رواية زواج مؤقت الفصل الثالث 3 - بقلم ندي محمد

فارس: اثبتي بقى علشان أعرف أخرجك من الفستان ده. نور، وهي تبعد وتتحرك وتفرك كثيرًا. فارس مسكها من وسطها: بطلي تتحركي بقى. نور، من الإحراج والكسوف، وقفت. ولكن فجأة اتصدموا لما حد فتح البروفة عليهم. وكانت صاحبة المحل، وهي والدة فارس، كوثر هانم. فارس بصدمة: ماما! كوثر: إزاي تدخل هنا؟ ومين دي يا فارس؟ فارس: دي... دي نور مراتي. كوثر للحظة سحبت ابنها بره البروفة، وهي مصدومة. كوثر: أنت اتجوزت إزاي وإمتى؟ ومين دي؟ أهلها مين؟

جايب لي واحدة من الشارع تتجوزها؟ فارس: يا ماما لأ، نور دي بنت كويسة جداً ومن عيلة، وأنا بحبها. كوثر: مين دي يا فارس؟ تعرفها منين؟ فارس: نور تبقى مساعدتي الخاصة وأقرب حد ليا. كوثر: برضه مين دي؟ نعرفها منين؟ مين أهلها؟ فارس: أنا كنت هعرفكم عليها في الوقت المناسب. كوثر: والوقت المناسب ده إمتى إن شاء الله؟ لما تخلفوا ولا إيه؟ متجوزة بقالك قد إيه؟ والجواز ده رسمي يعني ولا إيه ده؟

فارس: أيوة يا ماما طبعًا رسمي، نور بنت ناس محترمة جداً. كوثر: والبنت الناس دي أهلها سايبينها تتجوز في السر؟ فارس: لأ طبعاً مش سر، إحنا بس كتبنا كتابنا مش أكتر، لكن طبعًا هنعلن جوازنا. وفارس أخد نور وخرجوا بدون ولا كلمة. نور في العربية. نور: أنت إزاي تدخل عليا البروفة؟ فارس: أنتِ فاكرة إني هبص لواحدة زيك؟ نور: زيي؟ فارس: أنتِ زي الفل، بس اخرسي بقى رغاي. نور: إحنا رايحين فين؟ فارس: البيت.

نور: أنا عايزة أروح لو سمحت، نزلني على جنب. فارس: هو مش بينا اتفاق؟ حضرتك هنروح البيت عشان تجهزي عشان أهلي يشوفوكي بالمنظر ده، مش رايح أغتصبك أنا يعني. نور فضلت ساكتة طول الطريق. فارس: وصلنا، يلا انزلي. ولسه بتفتح باب العربية، لقيت فارس حط منديل على وشها وفقدت الوعي.