رواية زوجتي الصغيرة رومنسيه خليجية الفصل المئة 143 - بقلم Shifaoman

بعد اسبوع

في المانيا

على شط البحر

جالسين مع بعض في مكانهم المفضل و هالمرة تركها اخوها مع ماجد لحالهم

و فضل انه يتركهم على راحتهم

قال بحنان و هو يشد على يدها :

اسيل حبي يلا خليني امسكك و اوقفي شوي على الاقل تتعودي

قالت بضعف و هي تبعد عيونها عن عيونه اللي تشع بالحنان و الحب :

لا ما ابي و اخاف ما امسك نفسي و اطيح

و اصير مسخرة للناس اللي جالسين هنا

قال و هو يبي يقويها و يخليها واثقة من نفسها :

لا اسيل احنا ما تفاهمنا على كذا

و اصلا و الله لو بس يفكر احد انه يضحك عليك اوريه

قالت و هي مجرووحة للحين :

ماجد انت مستحيل تحس فيني تراني انجرحت كثير بسبب اعاقتي

هز راسه بتفهم و هو عارف انها تتكلم على فسخ خطبتها السابقة

لانه عرف كل شي من عند اخوها صقر

كملت و هي تقول :

تعبانه حيل من نظرات الكل لي احس بنظرات الشفقة و السخرية من اللي حولي

و تخليني انكسر بزيادة فوق ما انا منكسرة

حضنها بخفة لصدره بمحاولة منه انه يهديها شوي :

بكت بصمت في حضنه و هي تفرغ كل اللي بقلبها

تعبت كثير و بس تدعي ربي انها تقدر تمشي اليوم قبل بكرا

قال بهمس جدي و هو يبي يقويها :

عشان كذا انا ابيك تبيني للكل انك قادرة توقفي و ان شاء الله تمشي

و ما ابي اشوف هالانكسار و الضعف بعيونك

و كمل بابتسامة و هو يقومها بهدوء :

يلا اساعدك توقفي

و كمل بشقاوة غريبة بالنسبة له و كل هذا عشان ما تخاف :

و راح امسكك و ما راح اخليك تطيحين ابد

ضحكت بخفة على كلامه و هي تتمسك فيه عشان يعدل وقفتها

من بدت العلاج الطبيعي اللي له تقريبا اسبوعين

و هي للحين الحمد لله قادرة توقف

بس لازم تتسند على شي عشان لا تطيح

يعني احسن من قبل

قال لها بهمس و هو ينحني لها عند اذنها :

امسكيني من خصري عشان لا تطيحين

قالت بحيا : لا استحي

و كملت بهدوء:

و اصلا ما راح اسويها قدام كل هالناس

قال و هو يناظرها بجديه :

يلا بس اسيل امسكيني احسن لا تطيحي

قالت و هي شوي و تبكي من نبرته الجديه :

امسكني عشان ما اطيح و انا احط ايديني عند خصرك

ابتسم لها و هو يمسكها عدل

حطت بسرعه يدينها عند خصره

بعد دقايق قليلة من منظرهم الرومنسي بالنسبة للاشخاص القليلين جدا اللي متواجدين بالمكان

لفت وجهها للجهة الثانية و بسرعه دفنت وجهها في حضنه

قال باستغراب من حركتها :

اسيل فيك شي

قالت بهمس : ابي ارجع بيتنا

قال بجديه : اسيل شفيك قولي لي اول بعدين ارجعك بيتك

قالت بهمس :

قلت لك ابي ارجع البيت

رفع راسه لفوق و هو يزفر بقوة " شفيها اللحين

من شوي كانت ما في احلى منها اللحين وش صاير معاها "

انتبه لحرمة و رجال و مبين عليهم عرب و مسلمين

توقع انهم من اهلها او من معارفهم

تقدمت الحرمة بخفة و هي تحاول تلمح اللي بحضن ماجد و تتاكد

همس ماجد بحدة باذن اسيل انها ترفع راسها :

رفعت راسها بهدوء و هي خايفة ينقلب عليها ماجد

هو تحملها وللحين يتحملها و راضي فيها حتى لو كملت حياتها كلها كذا

ليش تتمرد عليه هو اللي يحبها و تصير ناكرة لكل شي عمله معاها

نزلت عيونها بعد ما رفعتهم و طاحوا على عيون الحرمة المجهولة بالنسبة لماجد

و اللي مستغرب من جرءتها

يعني ما تشوفهم مع بعض و في جو رومانسي

و ما يبون اي احد يقطع عليهم جوهم

وصل لمسامعه صوتها المصدوم و هي تناظر اسيل من فوق لتحت :

اسيل هذي انتي ..

قالت اسيل بحدة غريبة عليها : ايه انا في شي .. و لا مو عاجبك

تاملت الحرمة رجولها المرتخية شوي بسبب انها مو قادرة توقف بقوتها و ماجد هو اللي موقفها

و كملت ببرود لما سمعت رد اسيل اللي للحين مثبته عيونها بقوة على عيون الحرمة :

امم هذا منو

قال بجدية و هو يمسح على ظهر اسيل :

انا زوجها

قالت بشهقة و هي تناظره من فوق لتحت :

شنو ... انت زوجها

قالت برقة و هي تقرب من ماجد اكثر و تحط راسها على صدره بجراة ما تدري من وين جايتها :

ايه زوجي و حبيبي ... فيها شي هذي

لفت لورا وهي تسمع صوت زوجها اللي يقول لها انهم بيمشوا

نزل راسه لاسيل و هو يقول بتساؤل :

منو هذي اللي كانت هنا قبل شوي

ما ردت عليه و عيونها تبتسم براحه

انحنى و حملها بخفة و هي ما مانعت لانها بس تبي تبعد عن هالمكان

ركبها السيارة و ركب جنبها

قال بجدية و هو يلف لها و يعدل جلسته :

منو هالحرمة اللي مستغربة منك و من اني اكون زوجك

قالت بهمس و هي ترفع اناملها و تمسح دموعها بخفة قبل ما يطيحوا على خدودها :

جرحتني حيل

كنت اعتبرها اختي و افضل صديقة عندي

بس هي اللي خانت صداقتنا من يوم صرت مقعدة

و هي اللي فسخت خطبتي لاخوها اللي الله فكني منه

و اللحين مسوية انها مو مصدقة اني متزوجة و انا كذا

انا مو محزنني انها فسخت خطبتي لا

و الحمد لله لان اخوها طلع مو زين و راعي حركات و صايع

بس اللي قاهرني ليش تخلت عني لما صرت كذا

مسح دموعها بحنان و هو يبتسم لها بمرح :

اكيد المسكينه غارت منك متزوجة اوسم واحد بالدنيا

ضحكت عليه و هي تضربه على كتفه

قال و هو يبوس عيونها الدامعه بلطف :

ما ابي هالعيون تبكي ابد

و اللي فات مات ما نبي نتكلم عن الماضي ابد

ابتسمت بخجل و هي تقول عشان تضيع الموضوع :

يلا ابي ارجع البيت اكيد صقر يحاتيني اللحين

باقي شوي على صلاة العشاء

ابتسم لها بهدوء و عدل جلسته و حرك متوجه لبيتهم

رغم انه حاس بقلبه بيشتعل من النار بسبب هالانسان الي كانت مخطوبة له قبل

بس اهم شي انها له وحده و ملكه