رواية زواج بالاكراه الفصل السادس 6 - بقلم اسماء السرسي

ندي بصدمة: باب سري. وبعدين سمعت صوت نبيل وهو طالع على السلم. حاولت تقفلها بس مكنتش بتتقفل. ندي وهي بتبص على الباب بخوف وبتحاول تقفلها: نهار أسود! أقفلها إزاي دي؟ نبيل فتح الباب فجأة لقي ندى في وشه. نبيل بص لها: في إيه؟ انتي واقفة كده ليه؟ ندي وهي بتبص على الباب السري بتوتر وبصت لـ نبيل: م.. مفيش. نبيل وهو بيزقها: طب وسّعي كده. ندي بسرعة: لا لا لا لا لا. نبيل بشك: فيه إيه؟ فيه إيه جوة؟

ندي رفعت كتفها بتوتر: م.. م.. م.. مفيش. نبيل بص لها بشك وزقها ودخل. ندي بصت للباب السري بصدمة لأنه اتقفل مجرد ما نبيل دخل الأوضة. ندي بصدمة: يعني إيه؟ نبيل بص لها: أنا داخل الحمام دلوقتي. أخرج ألاقي الأكل جاهز، لأني مشيت كل الشغالين. وانتِ البركة فيكي بقى، ورينا شطارتك. ودخل. ندي قعدت وحطت إيديها على خدها: تؤ.. يعني يارب أنا خلصت من مرات أبويا، ألاقي هولاكو ده؟ ياربي! أووف! ونزلت. ندي نزلت وبصت

على البيت وبلعت ريقها: ربنا يعينك يا ندي يا حبيبتي، يا اللي مش مكتوب لك تفرحي يوم فرحك. هتكنسي وتمسحي وهي شغلوك خدامة. ودخلت المطبخ وفتحت الفريزر وبدأت تطلع اللي هتعمله. بعد وقت. ندي وهي بتبتسم ببلاهة: هييح! خلصت. أحط الأكل على السفرة بقى. وفجأة جه في بالها كلام نادلي والباب السري. ندي سابت الأكل وسرحت شوية: معقول.. معقول كل كلام نادلي ده له علاقة بالباب السري اللي ورا المكتبة ده؟

طب ومعنى كلام نادلي، يترا كانت بتحكي على مين؟ ومين اللي هيقتلهم لو عرف الحقيقة؟ فجأة جرس الباب رن. ندي قامت وراحت تفتح الباب: حتى كمان أنا هفتح الباب! يارب توب علينا بقى. وفتحت. ظهرت بنت جميلة بشعر أصفر، بس مغرورة شوية. البنت بغرور وبصت على لبسها عشان كانت لابسة مريلة المطبخ ووشها متبهدل: روحي يا شاطرة نديلي نبيل بيه، قوليله جومانا حبيبتك وصلت.