رواية زوجة زوجي الفصل الحادي والعشرون 21 - بقلم باسنت أشرف

حور بفرحة عارمة: فاق واللهِ العظيم فاق، كنت واثقة في كرمك ياربي. شكرًا ياربي شكرًا. أنا مش مصدقة نفسي بس كنت واثقة في لطف ربنا وكرمه. ليلى: في أي يا حور؟ حور بفرحة: يوسف فاق يا طنط، أنا هلبس بسررعة لازم أروح أشوفه. أنا مش مصدقة نفسي بجد. ليلى: الحمدلله. الحمدلله. كرم ربنا كبير، كنت واثقة أنه هيردلي ابني سالم ومعافى. انتظريني هلبس وأجيي معاكِ.

حور: بسررعة بالله يا طنط، أنا مش قادرة أنتظر خلاص. أنا هموت من الفرحة بجد. من وقت ما قالتلي مليكة وأنا عايزة أطير واروحله. ليلى: هلبس بسررعة اهو. حور: طنط بالله انتظري هنا، وأنا هروح بسرعة أطمن عليه وأجيبه وأجيي. مش هتأخر. ليلى: استني يا حور. حور وهي تجري: معلش يا طنط مش قادرة أنتظر، رجاءًا اعذريني. وخرجت حور بسرعة وهي بتجري.

ليلى لنفسها: أنا مش عارفة إزاي كنت بكرهها كده وكنت عايزة أبعدها عن يوسف. دي بتعشقه. يوسف مكدبش لما قال إنه لو لف الدنيا كلها على أطراف صوابعه عمره ما هيلاقي زي حور. ربنا يحفظهم يارب ويكرمهم ويبعد عنهم أي شر. هاتوا الفوانيس يا ولاد، هاتوا الفوانيس. هنزف عريس يا ولاد، هنزف عريس. مازن: وتيين اطفي الأغاني دي واستهدي بالله وروحي البسي يلا. وتين: بس بقى علشان أنا مبسوطة أن رمضان قرّب.

مازن: كل سنة وأنتِ طيبة يا وتين، بس ميصحش كده. روحي البسي علشان إلياس قرب يجي هو وأهله. وتين: حااضر هلبس حاضر علشان ترتااح. مازن: يختييي جدعة اووي. دخلت وتين غرفتها وبعد فترة خرجت وهي ترتدي دريس باللون الأسود وطرحة باللون الأحمر. مازن: أسود يا وتين؟ أسود؟ وتين: وماله الأسود يعني؟ ده حتى الأسود ملك الألوان. مازن: واللهِ! يبنتي ده عريييس جايلك مش رايحة جنازة. شكلك فهمتي غلط. وتين: بس يا جاهل أنتَ مش فاهم حاجة أصلًا.

مازن: هي كلمة واحدة روحي غيري. وتين: على جثتي أني أغير. وتين: متفكرش أني غيرت لأني خايفة منك لسمح الله. مازن وهو يكتم ضحكته: عارف عارف أنتِ هتقوليلي. وتين: عااااا اتريق اتريق. مازن: تؤ تؤ لسمح الله مش بتريق. وتين: ما..... قاطعها رن جرس الباب. مازن: عريسك جه يا لوزه. وتين: نينينينيني لوزه في عينك. مازن: خليكِ بنت ناس كده قدام الناس، متقصريش رقبتي. أنا هروح أفتح الباب. وتين: تؤتؤ اطمن خالص لا تقلق يا سيدي.

مازن: اهو أنا كده خوفت. وتين: الله خليك واثق فيا شوية بقى. مازن: أنا هروح أفتح الباب، الناس بقالهم ساعة بيخبطوا. سما: نيره احترميييي نفسك لو سمحت. نيره: وأنتِ بتزعقيلي لي؟ مسمحلكيش أصلًا. أنتِ مين عشان ترفعي صوتك علياا أصلًا؟ نهلة: نيره عيييب، سما مرات أخوكِ، اتكلمي معاها كويس. نيره: ملكيش دعوة يا نهلة، أنا فاهماها. دي سوسة وناوية تبعد أبيه عمر عننا وتخليه يكرهنا، دي سوسة اووي.

سما قربت منها وضربتها بعصبية، ونيره ضربت سما، ونهلة بتحاول تبعدهم عن بعض بس مش قادرة وهما نازلين ضرب في بعض. نهلة: اهدووا عيييب اللي بتعملوا ده، أبيه عمر هيزعل اووي لو شافكم كده. سما: لا دي بنت قليلة ادب اووي وعايزة تتربي. عمر بزعيق: سمااااااااا أي الكلام اللي بتقوليه ده. نيره ببكاء

وهي تذهب لأخيها تحتضنه: شوفت يا أبيه اللي بتعمله فياا، هي أصلًا بتكرهني اووي وعلطول بتزعق فيا، وانهاردة ضربتني وأنا مش راضية أقولك عشان متزعلش. عمر بحنان وهو بيهديها: اهدي يا روحي خلاص، متزعليش، بس بس اهدي كده خلاص. وأنا ليا كلام تاني مع سما. نهلة: حرام يا أبيه، نيره هي اللي.... عمر مقاطعها: متقوليش حاجة يا نهلة، ولا تبرري. حتى لو حصل أي، متمدش إيدها عليها. يلا يا نيرو على أوضتك دلوقتي، يلا روحي اغسلي وشك ومتعيطيش.

نيره: ربنا يخليك ليا يا أبيه، أنا بحبك اوي. عمر: ويخليكِ ليا يا نيرو، وأنا بحبك اوي. ذهبت نيره إلى غرفتها. نهلة قربت من عمر: مراتك مغلطتش علشان تكون عارف. وتركته وذهبت لغرفتها. عمر بصرامة: سما تعالي ورايا يلا. دخل الغرفة وسما خلفه وهي تبكي أيضًا. عمر: إزاي تمدي إيدك على نيره يا سما. سما ببكاء: هي اللي قليلة ادب واستفزتني.

عمر: أنا مش هتكلم يا سما على الكلام اللي بتقوليه على أختي ده ومش محترماني كمان، ورويحتي وقليتي ادبك وضربتيها. سما: أنا آسفة خلاص، وحياتي متزعلش. عمر: مكنتش متوقع منك كده يا سما، أنا من قبل ما نتجوز وكنت قايلك أن أهم حاجة عندي أخواتي. مكملناش إلا شهر ونص متجوزين وبتعملي كده.

سما: أنتِ شايف أن أختك ملاك وأنا اللي غلطانة، مع أني مغلطتش واختك هي اللي استفزتني. ومشفتش معاملتها معايا وأنا مش بتكلم في عز ما كنت عروسة جديدة وهما قاعدين معانا وكابسين على نفسي مقدرش أعمل حاجة براحتي ومتكلمتش. بس إزاي ما هي سما لازم تطلع هي اللي غلطانة. عمر: كابسين على نفسك. مش غلطك هو الغلط غلطي، معرفتش أختار حد يحافظ على أخواتي. سما: ولما أنتَ شايف أن اختيارك ليا غلط يبقى طلقني يا عمر وارتاح مني.

عمر كان متعصب جدًا: ماشي يا سما، أنتِ ط... نهلة: لاا يا عمر متكملش، عايز تخرب بيتك لي؟ حرام عليك هتندم اوي. تعالي يا سما اقعدي معايا شوية في أوضتي، هي ساعة شيطان وهتروح لحالها. وانتَ يا عمر اهدى كده واستعيذ بالله من الشيطان الرجيم. حور: وحشتنييييي اوووي اوووي فوق ما تتصور، متعرفش أنا كنت عايشة من غيرك إزاي يا يوسف. هونت عليك ده كله. يوسف بتعب: حوريتي يا روح قلبي انتِ. تعالي في حضنييي. حور قربت

وحضنته جامد واتكلمت بدموع: أنا بحبك اوي يا يوسف، متبعدش عني تاني أبدًا. أصلًا أنا مخصماك ومش هكلمك تاني. يوسف: ربنا يديمك ليا يا حوريتي. انتِ القلب والروح والعمر وكل حاجة جميلة في حياتي. أصلًا أنا بعشقك بجد بجد. أنا مش لاقي كلمة أوصفك بيها يا حوريتي. أنتِ أصعب من إني أوصفك. دكتور يونس: الله الله ده إحنا رومانسيين اووي بقى. يوسف: تسمحلي أقولك يا دكتور أن حضرتك فصيل اوي يعني.

مليكة: من غير ما تقول واللهِ، يونس ده مفيش أرخم منه. جوزي وأنا عارفااه. دكتور يونس: حتىٰ أنتِ يا مراتي. تؤ تؤ. صحيح الضربة من أقرب الناس بتوجع. مليكة: أوڤر اووي يا قرة عيني. حور: وأنا بقول كده برضوا. دكتور لو سمحت أنا عايز آخد يوسف البيت. كفاية القعدة دي كلها في المستشفى. دكتور يونس: بأذن الله هيرجع معاكِ البيت. متستعجليش، هتزهقي منه واللهِ. حور: عمري ما أزهق منه. طبعًا ده أنا لو أطول أديه عنيا هديهومله.

يوسف: كفاية خطف قلوب بقى، لأحسن أتهور واحنا في المستشفى. دكتور يونس: لا لا أنا ميرضنيش كده طبعًا، دي مستشفى محترمة. أنا لازم أخرجك حالًا. يوسف: شكرًا يا رجولة، متقلقش هتتردلك. سمر "والدة إلياس": وأنا سمعت أنك كنتِ متجوزة واطلقتي بعدها بكام شهر. وتين وشها اصفر وردت: أيوا فعلًا يا طنط. إلياس: في أي يا ماما؟ ما أنتِ عارفة كل حاجة من قبل ما نيجي. سمر: مش قصدي طبعًا، بس أنا لازم أطمن عليك يا ابني.

مازن: لو حضرتك مش موافقة على الجوازة مكنتيش جيتي. أنا أختي تعيش عمرها كله هنا معززة مكرمة. إلياس: لا والله ماما مكنتش تقصد حاجة طبعًا يا بشمهندس. سمر بابتسامة: أيوا فعلًا إلياس معاه حق. بس أنا الكلام بيطلع لوحده. وتين: ولا يهمك طبعًا يا طنط. سمر: أنا اتشرف جدًا أن مرات ابني تكون قمر زيك يا بنتي. وتين: تسلميلي يا طنط ربنا يبارك فيكِ.

سمر: مبدئيًا كده أنا هجوزكم علطول أصلًا علشان أنا قاعدة لوحدي وعايزة مرات ابني تيجي تنور البيت. وتين: بأذن الله لو كان في نصيب. سمر: هيحصل يا حبيبتي وهيكون في نصيب بأذن الله. وتين: أن شاء الله يا طنط. إلياس: إيه بقى يا جماعة نقرأ الفاتحة. مازن: نقرأ الفاتحة. نهلة: خلاص كفاية عياط بقى يا سمكة. سما: شوفتي يا نهلة ده بيقولي أني كنت غلطة في حياته وانه معرفش يختار.

نهلة: متزعليش واللهِ أبيه عمر طيب اوي، بس هو مش بيستحمل فينا حاجة وباللذات نيره لأنه بيعتبرها بنته مش أخته. من وقت ما بابا وماما توفوا وهو اللي رباها. سما ببكاء: حتى لو كان مكنش المفروض يقولي كده. أنا عايزة أروح عند ماما. عمر: طفلة أنتِ بقى علشان لما تعيطي تقولي أنك عايزة تروحي عند ماما. سما بصتله بعتاب ومتكلمتش. عمر: لا لا إلا البصة دي يا عيوني، خلاص بقى يا سكاي متزعليش. نهلة بضحك: أيوا هو ده أبيه عمر.

عمر: طيب أي مش هتهوينا. نهلة: علفكرا بقى دي أوضتي، خد مراتك ويلا من هنا. سما: لا أنا مش هروح معاه. ويخلي في علمه أني هطلق ومش هعيش معاه تاني أبدًا علشان يصلح الغلطة بقى. عمر: قلبك أبيض، ده أنتِ حتى سكاي. سما: قوليله ميكلمنيش تاني يا نهلة بس. عمر: طفله اووي. تعالي بقى. وشدها من إيدها وخرج بيها واخدها ودخل اوضتهم وقفل الباب. وبعدين قرب منها واخدها في حضنة وهي قعدت تعيط. سما: ابعد عني، أنتَ بتكرهني أصلًا.

عمر: لا طبعًا متقوليش كده. أنا محبيتش قدك يا سمكتي أصلًا. سما: كدب، أنتَ مش بتحبنييي خالص. عمر: لا حقك على قلبي يا قلبي، خلاص بقى كفاية عياط. أنا آسف ياحياتي بقى، وحياتي عندك اهدي. سما: مش هتعمل كده تاني صح. عمر: حرمت يا باشا واللهِ. شالله يتقطع لساني قبل ما أزعقلك. سما: بعد الشر عليك. أنا بحبك اوي يا عموري. عمر: قلب عمورك واللهِ. ومر ثلاثة أشهر والأبطال يعيشون في سعادة ومشاكل ولكن بحبهم قادرين على تخطي كل شيء.

مازن: تسنيييم. تسنيم: أيوا يا مستر مازن في أي. مازن: أنتِ حرامية اوي علفكرا. تسنيم بخضة: لي حضرتك بتقول كده؟ واللهِ ما سرقت حاجة. مازن: لا سرقتي يا تسنيم. كان جميع الموظفين مجتمعين. تسنيم: واللهِ ما سرقت حاجة. مازن: كدب، سرقتي قلبيي والكل شاهد على كده. تسنيم بصدمة: حضرتك بتقول أي. مازن: مش وقت صدمات خالص. تتجوزيني يا تسنيم. تسنيم بتوتر: طيب ما هوو... مش هينفع.

مازن: لا هينفع طبعًا. وبعدين أنا كلمت والدتك. حضري الشربات بقى بس يكون بأديكِ الحلوة. تسنيم كانت مكسوفة جدًا ومش قادرة تنطق. وتين: يا سيدي يا سيدي على الحب. ونغزت إلياس وقالت: اتعلم شاايف الناس. إلياس: وافقي أنتِ بس وأنا هتعلم كل حاجة. وتين: شششش بس اسكت مباارك يا زونة. مازن: وطيي صوتك فضحتيني. وتين: حبيباااي أخيرًا هبقى عمتو الحربااية. أنا مبسوطة اوي. "بارك الله لكما وبارك عليكما وجمع بينكما في خير".

أنتهى المأذون من جملته مع انطلاق الزغاريط والتهاني وفرحة الجميع. إلياس: أنا قلبيي مبسوط اوي، يمكن مقولتهاش قبل كده بس أنا بحبك اوي يا وتينيي. وتين: تعرف يا إلياس بجد أنتَ أحسن حد عرفته في حياتي. يمكن نعرف بعض من شهور قليلة بس حبك كان محاوطني. حتى لو مقولتهاش نهائي بس أفعالك كانت دايمًا بتقولها. إلياس: حقًا، لقد هرمت من أجل هذه اللحظة.

وحضنها ولف بيها وهما مبسوطين جدًا. وفي الخلفية الست بتقول "العيب فيكم يا ف حبايبكم أما الحب يا روحي عليه." وتوتة توتة خلصت الحدوتة.