رواية زوجتي الصغيرة رومنسيه خليجية الفصل التاسع وثلاثون 39 - بقلم Shifaoman

بعد اسبوع

بيت ابو حمد

كانت موقادرة و بس تستفرغ و حاسة بدوخة حاولت توصل للسرير و عشان تتمدد بس اللي صار انها من التعب

جلست على الارض رجولها ما عادت تشيلها ...

كانت تحس بالم في بطنها

مسكت بطنها تبي تخفف الالم و غمضت عيونها بقوة

.............

كان داخل الغرفة يبي يخبر اخته ان بعد شهر بتكون ملكته

انصدم وهو يشوفها جالسة على الارض في وسط الغرفة و ماسكة بطنها بقوة راح لها بسرعة

و قال بخوف : فرح شنو فيك

سمعها وهي تان : اممم .. حمد موقادرة

رفعها من الارض و سدحها على السرير : شنو اللي فيك

قالت بتعب و هي تغمض عيونها : ابي جواد

قال وهو خايف عليها : فرح ابيك تجاوبيني شنو اللي فيك

فرح بتعب : ما في شي بس خليني انام

حمد : بروح اخبر امي تجي تشوف شنو فيك

بدات فرح تبكي : لا الله يخليك الا امي ما ابيها تعرف

حمد وهو مستغرب من تصرفات اخته : ليش

فرح بس ساكته : ...........

حمد بشويه عصبية : فرح بتقولين ولا شلون

فرح وهي تغطي راسها بالشرشف : اسال جواد

خرج من الغرفة و هو مو فاهم اتصل على جواد

جواد : السلام عليكم

حمد : و عليكم السلام .... كيفك جواد

جواد : الحمد بخير و انت كيفك

حمد : بخير ... و بجدية : جواد شنو اللي صاير مع فرح

جواد ارتبك اكيد دروا بس ما بين و قال بجدية : ليه وش صاير معاها

حمد بجدية وهو خايف على اخته : ما ادري بس صايرة وكانها مريضة و وجهها اصفر و اليوم دخلت عليها الغرفة

لقيتها جالسة على الارض و ماسكة بطنها و تتالم وتبكي

جواد وهو بيموت خوف عليها : انا جاي مع السلامه

و سكر التليفون بدون ما يترك المجال لحمد انه يسال مرة ثانية

نزل تحت بسرعة و ركب سيارته و انطلق ... ياربي انا شنو سويت ليش ما تركتها مثل كل البنات ليله العرس و

اسوي اللي ابي ... و الله لو يدري عمي ما ادري شنو يسوي فينا

وصل للبيت و شاف حمد يستنى فيه قدام البيت

حمد مسكه من كتفه و بجدية : جواد شنو اللي صاير و الله مانك داخل الا لما تقولي

جواد بسرعة وهو خايف عليها : فرح حامل

حمد رخى مسكته و بقى مصدوم

جواد بعصبية : حمد مو وقتك فرح تعبانه و انت قاعد

حمد وهو يمسك جواد من ياقته و بعصبية : جواد مو وقت مزحك

جواد وهو ينزل يده : حمد بسرعة البنت تعبانه و انت تسال

حمد وكانه تذكر الحاله اللي ترك عليها فرح و راح بسرعة للداخل و جواد وراه

جواد سبق حمد للغرفة

دخل بسرعة وهو يشوفها تستفرغ و تبكي من الالم : اااه جواد مو قادرة

و كملت بصراخ : يا حقير انت السبب

حمد كان حاضر و هو يشوف اخته تعاني تقدم منها وهو يشوفها تصرخ على جواد و تلومه انه هو السبب

هو متفهم انها زوجته وحلاله بس هذا ما يشفع له لو انتظر لين بعد العرس و سوى اللي يبي

حضنها بقوة وهو يسمعها تقول وهي تبكي : و الله العظيم هو السبب ... حمد انا ابي اموت ماني قادرة اتحمل الالم

شاف حمد وهو يبحث بين ملابسها عن العباية

لبسها جواد العباية بسرعة و هو ساندها عليه

و نزل حمد تحت وهو يشوف امه تقول بعصبية : شنو يسوي جواد بغرفة فرح

حمد بكذب : يمه هو كان بالمجلس معي ينتظرها تنزل له وهي كانت تعبانه و من خوفنا عليها صعدنا عندها نشوف

شنو فيها

و خرج بسرعة خاف تساله شنو اللي فيها

راح لسيارة ينتظرهم فتح باب المرتبة الثانية بعد ما شاف جواد جاي و هو يحمل فرح