رواية زواج بالاكراه الفصل الخامس 5 - بقلم اسماء السرسي

نبيل ببرود وهو نازل من على السلم: أهلاً.. أهلاً ناذلي هانم نورتي بيتك اللي مدخلتيهوش من عشر سنين. أهلاً. ناذلي وهي بتبص على نبيل بغضب: أنت لازم تطلق البت دي وفوراً. نبيل برفع حاجب واتكلم بسخرية: أطلق.. هه. لا، قولي لسراج بيه زي ما جوّزها لي بتوكيل يطلقها بقى بالتوكيل. ناذلي بغضب: يعني إيه؟ نبيل رفع كتفه ببراءة مصطنعة: يعني مش هطلق.

ناذلي بغضب أعمى: مستحييييل البت دي تعيش في البيت ده. أنتو مش حاسين بكم المصيبة اللي أنتو وقعتو نفسكم فيها. البت دي لو عرفت إحنا مين مش هتسمي علينا. هتق*تلنا واحد واحد. نبيل لمح طيف ندي اللي كانت بتصنت عليهم. نبيل بص لناذلي جامد: ناذلي هانم تعالي معايا أوضة المكتب، وأنت يا سراج بيه. ناذلي فهمت وراحوا أوضة المكتب. أما ندي مكنتش فاهمة إيه اللي تقصده ناذلي بكلمها. في أوضة المكتب: ناذلي بصوت واطي

بس نفس نبرتها الغاضبة: نبيل، أنت لازم تبعدها عننا. البت دي خطر. سراج بغضب: افهمي يا ناذلي، أنا عملت كده عشان البت. طول ما هي معانا في البيت مستحيل تعرف إن إحنا السبب. ناذلي بغضب وهي بتبصله: اسكت أنت. أنت متعرفش أنت وقعتنا في مصيبة إيه. اسكت. ناذلي بترجي: نبيل، أنا مش مستغنية عن روحي. البت دي لو رجعتلها الذاكرة مش هتر*حمنا. وأبوك راح رجعها عشان تفتكرنا كلنا ونتق*تل واحد واحد.

نبيل بغموض: البت دي مش هتقدر تعملنا حاجة. أنا هتواصل مع دكتور أخليه يكتب حاجة ميرجعش لها الذاكرة تاني نهائي. ناذلي: اعمل أي حاجة يا نبيل. أنا بثق فيك. نبيل بص لها بطرف عينيه واتكلم بسخرية: متخافيش يا ناذلي هانم. اتفضلي روحي لجوزك الخمور*جي زمانه مستنيكي. ناذلي وهي بترفع صابعها في وشه: نبيييييل. نبيل بص لها بطرف عينيه وضحك بسخرية وطلع. عند ندي: كانت بتمشي بملل في الأوضة.

ندي بملل: ياربي، هو أنتو جايبيني عشان أقعد لوحدي هنا يعني. وفجأة لمحت مكتبة وفيها كتب كتير. ندي وهي بتقوم بفرحة: اللله كتب. أنا بعشق القراية أوي. وجريت على المكتبة، ومجرد ما أخدت كتاب لقت المكتبة دي اتقسمت وظهر لها باب سري. ندي بصت بصدمة.