رواية زوجتك نفسي الفصل الأول 1 - بقلم سلمى اسامة

في إيه؟ أستاذ ياسين، في واحدة برا عمالة تزعق وشكلها غريب، وبتقول إنها يعني مرات حضرتك. ياسين بأستغراب: مراتي؟ مراتي أنا؟ الموظفة: آه، وشكلها غريب أوي. ياسين: طب تعالي وريهالي. الموظفة: لا بقولك إيه، ميغرّكوش منظري والرقة اللي ساعات بتكلم بيها دي، أنا عربجية وكانوا بيدلعوني في الشارع ويقولولي يا برعي. ياسين: برعي إيه يا ست انتي، اتوكلي على الله، روحي شوفي أكل عيشك. شهقت سما بطريقة بدائية وقالت: أكل عيشي؟

أكل عيشي إيه يا عنيا، بقولك أنا مرات ياسين. خرج ياسين إلى مكان تواجد سما وقال بغضب مصاحب بأستغراب: في إيه؟ انتي مين يا بت انتي وعايزة إيه؟ سما بصوت عالي ونطت في حضنه: جوزي حبيبي قلبي، قُرة عيني، كدا برضوا نسيت تاخد شندوتش الجبنة بتاع الصبح؟ ياسين بأستغراب: جبنة إيه وجوزك إيه، انتي تايهة يا ماما. سما: تايهة؟ تايهة إيه يا ياسين، انت تعبان؟ نظر ياسين بأحراج إلى الموظفين الذين ينظرون إليه بأستغراب، وأرجع بصره

إلى سما وقال بحرج وغضب: تعالي معايا نشوف الحوار دا في المكتب. فتجاوزته سما وهي ذاهبة بثقة إلى مكتبه وهي تقول: عين العقل يا قُرة عيني، هو دا الكلام، نتكلم على انفراد. ذهبوا إلى المكتب، فالتفت إلى سما ياسين بعدما أغلق الباب وقال بغضب: انتي مين يا بت انتي؟ سما: أنا مراتك يا بي بيبي. ياسين: مرات مين انتي، إتهبلتي؟ أنا مش متجوز أصلاً. سما: انت بتتبري مني يا ياسين؟ ياسين: أنا معرفكيش أساساً، أنا أصلاً عازب.

سما بعربجية وصوت عالي: لا بقولك إيه، انت حتعملي فيها مسلسل تاريخي، اصحي كدا، امال الورقة دي بتاعت مين؟ نظر ياسين بصدمة إلى الورقة.