رواية زواج غير تقليدي الفصل الرابع والعشرون 24 - بقلم بحر

حور: احمد كنت عاوزه اتكلم معاك فى موضوع. احمد: قولى يا حور. حور: سلمى كانت عاوزه تقدم على اجازه، وانت عارف ان فيه امتحانات، فمش عارفه هى هاتعرف تاخد اجازه ولا لا. عشان خاطري حاول. احمد: خاطرك فى قلبي والله، بس مش هاعرف اديها إجازة في الامتحانات. فـ هيا ممكن تنزل تمتحن، وبعدين كفايه عليهم كده. آدم الكلب ده سايب كل الشغل عليا. حور: معلش يا يابني. احمد: ابنك؟ غورى يابت. حور: لا بس الأكل طعمه جامد الصراحة. احمد بـ

غرور: عارف، أصلاً مش محتاج حاجة. حور بـ تذمر: مغرور. احمد: لا دا مش غرور يا ماما، دي ثقة في النفس. حور: نينيننى، دي ثقة في النفس يا ماما. احمد: بس يابت و روحي نامي بقى. حور: لا انا هاروح اتفرج على الكرتون. احمد: كرتون؟ متجوز طفلة ياربى. حور: عندك اعتراض يا باشا؟ احمد: لا طبعًا، أنا أقدر. حور: شاطر. احمد خلص أكل وشاله وراح قعد جمب حور. احمد: بتتفرجي على إيه يا حورى؟ حور: احمد، انت قلت حورى صح؟ احمد: اه. حور بـ

حماس: الله! أنا بحب الاسم ده أوي. بابا الله يرحمه كان على طول يناديني بيه. وقامت حضنته: أنا بحبك أوي يا احمد. احمد بـ صدمة: حور، انتي قولتي إيه؟ حور بـ كسوف: مقولتش. أنا آسفة إني حضنتك، بس أنا كنت متحمسة. احمد علشان يخفف عنها الكسوف ده شوية: مقولتيش بقى بتتفرجي على إيه؟ حور بـ طفولية: سبونج بوب سكوير بانس. احمد: مين يا أختي؟ حور بـ صدمة: إيه ده! انت متعرفش سبونج بوب سكوير بانس؟ حور بـ غناء: جاهزون يا أطفال....

هاى هاى كابتن.. من يسكن البحر ويحبه الناس..... سبونج بوب سكوير بانس.... لونه أصفر حساس..... سبونج بوب سكوير بانس... سبونج بوب سكوير بانس اسبونج بوووووب اسكوير باااااانسا. احمد بـ ضحك: انتي كنتي بتقولي إيه؟ شكلك كان يضحك أوي. حور: أصلاً انت مش عارف حاجة. روح نام يا احمد، روح نام. احمد بـ ضحك: خلاص خلاص، هاقعد أتفرج وأنا ساكت. حور: شاطر. اسكت بقى. احمد وحور قعدوا يتفرجوا على الكرتون لحد ما ناموا وهما قاعدين.

الوضع كان كـ التالي: احمد نايم و واخد حور في حضنه ونايمين. تاني يوم الصبح، احمد صحى لقى إنهم نايمين كده. ضحك وافتكر هما ناموا كده إزاي. (Flashback) احمد وحور قاعدين يتفرجوا، لقى حور نامت. احمد قام جاب بطانية وغطاها، وخدها في حضنه ونام هو كمان. (End Flashback) احمد ضحك على منظرها الطفولي وهي نايمة. وقام علشان ياخد شاور علشان الكلية. أول ما افتكر إلى حور هاتعمله انهارده، ضحك وراح ياخد شاور.

عند حور، قامت من النوم لقت نفسها متغطية. حور: أنا كنت حاسة بـ أمان غريب أوي وأنا نايمة. أول مرة أحس بيه، بس شعور جميل أوي. حور قامت علشان تحضر الفطار على ما احمد يخلص. (تسريع الأحداث) احمد وحور لبسوا ونزلوا، راحوا الكلية. احمد وهو داخل الكلية وحور جنبه في ممر الكلية. والطلاب بصوا لهم بـ استغراب إنهما جايين مع بعض. احمد: يلا يا حور. حور بـ استعباط: يلا إيه؟ احمد: حور، متستعبطيش.

انتي قولتي إنك هاتقولي إنك مراتي في نص الكلية. حور: هو لازم؟ احمد: آه، ويلا. حور بـ تأفف: حاضر. حور راحت وقفت في نص الكلية. حور بـ صوت عالي: لو سمحتوا، ممكن تركزوا معايا شوية. الطلاب استغربوا هي عاوزة إيه ووقفوا يسمعوا هي عاوزة إيه. حور بـ صوت عالي: بصوا يا جدعان، أنا أبقى زوجتك دكتور احمد الهواري، تمام؟ احمد الهواري يبقى جوزي وحبيبي كمان. احمد كان واقف في الأول، مستمتع من إلى هي بتقوله.

بس بعدها انصدم إنها بتقول إنه حبيبها. حور قالت الكلمتين دول وراحت جرى عند احمد. حور بـ كسوف: أعمل إيه أنا دلوقتي؟ أودي وشي من الناس إزاي دلوقتي؟ احمد: فكك من ده كله. انتي قولتي إني حبيبك في آخر كلام. وإمبارح حضنتيني وقولتيلي بحبك. وأول ما قولتي حبيبى، حور انتي بتحبيني صح؟ حور: .....