رواية زوجتي الصغيرة رومنسيه خليجية الفصل الثالث وخمسون 53 - بقلم Shifaoman

بيت ناصر

كانت نايمه بكل هدوء عشان ما تفكر بعرسها اللي بيكون بعد 10 ايام تبي ترتاح لانها تدري انها بتكون مضغوطه

وخايفة و اكيد ما تقدر تنام و هي معاه بنفس المكان

سمعت الباب اللي انفتح و صوت نور اللي تقول بحب : يلا امورة حبيبتي اليوم نبي نروح نتسوق عشان اختار معاك

قمصان النوم و ماما هي اللي تبيني اجي معاك يلا حبيبتي قومي

حست بمغص ببطنها ون سمعت كلامها ..... يا ربي ما فكرت انه يمكن ياخذ حقوقه و انا اللي كنت اقول اني

لازم افكر في حل قبل صارت تفكر في اللي صار لها قبل يومين

''

كانت جالسه في غرفتها و هي تقرا قران

شافت امها اللي دخلت عليها ..... كملت القراءة و حطت المصحف و نزلت جلال الصلاة اللي كان عليها

راحت جلست جنب امها وهي تقول بابتسامه : هلا و الله بام اميرة

ضحكت امها و كملت بجديه وهي تمسك يد بنتها و تقول : اميرة بنتي اليوم جايتك في موضوع و ابيك تسمعيني

زين و ما تقاطعيني ابد

اللي لازم عليك تطيعي زوجك وما تخليه يعصب عليك و حركات البزران تركيها عنك و لازم تخدميه و تسوي له اللي يبي

انت تدرين ان الزواج سنه الله و رسوله و لازم الزوج ياخذ حقوقه من زوجته و ................... ....

ما كملت امها كلامها الا وهي تستفرغ في الحمام

خرجت بعد ما سندتها امها و كانت منقرفة من اللي سمعته

قال بعصبيه : لا و الله و ان شاء الله يبي ياخذ حقوقه ..... لا ماما انا لازم ينتظرني على الاقل سنه او سنتين اتعود عليه

قالت امها و هي تدري ان بنتها متوترة وخايفة بس لازم تقولها من اللحين عشان تحاول تتغلب غلى توترها مو

تصدمها ليله العرس و تقول لها على طول : حبيبتي هذا الشي يصير بين كل زوجين و انت اللي مكبرة الموضوع

صحيح كانت تدري ان في علاقة بين الزوج و زوجته من كلام اللي كانو معاها في المدرسه بس ابدا ما توقعتها كذا

صارت ترتجف وهي تقول بخوف : ماما الله يخليك قولي لابوي اني ما ابي اتزوج خلاص ما ابي

قالت امها وهي تحضنها بحنان : حبيبتي انا قلت لك قبل عشان ما اصدمك يوم العرس مثل ما يسوون اغلب الامهات

رفعت راسها و هي تقول بخوف : ماما انا خايفة

قالت امها وهي تخفف من توترها وخوفها : حبيبتي اصلا مو اليوم الاول يمكن بعد اسبوع اسبوعين

حتى تتعودي عيله

كانت تبي تقول لامها سبب خوفها و كيف ممكن تساعدها بس ما قدرت ''

تذكر يومها كلها كانت بس تبكي من الخوف و من التوتر

هي مو بس خايفة منه خايفة انها تنفضح او انه يطلقها بعد ما يشوفها تتصداه

هي صحيح تبي تتطلق بس تخاف يفضحها

احينا تفكر انها تقفل الغرفة عليها قبل ما يجي و احيانا تقول امسك السكين و اهدده انه اذا قرب مني اقتل نفسي

و احيانا تفكر انها تكذب عليه و تقوله انها معذورة و لايمكن يقرب بس لي متى و هي تسوي كذا بيجي يوم و ياخذ

اللي يبيه غصب لو ما خلته ياخذه بالطيب

ما تدري افكارها متشوشه ومو قادرة تفكر زين

اه يا ماما ليش خبرتيني بس زدتي من همي

صحت من سرحانها و هي تسمع نور اللي تقول : يلا بسرعة .... انا اتكلم معاك وانتي سرحانه في حبيب القلب

كانت تبي تسال اختها و تتاكد من اللي قالته امها

قالت بتوترو خجل : اا نور ا ابي اسالك بس ما تحرجيني

قالت نور بحنان و هي عارفة عن شنو ح تسال : شنو حبيبتي

قالت اميرة : اول اوعديني انك ما تضحكي على

قالت نور : اوعدك خلاص قولي

قالت اميرة وهي تلعب بالشرشف و منزله راسها و منحرجه و خايفة من الاجابه : ااا متى يعني .... كم يوم

قالت نور و هي تحاول تمسك نفسها لا تضحك على كلام اختها : ممكن تقولين جمله مفهومه

قالت بسرعة بعد ما غطت وجهها بالشرشف : كم يوم انتظرك خالد بعد الزواج

قالت نور وهي فاهمه عليها لان امها خبرتها بكل شي و وصتها بالاجوبه اللي تقولها : اسبوعين ليش تسالين

حبيبتي

نقزت من السرير وهي تقول بفرح : يعني انا يمكن ينتظرني شهر او شهرين على الاقل

قالت نور و هي ندمانه على كذبها على اختها و انها تخيلها بامل و بعدين ممكن تنصدم : انا ما ادري بس على

حسب شخصية زوجك

و كملت بمزح : يلا اللحين اخذتي الاجوبه الكافية و المفيدة و اللحين نروح نشتري المستلزمات .....

بس قاطعتها حركه اميرة اللي تسويها دايما لا جات بتروح للسوق او اي مكان مختلط

قالت اميرة و هي تغطي راسها بالشرشف : ابي انام تعرفيني ما احب اروح للسوق

خرجت نور بعد ما سمعت ردها و ما ترجاتها لانها تدري ان اميرة عنيده و مستحيل تغيررايها