رواية زواج مؤقت الفصل الثاني 2 - بقلم ندي محمد

فارس: استنى... عندي ليكي عرض و هديكي أكتر من اللي طلبتيه. نور: عرض إيه؟ فارس: نتجوز. نور: 🤨😳 فارس: بصي، كل واحد منا عايز مصلحة من التاني. أنتي عايزة فلوس عشان والدتك، وأنا كمان محتاج واحدة تبان إنها بنت ناس. وخلال ست شهور هنتطلق وكل واحد يرجع حياته. وفي الست شهور دول كل واحد في حاله وحياته، بس قدام الناس إحنا متجوزين. نور: إنت خلاص قررت إني وافقت وبتقرر هنعيش إزاي؟

فارس: ده عرض عادي، هجيب أي واحدة غيرك بس طلبك مرفوض، مش بسلف حد بره. نور: طيب يا مستر فارس، نتفاهم. فارس بصرامة: قولت بره، بتفهمي؟ نور خرجت وهي مش عارفة هتروح البيت تقول إيه لوالدتها. وهي قاعدة قبل انتهاء الشغل بساعة، جالها تليفون إن والدتها تعبت ونقلوها المستشفى ولازم تروح تدفع مصاريف المستشفى. نور قفلت الموبايل وهي مش عارفة تعمل إيه ولا تجيب فلوس إزاي. نور دخلت المكتب فجأة على فارس بدون أي مقدمات. نور: أنا موافقة.

فارس بص لها بتفاجؤ وابتسم بخبث. فارس: متأكدة؟ لو وافقتي دلوقتي مفيش رجوع في قرار تاني. نور: أيوه، بس بشرط تديني المبلغ اللي طلبته النهاردة. فارس: أنا هبعت حد من الحسابات ويشوف اللازم. وبص لنور اللي شكل هدومها بسيطة وعادية جداً، ومنظر شعرها ونظارتها. نور حست بإحراج من نظراته وهي بتعدل نظارتها. فارس باستخفاف: بتعدلي إيه؟ هو أصلاً في حد لسه بيلبس نظارات بالمنظر ده؟ وراح مسك إيديها بكل تلقائية وخرج من المكتب.

نور اتكسفت جداً إنه ماسك إيديها وحاولت تفلت، ولكن كان جاد جداً. وركبوا العربية وطلع على المول. نور: على فكرة أنا عندي لبس. فارس بص لها باستخفاف: ممكن تسكتي أحسن. ودخلوا محل فساتين وبدأ هو ينقي لها وهي واقفة محرجة شوية. فارس وفي إيده كام فستان: قيسي دول. نور لبست أول فستان وكان مفتوح جداً وضيق عليها وحست إن الفستان كاتم على نفسها ومش عارفة تتنفس. جت تفك السوستة معرفتش واتحشرت في الفستان.

فارس من ورا باب البروفة: نووور، خلصتي؟ ونور جوه الفستان بقى مغطي وشها وإيديها ومش عارفة تطلع منه. نور بصوت مبحوح: هات حد من البنات اللي شغالين في المحل. فارس: فيه إيه؟ نور: محتاجة بنت. فارس: مفيش بنات في المحل. فيه إيه؟ نور: اتحشرت في الفستان. فارس ضحك في سره. فارس: طيب خلاص، هدخل أساعدك. نور: إنت بتقول إيه؟ أوعى تفتح!

وبمقاطعة، فارس دخل عليها البروفة وشاف نور وكانت تعتبر شبه عارية ووشها وإيديها جوه الفستان مش عارفة تتحرك وعاملة تفرك. نور: مستر فارس، اطلع بره بدل ما أصوت وألم عليك المول كله. فارس: اثبتي بقى عشان أعرف أخرجك من الفستان ده. نور وهي بتبعد وبتتحرك وبتفرك كتير. فارس مسكها من وسطها: بطلي تتحركي بقى. نور من الإحراج والكسوف وقفت. ولكن فجأة اتصدموا لما حد فتح البروفة عليهم وكانت...