رواية زواج تحت النظر الفصل العاشر 10 - بقلم ندي احمد

رحيم.. بتقولي إيه يا دكتورة؟ الدكتورة: مراتك لسه بنت. تصدم رحيم من كلام الدكتورة ودماغه لفت. تمنت لو تنشق الأرض وتبلعه. الدكتورة حست بتوتر رحيم وطلبت منه يروح معاها على مكتبها. وراح رحيم مع الدكتورة للمكتب وحاولت تشرح له إن فيه كتير عرسان معندهمش الخبرة في ليلة الدخلة، وإن فيه أنواع من غشاء البكارة صعب إنها تنفض أو تظهر علامات على فضها، كمان بسبب التوتر والخوف اللي بيحصل للعروسة، وإنه ممكن مع الوقت ينفض، ومع العلاقة الحميمية بين العرسان. خرج رحيم وهو مصدوم من الكلام اللي سمعه. "وأي كان حقير إنه يتهم حبيبة قلبه ومراته في شرفها قبل ما يتأكد من أي تهمة تسيء لها." ريم: مالك يا رحيم؟ وشك اصفر كده ليه؟ الدكتورة: قالت لخبطة هرمونات وإنك ضعيفة ولازم تتغذي. خد رحيم ريم وصلها على البيت وعقله مش فيه. بيفكر إزاي يعتذر لريم، وي ترى هتسمحه على اللي قاله في شرفها. وصلوا البيت وريم طلعت على شقتها وهي مستغربة سكوت رحيم وإنه مبصلهاش طول الطريق. رحيم بقى مخنوق من اللي عمله وتسرعه. دخل رحيم بيت والدته وبينادي عليها ومش سامع أي صوت. بيدور عليها في الشقة لغاية ما لقى صوت طالع من أوضة والدته. كان صوت والدته ورحمة بنت خالته. وبدأ يقرب من الأوضة وشده كلامهم. وفجأة سمع اللي خلت الدنيا تسود في وشه.