رواية زواج في السر الفصل الثالث عشر 13 - بقلم دينا عبدالحميد

دومًا، أما كنان فرش ميه على عماد. وأول ما فاق كنان قال ببرود: "أنا هاخرج وأرجع. مشفش وشك ونصيحة، ملمحش طيفك بعد كده." خرج وراح لجودي اللي كانت مش مستوعبة اللي حصل والوضع اللي كنان دخل شافها بيه. وشدها من إيديها ونزل بسرعة وركب العربية وساق بأقصى سرعة من غير ما يلتفت لخوفها. وفجأة وقف على منحدر كبير وهو في العربية وقال: "حالًا تحكي اللي حصل." جودي مش عارفة. كنان مشي قدام شوية بالعربية وهو بيقول:

"مش هكرر سؤالي. إيه اللي أنا شوفته؟ جودي كانت خايفة جدًا والعربية متطرفة، يعني أقل حركة هيوقعوا بيها. فحضنته وهي بتعيط وخبت وشها في حضنه وقالت: "والله معرف. أنت أكتر حد عارفني وعارف لو بكدب بيبان عليا. وعارف ومتاكد إني لا يمكن أخونك، وإلا كنت عملتها قبل ما أسلمك نفسي."

كنان اتنهد وهو بيبص في عينيها اللي كان باين فيهم إنه مصدوم زيه. فرجع بالعربية لورا شوية كتير، وفجأة العربية اتحركت لقدام بأقصى سرعة. وقعت، ومفيش لحظات إلا وكانت انفجرت. عماد كان قاعد مصدوم من اللي حصل وإزاي هو كان مع جودي وهو لا يمكن يكون عمل كده. كان بيحاول يفتكر اللي حصل. وفجأة لقي خبر وقوع سيارة من على منحدر جبلي. تنح وهو بيقول: "لا يمكن يكون هما."

لكن اتصدم لما شاف عربية كنان متفحمة. فقام بسرعة وهو شبه متأكد إن كنان قتلها وقتل نفسه، لأنه عارف إن كنان لا يمكن يعيش من غيرها أو يقبل يعيش قاتل. عماد قام بسرعة يجري وهو زي المجنون. في مكان تاني. مجهول: "إيه اللي حصل؟ مجهول 2: "مفيش يا باشا. ماتوا. أنت مشفتش الأخبار؟ مجهول: "والله عفارم عليك. أهو ده الشغل بصحيح." دخل شخص تالت وهو بيزعق: "بابا!

أنا اتفقت معاك تبعد كنان عن جودي حتى لو بالوقت، بس مكنتش عايز الاتنين يموتوا." مجهول: "يعني أنا كنت عارف إن ده هيحصل." الشخص: "بابا! متفكرنيش كنان هتضحك عليا بكلمتين؟ أنت كنت قاصد تقتلهم، وعشان كده الأنبوبة كان غازها مفتوح." مجهول: "عرفت منين؟ الشخص: "مش مهم. أنا عرفت وخلاص." مجهول بص للمجهول 2 اللي كان باين عليه التوتر: "أيووووه. يعني أنت." ورفع مسدسه وضربه بالرصاص في إيديه الاتنين ورجليه. ونده على شخص وقال:

"اقطعوا لسانه. خلو الكلب ده يعيش عاجز. لا بينطق ولا بيتحرك عشان يعرف يتكلم معانا." الشاب كان بيبصله بصدمة وبعدين نطق: "مستبعدهاش. اللي يقتل ابن أخوه وبنت أعز أصحابه عشان الفلوس يعمل إيه حاجة."