رواية زوجتي الصغيرة رومنسيه خليجية الفصل المئة 142 - بقلم Shifaoman

في المساء

بيت ابو رعد

جالسين بالحديقة في جمعة عائلية

جالسة جنب الجدة و تهمز لها رجولها بحنان

ما تدري ليش دخلت قلبها بسرعه هي من النوع اللي عادي عندها

و ما تتلكم مع العجايز ابد

بس جدة رعد رووووووووعه

حبوبة و طيوبة و عليها حركات تضحك و تدخل القلب بسرعه

رغم ان فيها لقافة شوي و تتدخل بما لا يعنيها

بس بالاخير طيبتها و حنانها و نصايحها و خبرتها بهالدنيا

ما تخليك تاخذ بخاطرك عليها ابد

رفعت عيونها لها و هي تسمع كلامها

نزلت الجدة نظارتها و ناظرت اميرة بنص عين و هي تقول بجديه :

اقول يا بنيتي في شي بالطريق و لا للحين

كحت اميرة باحراج و هي مو عارفة وش تقول

ابتسم رعد بهدوء و هو يشوف اميرة اللي جالسة مقابلته

صار لونها احمر من الاحراج ومو عارفة وش تقول

قال بابتسامة و هو يناظر امه اللي متلهفة للاجابة :

ان شاء الله يمه انتي بس ادعي لنا ان الله يرزقنا بالذرية الصالحة

قالت الجدة و هي تبتسم لرعد الحفيد المقرب لها و اللي تعزه حيل :

ايه يا وليدي و الله ادعي لكم كل يوم وفي كل صلاة ان الله يوفق بينكم

و يرزقكم بالذرية الصالحة

مسحت بحنان على ظهر اميرة اللي غاصت بملابسها من الخجل

خصوصا ان ابو رعد و الكل جالس معاهم

قالت بحنان و هي تضرب اميرة بخفة على ظهرها :

بس شدي حيلك انتي الثانية و جيبي لنا ولد رعد

قالت بهمس متقطع من الاحراج اللي انحطت فيه :

ان شاء الله يمه

و قامت على طول من المكان و هي شوي و تبكي من الاحراج

ضحكت ام رعد بخفة و هي تقول :

يا حليلها استحت زوجة ولدي

قال رعد بهدوء و هو يقوم من الجلسة الارضية :

استاذن انا بروح اللحين تبون شي

قالوا كلهم باصوات متفرقة :

لا سلامتك يالغالي

.
.
.

جلست بالصالة شوي وهي تتنفس بعمق

احرجتها كثير جدة رعد

لو كانوا كلهم حريم كان عادي عندها بس مو قدام ابو رعد و رعد

سمعت صوت خطوات عند الباب

رفعت عيونها و انتبهت لريما اللي تمشي بهدوء بسبب الحمل

ابتسمت لها و هي تشوفها تجلس على الكنبة المقابلة لها

قالت ريما بابتسامة و هو تناظرها :

اشوفك موتي نفسك من الخجل عادي

بتتعودي جدتي كذا كل اللي بقلبها تقوله

و ترا انتي هذا اللي قالته لك عادي بالنسبة لها

لانها احرجتنا بالاعظم من كذا

ضحكت اميرة بخفة و هي تقول بصدمة :

جد اللي تقوليه انتي

هزت راسها بابتسامه و هي تقول : ايه

و كملت و هي تشوف تليفونها اللي يرن :

يلا اخليك بروح اكلم فهودي

دخلت ديما على كلمتها الاخيرة و حست بغصة بقلبها

حياتها فارغة و ممله

"الحمد لله على كل حال بس

دوم احس بالنقص لما اشوف اميرة اللي اصغر مني و لا اختي الصغيرة متزوجين

و قربوا يجيبوا عيال و انا للحين ما تزوجت

ما ادري وش هو السبب

لاني اتذكر يوم كنت بالثانوية ممكن خطبوني خمسة او اكثر

بس انا ارفض بسبب الدراسة و اصلا ابوي يكون رافض بحكم اني صغيرة

و اللحين لي سنتين و لا وحدة من الحريم لمحت لي انها تبين زوجة لولدها او اخوها

ممكن السبب فيني او يشوفوني شينة "

رفعت راسها و هي تسمع اميرة اللي لها دقايق و هي تتكلم معاها و هي ما سمعت شي

قالت اميرة باهتمام :

ديما حبيبتي انتي تعبانة و لا فيكي شي

قالت ديما و هي تلف وجهها للجهة الثانية

بسبب الدموع اللي ملت عيونها :

لا بس تعرفين التعب الشهري

و قامت على طول و هي تسمع صوت اميرة و هي تدعي لها :

الله يشفيك ان شاء الله

هزت راسها بهدوء و هي تتوجه للدرج و تصعد بخطوات ثقيلة
في فرنسا

بشقة فرح و جواد

جالسة على السرير و ملابس الاطفال حولها

ابتسم جواد عليها و هو يشوفها كيف تتامل الملابس الصغيرة

قالت بابتسامه و هي تقوم بثقل و تتوجه لجواد اللي كمل صلاته :

جواد حبيبي شنو بنسميهم

قال بفرحة و هو يقوم و يحضنها على خفيف :

عليك البنت و انا علي الولد

قالت و هي تناظره و للحين بحضنه :

خلاص كذا متفقين و انا من الليلة راح ادور على الاسماء الحلوة بالنت

و اكتبهم بورقة و نختار بينهم اوكي

قال بابتسامه على حماسها و هو يبوسها على خدها :

اوكي

يعني الليه بنسهر على الشغل هذا

و كمل بابتسامه و هو يمسح على خدها بحب :

انا الولد ابي اسميه عبد العزيز

انكمشت اكثر في حضنه و هي تتمسك فيه و ريحته الرجوليه

تداعب انفها و شوي و تذوب بحضنه :

الاسم حلو و يليق بولدنا

تنفست بعمق و هي تغمض عيونها تستمتع بهاللحظات الرومانسية مع زوجها

و ابو اولادها و بالاول و الاخير حبيبها

قال بهدوء و هو يمسح على بطنها البارزة و الكبيرة :

شنو تعبانه

قالت بهمس : لا

مشاها بهدوء للسرير و هو عارف انها جاتها الحالة اللي دايما تجيها بقربه

بسبب ريحته الرجولية الحادة اللي تخليها مثل المدمنة

ممددها على السرير و هو يلحفها بهدوء

قالت بصوت خافت و هي تفتح عيونها و تلمحه يبعد عنها :

جواد وين رايح

قال بحنان و هو يلف لها :

باغير ملابسي و البس بيجامه و ارجع

هزت راسها بخفة و هي تبتسم له بحب

دخل الحمام غير ملابسه و خرج

و فيه الضحكة على فرح تقوله باسهر و ادور على الاسماء

لاولادهم و بعدين على طول تنام

صاير نومها ثقيل مع الحمل

تمدد على السرير جنبها بعد ما طفى النور

تقربت منه و هي تحضنه و هو شدد عليها بحضنه

صارت تعجبه جراءة فرح هالايام

بسبب الحمل صايرة ما تنتبه لحركاتها

بس كذا احسن يحس انها قريبة منه اكثر بعفويتها

اللي تخليه يعشقها و يموت عليها