رواية زوجتي الصغيرة رومنسيه خليجية الفصل الخامس وسبعون 75 - بقلم Shifaoman

نزلت للصاله و هي مبتسمه ابتسامه شاحبه بسبب تعبها و وجهها مبين عليه التعب : السلام عليكم

جلست بين اخوانها بعد ما سلمت عليهم

و اخوانها و تركي يحرجونها و يضحكون عشان يعدلوا من نفسيتها

و بعد مدة صارت هي الثانيه تحرجهم و تفكرهم باللي صار في طفولتهم

رغم انها كانت تحس بتعب بس بعد ما جلست معاهم تحس نفسيتها زينه

@@@@@@@@@@@@@@@@@@@@@@@@@@@@@@@@@@@@@

بيت ابو فهد

كانوا جالسين في الصاله مع وعد عشان يخرجوها من اللي هي فيه و فهد جالس يتكلم مع ريما

فارس و هو يقول بصراخ لفهد اللي يتكلم برومانسيه مع ريما : هييييييييي يالاخ شوي شوي على بنت عمي

و كمل و هو يشوف فهد ابدا مو معاه و وعد بس تضحك : يابنت عمي ادري انك كارهته و طفشانه منه و اذا تبين

اللحين اخلصك منه

لف عليه فهد اللي عصب : فارس بلاها هالحركات

فارس وهو يهمس لوعد اللي جالسه جنبه : شوفي و دققي مع وجهه بس يرد يتكلم معاها و تشوفين كيف يروق

مو كانه اللي شوي و يقتلني قبل شوي

...

لفوا كلهم على فيصل اللي دخل

و انصدموا و هم يشوفون حرمه وراه

قام فهد و هو يقول بجديه و شويه عصبيه : فيصل منو هاذي

فارس كان شاك انها زوجته لانه عنيد و يسوي اللي براسه

وعد كانت بس تتفرج عليهم

فيصل ببرود وهو يمسك كتافها : هذي زوجتي

فارس جلس ببرود و وعد كانت مصدومه

و فهد صحيح عصب بس ما عنده شي يسويه يعرف ان اخوه عنيد و الدليل انه ابوهم ما يقدر عليه و له هيبه عند الكل

رفع فهد التيليفون من جديد لاذنه و هو يكمل كلامه مع ريما

صعد الدرج و هو للحين ماسكها من كتوفها

وصلوا للجناح

و دخلوا

كان الجناح مرتب و صحيح انه كان باللون الابيض و الاسود بس بس كان انيق

بس اللي صدمها انه بس موجوده غرفة وحده

صحيح واسع و كانها صاله بس هي تبي غرفة لحالها

لفت له و هي رافعه حاجب من تحت النقاب و تقول : وين غرفتي

قرب منها و هي لا اراديا رجعت ورا

مد يده وهو ينزع لها النقام و يقول عشان ينرفزها : كذا احسن عشان اشوفك و انتي تتكلمي بعصبيه

و راح جلس على السري الكبير

و قال و هو يحط يده تحت ذقنه : يلا تكلمي اللحين

قالت بتهديد وهي ترجع النقاب : خلاص بروح انام في اي غرفة

و خرجت من الجناح

قام بسرعة وهو يمسكها من يدها : هيي انتي تراكي زودتيها

شنو تنامي باي غرفة .. ترا البيت فيه اخواني

حاولت تسحب يدها من يده و هي تقول : خلاص بنام مع البنت اللي شفتها تحت و ما اخرج من غرفتها

المهم اني ما انام معاك

قال و هو يسحبها بخفة للسرير و هي تحاول تهرب منه : خلاص ... كلمه وحده و تشوفين شنو اسوي فيك

سكتت و هي منقهرة منه

@@@@@@@@@@@@@@@@@@@@@@@@@@@@@@@@@@@@@

في الصباح

صحت و هي تشوف فيصل اللي نايم جنبها

نزلت من السرير و راحت تاخذ شاور

لبست ملابسها و خرجت من الغرفة

شافت مطبخ صغير بابه كان على جنب الغرفة

ما انتبهت له امس

دخلت المطبخ تبي تاكل شي لانها تحس نفسها جوعانه

جلست على الطاوله الصغيرة اللي كان معاه كرسيين

و اكلت الفطور اللي حضرته

انتبهت على باب كان مقابل لها

فتحت الباب بهدوء و تفاجاة و هي تشوف صاله كبيرة و انيقة

انقهرت و قالت من بين اسنانها : الحمار ... ما قالي انه فيه صاله كان نمت فيها

سمعت صوته من وراها و هو يحضنها : صباح الخير يا حمارتي

بعدت يديه عنها و هي تلف عليه و بعصبيه : بعد بس

قال و هو يضحك : هههههههه حمارتي معصبه

و كمل بجديه : ترا اليوم عرس ولد عمي ... جهزي نفسك لانك بتروحي للعرس

قالت و هي متكتفة و بعصبيه : لا و الله ..... انت تستهبل يا استاذ ولا شنو

تبيني اروح للعرس و ما في احد يعرفني

و حتى لو كانوا يعرفوني ليش ما قلت لي من قبل عشان اجهز نفسي و اشتري فستان مثل كل البنات

قال ببرود : مو انت مجهزه نفسك و عروس اكيد معاك على الاقل فستان

البسيه و اذا تبين فستان اللحين نخرج نشتري واحد

و اذا على خرابيط البنات بتروحي مع وعد لاننه حاجزين لها كوافيرة و راح اعطيها فلوس زياده عشان تسويلك

و اذا على انهم ما يعرفوك قولي انك صديقة وعد و لا صديقة العايله و خلاص

سكتت و هي مو عارفة شنو تقول كل اللي قالته لقى لها حل : ...

و تكلمت بعد مدة : خلاص انا عندي فستان

مسك يدها و هو يسحبها معاه و يقول : يلا البسي عبايتك باوديك عند وعد عشان تتعرفي عليها

...

بعد ما جلسوا مع بعض و تعرفوا على بعض

قالت وعد باحراج : ممكن اسالك سؤال و اذا ماتبين تجاوبي عادي

قالت روابي بابتسامه : اسالي

وعد : كيف تزوجتوا .. يعني كيف خطبك

قالت روابي بابتسامه : كنت اشتغل بشركته

وعد و هي تقول بقهر : ما ادري ليش ما سوى عرس ... من زمان و انا انتظر عرس واحد من اخواني

قالت روابي و هي تسال : انت بس البنت الوحيدة و لا عندك خواتك

وعد و هي تعدد على اصابعها : لا انا الوحيدة و فيه بابا و ماما ميته الله يرحمها و فهد و بعده فيصل و بعده

فارس و بعدين انا

روابي في نفسها : ما كنت ادري انه امه ميته و انا قبل ايام اتمسخر عليها

استغفر الله

قالت بهدوء : اها الله يرحم امك

قالت وعد و هي تحاول تمسك دموعها لذكرى امها : يلا اللحين نتجهز عشان العرس