رواية زواج في السر الفصل الحادي عشر 11 - بقلم دينا عبدالحميد

ها بتعاملني كويس ومعندهاش ولاد و... و... كملت بشحتفة: انت كمان هتسيبني؟ ضحك كنان رغم حزنه على حالها وقال بابتسامة: مفيش حد بيسيب روحه، وانتي روحي. قامت جودي بتعب، جهزت الأكل وطلبت من كنان ينده للشباب. ودخلت هي، لبست الخمار والنقاب على دريس طويل. كانت قاعدة تاكل من تحت النقاب. عماد بضحك: انتي عارفة انتي بتاكلي الأكل ولا النقاب؟ ردت بسماجة: انت مالك. عماد ضحك وقال: ومفيش حد غريب؟ جودي ببرود: أنا مرتاحة كده. علي مسك سندويتش وكان قايم. عماد: رايح على فين؟ علي: هخرج عشان تبقي على راحتها. عماد: انت... علي بمقاطعة: ملكش دعوة. كنان كان متابع كلامهم بصمت، بس بص لجودي اللي كانت بتستأذنه بعيونها إنها تكلم علي. فابتسم وهزلها رأسه بـ "أيوه". جودي بصت لعلي بضحك وقالت: اقعد يا علوه، عايزاك في حوار. علي: في إيه؟ جودي: جايبالك عروسة.