رواية زوجتي الصغيرة رومنسيه خليجية الفصل الثاني وسبعون 72 - بقلم Shifaoman

بيت ابو فهد

كانت جالسه بغرفتها و فارس معاها

صارت ترتاح كثير معاه و تحب تجلس معاه

كان يحاول يضحكها عشان تخرج من اللي هي فيه

سمعوا طرق على الباب

نقلت نظرها من الباب لفارس بنظرات مستغربه لان فارس هو الوحيد الموجود بالبيت

فهد راح للملكه و فيصل تقريبا اغلب وقته و هو برا البيت و ابوهم مسافر

قال فارس : ادخل

طل من الباب و هو مبتسم :ممكن ادخل

قالت وعد لفارس بهمس و هي تحاول تمسك نفسها و ما تخاف منه: ابقى معي ما تخرج

هز راسه بالايجاب

جلس فيصل على الكنبه اللي موجوده بغرفتها و هو مبتسم لها

قال بحنان و هو يشوف معاها و حاس انها خايفة منه : وعوده

رفعت راسها و عيونها بالدموع : ...

قال و هو يشوف معاها و نادم على اللي سواه بس يبي يعودها عليه و ترجع مثل ما كانت : بكرا ما بنروح للمستشفى

قالت و هي تشوف مع فارس و خايفة من ردة فعله : بس ابي اروح مع فارس

قال بابتسامه و هو يخرج من الغرفة : خلاص يجي معانا فارس بس انا اللي اوديكم بس ترا اجلت الموعد للاسبوع الجاي

....

وصل لشقته يبي يجيب روابي لبيته

هو خبر ابوه و ابوه صحيح عصب و صرخ عليه بس في الاخير ما يقدر يسوي شي لان هيبه فيصل مفروضة على الكل

شاف روابي و هي تبدل ديكور الصاله و تبعد الكنبات عن اماكنها

قال ببرود و هو يجلس على الكنبه اللي كانت تبعدها عن مكانها : السلام عليكم

قالت و هي تحط يدها على خصرها و بعصبيه : لا و الله .... اقول استاذ فيصل ممكن تقوم لا تسوي نفسك مو داري اني ابعدها عن مكانها

قال و هو يحط رجل على رجل : ردي السلام اول

قالت و هي مكتفة يديها : و عليكم السلام

قام من الكنبه و قرب منها و هي ترجع على ورا

قال و هو مبتسم و يغمز لها : ابيك بالغرفة

قالت و هي تدفه : روح بس .....قال شنو قال ابيك بالغرفة

حاوطها على الجدارو هو حاط يديها بحيث ما تقدر تهرب منه

كان متوقع انها تخاف من المرة اللي فاتت بس لا خابت كل ظنونه لانها كل مرة و لسانها يزيد طوله

و قال و هو يهمس لها : لا تخليني اسوي شي انتي ما تبه ...

و غمز لها و هو يقول : مثل المرة اللي فاتت

انحنى و هو يطبع قبله على ثغرها

ضربته على صدره عشان تبعده عنها

رفع نفسه عنها و هو مازال محاوطها

قالت بقرف و هي تمسح شفايفها بعنف : الله يقرفك

قرب منها مرة ثانيه و هو ينحني عشان يقبلها مرة ثانيه و يقول لها : عيدي شنو قلتي

قا لت بسرعه : لا خلاص و الله ما اعيدها

بعد عنها و هو ماسك نفسه لا يضحك و قال : جهزي نفسك

قالت و هي فرحانه انها بتخرج من سجنها : وين بنروح

قال بهدوء و هو يجلس على الكنبه و يشغل التلفزيون : بنروح بيت ابوي

قالت و هي تجي قدامه و تقول و يدها على خصرها : لا و الله تبيني اروح بيت ابوك و انا ما جهزت نفسي

و اللحين بس تقولي

و تكمل و هي معوجه شفايفها بسخريه : بنروح بيت ابوي

وقف لها و بان فارق الطول اللي بينهم

خافت منه بس ما بينت

قال و هو يغمز لها : ترى انتي اللي تبين اعيد اللي بديته

قالت و هي مستغربه : شنو اللي بديته

قال و هي ينحني و يقرب من شفايفها اللي معوجتها : البوسه اللي قبل شوي ادري انها عجبتك

دفته و هي خايفة منه و لانه كان مو متوقع الحركه جلس على الكنبه و هو يضحك على ردة فعلها : ههههههههههههههه

قال و هو يشوفها معصبه : تراها بس بوسه

قالت و هر مكتفة يديها و رايحه لغرفتها : وسخ ...

انصدمت و هي تحس بيديه اللي على خصرها و راسه على جنب و هو يهمس باذنها : منو الوسخ

روابي بتموت خوف منه و بس ساكته و في نفسها : انا الحمارة اللي اطول لساني عليه

باس خدها و هو يقول : اللحين اوريك منو الوسخ

و سحبها معاه للغرفة

كانت تتلفت و هي تحاول تغير رايه : فيصل اتركني ....فيصل بعد

خلاص ما اعيدها

وقف و هو باقي مثبتها و ماسكها من خصرها : اخليك بشرط

قالت بسرعة : خلاص لك اللي تبي بس اتركني ... و اذا على العشا حاضرة اسويه لك اللحين المهم لا تسوي شي

قال و هو يلعب بحواجبه : لا لا حبي ما كنت اقصد كذا ترا اللي اقصده انك ....

واشر باصبعه على شفايفه

انصدم و هو يشوفها تلف له و تقول بهدوء : خلاص بس انت اتركني عشان اقدر اسوي اللي تبي

تركها و هو ينتظرها تقرب

بعد عنه و جرت ورا الكنبه و تحط يدها على خصرها و هي تقول : لا و الله .....

و اشرت بيدها من فوق لتحت و بغرور : انا روابي .... ابوسك انت

طير بس

قال و هو مقهور منها دايما تلعب عليه : هييييييي انتي تراك في شقتي لا تنسي و اذا ما مسكتك اليوم امسكك بكرا

قالت و هي تلعب بحواجبها : المهم انا سويت اللي ابي و هربت منك و اللحين اقدر اهرب من شقتك و اروح بيت عمي

قال و هو يهدي الوضع لان عن جد صارت حركاتها تنرفزه و لو ما مسك نفسه اللحين كان ممكن يضربها : خلاص
....

و اللحين تجهزين نفسك و تجين معاي لا و الله العظيم اسحبك من ملابسك لين اركبك السيارة

قالت و هي خايفة منه لانها تعرفه اذا حلف يسويها : خلاص باروح ...

و كملت و هي تبين انها تهدده : و مرة ثانيه لا تهددني

ابتسم بسخريه بعد ما راحت غرفته : ههه خوافه