رواية زوجتي الصغيرة رومنسيه خليجية الفصل المئة 140 - بقلم Shifaoman

بيت ابو سامي

جالس مع امه بالصاله اللي كانت تسولف معاه في مواضيع عامة

وقف بخوف و هو يسمع صوت لين اللي تبكي بقوة و هي تدخل الصاله الي جالسين فيها

ركضت لابوها و حضنته بقوة و هي تبكي و كل مرة تشهق

حملها و جلس و هي للحين بحضنه

مسح دموعها بحنان و هو يقول بلطف : ليونه حبيبة ابوك شفيك

هزت راسها بالنفي و هي للحين تبكي و كل مرة تمسح دموعها ببراءة وطفوليه

مسك وجهها و هو يبوسها على خدها بعد ما مسح الدموع مرة ثانية

قال بحنان بالغ و هو يناظر وجهها الاحمر و عيونها المورمة :

شفيك حبيبتي قولي لي

قالت بشهاق و عيونها تدمع بطفولية :

ماما صرخت علي و طردتني و تقول لي لا اشوف وجهك مرة ثانيه

زم على شفايفه بغضب و وجهه صار اسود من العصبية

خلاص طفح الكيل توصل فيها تصرخ على بنته و تطردها و هو ساكت

جلس بنته على الكنبه جنبه بهدوء و قام بقوة و هو ناوي عليها الليلة

هذي بنته و قطعة منه كيف تبكيها و هو ساكت لها

" لا هذي تعدت حدودها

و مهما كان لها معزة بقلبي بس ما توصل لمكانة لين بنتي "

قالت ام سامي تهديه رغم انها ماخذه بخاطرها على تصرفات رزان :

سامي ياولدي اجلس واهدى اول و بعدين روح تكلم معها و افهم منها

هز راسه بالرفض القاطع و هو يقول : لا يمه هي تعدت حدودها

و خلاص صبرت عليها كثير و انا اقول انها مضغوطة و تغيرت عليها الحياة و للحين صغيرة

بس لا اللحين لازم افهم منها و اوريها ان بنتي اهم شي بحياتي

صعد فوق بخطوات سريعه تدل على عصبيته الشديدة

فتح باب الجناح بقوة و شافها متمدده على السرير و مبين عليها بتنام

تنفس بقوة و هو يتقدم من السرير

قال بامر و هو يناظرها بنظرات قوية :

قومي ابي اتكلم معاك

قالت بعناد غريب و هي تتلحف بالشرشف و تغمض عيونها :

ما ابي

تقدم منها و هو معصب على الاخر و عجز يهدي نفسه

مسكها من ذراعها بعد ما رفع عنها الشرشف

جلسها بقوة على السرير و هو يمسك فكها بعنف

استفزته و بقوة

قال و هو يضغط على اسنانه :

شفيك انتي هالايام صايرة ما تطيقين احد و كله معصبه على لين

ليش يعني تبكين هاليتيمة

و لا خلاص مسكتي ابوها و انتهى التمثيل و عارفة انها متعلقة فيك

و مستحيل اطلقك و انتي عودتيها عليك

قالت بضيق و هي تبعد عيونها عنه :

ابعد عني و ترا مو لازم كل مرة تعطيني درس على لين

خلاص انت ابوها و اهتم فيها

فكها و دفها بقوة لدرجة ضرب راسها بظهر السرير و تاوهت بقوة

قال بعصبيه و هو يصرخ :

لا و الله وانا ليش متزوجك لا يكون على بالك احبك و ما ادري ايش

ترا السبب الاول و الاخير اني ابيك تربين لين وتهتمين فيها

بكت برعب و هي تشوف الدم اللي بيدها بعد ما مسحت على راسها من ورا

رفعت يدها لعيونه و هي تقول بصراخ:

شوف شنو سويت تبي تذبحني انت

زفر بقوة و هو يحاول يهدى من نوبة العصبيه اللي جاته

قرب منها بخفة و هي رجعت على ورا

قال بهدوء و هو ينحني عليها :

لا تخافي بس باشوف راسك

نزل راسها و انتبه على الجرح الصغير اللي في راسها بس كان ينزف بقوة

ضغط على الجرح عشان يوقف الدم

بس هي تاوهت من الالم و هي تبعد راسها و تقول ببكا و بعيون بريئة :

عورتني

قال و هو يمسك ابتسامته اللي كانت بتفلت منه :

اسكتي احسن من اني اخذك المستشفى

هي خوفها من المستشفى و الاطباء خلاها تسكت و تخليه يسوي اللي يبي

بعد دقايق من اللي صار

جلس قدامها على السرير و قال بجدية :

اللحين خبريني شنو فيك و شنو اللي صاير لك

ما ردت عليه و هي تنزل راسها للارض و ترد شعرها ورا اذنها

قال بحنان وهو حاس ان فيها شي :

شفيك قولي لي

عندكم مشاكل ببيت اهلك و لا ناقصهم شي

انتي محتاجة شي ومستحية

خبريني انا اسويه لك اهم شي لا تسوي في لين كذا

تراها للحين صغيرة و يتيمة و غير كذا

هي تشوفك امها و انتي عودتيها على الدلع مرة وحدة و كل اهتمامك لها

قالت بضيق شديد و هي تلف للجهة الثانية:

اكرهها و ما اطيقها

قال بحدة و هو مصدوم من كلمتها :

رزان

قالت بصوت عالي شوي :

شنو اللي قلته ما قلت شي عيب و لا حرام

اللي قلته هو اللي احس فيه تجاه بنتك

ما اطيقها اكرهها من اشوفها احس اني اعصب و ابي اهاوشها

قال بعصبيه و هو يوقف : حدك عاد الا لين

قالت و هي تقوم من السرير و تتوجه للدولاب و تاخذ شنطة

حطتها على السرير بعصبيه و هي ترمي الملابس بعشوائية

قالت بصراخ هستيري و هي تلبس اقرب عباية لها :

خلاص بنتك اهم شي و بنتك كل شي

و انا خدامة لبنتك و مربيه لها

و انا ما ابيها خلاص طلقني

قال بحدة و صوته عالي :

الا صوتك لا يعلى على صوتي و الا تشوفين شنو اسوي فيك

ضربت وجهها بجنون و هي تجلس على الارض بانهيار

و تبكي بنحيب

بدون عي منه قرب منها و هو مو متحمل انهيارها

و مستغرب من اللي ممكن يكون صاير لها

جلس على الارض جنبها و مسح على ظهرها بحنان :

ليش تخليني اصرخ عليك كذا

و تعصبيني و تستفزيني

انا هديت نفسي ابي اتكلم معاك و نتفاهم بس انتي ما غير تصرخين

بكت اكثر و هي تسمع نبرة الحنان اللي بصوته

حضنها بقوة يبيها تفرغ اللي في قلبها

و تريحه و لو شوي يبي يفهم ليش صارت كذا

تغيرت كثير من يوم تزوجوا صارت تصرفاتها لا تطاق خصوصا مع لين

اللي كل مرة تجي تبكي من معاملتها

و هو ملاحظ هالشي بس مستحمل يبيها تعقل ما يبيها تعاند اكثر و تعذب بنته في غيابه

بس هي تعدت حدودها و لين صارت مرعوبة منها

سمع صوتها الباكي و هي تقول بانهيار :

تعبت ما ادري شفيني

قال بخوف و هو يمسح دموعها:

ليش هالكلام يا رازان

و كمل بجدية :

و اذا تعبانة خبريني اشكي لي و فرغي اللي بقلبك

ما ردت على كلامه و هي للحين تبكي

قالت بهدوء و هي تمسح دموعها و تبعد عنه :

ابي اروح بيت ابوي و اجلس فيه شوي على الاقل ارتاح

قال برفض و هو يقوم من الارض و يقومها معاه :

مستحيل تخرجين من البيت و انتي ما خبرتيني السبب اللي يخليك تتغيرين

قالت ببرود و هي تشتت نظراتها :

لا انا ما تغيرت

قال بتاكيد و هو يتكتف قدامها و يناظرها بحدة :

لا تغيرتي و كثير

ترا البيت كله ملاحظ تصرفاتك المجنونة

و سكتنا بس عشان قلت ممكن تغير البيت

و دخلت حياة جديدة و للحين صغيرة

بس ترا اللي شافته لين منك ما راح انساه

مسكت بطنها بخفة و رجعت جلست على الارض من جديد و هي تحس

بالم شديد ببطنها و الدوخة ماسكتها

قالت بهمس تعبان و هي تناظره برجا :

بليييز سامي ابي ارتاح الله يخليك خليني اروح بيت ابوي

اسبوع بس و ارجع

زم على شفايفه و هو يلف و يتوجه لباب الجناح بعد ما سمع صوت امه عند الباب

فتح الباب و هو يقول بابتسامه باردة و الارهاق مبين عليه :

هلا يمه فيك شي يالغالية و لا تبين شي

قالت و هو تمسح على خده بحنان بالغ :

لا يا الغالي ما فيني شي و لا ابي شي

بس حبيت اتطمن عليكم

و كملت باهتمام شديد و هو تثبت عيونها عليه :

شوي شوي على بنت الناس يا سامي و افهم منها قبل كل شي

و لا تظلمها

هز راسه بخفة و هو يقول بهمس :

ان شاء الله يمه

عقد حواجبه باستغراب و هو يسمع صوت انين جاي من غرفة نومهم

ركض بسرعة باتجاه الغرفة بعد ما سمع صرختها العالية

شافها متكورة على نفسها و هي للحين في الارض

صرخت بالم و هي تشوفه واقف عند الباب و مصدوم :

سامي باموت اه

عضت على شفايفها بتالم و هي تصرخ من جديد :

امممممم سامي باموت باموت من الالم

دخلت ام سامي بعد ما سمعت الصراخ العالي

قالت و هي تناظر ولدها :

سامي يا ولدي اخذها المستشفى ما تشوف البنت بتموت من الالم

اما سامي فكان في حالة خوف و صدمه من انه رزان تموت

هو يحمل مشاعر ناحيتها وتعود عليها بحياته رغم تغيرها المفاجئ

و تصرفاتها اللي صارت لا تطاق

بس ما راح يصبر لو ماتت هي الثانية و تركته

خلاص هو فقد زوجته الاولي و جرب الاحساس

ما يبي يعيد التجربة

تقدم بخطوات متثاقلة و انحنى لها و حملها بخفة و هي للحين تبكي بحضنه

مبين ان الالم شديد

جمدت خطواته و هو يسمع صرخت امه اللي تقول بخوف :

البنت بتنزف

قربت ام سامي منها بخطوات سريعه و هي خايفة ان اللي ببالها يكون صحيح

سالتها بخوف و هي تمسك لها يدها تبي تخفف عنها الالم :

رزان يا بنتي انتي حامل

ما ردت عليها رزان اللي بدت عيونها تثقل و هي ترتفع لفوق

و اغمى عليها بغضون ثواني

قالت بتاكيد و هي تفتح باب الجناح بسرعه :

سامي بسرعه البنت تنزف و اكيد حامل

و كملت و هي تدعي بقلبها انه ربي يحفظها من كل شر :

بسرعه لا تموت البنت

تحرك بخطوات سريعة نوعا ما و هو للحين مصدوم

" رزان حامل و هالحمل من اول ينتظره يبي يكون عنده عيال منها

على الاقل اخوان للين الوحيدة

بس اللحين خلاص البنت تنزف و اكيد سقط البيبي "

مددها على المرتبة اللي ورا و بسرعه انطلق للمستشفى

.
.
.

وقف بسرعه و هي يشوف الدكتورة اللي خرجت من الغرفة

قالت الدكتورة بهدوء و هي تعدل نظارتها الطبيه اللي على عيونها :

اسفة بس المدام فقدت واحد من الاجنة

قال بعدم تصديق رغم ان امه قالت هالشي قبل :

شنو ...ليش هي حامل

قالت بهدوء : ايه حامل

و للاسف فقدت واحد من التوام اللي ببطنها

شد شعره لورا و هو يحس بتناقضات داخله

و كل الاحاسيس جاته بهالوقت

قالت بجدية قبل ما تلف و تبعد عن المكان :

المدام تعبانه و حالتها النفسية ممكن تكون سبب في اجهاض البيبي الثاني

اتمنى تراعي حالتها و تهتم بصحتها اكثر

لانه مبين عليه الوحام متعبها كثير

تنفس بعمق و هو يحس باضطراب مشاعره هالوقت

ابتسم بقوة و هو يحمد ربي انه حفظ له رزان و الجنين اللي ببطنها

رغم انه حس بضيق على الجنين الثاني

بيت ابو فهد

لابسة عبايتها و جالسة بالصالة تنتظر تركي اللي بيجي بعد شوي

وعدها ياخذها مشوار و يطلعوا يتسوقوا شوي و بعدين يغذيها بمطعم و اي شي تبيه يوديها له

خبرها ان اليوم هذا خصصه لها هي وحدها

شافت فارس اللي نازل على الدرج و كاشخ على الاخر و مبين عليه انه طالع

قالت بابتسامة و هي توقف برقة :

فروووس وين رايح

قال و هو يجلس على الكنبة بطريقة دفشة :

طالع مع الربع شوي و برجع ليش تسالين

و كمل بنبرة لعوبة و هو يغمز لها :

ها شو الاخبار ما وصل الحبيب للحين

قالت بهمس و هي خجلانه :

لا للحين ما وصل

قال بنص عين و هو يبي يحرجها بزيادة :

فاتك نص عمرك ما شفتيه امس كيف يحاول مع ابوي انه يطلع معاك و خايف المسكين

تقولي راح ياخذك لفندق ليلتين مو بس سوق

صرخت بخجل و هي تقول :

اسكت يالحمار انت ما تستحي

ضحك على حركتها و هو يقول بابتسامة :

يا بنت انا بس اعطيك مثال كيف كان خايف و متوتر

قالت بنبرة خجل غاضبة :

لا ما ابي امثلتك اللي مثل وجهك

قال و هو يتوعد فيها :

اوريك انا

رفعت عيونها له تعرف اخوها لو يتوعد فيها خلاص بيسوي اللي براسه

و اصلا مزح العيال دفش يعني هو يسوي شي و يشوفه عادي

بس هي لا بيكون شي عظيم بالنسبة لها

ناظرته بخوف و هي تقول بابتسامه لطيفة :

فرووووس اسفة بس لا تسوي لي شي

اعرفك انا اذا توعدت فيني

قال بزعل مصطنع و هو يتسند على الكنبة :

لا زعلت انا خلاص وما راح ارضى الا لو تاخذوني معاكم الحين انتي و تروك

نقزت بفرحة و هي تقول بحماس :

ايه بناخذك ليش لا اصلا انا ما ابي اروح معاه لحالي بليييييز قول له انك بتجي معنا

قال بطفش و هو يميل فمه بملل :

روحي بس تبينه يذبحني يلا جهزي نفسك اسمع سيارة وقفت قدام البيت

قالت بخجل و هدوء : جاهزة

بدون وعي منه بعد ما شاف خجلها و هدوءها

حضنها على جنب و هو يمسح على ظهرها بحنان اخوي

قال بلطف و هو يمشيها معاه : و الله و كبرتي يا وعودة و صرتي عروس

و تركي يموت عليك ماشاء الله .. الله يخليكم لبعض

ضربته على كتفه بخفة و هي تقول بابتسامه حياء :

اسكت شوي من الصبح و انت بس تحرجني

فتح باب البيت و هو للحين حاضنها على جنب

انتبه على تركي اللي واقف جنب السيارة و متسند عليها

و التليفون بيده لانه كان بيتصل على وعد تنزل له

ابتسم بخفة و هو يتامل وعد اللي تناظره بخجل

سلم على فارس اللي قال بجدية مصطنعه :

ترا ابوي قال ما راح اخليها لحالها مع تركي عشان كذا انا جاي معاكم

كشر تركي بضيق و هو مصدق كلام فارس

قال باحباط و و يرفع نظاراته من على عيونه و يحطها فوق راسه :

ليش ان شاء الله انا زوجها و يعني تعرفوني عدل

و اصلا احنا بس رايحين السوق و تنمشى شوي

و نرجع ان شاء الله

قال فارس و هو ما يناظره عشان لا يضحك :

انا مو شغلي ابوي اللي يقول كذا و انا بر الوالدين اهم شي عندي

قال تركي وهو بدا يعصب :

لا والله ما اعرفك انا روح بس و خليني اتهنى بالطلعه مع وعودتي الحلوة

و انت طير روح اطلع مع ربعك و لا نام و لا اشتغل شغلة تنفعك

ضحك فارس و هو يشوفه كيف معصب

قال بابتسامه و هو يهديه :

خلاص ياولد الحلال نمزح معك بس

و كمل و هو يقول عشان يقهر وعد :

و ترا زوجتك اللي عزمتني

لف تركي بهدوء لوعد و قال بابتسامه و هو يقربها منه

و كل هدفه انه يقهر فارس اللي خلاه على اعصابه :

حبيبتي انتي

قال فارس و هو يضحك بقوة و يروح لسيارته :

اروح انا للحين صغير و البراءة مغرقتني ما ابي افسد من حركاتكم

ضحكت وعد بخفة على كلامه و ركبت السيارة بهدوء

.
.
.

يتمشون بالاسواق رغم ان المكان فاضي شوي لانهم وقت الظهر

ماسك ايدها و هو مبتسم على سوالفها و هي ماخذة راحتها معاه

قالت بنعومة و هي ترفع راسها له و تناظر عيونه :

تركي

قال و هو يمشي بهدوء معاها و نزل عيونه لها بابتسامه خفيفة :

هلا

قالت بخجل و هي تنزل عيونها و تشتتهم بكل شي الا عيونه :

عادي اسوي مكياج

قال بجديه و هو يبي يفهم منها :

شنو تسوينه برا بالتاكيد لا و ما راح ارضى زوجتي تطلع بهالمنظر

نزلت عيونها و هي تكح بخفة و منحرجة منه بعد الكلام اللي يقوله

لانه فهمها غلط

قالت برقة و هدوء و هي تبي تفهمه :

لا مو قصدي اخرج بالمكياج

قصدي يعني بالبيت اتزين و احط مكياج على وجهي

و كملت ببراءة و هي تناظره بعيونها :

صديقتي عندها اختها متزوجة زوجها لو يشوفها حاطة مكياج يعصب عليها

ومرات حتى يضربها لو عندت و حطت مكياج

و تقول ما يخليها تسوي مكياج الا في الاعراس و تحط بس روج و كحل خفيف

و كملت و هي تمسك يده و تمسح عليها و تترجاه :

بليييز لا تقول انك مثله

ترا ما لي الا ثلاث اشهر من بديت احط المكياج علمتني عليه روابي زوجة فيصل

و اصلا ما كنت اعرف كيف اسويه

بليييز لا تقول لا

ضحك عليها و هي تتكلم بسرعه و مو تاركة له فرصة

قال بهدوء و هو يرفع حاجب و ينزل الثاني :

شوي شوي ترا ما خليتيني اتكلم

و كمل بحنان :

خذي نفس اول و كملي تكلمي

ضحكت بخجل و هي تقول باسف :

اسفة ما اتنبهت تعرف تفاعلت مع الموضوع و نسيت نفسي

قال و هو يدخل معاها احدى المحلات اللي فيها ادوات المكياج :

اذا على المكياج عادي بس في البيت ...

يعني ما ابي اشوف قطرة مكياج على وجهك و انتي طالعة برا

و يلا اختاري اللي تبين من المحل على حسابي هدية لك

قالت بخجل و هي تناظره : لا و الله مو قصدي كذا لا تحرجني

اصلا قبل اسبوع شريت كل ادوات المكياج و كل اللي احتاجه

قال بحنان و هو يناظرها بحب :

كذا تردين هدية زوجك

كحت بخفة و هي مو عارفة وش تقول :

تركي الله يخليك لا تحرجني

قال بزعل مصطنع و هو يناظرها بنص عين :

خلاص انا الغلطان اللي ابيك تختارين اللي تحبي لو كنت اعرف اللي تحتاجونه بالمكياج

كان اخترت لك

قال و هي تتاسف برقة :

تركي لا تحسسني اني مسوية شي كبير بحقك

قال بهدوء و هو يمسك يدها بعد ما تركها شوي :

يلا نروح نتغذا اكيد جوعانه

هزت راسها بخفة و قالت : جوعانه بس مو كثير