رواية زواج مصلحه الفصل الحادي عشر 11 - بقلم ايمان محمد

يزن . أنا ومليكة عايزين نطلق يا بابا. محروس . يعني إيه؟ أنتو لسه متجوزين من كام يوم؟ يزن . زي ما سمعت. هي مش عايزاني وأنا مش عايزها. محروس . يعني إيه؟ أنتو عايزين تجلطوني؟ يعني بقولك عايز تطلق مش دلوقتي. يزن . ليه إن شاء الله؟ محروس . هو كده. عايز تطلق استنى سنة بس وبعدين طلق زي ما أنت عايز. هي مش هتيجي من كله النهاردة. وائل . تعالى وديني لجوزك أقوله الف سلامة يا مليكة. مليكة . حاضر يا عيون مليكة.

يزن . يا بابا هو بالعند؟ إيه اللي سنة؟ هي مش عايزاني زي ما أنا مش عايزها. مليكة بتخبط ع الباب. مليكة . ممكن أدخل؟ محروس . اتفضلي يا بنتي. أنتي بتستأذني وهي أوضتك كمان. وائل . الف سلامة عليك يا أبيه. يزن بابتسامة . الله يسلمك يا حبيبي. محروس . تعالي يا بنتي اقعدي وتعالي يا وائل. أنتي مكسوفة ليه يا بنتي؟ استنى هقوم أنا. مليكة . لا يا عمي تقوم ليه؟ تشرب ليه الأول؟ أنت مش شربت حاجة.

محروس . كوباية ميه كفاية يا بنتي. أنا كدا كدا مستعجل. مليكة . حاضر. وائل . أختي طيبة أوي. حافظ عليها يا أبيه وخلي بالك منها. يزن . متخافش عليها يا حبيبي. ف عنيا. وائل . باين عليك طيب أوي. وبيروح ياخده في حضنه. مليكة بتطلع بتشوفه وهو حاضنه. بتحس بإحساس جميل. إحساس مختلف من المنظر ده. محروس . واقفة كده ليه يا بنتي؟ مليكة . ها مفيش ي عمو. اتفضل الميه أهي. وائل . أنا همشي مع عمو محروس بقى عشان متتأخرش عليه.

مليكة بدموع . خلي بالك على نفسك يا حبيبي وخلي بالك من أختك. وائل . حاضر. مليكة . تعالي يا حبيبي عايزة أقولك حاجة. وائل بيروح معاها. وائل . نعم؟ مليكة . اتفضل فلوس الدروس أهي. أنت مأخدتهاش الشهر ده. وائل . ياختي انتي دلوقتي متجوزة. مينفعش آخد من الفلوس دي حاجة. مليكة . دي فلوس شغلي. ومتخافش يا حبيبي خد. بس أمّال هتجيب فلوس دروسك منين؟ وائل . أنا بدور ع شغل دلوقتي.

مليكة . لا يا حبيبي خليك السنة دي في مذاكرتك وبس. عايزينك من الأوائل يا رب. وائل . متخافيش. لقيت شغل كويس يا حبيبتي وهقدر أذاكر وأنا فيه إن شاء الله. مليكة . شغل فين ده؟ وائل . هو في محل عطارة. هقعد فيه طول اليوم بس هذاكر. متخافيش. خلي بس بالك على نفسك. مليكة . طب خد الفلوس دي برضه. وائل . تمام. هاخدهم. بس هما مش من جوزك صح؟ مليكة . لا يا حبيبي مش منه. وائل . تمام. محروس . ها نقدر نمشي يا ابني؟ وائل . تمام يا عمو.

وانتي خلي بالك على نفسك يا بت انتي وخلي بالك من جوزك. شكله تعبان أوي. مليكة . حاضر. يزن بيكون قاعد بيفكر في كلام أبوه. وليه جوزة دي كده ومش عايزة يطلقها. بيقطع حبل أفكاره مليكة. مليكة . كنت عايزة أقولك محتاج حاجة؟ يزن . لا شكراً. مش محتاج حاجة. مليكة . تمام. لو احتجت حاجة أنا موجودة. يزن . تمام. مليكة . اممممممم. طب عايز تأكل؟ أكيد. يزن . ميخصكيش. مليكة . إيه اللي ميخصنيش؟ يزن . أكلي. إيه دخلك أنتي؟

مليكة . دخلني أكيد. يزن . لا مدخلكيش. مليكة . لا دخلني. أنا مراتك لو ناسي. يزن بضحكة . مراتى؟ ضحكتيني. فين ده؟ مليكة . إيه اللي فين ده؟ يزن بيقوم. مراتى تقول عني بأفور في التعب. وبيبدأ يقرب منها. مراتى بذمتك... مراتى تخلي ابن يبص عليها وهي متتكلمش حرف. مليكة . يبص عليا إزاي؟ يزن . معرفش. ويلا روحي شوفي بتعملي إيه. مليكة . لا عايزة أعرف قصدك إيه. يزن . مفيش نوم تحت لحد ما يتم الطلاق يا مليكة. هتنامي هنا مفهوم؟

ويلا شوفي بتعملي إيه. ولما سامر يجي تطلعي تقعدي هنا مفهوم. وصوته بيكون مع نبرة غضب. مليكة . مفهوم. سامر بيكون بيتفسح وبيلف هو وأصحابه. سيف . الا قول لي صحيح فين يزن؟ سامر . تعبان شوية اليومين دول. سيف . والله إحنا زعلانين منه. شهاب بيقول إنه اتجوز. سامر . أيوة اتجوز. سيف . بقا يتجوز ويسيب ريما. دي كانت عينها منه. سامر . ريما إيه بلا ريما بلا قرف. سيف . امممم.

سامر . يلا عن إذنكم يا شباب. هروح بقى أنا عشان أحجز التذكرة. ريما . عرفت اسم اللي اتجوزها إيه ومين البنت دي؟ سيف . لا معرفتش حاجة. حتى لما فتحت الموضوع. سامر مشي. ريما . تمام. ابقى عدّي عليّ النهارده. عايزاك في حاجة. سيف . تمام. بليل. أنا والله ما عارفة هنام معاه إزاي يا دادة. في أوضة واحدة. شوفتي سامر قال إيه؟ بيشخر جامد وهو نايم. الدادة . ده كان أي كلام يا بنتي. مليكة . لا شكله زي ما قال سامر.

الدادة . معلش يا بنتي استحملي واسمعي كلام جوزك وخلاص. مليكة . حاضر. بتطلع الأوضة. مليكة . هنام فين؟ يزن . ع الأرض. مليكة . نعم؟ يزن . زي ما سمعتي. مليكة . هو إيه اللي زي ما سمعتي أنت كمان؟ يزن . بطلي تعب قلب بقى نامي واسكتي. مليكة . أنا هنزل أنام مع الدادة أحسن. يزن . مفيش نزول تحت. اتخمدي. وإلا هخليكي تنامي جنبي. مليكة . خلاص هنام.

في نص الليل. يزن بيقوم بيكون عطشان. بيحاول يقوم يشرب وبعدين بيرجع تاني ع السرير. بيحس أنه ظالمها. أنه منيمها ع الأرض. مينفعش كدا. بيروح جنبها وبينام هو كمان ع الأرض تاني. تاني يوم. مليكة بتصحى بتلاقي يزن جنبها وهي حضناه. بتتخض وبتقوم فجأة. ويتبع.