رواية زواج بالاكراه الفصل الرابع 4 - بقلم ميساء عنتر

علي بتنهيدة: زياد سافر إسرائيل. نغم بصدمة ودموعها نزلت: ليييي؟ ليييي؟ ليييي يا أبيه؟ علي حضنها بحب وخوف: اهدي، اهدي يا روحي، اهدي. نغم عيطت بصوت عالي: ونبي قوله يرجع. علي: نغم، هو لعب عيال. إنتي عارفة إن زياد ظابط له مقامه في المخابرات واختاروه، ميقدرش يقول لأ. نغم بعياط: هيموت يا أبيه، هيموت. علي حضنها بحب، هو عارف إن نغم بتحب زياد: اهدي، هيرجع إن شاء الله. ادعيله. نغم عياطها زاد ومسكت في علي أكتر.

علي حضنها أوي وبهديها. هي مش بس أخته، دي بنته وكل دنيته. وحس إيديها بترخي من عليه. علي بعدها عنه لقاها أغمي عليها. علي حملها وحطها على السرير. وجاب برفان وحاول يفوقها. نغم وهي بتفوق: ز... زياد. علي: نغم، اهدي. قومي ذاكري، لازم تحققي حلمك عشان زياد ميزعلش منك. نغم مسحت دموعها: حاضر، حاضر. وقامت غسلت وشها واتوضت وصلت وقعدت تدعي لزياد. وبعدين قامت تذاكر. في إسرائيل. في الشرطة الإسرائيلية. ... هيلا، اتفضلي.

هيلا: إنت نوعام؟ نوعام: أيوه هيلا. هيلا: جيت من مصر؟ نوعام: أنا كنت بشوف الأخبار في مصر. هيلا: أيوه، طيب، مرحب بك في إسرائيل. نوعام: مرحبا بكي سيدتي. هيلا مردتش وسابته ومشيت. في شقة نايا. نايا حست إنها اتحسنت كتير عن الأول. نايا رنت على علي. علي: أيوه يا حبيبي، إنتي كويسة؟ نايا بحب: كويسة يا حبيبي. هتيجي ليا امتى؟ علي: هسلم على جدي وأجي. نايا باستغراب: طب ما دام عندك جد، ليه سايب نغم تعيش مع زياد؟

علي: جدي في قنا عشان دراسة نغم. نايا بتفهم: أيوه، ماشي يا حبيبي. متتأخرش عليا. علي بحب: حاضر يا روحي، باي. نايا: باي يا حبيبي. نايا بعد ما قفلت: أنا بحبك أوي يا علي، ربنا يديمك ليا يا روحي وأخلف منك. في قنا. تحديداً في قصر عاصي. عاصي: سمير، تعالي يلا، علي ع وصول. سمير: جاي يا بابا. عاصي: هنقوله إيه؟ إحنا عاوزينه بالهدوء الأول. سمير: تمام يا بابا. نوال: بابا، علي وصل. عاصي: دخليه. علي: السلام عليكم.

عاصي وسمير: عليكم السلام يا بني. علي: إزيك يا جدي؟ إزيك يا خالي؟ عاصي وسمير: الحمد لله. علي: خير يا جدي، عاوزني لي؟ عاصي بدون مقدمات: عاوزك تتجوز بنت خالك. علي بصدمة: إيييي؟ عاصي: أيوه، تتجوز رحمة. علي: أنا متجوز. عاصي: عارف، وهطلقها. علي بعصبية: لو أعرف إن ده الموضوع مكنتش جيت. عاصي: ... عم الصمت دقايق في المكان، قاطعه علي. علي: أنا موافق. عاصي بابتسامة: مبروك يا بني. سمير: مبروك. علي بص لهم ومردش.

عاصي: الدخلة كمان أسبوع. علي: أسبوعين. عاصي محبش يعمل مشكلة: أسبوعين، ماشي. علي قام مشي من غير ما يرد وطلع على شقة نايا. نايا بابتسامة: علي، وحشتني أوي. علي بتنهيدة: نايا، أنا... أنا... نايا بحب: مالك يا حبيبي؟ علي: ها، لا أبدا، وحشتيني أوي. نايا بحب: وإنت كمان وحشتني أوي يا علي. علي قرب من شفتيها وقبلها بعمق وشالها. بعد فترة. علي باس نايا من جبينها: إنتي طالق. نايا بصدمة: إييي؟ علي قام لبس ونزل، تحت صدمة نايا.

علي نزل وفضل يلف في الشوارع ودموعه على وشك النزول. في بيت نغم. نغم خلصت مذاكرة وقعدت تفكر في زياد ودموعها نزلت: وحشتني أوي يا زياد. يارب، يارب ترجعلي بالسلامة. ومسكت الفون وفتحت الفيس وكتبت: ألم تعلم بأن الشوق غلاب؟ وأن قلبي أصبح موطن الآلام! أود أن أصحبك لعالم آخر غير عالم البشر ذاك، أود أن نسبح سويًا بعالم نحسد عليه من فرط السعادة، فتقول لي: (لقد بات القلب يضحك كالطفل الصغير) (قد أصبح لبحر عيناك شوقًا عجيب)

طال الغياب بيننا، واكتظ قلبي بالعتاب، ولكن لن يبق بيننا عتاب، فقد رحلت وسترحل معك الذكريات. قفلت وقعدت تعيط لحد ما نامت. في إسرائيل. نوعام في السر: أيوه يا فندم، أيوه، بحاول أوصل للمستندات. اللواء: خلي بالك من نفسك يا زياد، إنت زي ابني. زياد (نوعام) : متقلقش يا فندم، أنا قدها. اللواء: أنا عارف، ربنا معاك. زياد بتنهيدة: يا ترى عاملة إيه يا نغم؟ وراح الشرطة الإسرائيلية. بدأ يشتغل ويخطط معاهم كأنه واحد منهم.

علي روح البيت وهو مهموم. طلع أوضته نام وهو قلبه واجعه. (الأخوات نايمين، قلبهم واجعهم الاتنين) في صباح يوم جديد على أبطالنا. علي صحي مجروح وتعبان، قام أخد شاور واتوضى وصلى ونزل. علي بضحكة غصب عنه: صباح الخير. نغم بضحكة غصب عنها: صباح الخير يا أبيه. علي بقلب منفطر: أنا قررت أتجوز. نغم: بجد؟ مين؟ علي: رحمة بنت خالك. نغم محبش تجادل: ماشي يا أبيه. ربنا يتمم. عن إذنك، هطلع إذاكر.

علي اتنهد وراح يشوف نايا، لسه في الشقة ولا مشيت. علي وصل تحت البيت ووقف: آسف يا نايا، أنا بحبك بس مش هقدر أكمل معاكي. وطلع الشقة وفتح ودخل أوضة النوم وانصدم لما شاف...