رواية زوجتي الصغيرة رومنسيه خليجية الفصل الرابع وأربعون 44 - بقلم Shifaoman

استغرب و هو يشوف الساعة مرت ساعة كاملة و هي ما خلصت

راح للغرفة ممكن مستحية مني

فتح الغرفة و انصدم و هو يشوفها نايمه الحمارة سوتها ونامت هذا وانا مهددها انها ما تلعب علي

شافها و هي تتنفس تنفس غير منتظم اكيد مو نايمه

قال بمكر و هو يقرب منها : نايمه .. اممم احسن علشان اخذ راحتي و ما تبقى تعاند

ضحك وهو يشوفها تنقز من السرير و تقول يقوة وهي تخفي وراها خوف و احراج : و الله العظيم ما تلمسني

قال بعصبية : و ليش تحلفين ان شاء الله

و قرب منها و هي رجعت على ورا و تقول باحراج وهي منزله راسها : انا محرمه عليك

قال و هو يضحك بقوة : هههههههههههههههه روابي ههههههههههههههمو ماصدق انك ههههه منحرجه

لا في شي غلط ههههههههههه

قالت بغضب : يلا اطلع برا غرفتي

قال و هو يبتسم ويروح للسرير و يتمدد عليه : لا انا قلت اني انام معاك اليوم و انا مو من النوع اللي يرجع في

كلامه

قالت بعناد : انا بنام بالصالة

قام لها و هي هربت على الصاله

راح وراها و هي تجري شافها تدور على الكنبة من الجهة المعاكسه اللي يروح لها

تعب و هو يبي يمسكها : روابي بلا لعب بزران

قالت روابي و هي تبتسم : اول توعدني انك ماتنام معاي

قال و هو يحاول يلهيها : بس انتي زوجتي

قالت بعناد : بس انا ما ابي انا.....(انام)

ماكملت كلامها الا و هي تحس نفسها طايرة في السما : فيصل نزلني .... خلاص اللحين كل شوي وانت شايلني

قال بعناد : اللحين تشوفين كيف ما تنامين معاي ... عقابا لك تنامي في حضني و بس انتي تحركي و شوفي شنو

اللي يصير لك

نزلها على السرير و هي ترافس

نام بسرعة جنبها و كتفها وحضنها عشان ما تتحرك

حاولت تبعده بس مو راضي يتحرك كانه جدار

قالت بدلع بعد ما فكرت انها تنام بالحمام و لازم تلعب عليه عشان يقوم من جنبها : حبيبي ممكن تطفي النور

قال بسخرية و هو عارف انها تلعب عليه : لا حبيبتي يا قلبي انتي يا حياتي يا عمري انتي انا ابيه كذا عشان اشبع

من وجهك و انام وانا احلم فيك

قالت و هي تكمل تمثيليتها : فيصل انا اتكلم من جدي ... ما اعرف انام و النور بعيوني

فيصل بمكر : خلاص حبيبتي ما تبين النور لازم احضنك و يكون وجهك في صدري عشان ما تشوفين النور ابدا

روابي يا ربي هذا الحمار ذكي من وين يجيب فالافكار هذي : لا بس انا ما اقدر اتنفس اذا حضنتك

قال بسخرية : لا و الله كانك ما تدرين ان البنات كلهم يبون بس شوفة مني و انتي ما تبين حضني

قالت بعصبية : حبيبي دام في بنات يبون حضنك ليش جاي عندي

قال و هو يسوي نفسه نايم : نامي حبيبتي مو زين لك السهر

روابي يا ربي كيف انام و الجدار هذا معاي في السرير و المشكله اني في حضنه ما ادري كيف اتحرك