رواية زواج غير تقليدي الفصل العاشر 10 - بقلم بحر

وقفنا لما أحمد كان بيقول لحور إننا لازم نسافر الصعيد. حور بستغراب: صعيد؟ هنسافر الصعيد نعمل إيه؟ أحمد: حور، إحنا منين أصلاً؟ حور: من الصعيد. أحمد: تمام، يعني أهلنا في الصعيد. حور: آه، المفروض. أحمد: طيب يا ستي، المفروض نروح نحضر فرح آدم. حور باستغراب: آدم مين؟ أحمد بضحك: آدم ابن عمي. حور بهبل: يعني هو يقربلي؟ أحمد: آه يا حور، أنا وإنتي ولاد عم، يعني هو المفروض يبقى ابن عمك هو كمان. حور: آه تمام، فهمت.

حور: يعني إنت دلوقتي عاوز إيه برضوا؟ أحمد بعصبية: حور، بطلي استعباط. حور: طب خلاص، فهمت. أحمد بتنهيدة: الحمد لله، أخيراً. الأم: إيه يابني، أقنعتها ولا إيه؟ أحمد: آه أقنعتها، الحمد لله. حور: أقنعت مين يابا؟ أحمد باستغراب: في إيه ياحور؟ حور: هاروح معاك بس بشرط. أحمد: قول لي. حور: سلمى تيجي معانا. أحمد باستعباط: سلمى مين معلش؟ حور: سلمى صحبتي ياسطا. أحمد بقرف: يا اسطا إنتي يابنتي، متأكدة إنك بنتي؟ حور: آه طبعاً، أوماال.

أحمد: طيب ياختي. الأم: الحمد لله، أخيراً اقتنعتي. هاروح أحضر الشنط علشان لازم نكون هناك بكرة. حور: أشطا، هاروح أتصل بسلمى أقولها. أحمد: تمام. حور دخلت أوضتها، كلمت سلمى وسلمى وافقت. حور قامت تجهز شنطتها على ما سلمى تيجي. الناحية التانية عند مامت حور وأحمد. مامت حور بخوف: ربنا يستر يا أحمد، أنا خايفة أوي على حور. أحمد بطمأنة: متخفيش، إن شاء الله خير. الأم بدعاء: يا رب. الباب خبط، وحور خرجت تجري تفتح لسلمى.

حور فتحت الباب: خشي ياسلمى، يلا. سلمى دخلت: طب براحة، اهدى بس. حور: يلا علشان نص ساعة وهنمشي. سلمى: طيب، يلا. أحمد وحور وسلمى ومامت حور سافروا الصعيد. طول الطريق، الأم قاعدة تبص لحور بخوف، وأحمد بيبصلها يطمنها.