم من غيرك. نورين بابتسامة: حبيبي ده كان قدري. وبعدين أهي معاك مراتك تملي عليك حياتك. غير أنا بقى هجننك معايا.

عمر: طيب يا روحي اطلعي أوضتك ارتاحي وخدى دش ونامي براحة. نورين: فعلاً أنا ما كنتش برتاح في المستشفى قد ما برتاح في بيتي. عمر ابتسم: تصبحي على خير يا حبيبتي. ودخلت نورين أوضتها. عمر بحب لزهرة: وانتي كمان خشي عشان ترتاحي. أومأت له زهرة ودخلت الأوضة. واستحمت. طلعت وهي لابسة قميص نوم مثير بلون الأسود وقصير مبين تفاصيل جمالها وبشرتها بيضاء ناصعة. دخل عمر الأوضة واتفاجأ بكتلة من الجمال قدامه. عمر بلع

ريقه وقال بصدمة من جمالها: إيه الجمال ده والحلاوة دي. زهرة بصتله بكسوف. عمر قرب منها وباس خدها بحب: متزعليش مني يا زهرة. انتي عارفة كويس إني بحبك والله. زهرة بدموع: أنا بحبك من زمان يا عمر. وأكيد انت عارف كده ولاحظت في نظراتي. عمر: دلوقتي أنا مش ملاحظ حاجة غير إني بعشقك وبس. زهرة حضنته بحب شديد وهو شدد على حضنها بحب. وقرب وباسها من شفايفها بحب. وشالها وحطها على السرير وقال: بعشقك يا زهرة. تاني يوم الصبح.