رواية زوجتي القاصر الفصل الرابع 4 - بقلم خولة

أكرم بزعيق: إنتي بتقولي إيه؟ إنتي اتجننتي يا ورد؟ ورد: لا، أنا بقولك طلقني يا أكرم. روح شوف اللي تنفعك، وأنا أتجوز اللي بيحبني وأحبه. أكرم مسك إيدها بقوة: نجوم السما أقربلك يا ورد، فاهمة؟ ورد بألم: سيبني، أنا عايزة سراج. أكرم بجنون ضربها قلم: هو مين ده يا ورد؟ انطقي! ورد عيطت: سيبني، أنت بتخوفني منك. أكرم هزها بعنف: أنا هقتلك لو فكرتي حتى في حد، فاهمة؟ كانت بترجف من الخوف، فجأة دخلت سميحة.

سميحة: سيبها يا أكرم، أنت اتجننت؟ عيطت ورد بقوة: طنط سميحة، أنا خايفة. فاق على نفسه وسابها. سميحة زعقت: أنت حصل لعقلك حاجة؟ إزاي تعاملها كده؟ أكرم بغضب: سيبيني في حالي يا ماما، أنا مش طايق نفسي. طلع من الأوضة وسابهم. ساعدت سميحة وخلتها تتسطح وغطتها، كان صوت شهقاتها بيعلى. سميحة: اهدّي يا حبيبتي. ورد: ما تسبيهوش يدخل تاني يا طنط، والنبي. سميحة: مش هسيبه يا حبيبتي، بس إيه اللي حصل يا روحي؟ هو اتجنن ليه؟

عيطت: أنا سمعتكم لما كنتوا بتتخانقوا قدام الأوضة، وعرفت إنه مغصوب عليا ومش عاوزني، فطلبت يطلقني ويتجوز اللي يحبها وأنا أتجوز اللي بحبه. سميحة بعتاب: مكانش لازم تعملي كده يا ورد. ورد: أنا عايزة يطلقني يا طنط، والنبي. سميحة: اهدّي يا ورد. ورد: بس هو زعقلي وضربني عشان قلتله عايزة سراج. سميحة: استهدي بالله يا ورد، أكرم اتجنن عشان إنتي جبتي سيرة حد غيره، عشان كده عمل كل ده، هو بيحبك والله.

ورد ببكاء: أكرم مش بيحبني يا طنط، هو اتجوزني بس عشان يطلعني من بيت عمي، هو هيحب عيلة ليه؟ هو اتغاض مني عشان جبت سيرة سراج ابن خالتي بس. سميحة حضنتها: طيب، اهدّي يا روحي. أكرم ركب العربية وساق بسرعة، مش فاهم هو بيعمل كل ده ليه. فقد أعصابه وضرب السيارة بغضب. ساق وراح لعند حمزة. دق الباب، فتحله ودخل. حمزة: مالك يا أكرم؟ في إيه؟ أكرم بغضب: الست ورد عايزة تطلق وتتجوز اللي يحبها وتحبه. حمزة: طب اهدى كده، إنت حتنفجر.

أكرم: وربنا ما ناقصك يا حمزة. حمزة: إنت حبيتها يا أكرم؟ أكرم بعناد: لا. حمزة بمكر: بعد كل ده بتقولي لا؟ إنت وشك مش بيتفسر لمجرد إنها طلبت تطلق. أكرم فقد أعصابه: أيوه، اتنيلت حبيتها من أول ما شوفتها. حمزة: طيب حاولت تفهم طلبت تطلق ليه؟ أكرم: مش قلتلك عشان تتجوز اللي تتزفت تحبه؟ سراج. حمزة: دي عيلة وبتقول أي حاجة وخلاص، إنت سألتها؟ حاولت تكلمها؟ أكرم اتعصب: لا، أنا اتجننت وزعقتلها، ولولا ماما كنت هقتلها.

حمزة: أكرم، دي عيلة، إنت اتجننت؟ أكرم: والله مش عارف، مبقتش عارف حاجة. رن تليفون حمزة. حمزة: ألو، يا خالتو. سميحة: حمزة، أكرم معاك؟ حمزة: آه يا خالتو. سميحة: إديهولي عشان مش بيرد. حمزة: تمام. إداله التيليفون. سميحة: أكرم، إنت كويس؟ مش بترد ليه؟ أكرم: نسيت تليفوني في العربية. سميحة بخوف: يا أكرم، هي مش كويسة يا حبيبي، هي ما وقفتش عياط، ولما طلعت أجيب لها مية رجعت لقيتها قفلت أوضتها. أكرم: طيب، أنا جاي يا ماما.

قفل وأدى التيليفون لحمزة. أكرم: أنا لازم أروح البيت. حمزة: طيب، سلام. قام وطلع، ركب العربية وراح البيت. وصل، ركن العربية ودخل. أكرم: ماما، هي فين؟ سميحة: جوة، مش راضية تفتح عشان خايفة يا حبيبي. ورد عيلة، وهي قالت كل ده عشان سمعتك وانت بتتكلم معايا وعرفت إنك اتغصبت عليها. أكرم: عشان كده كانت هطلع من البيت عشان سمعتنا؟ سميحة: آه، وسراج ده ابن خالتها، فاكره؟ أكرم بندم: آه، افتكرته. أنا فهمت غلط واتجننت.

سميحة: حاول يا ابني، يمكن تفتح. دق الباب: ورد، ممكن تفتحي؟ ورد عيطت: لا، مش عايزة. أكرم: ورد، افتحي. ورد: إنت هتزعقلي تاني وتضربني؟ أكرم بندم: لا يا روحي، والله افتحيلي. ورد عيطت: أنا خايفة منك. أكرم: والله مش هعملك حاجة، افتحيلي. سميحة: أنا مش هسيبه يعمل حاجة يا روحي، افتحي، ترضي تخوفيني كده؟ فتحت الباب، دخل أكرم وسميحة. قرب منها بس هي بعدت برعب. ورد: ما تقربش. أكرم: طيب، طيب، اهدّي، أنا والله مش هعملك حاجة.

سميحة: حبيبتي، أنا هنا، مش هسمح له يعملك حاجة. أكرم بندم: أنا آسف جدا يا ورد، أنا اتجننت ومحسيتش على نفسي، أنا كنت فاهم غلط والله. ورد زعقت: مش مسامحاك، أنت ضربتني، ممكن تطلع، مش عايزك هنا. سميحة: اطلع يا أكرم، وأنا هكلمها. طلع أكرم وسابهم. سميحة: اهدّي يا روحي، تعالي نقعد. قعدت ورد وقعدت جنبها. ورد: طنط، هو ممكن أكلم سراج؟ محتاجة أكلمه أوي. سميحة: طبعًا يا روحي، بس إنتي مكلمتيهوش قبل كده ليه؟

ورد: عمي مانعني من التليفون، حاولت أكلمه وما ردش، وعمي قفشني وضربني. سميحة: طيب، اتفضلي يا حبيبتي. إدتها تلفونها ودقت عليه. سراج: ألو، مين معايا؟ ورد: سراج. سراج: ورد حبيبتي، إزيك؟ أنا سحبوا تليفوني في المخيم الشهر ده، وما عرفتش أكلمك إنتي وماما نجوى، بس رجعوه من يوم وحاولت أكلمك وما حدش رد. إنفجرت بكى: سرااااج. سراج بقلق: مالك يا ورد؟ في إيه يا حبيبتي؟

أنا كنت هنزل مصر بعد بكرة، كنت عاملهالك مفاجأة، إنتي زعلانة عشان ما كلمتكش؟ اتكلمي يا روحي. ورد: ماما ماتت يا سراج. سراج إتصدم: إيييييييييه؟ ورد عيطت: ماما ماتت، أنا محتاجالك جدا، أنا محتاجالك يا سراج. سراج حاول يبين كويس: أنا جاي بكرة يا وردي.